قصص حقيقية رائعة Wonderful true stories

طاغي هذاك لي فوت معاه قےاع الےعام الدراسي قوله غادي نتوحےشک

بعد ثلاث ايام وانتهاء فترة تواجد داليا بمشفى خاص...ورجوعها لعند جميلة ....

دكتور ايهاب :- عم فكر رجع البنت للمشفى الخاص واتكفل انا بتكاليف علاجا..

غدير :- ياريت يادكتور لان قدرنا نتحكم بتصرفات كتير عم تعملا يعني شد الشعر قل صار وقتها مو فارغ صارت تتجاوب معنا..

دكتور ايهاب :- هالشي مابنحسن عليه الا بموافقة اهلا للطفلة ..

غدير :- طيب اهلا شلون نحصل عليهن..

دكتور ايهاب :- بس لتجي هلاء المديرة جميلة وانشوف شو بيطلع معها..

جميلة :- اتاخرت عليكم...

دكتور ايهاب :- ممم ولايهمك..شغلك اهم..

جميلة :- اها شو جديد اكيد خلصت انسه غدير عنا..

دكتور ايهاب :- لا بعدها عندها ايام اكثر بس رح انقلها مع داليا على المشفى التخصصي ..

جميلة :-داليا ..

دكتور ايهاب:- اي طبعا داليا..

جميلة :-بس هالشي مرفوض ومابصير ..وماحد بحسن يقبلو واهلها هني يلي واجدوها هون ..

دكتور ايهاب :- بس هي ماعندا اهل.

جميلة :- اها مو هيك بس البنت اجى قرار تبقا عنا هون ومافيها تروح لاي مكان لو سمحتن البنت هون راحة لالها اكثر..

دكتور ايهاب :- ممكن تعطيني ملف البنت لو سمحتي

جميلة :-بس الملف بين ايديك..

دكتور ايهاب :- مدام جميلة انا ماني طفل انا دكتور علم نفس هاد الملف مغلوظ وكلو اخطاء ومانو مركب على بعض وباين حديث الطبع والنسخ لو سمحتي اعطيني ملف البنت الحقيقي بكافة الاوراق دون نقصان..

جميلة :- بس هالشي مرفوض دكتور ايهاب وانا هون المديرة المسئولة على سرية معلومات المريض وبرفض رفضا قاطع تطلع او تسرب اي معلومة بدون قرار واضح من مكتب الرعاية العليا.

دكتور ايهاب :- اي مو غلط اتفضلي هاد قرار من مكتب الرعاية العليا اظن هلاء مافي اي اشكالية على نقل الطفلة ممكن تعطينا الملف لو سمحتي..

جميلة :- اها هيك لكان اي ماشي بس الملف هلاء مانو متواجد بكرة الصبح فيك تستلموا..

دكتور ايهاب :- اها يعني بدك تخلينا ننطر .

جميلة :- طبعا مافي مريض بنقدر ننقلو بدون ملفوا..

دكتور ايهاب :- اي مو مشكلة ...

غدير :-شو دكتور..

دكتور ايهاب :- مافينا ننقل داليا بدون ملفها لازم ننقل حالتها والتشخيص الصحي معها والاسباب ..والتقرير التابع..

غدير :- يعني اليوم مافينا ناخدها..

دكتور ايهاب :- لا صعب بكرة الصبح..الست جميلة رح تسلمنا اياه ..

جميلة :- انسه غدير صارت 7 المسا خلص دوامك عزيزتي..

غدير :- اها ماشي .. عن اذنك

دكتور ايهاب :- عم تلعب كتير جميلة مابعرف شو مخبية ..

غدير :-حتى انا عندي احساس مخبية شي كبير كتير..

دكتور ايهاب :- مممم الله يستر ان شاء الله بنطلع من هون بدون مشاكل..

.

ارجعت على بيتي وانا عم فكر بحال البنت داليا وشو يلي وصلها لهاي المرحلة معقول احسن اعرف قصتها بالملف يلي بكرة رح شوفوا او اعرف اي شي عن امها وابوها ..كثير اسألة كنت ناطرة اجابتها الصبح..

