Bamology بەمۆناسی

باڵندەی (سیسارکی میسری ــ سیسارکە کەچەڵ) لە ناو لانەکەی، لەکاتی کڕکەوتن و پاراستنی هێلکەکانی، تا هەڵهێنان.
باڵندەی سیسارکی میسری لە جیهاندا مەترسی لەناوچوونی لەسەرە، جێگای خۆشحاڵییە سەرەڕای مەترسییەکانی لەناوچوونیان ئێمە توانیمان لە ناوچەکەمان (بناری بەمۆ) پرۆسەی زیادبوونیان تۆمار بکەین، ئەمەیش جێگای خۆشحاڵییە بۆمان.
The Egyptian Vulture protecting and incubating its eggs in the nest.
#سیسارکەکەچەڵ

دەنگی باڵندە لەناو سروشتدا...
The sound of birds in nature...
أصوات الطيور في الطبيعة...

................

ئێمەو باڵندەکان هەردووکمان، لەناو باوەشی پڕ لەسۆز، جوانی و شیرینی سروشتدا...

We and the birds, in the embrace of nature...

نحن والطيور، في أحضان الطبيعة...

#باڵندە #طائر #طیور

وانە پەروەردەییەکان...

ئەمە نموونەی ڕێزگرتن و تێگەیشتنە، لەگرنگی ڕووپۆشی سەوزای و ژینگەی وڵاتەکەیان...
لەناو دارستانێکی گەورەو چڕدا، ڕەشەبا ئەم نەمامە دار سنەوبەرەی خستووە، بەڵام ئەمان پێیان زانیوەو هاتوون بە ئەمشێوازەی، کە دەیبینن بە پەت بەستوویانەتەوە بە دوو داری گەورەتر لەخۆی و هاوسەنگیانکردووەو ڕاستیانکردووەتەوەو یارمەتییانداوە، بۆ ئەوەی لەناو نەچبێت و جارێکیتر ژیانیان پێبەخشیوەتەوە...
سەرەڕای ئەوەی، کە وڵاتانی ئەوروپا زۆر دەوڵەمەدن بەدارو دەوەن و ڕووپۆشی سەوزایی، بەڵام لای ئەمان وشکبوون و لەناوچوونی تەنها تاکە دارێکیش هەر کارەسات و مەترسیدارە، ئیتر با لەناو دارستانێکی سەدان هەزار داریشدابێت...

ڕاستە لای خۆیشمان لێرەو لەوێ، لە ئەمجۆرە خەمخۆری و تێگەیشتن و کارە جوانانە هەن، بەڵام لێرە زۆرینەیە🌳💚

#دار #دارستان #ژینگە



31-03-2026

Norway Northern Lights
چەند دیمەنێکی جوانی خۆرئاوابوون، لە شاخەکانی نەرویجەوە...

هەمیشە لەکاتی گەڕانەکانماندا، بە دارستان و شاخ و کێوەکاندا، کۆمەڵێک دیمەنی جوان دەبینین، کە جێگای سەرنج و تێڕامانن و پشوویەکیان لەپشتەوە دەدەین...

تێبینی/ دیمەنی خۆرئاوابوون، لە وڵاتی نەرویجدا، تایبەتمەندی خۆی هەیەو لایەنێکی گەشتیاری گرنگە، بۆ وڵاتەکە، ساڵانە لە وڵاتانی جیهانەوە، چەندین کەس سەردانی نەرویج دەکەن، بۆ بینینی ڕەنگە جوان و جیاوازەکانی کاتی خۆرئاوابوون و دوای خۆرئاوابوون.
بەتایبەتی لەبەشی باکوری وڵاتەکە، کە پێی دەوترێت:-
Aurora Borealis
یان
Norway Northern Lights

بەخۆشحاڵییەوە بەشداربووین لەم چالاکییە ژینگەییەدا، هەرەوەزی (زاگرۆسانە) هەم پەیامە هەم کردار ..

لە کاتێکدا زەوی بەهۆی دەستتێوەردانی مرۆڤ و
گۆڕانکارییە ژینگەییەکان بەرەو لاوازبوون دەچێت، چالاکییە ژینگەییەکان وەک چرایەکی هیوا لە تاریکیی داهاتوودا دەدرەوشێنەوە. چاندنی دەنکە بەڕوو تەنها چاندنی تۆوێک نییە، بەڵکوو نووسینی پەیامی ژیانە بۆ سروشت و نوێکردنەوەی پەیوەندی خۆشەویستی مرۆڤ و زەوییە.

