Ain sefra shopping

آخر ما وصلت إليه التكنولوجيا في عالم الرقية 😡 شومبوان و جال دوش مرقية !!! المتاجرة بالدين لا حول ولا قوة الا بالله .
والسيد داير وجهه في لومبالاج بلا حشمة 🫩

منقول عن صفحة الحاج ديدي
تم سرقة كوابل الأنترنت حي مولاي الهاشمي
ايوا هذا شعب ويستاهل التطور مليح ليهم غير التخلف
نعيد ونكرر على السلطات المعنية الضرب بيد من حديد الأشخاص الذين يسعون الى تخريب هذه المدينة وعلى كل فاعل ان ينال العقاب وعلى السكان التحلي بروح المسؤولية و التبليغ عن اي حركة مشبوهة

بيناتنا الترفس صح مليح وكامل نبغوا نجربو ذوق تاعه
بصح مافهمتش حاجة علاش لزم تشريه كي سعر تاعه ولا غالي
مراهش حاجة ضرورية قادر ماتشريهش وتكمل تعيش حياتك نورمال كم هو كما كاين بزاف حوايج تقدر تقيس عليهم
وتزيد تلقى الشعب يشكي من ارتفاع الأسعار
لزم الشعب يفهم بلي هو سباب هذا الإرتفاع
بضاعة ماشي ضرورية ماتشريهاش وفرات
عطونا رأيكم في الموضوع

السلام عليكم سكان العين الصفراء
لمن يريد ان يصبح ادمين في الصفحة مرحبا بالجميع
حاليا نحتاج الى ناشطين من مختلف احياء المدينة لتغطية المشاكل الموجودة في احيائهم

#النعامة
#الجزائر

(من رسائل الخاص )
نقطة سوداء
اولد عمي كل مانروح على هذ الطريق نلقا هذ المزبلة
ماشي دايم المشكل من الدولة مرات الشعب هو لي يخلق الأزمة
علاش ما تتنقوش وكل واحد يهز وسخه قدام داره
عيب عليكم والله - المكان حي مولاي الهاشم شارع سيدي بلال
اطلق مايباتش

#النعامة
#الجزائر

عار لبلاد على ماليها
اليوم حي وسط المدينة وغدوة كاسطور ومنغد بلقرع وهيا ماشيا
هذي صور من مظاهرات حي وسط المدينة بسبب تماطل المسؤول عن انجاز المشاريع اللي تخص تهيئة الحي بشكل عام و الواد بالخصوص الحضور كان لفئة قليلة وأغلبهم كبار
يترا هل عين الصفراء نتاعهم وحدهم ياترا هل هذا الحي راح يورتوه على الدولة ياك الحية يمشي في الفقير والغني الكبير والصغير وجميعهم من ابناء المدينة وكي يتصنع الحي يعني راح يتصنع جزء من لبلاد و نفس الشي اي حي يحتاج تهيئة لزم حنا سكان المدينة نوقفوا عليه مشي ابناء الحي فقط هذي بلادنا وربي يهدينا جميعا ويهدي هذ المسؤولين لي مراهمش يحسبو لأخرتهم

من مشهور الأقوال المأثورة، عن أمير المؤمنين عمر بن الخطاب رضي الله عنه ، أنه قال:

" لو عثرت بغلة في العراق ، لسألني الله – أو قال: لخفت أن يسألني الله - عنها : لِمَ لَمْ تصلح لها الطريق يا عمر " ؟!



Wilaya de Naama ولاية النعامة
عبد المجيد تبون - Abdelmadjid Tebboune