امي :- غدير امي تلفونك عم يرن فيق بيك من النوم..

غدير :- اها امي اسفي ما انتبهت..

هبة عم تتصل فيني بس مايكون صار شي ..الووو

#هبة :- غدير اسفي اذا عم اتصل عليكي هلاء بس انا عندي شي مابتخبى..

غدير :- قولي هبة شو في قلقتيني..

هبة :- انا خليت ابي يسأل الجيران يلي فاتو البيت ليشوفوا جثة سناء..بقولوا انو ماكان في جثة لطفلة وهاد يلي اكدلنا كذبة جابر شي تاني في واحد بقول لابي انها مرت جابر ماكانت جثة شافها عم تتنفس ..

غدير :- وضحيلي هبة شو يعني ممكن امها ماتكون ماتت.

هبة :- احتمال كبير من الناس اتجمعت هو شايف جسمها عم يتحرك وتتنفس بس جابر حاول انكار هالشي ..وبعدها اختفت سيرتهن كلن حتى جابر.. وماحد عرف اذا ماتت او عايشة ..

غدير :- طيب اكيد مادامن نقلوها عن طريق سيارة اسعاف يكون في اسم لالها بشي مشفى..اقفلي من عندك...رح اعمل اتصال ثاني...

زيد :- مرحبا مين معي..

غدير :- استاذ زيد انا غدير المعالجة النفسية فيك تحصلي على ملف بالمستشفيات باسم سناء امها لداليا..

زيد :- رح احاول بس لانها صرلا مدة طويلة بس ماعندي مشكلة ..

...

مرقت الساعات الاولى حاولت اتواصل مع دكتور ايهاب ما حسنت ماعرفت شو يلي خلاني ما احسن نام شي قلق تفكيري و شد اعصابي عم اشعر انو الساعة عم تمرق بصعوبة وببطئ شديد .. كاسات القهوة الفارغة ع مكتبي لاتعد ناطر هالصبح لاخد الملف واخد الطفلة واعرف شو قصتها لاحسن عالجها..وحان وقت ساعة الشغل..

دكتور ايهاب :- صباح الخير بنتي اي انا على الطريق ..بعتذر امبارح كنت تعبان ماحسن رد..

غدير :-ولا يهمك دكتور انا رح وصل المشفى..

دكتور ايهاب :- وانا كذالك دقيقتين وبصل..

وجدتها مقتوله
Daoud sbartai

ممر طويل وابواب لغرف على كلا الجنبين ..وكل غرفة عليها رقم بخانة المئة..والغرفة مقفلة من الخارج بقفل حديد . جوا الغرف في حكايات انخلقت مع اصحابا..وفي حكايات حتى اصحابها خايفين منا ..بس ب هالغرف المقفلة الاشخاص يلي لابسين ابيض هني يلي بقدرو يفوتوها ..طبعا مو ملائكة رحمة مثل ما اتخيل لالكن. يلي لابسين ابيض هون هني ناس اجسادهم ضخمة وطويلة ودائما عبوسين وغاضبين وكأنها الحياة تلفت على ملامح وجهن.. باخر هالممر المعتم في غرفة عم يشع منها نور وبقولوا هاي غرفة المديرة العامة جميلة ..كل خطوة عم اخطيها لهاديك الغرفة عم مر جنب صرخات مكتومة وحركات عشوائية فيها وجع وعبارات مو مفهومة...مين يلي هون وانا مين وشو جابني لهيك مكان...هو مافي غيرا الدراسة لازم خلص بحث التخرج تبعي لازم انهيه ..لازم اخد شهادتي واقول لابي يالا ليكني خلصت وافق على الشخص يلي بحبو ومن سنين متقدملي..وحاجتي تاأخير... اخدت ملفي من الشنتة وكملت خطواتي لهاديك الغرفة كانت شبه مزحومة مكتب صغيرة واضاءة صارخة وخزائن ملفات على كلا الجنين ...حاولت ارفع قوامي لفوق لاحسن شوف مين الشخص يلي قاعد ورا شاشة هالكمبيوتر الضخمة القديمة...

..
مرحبا انا الانسة غدير فيني فوت ...