دارستانە سروشتییەکانی زنجیرە چیای زاگرۆس، بیرگەی مێژوو و ژیانن، شوێنی هەناسەی ئاژەڵانن، هێزی ئاووهەوا و پەناگەی هەڵگری ژیانن بۆ گەلی کوردستان. بوژانەوەی ئەم دارستانانە، بوژانەوەی باوەڕەکانمانە بە داهاتوویەکی سەوز و پاک و ئارام.

ئێمە بەشداربووین لەم چالاکییە ژینگەییەدا، وەک ئەوەی بەردێکمان خستبێتە بنچینەی داهاتووی منداڵەکانمان. هەر دارێکی نوێ، هەر گۆڵێکی سەوز، بەڵگەیە لەوەی، کە هێشتا هیوا هەیە و مرۆڤ دەتوانێت هاوبەشێکی باش بێت بۆ سروشت، نەک دوژمنیبێت.

ئێمە ئەم چالاکییە ژینگەییە دەکەین بۆ ئەوەی وتەکانمان بگۆڕین بە کردار. چونکە پاراستنی سروشت قسە نییە، بەڵکو بەرپرسیارێتییە. بەرپرسیارێتییە بەرامبەر زاگرۆس، بەرامبەر دارستانەکان، و بەرامبەر منداڵەکانی ئەم خاکە، بەرامبەر بە کێوییەکانمان.

بوژانەوەی دارستانە سروشتییەکانی زاگرۆس، بوژانەوەی ژیانە لە نێوان مرۆڤ و سروشت، ئەمە بانگەوازێکە بۆ ئەوەی مرۆڤ دووبارە فێربێت گوێ لە خاک بگرێت، لەگەڵ دار قسە بکات، ڕۆحی لەگەڵ با بفڕێت، بە ئارامی و بە هیوایەکی پاک، داهاتووی خۆی بنووسێت.

پەشیمان بوونەوەیەکی گرنگ و جوان:-

پەشیمان بوونەوەو بەخۆداچوونەوەی ڕاوچییەکی ناوچەی پشدەر، لەئارەزووی ڕاوکردن و وازهێنانی لە ئەو کارە ناپەسەندە...
تەنانەت نەک هەر تەنها کەوەکانی ئازادکرد، بەڵکو تاپڕو قەفەسەکانیشی شکاند...
بۆ ئەوەی جارێکیتر ڕوو لەشاخەکان نەکاتەوە، بۆ ئەو مەبەستە.
ئەوەتا ئەمیش کوشتنی کەوێک، کە ساڵانێک پێش ئێستا کوشتوویەتی، بەڵام دوای کوشتنی بۆی دەرکەوتووە، کە بەچکەی هەبووە، ئیتر ئەو ڕووداوە هەمیشە لەبیرو مێشکی ئەم پیاوەدا ماوەتەوەو ڕۆژانە بیری لە ئەو تاوانەی خۆیکردووەتەوە، هەتاوەکوو بوو بە هۆکاری وازهێنانی، لەڕاوکردن...
بێگومان ئازاری ویژدان، هەرچەندە بەنهێنیش بیهێڵیتەوە، بەڵام وردە وردە هەر ناخت دەخوات و ڕۆژێک دەتگەیەنێتە پەشیمانی، وە خۆشبەختی، بۆ هەر مرۆڤێک، کە لەکاتی خۆیدا پەشیمان ببێتەوە، لەکارە خراپەکانی و خۆی لەکەسێکی خراپ و زیانبەخشەوە بگۆڕێت بۆ کەسێکی باش و سوود بەخش...

No to hunting Yes to stop hunting...

#ڕاو #ڕاوچی #ڕاوچییەکان #ڕاوچیەکان #کەو #ڕاوەکەو #کەوباڕ #شەڕەکەو

بەمۆناسی Bamology

وتارێکی زۆر جوان و گرنگی بەڕێز: مامۆستا(عباس ساڵەح)، دەربارەی حەرامی ڕاوکردن و گوناحباری ڕاوچی، لەڕووی ئاینی پیرۆزی ئیسلامەوە...

ئومێدەوارین هەر ڕاوچییەک، کە گوێبیستی ئەم وتارەبوو، بەخۆیدا بچێتەوەو واز لەڕاوکردن بهێنێت، نەک بیانوو بۆ خۆی بدۆزێتەوەو خۆی هەڵبخەڵەتێنێت و بەردەوامی بە کاری ڕاوکردن بدات، کە ئارەزوویەکی ناسەردەمی و نایاسایی و نا شەرعی و ناکۆمەڵایەتیشە، لە ئەمڕۆدا...

No to hunting Yes to stop hunting...

#ڕاو #ڕاوکردن #ڕاوچی #ڕاوچییەکان #کەڵەهەرز #شکار #شکارچی #صیاد