Sumqayıt Bələdiyyəsi

Sumqayıt şəhərində yay mövsümündə çimərliklərin fəaliyyətinin təşkili ilə bağlı geniş tərkibli görüş keçirilib

Sumqayıtda 1 İyun – Uşaqların Beynəlxalq Müdafiəsi Günü münasibətilə tədbir keçirilib

Sumqayıt şəhərində 1 İyun – Uşaqların Beynəlxalq Müdafiəsi Günü münasibətilə bayram tədbir təşkil olunub. Sumqayıt Muğam Mərkəzində təşkil olunan təntənəli tədbirdə Sumqayıt Şəhər İcra Hakimiyyətinin başçısı Zakir Fərəcov, Sumqayıt Bələdiyyəsinin sədri, Abşeron-Xızı Regional Təhsil İdarəsinin rəhbərliyi, şəhər ictimaiyyətinin nümayəndələri, təhsil işçiləri, valideynlər və uşaqlar iştirak ediblər.

Tədbirdə çıxış edən Sumqayıt Şəhər İcra Hakimiyyətinin başçısı Zakir Fərəcov uşaqları bayram münasibətilə təbrik edərək bildirib ki, hər bir dövlətin və cəmiyyətin gələcəyi uşaqların sağlam, savadlı və vətənpərvər ruhda yetişməsindən asılıdır. Qeyd olunub ki, ölkəmizdə uşaqların hüquqlarının qorunması, onların hərtərəfli inkişafı, keyfiyyətli təhsil və sağlamlıq xidmətləri ilə təmin olunması dövlət siyasətinin prioritet istiqamətlərindən biridir. Vurğulanıb ki, Sumqayıtda da uşaqların rahat və təhlükəsiz mühitdə böyümələri, bilik və bacarıqlarını inkişaf etdirmələri üçün müasir məktəblər, uşaq bağçaları, idman və mədəniyyət müəssisələri fəaliyyət göstərir.

Çıxışlarda qeyd olunub ki, Prezident İlham Əliyevin rəhbərliyi ilə ölkədə həyata keçirilən uğurlu sosial siyasət nəticəsində uşaqların rifahının yüksəldilməsi istiqamətində mühüm addımlar atılır, onların istedadlarının üzə çıxarılması və inkişaf etdirilməsi üçün geniş imkanlar yaradılır.

Bayram proqramı uşaqların hazırladığı maraqlı konsert proqramı ilə davam edib. Məktəblilərin və məktəbəqədər təhsil müəssisələrinin balaca fidanlarının ifasında səsləndirilən mahnılar, milli və müasir rəqslər, bədii kompozisiyalar və vətənpərvərlik ruhunda hazırlanmış səhnəciklər tədbir iştirakçıları tərəfindən böyük maraqla qarşılanıb. Uşaqların çıxışları alqışlarla müşayiət olunub.

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.

1 İyun Uşaqların Beynəlxalq Müdafiəsi Günüdür!

Müqəddəs Qurban Bayramınız Mübarək!

Konsert boyunca yaşanan duyğular, musiqinin yaratdığı atmosfer və tamaşaçıların enerjisi kadrlara əks olundu. Konsertdən ən gözəl görüntüləri sizinlə paylaşırıq.

23 may Azərbaycan Ekologiya və Təbii Sərvətlər Nazirliyi işçilərinin peşə bayramı günüdür

30 May tarixində Sumqayıt Bulvar ərazisində yerləşən Muğam və Yaradıcılıq Mərkəzində uşaqlar üçün nəzərdə tutulmuş rəngarəng və əyləncəli səhnə əsəri - “Buratino” musiqili nağıl-tamaşası təqdim olunacaq.
Azərbaycan Dövlət Akademik Musiqili Teatrının peşəkar aktyorlarının təqdimatı ilə səhnələşdirilən tamaşa, klassik nağıl motivləri əsasında qurularaq dostluq, dürüstlük və xeyirxahlıq kimi dəyərləri tamaşaçılara aşılayır.
Biletləri əldə etməyə tələsin!
Qeyd: Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
📍 - Sumqayıt Bələdiyyəsinin Muğam və Yaradıcılıq Mərkəzi
📅 - 30.05.2026
⏱️ - 12:00 - 13:15 / 14:30 - 15:45
🎫 - 8 - 10 ₼