كنت عم احكي بس مافي اي رد ارجعت كررت كلامي وترحيبي..

مرحبا انا الانسة غدير ..عمري 23 سنة معي اورق من الجامعة لاحسن انهي بحثي التخرج في علم النفس..وانا دكتوري الجامعي الدكتور ايهاب حولني لهاي المشفى لاحسن اعمل دراسة واستبيان على بعض الحالات يلي هون ..

نفس النتيجة بدون رد..قربت لعند المكتب وكانت يلي جالسة عجوزة اول ما اخدني في شكلا شعرها الابيض يلي مدموج بالاسود الباهت ..واظافرها الطويلة يلي ملونة بالاسود..والشامة الضخمة يلي جنب انفها وكاسيها الشعر ..اخدت حدسي وعقلي الباطني لطفولتي واتذكرت الساحرة الشريرة في فيلم الهيلوين..نفس الملامح نفس النظرات ونفس اللباس الاسود..اخدت تتمعن فيني مع حركة رفع طرف الشفة وطقطقة اصابع ..وسرعة غضب شديدة اتراجعت لعند الباب وكانت اول لحظات الخوف بهاد المكان ....

..انت قد المكان هاد لتفوتي فيه ...

غدير :- انا بس جاي اعمل بحثي التخرج ..

...ومش لاقيه غير هالمكان تعملي بحث فيه انتي جنيتي على نفسك..شايفة شي ست عم تشتغل هون ..

غدير :- ممم في ست فتحت لالي البوابة..

..مدام عطيات ...

غدير :- مابعرفها بس كانت معها مريضة هاي الورق من الدكتور ايهاب وقلي اعطيهن للست جميلة ...

..هاتي انا الست جميلة..اذا انتي قد كلمتك خلصي فترة التدريب هون وخدي بحثك كامل..

غدير :- اي حاضر ..

جميلة :- تعي معي لاشوف اخر هالقصص الملا طعمي عم يبعتو لالي بنات على مكان مثل هيك شوفي ..هاي الغرفة لاتفتحيها ولا تصلي لعندا اكتبي عندك غرفة 123 ..وهاي الغرفة اذا حاولتي تسمعي شو جواتها يعني انتي ويلي جوا رح تكونوا شي يوم سوا...وهاي الغرفة كمان ..اذا جربتي تحكي مع يلي هون رح تكوني انتي الرابعة..سجلتي ارقامهن..

غدير :- اي اي..

جميلة :- الست عطيات هي المسئولة عن التنظيف فقط ..يعني صما بكما عميا مارح تفيدك بشي..

غدير :- حاضر..

جميلة :- شغلنا ببلش من الساعة 7 الصبح حتى الساعة 7 المسا وبعدها المرضى بفوتوا غرفهن ..

غدير :- تمام..

جميلة:- ملفات المرضى بمكتبي فيكي تطلعي عليه..ست عطيات انا رايحة اشوف المكتب الاعلى وجهيها على شغلا..

غدير :- مرحبا..

عطيات :-.....

جميلة :- قلتلك صما بكما الحقيها ..



((رجعتني على المكتب واشارت لالي باصبعتا على الملفات وقفلت الباب عليه ..قربت لعند الملفات كانت مقسمة حسب الاعمار ..

((من 6 _ 18 سنة..

18_30 سنة

وهكذا..استغربت معقول في اطفال يكون عندهن مشاكل نفسية كمشت الملف كان فارغ وكل الاوراق فارغة ..بس بمنتصف الملف كانت في ورقة مطوية بطريقة غريبة فتحتا ..كان على ظهرا مكتوب رقم 123 ..اخدني الفضول اكثر نفس رقم الغرفة يلي طلبت مني ما اقرب جنبو.. كمشت الورقة..

جميلة : - قلتلك هاد الملف لاء خلصت ساعات تدريبك الله معك..

غدير :- بس بعدو النهار بأولو..

جميلة :- اي اليوم تعارف..الله معك..

(( اخدت شنتايتي وانا عم التفت للغرفة 123 ..وكملت مشواري لوصلت الباب فتحت ايدي كانت الورقة بعدها معي وعرق ايدي مغطيها .. ادرت ظهري للمكان كانت جميلة واقفة على الشباك عم تزاورني بعيونا حاولت بعد عن الباب واختفي بين الشجر لتتأكد اني رحت ..وبعدها شفتا وصلت الباب الخارجي وقفلتو بايدها مثل يلي ارتاحت انها اتخلصت مني ارجعت على البيت وقفلت على حالي غرفتي ..واتذكرت الورقة اي الورقة ... ياربي شبه فارغة ..مافيها الا كم كلمة..
داليا العمر 11 سنة مريضة من الدرجة الثانية . وتوقيع شبه مانو مفهوم بس جرف الجيم واضح فيه ..بس هيك معقول يلي بالغرفة هي هاي الطفلة طيب شو قصتها وليش عم اتاكد عليه جميلة ما افتح غرفتها ..نطرت اليوم الثاني على احر من الجمر ..

الجزء الثاني..

#جميلة :- بعدها الساعة 6 ونص جاية بكير..

#غدير :- اي الباص اليوم ما اتاخر اي بتحبي بضل برا بالساحة..

#جميلة :- اي بكون افضل ..

(( ارجعت تاني لعند باب المشفى لانطر لتصير 7 ..وانا عم شوفها وهي عم تراقبني من شباك غرفتها جميلة قصتها مانها سهلة وتصرفها معي مخيف ..توترها بوجودي وانزعاجها مانو من فراغ ..

#جميلة :- فوتي لهون ...

#غدير :- تسلمي..

#جميلة :- عملك اليوم مع المريضة رقم 70 ..صابرين عمرها 43 سنة فقدت عقلها من ماتو اطفالا بالحرب حاولي تهتمي بالدمى يلي هي عاملتن مثل اطفالها واعتني فيهن لاتخطئ بشي تندمي عليه ..

#غدير :- حاضر..

#جميلة :- اليوم بتخلصي امورك مع المريضة من باب غرفتها لباب المشفي الخارجي ..

#غدير : -افهمت عليكي ولا يهمك..

((دخلت لعند صابرين يلي كانت عم تلعب بالدمى يلي بالارض ..

#صابرين :- هششش نايمين لاتفيقيهن..

غدير :-صباح الخير..

#صابرين :- ام سامر لاعاد تجي على بكير تعي بعد ثلاث ساعات بنشرب قهوتنا..

غدير :- ام سامر ..اها اوك خلص خلينا هالمرة اخر مرة ..اولادك نايمين..

#صابرين :- اي اي شوفي محلاهن وهني نايمين ملائكة يؤبروا قلبي ..

غدير :- الله يخليهن لالك ..

#صابرين :- اهاا ليكو فاق عبودي ماما حبيبي صباحو وين بوستها لماما جوعان بدك حليب اي اي بعرف بتحبو مع عسل لك عيوني لالك يالا فيق خواتك...

غدير :- اجهز انا عنك الفطار..

#صابرين :- لا لا ابني نعسان بعدو مابدو يفطر ماهيك عبدو تعا نام جنبي تعا ..يالا اتنام يالاتنام واطير رفوف الحمام يالا تنام يالا تنام..سامعة صوت القصف..اتخبى امي حبيبي اتخبى ..استنى جيب خواتك هششش مالازم نحكي ..

غدير :- رح صووت القصف..

صابرين :- هششش لاتحكي بعدو موجود نامي نامي..

((بقيت عم مثل معها دور رفيقتها قصتها كانت واضحة ومعاناتها كانت كبيرة حاولت كتير اجاري الموقف معها لوقت ماغفيت ونامت وانا جنبا ..والغرفة 123 ماغابت عن تفكيري ..مشيت بخطوات خفيفة لوصلت لهاديك الغرفة هدوووووء تام كأنها خاليه لا حركة ولا صوووت ...ومقفلة بإحكام الفضول كان عم يجبرني روح ابحث عن المفتاح واجي افتحها مين هون ولمين هالغرفة وشو قصتها ومين داليا ..وصلت للمكتب يلي كانت بابو كمان مقفول بعدين مع هالابواب المقفلة باخر الممر صوت عطيات كانت عم تمشي ..ومن شفتا ركضت لاتخبى ورا الطاولة يلي مقابيل غرفة 123..قربت عطيات وفتحت الغرفة رفعت راسي لفوق لاشوف شو فيها .بس هي شعرت بوجودي ورجعت قفلت الغرفة وراحت مالحقت شوف شي...وباخر النهار اجت جميلة ...

جميلة :- هاد اخر تهديد و تحذير لالك بعدي عن هاي الغرفة..

وانا كل ما زادت التحذيرات كل ما زاد فضولي.... بالساعة السابعة بلغت اهلي اني ماني راجعة بكير شغلي لل 10 ..ومثل العادة كانت جميلة عم تراقبني لاوصل لعند الباب واروح وعملت كل يلي بدا اياه وهي عم تراقبني من شباكها ومن شفتا اختفت.. ارجعت فتت واختفيت بين الغرفة يلي باخر المشفى..ودقيقتين بالزبط كانت جميلة عم تقفل الباب باحكام من بعدي بعد ما اتاكدت من خروجي نهائيا ...بقيت بمكاني وانا ماكنت بعرف شو اعمل ارجع فوت للمشفى ولا ضلي بمكاني بعد ساعة كاملة شفتا لجميلة عم تغادر المشفى ومعها الملفات يلي كانت مقابيل عيوني .. وهيك محاولتي يأست بإني لاقي شي معلومة ..ودقايق وكانت عطيات عم تفوت بالبناية الثانية وكانت فرصة لارجع لهاديك الغرفة . وقبلت من متدربة نفسية لمحققة ..وصلت للممر ..الهدوء القاتل بالمكان وعرباية فيها سلة حقن مستخدمة .. وكان المكتب مفتوح من اسمعت صوت عطيات بالممر قضيت هاديك اللحظات وانا عم اتخبى من مكان لمكان ..اخدت العرباية وعلقت شكلة المفاتيح تحت جاكيت جميلة المهتري وكانت فرصتي الوحيدة لاقدر اخد المفتاح واعرف شو بهاديك الغرفة دقت ساعة 12 ..والهدوء القاتل ملا المكان....شغلت اضاءة موبايلي واخدت المفاتيح يلي كانت كلا ارقام وبالعشرات ومو شكلة او اثنين لا هاي في غرف عددهن لل 300 غرفة ..بحثت بين المفاتيح عن الرقم 123 ..اي لقيتو قدام عيوني ..مانطرت ما اخدت اي نفس كان الفضول قاتلني ..طقت اول طقة بالباب ..والثانية وانفتح الباب بهدووء سرير ودمية صغيرة بالارض وغرفة فارغة مافيها حد..لا لا فيها .. في جسم صغير عم يتحرك جنب السرير لا بس بيتنفس ..ياربي ..مرحباا مرحباا ..ماكان في رد شعرت انو الجميع هون مابيعرف كلمة مرحبا..بس قربت لعندا كانت شبه نايمة او فايقة وعم تقاوم النوم وماعم تقاومني كمان..بنت صغيرة وجها كلو جروح ايديها من ربط الحبل لونهن ازرق شعرا في فراغات صلع كبيرة ..هزيلة كثير ..جسما بارد..شكلا بيوحي انها عم تتعذب كل يوم.. دخيلك انتي مين شو قصتك شو عم يصير معك..ماكانت قدراني تحكي الخدران مالي جسما مدت ايدى لعندي..ويلي كل يلي قدرت اعملو احملتا لعند السرير ..غطيتا وقعدت جنبا..

غدير :- لاتخافي انا هون كرمال ساعدك بس انتي ساعديني انا بعرف انك منيحة ومافيكي شي ...

الجزء الثالث..

((عم احكيها عم حاول خليها تتجاوب معي مرقت الساعات الاولى ..لوقت صارت الساعة 4 ..وبلشت الحركة تزيد بالغرف والصراخ عم يزيد والجنون عم يزيد ويزيد وانا ماعدت استوعب شو في وليش كميه هالصراخ الابواب كأنها قبور وقامت لقيامتها ..الضرب على الحيطان..واسماء عم اسمعها وماعم افهمها والبنت صارت تسكر دنيها وتشد عليهن.... الهزات بجسمها عم تزيد فيلم رعب عم شوف قدامي ..شو صار دخيلك شووو صار شوووفي ...حد يفهمني ياربي يارب..كنت على حافة جنون مثلن ...زادت تشنجات الطفلة ومدت ايديها لشعرا وبلشت تشد فيهن وتضحك الجنون كان واضح عليها ...مدت ايدا باتجاه الشباك بعدها لعند الباب وتقلي ليكن ليكن وانا على اشارة ايدا عم حاول اعرف مع مين عم تحكي مين هني قليلي ...

..ليكي رح يقتلوني ساعديني ساعديني ...

غدير :- قليلي اذا فيني ساعدك والله لاعمل مين هني..

.

اشتغلت الاضاءات بكل الغرف والممر وانا ماكان فيني الا اقفل الغرفة واطلع منا ورجع المفاتيح مكانن كانت عطيات عم ادق على الطبل بطريقة مزعجة والاصوات وقتا اختفت والغرف ماعاد يطلع منها اصوات ...
..

ساعات هدوء من جديد .. وقفت على شباك غرفة جميلة كان شباك غريب فيها تشوف كل شي حتى يلي بين الشجر معقول كانت تشوفني وتعمل حالا ماشايفتني ..هاد الشباك عم يطلع على كل الغرف والشارع ..لاحظت وجود سيارة ابي ..اطلعت من الغرفة لاركضت لعند الباب المقفول لاحسن طمن ابي اني انا بخير بس عندي شغل وموبايلي ماعدت احسن اشحنو ..بعد ما ابي غادر بدقايق كانت جميلة عم تمرق للبناية ...وكالعادة استغليت هاداك اليوم باجازة مرضية كنت محتاجة لساعات راحة بعد يوم العناء الطويل وقتها خبرت اهلي انو شغلي صار ليلي هالفترة ..وبساعة مغادرة جميلة اتسللت للمشفى لاني حفظت مواعيد غيابهن ..وخروجهن وهيك كانت مطمئنة بعد وجودي هالفترة ...فتت على المكتب وبلشت دور بين الملفات ماكان في شي ..المعلومات اختفت والملفات يلي كانت تغيرت وصار مكانا ملفات مانا بتواريخ قديمة..ماكان فيني احسن احصل على ايه معلومة ..بس بالدرج كان في ورق باسماء النزلاء بالمشفى وتاريخ ميلادهن ووصلت للاسم داليا صافين مواليد شهر 4__2 _2006 ..

بابا :- هاد التدريب ماعاجبني بتقضيه صرتي بالليل..

غدير :- هانت بابا مابقي شي رح اخلص ...

بابا :- شوفي وجهك من الارهاق شلون صار..

غدير :- معلش بابا..بدي اسئلك في عنا بالمنطقة ناس من دار صافين..

بابا :- اي هاي عيلة كبيرة عند الجامع الكبير..

غدير :- يعني بتعرفهن

بابا :- مو كثير ناس مابحبو يختلطو الا مع بعضن..ليش عم تسألي..

غدير : - لا مافي شي بس سؤال..

((رحلتي تاني يوم كانت عن هاي العيلة ..وصلت للجامع الكبير كانت البيوت مرصوصين جنب بعضا وكلهن نفس اسم العيلة..وعم اتفقد بالبيوت كان على الجدار موجود صورة بس من المطر والشمس باهتة..

__ الفقيدة الطفلة دالي......

((ماكان واضح شي بس صورة لطفلة واسم نصفو موجود ...

غدير :- عمو مرحبا انا باحثة اجتماعية بالمنطقة ولفت انتباهي هاي الصورة لمين وشو قصتها..

.بنتي انا هلاء رايح على الصلاة فوتي مرتي وبنتي بساعدوكي..

(دقيت الباب وكان استقبال غريب من زوجة الرجال سالتني ..

.ها يختي شو بدك ..

غدير :- انا باجثة اجتماعية..

.اها انتو يلي بتساعدو الناس الفقرا فوتي فوتي ..والله مثل ما انتي شايفة الوضع عنا تعبان دخيلك شوفوا لالنا شغل لجوزي والله احترانا وماعم يلاقي شغل..

غدير :- خالتو انا حالة اجتماعية مو للشغل بس اذا الله قدرني بساعدك بدي اسال شو بتعرفي عن داليا صافين ..

..داليا صافين لك هاي يا هبة مو البنت اللي قتلت اما..جارتنا سناء

هبة :- اي امي شو مالا شو في ..

غدير :- حابة اعرف قصة البنت بطريقة مهمة لاقدر ساعدها..

هبة :- اتساعديها شلون ماهي ماتت..

غدير :- ماتت..

هبة :- لك عمرك شفتي بنت بتقتل امها وامها بتقتلها..

غدير :- شو مافهمت..

هبة :- هاي قصتها صارت والكل بيعرفها ..من شي سنتين ..

غدير :- حابة اعرف قصتها لان بحثها معي وبتمنى ماتقصري..

هبة :-طيب تكرمي ..هاي كانت عيلة عايشيين على اول البيت يلي بالشارع هاد المهجور يلي كلو شجر..والعالم بتكب فيه اكياس زبالة هاي امها كانت رفيقتنا تجي لعنا دايما ست ادمية وحبابة الله يرحمها ..زوجها بشقى وبتعب بالبحر وبغيب ايام ..وكانت هاي داليا بنتهن الوحيدة مابعرف شو يلي خلا طفلة تقتل امها ولا بالتاريخ بتصير ومافي عقل يسدق ويستوعب هيك مصيبة ..

غدير :- بتعرفي القصة كلا

هبة :- اي الام كانت على طول عنا ودائما تجيب بنتا داليا ..سناء بنت شقيانة وبنت خير مابعرف شو يلي صار معهن.. قبل شي سنتين ..كانت تجي تشكي لامي عن حالها وحال بيتها وبنتها

سناء :- خالتو والله تعبت هو بغيب بالاسابيع وبتركني لحالي بهالبيت انا وبنتو من حقها تشوف ابوها هالطفلة وتلعب معو ويقعد معها..

ام هبة :- جيبي لالها اخ او اخت..

الجزء الرابع..

سناء :- ماعم يقبل قلت لالو خلينا نجيب لالها حد يونسها بعصب وبقاتل وبقول انا

جابر :- من وحدة ماني خلصان يجي حد يخاويها ..

سناء :- طيب خدها معك مشوار بكرة والله نفسها هالبنت تعيش مثل هالاطفال..

جابر :- سناء انا جاي تعبان حاجتك تبلشيني بهالبنت ..

داليا :- ماما

جابر :- ها ليكها اجت خديها برا وخليني ارتاح ..لو سمحتي ...

سناء :- حاضر تعي ماما...

داليا :- ماني قدراني نام ..

سناء:- طيب تجي نشوف فيلم كرتون حلو مثلك

داليا :- مممم لاء ..

سناء :- هالمرة حلو ..تعي...

داليا :- امي ماحلو مابدي اياه ..

سناء :- طيب ليش قليلي في حد مابحب افلام الكرتون..

داليا :- فيهن حوووش ا مو مثلنا شوفي عيونن مو مثلنا جسمن مو مثلا هاد سبونج بوب ماعندو جسم مثلنا شوفي انا جبت اسنفنجة المطبخ ماعم تقبل تحكي مثلو ..

سناء :- هادول رسومات خيال..

داليا :- بس انا شفتك عم تتفرجي علي افلام ثانية نفس شكلنا وبيحكو ..

سناء :- مممم حبيبتي هاديك افلام ماحلوة تشوفيها..

داليا :- بس ابي عم يضربك مثلن انتي مالازم تتفرجي عليهن ..

سناء :- حبيبتي بيك ماعم يضربني..

داليا :- انا امبارح شفتو وهو عم يضربك..

سناء :- لاتقولي لحد امي عن هالحكي عيب بيتنا اسرار .. يالا حاج صار لازم تنامي بكرة في فيقة بكير للمدرسة

داليا :- 😔 ..رح روح على المدرسة مابحبا امي مابدي ..

سناء :- ممم بنشوف بكرة ..المهم ليش اللعابك هيك عاملة فيهن..

داليا :- مابدي اياهن امي مابحبن شكلن مثل الوحوش ..

سناء :- حبيبتي نامي ..

داليا :- لاتطفي امي الضو بيجو بالليل..

سناء :-شو هني يلي بيجو ..

داليا :- الوحوش ..

سناء :- داليا شو امي مين قايل لالك عن الوحوش..

داليا :- مممم ماحد..

سناء :- طيب بكرة بنحكي انا رايحة انام..بوسة ماما .

جابر :- بكير صارت الساعة 12..

سناء :- بالقوة لنامت البنت ..بكرة بدي اخدها للدكتور صار عندها تبول لا ارادي هالبنت

داليا :- امي خايفة..

جابر :-قلتيلي نامت..

سناء :- مممم داليا ..

داليا :- خايفة انا دخيلك بدي نام جنبك..

جابر :- رايح انام بالصالة انا حتى بأيام الراحة مابلاقيها ست سناء الشغل لالي رحمة صار..

داليا :- بابا ..

جابر :- حلي عني انتي ..

سناء :- تعي امي تعي..

داليا :- امي مابدي روح مدرسة بكرة انا مرضاني ..

سناء :- طيب نامي هلاء وبكرة بنحكي ...رحتي على الحمام وعد هالليلة مانعمل شي على فراش ماما..

داليا :- حاضر .. دفيني 😔

سناء :- قربي تعي لحضني...

......

هبة :- البنت كان تصرفاتها مو طبيعية كانت امها تخبرنا عن مواقف كثير هي صح كانت تتعنف من زوجها بس بالزمن هاد مافي وحدة مابتنضرب من زوجها والله مرت عمي يوميا قتل على جسمها ..البنت كانت امها تجيبا لعندي ادرسها كنت افتح دفترها ماعم تكتب شي والدفتر اوراقوا ضايعين مسكينة استيعابها جدا ضعيف وعلى طول عم تسرح بخيالا ..ومن اجبلا شي هدية دبدوب او شي لعبة ماتقبلها تقطعها وترميها ..

غدير :- قليلا شو يلي صار بقصتها وهي كيف انقتلت وامها كيف ماتت.ماني فاهمة شي .

هبة :- انا بيوم اخدت البنت لعندي لان الام راحت للسوق وكان ابوها على ما اعتقد بشغلو ...

....

سناء :- هبة اعطيني البنت دخيلك ..

هبة :- سناء بدي اسئلك البنت بتنام بالليل شي..

سناء :- اي ليش

هبة :- من وقت ما جبتيها لهلاء وهي نايمة وكل ما بتجي لعندي البنت بتنام..خديها على الدكتور ..

سناء :- ان شاء الله..

هبة :- انتي لهلاء عم تحفضيها صار عمرا 9 سنين سناء..تعي فوتي لازم نحكي اذا البنت عندها مشكلة انا ساعدها ..

سناء :- لا مافي شي هبة سدقيني بس هي هيك البنت من زمان..

هبة :- طيب خليها نايمة من تفيق ببعتلك تاخديها خلصي امورك وتعي خديها..

سناء :- طيب ماشي حبيبتي هبة يسلمو على تعبك معي..

هبة :- ولا يهمك..

((من بعد مافاقت البنت ما بعتا لعند اما كنت بدي احكي معها كنت نفسي افهم شو عم يصير معها ...

هبة :- داليا انتي في حد بيضربك حبيبتي بالبيت..

داليا :- لا

هبة :- لكان بنت حلوة مثلك ليش لهلاء بتلبس حفوضة ..شو رايك نكون رفقات ..وانا صغيرة مثلك امي ضربتني وقالت مارح تعطيني شوكلاه وبلشت ابكي ابكي ..

داليا :- مثل ماما..

هبة :- ماما هيك بتضربك..

داليا :- لا هي هيك بتبكي..

هبة :- مممم من مين..

داليا :- كل ليل عم شوفا عم تبكي من الوحوش هني بيجو يأذوها..

هبة :- اي وحوش حبيبتي شفتي شكلن..

داليا :- شفت معو سكينة مطبخ بدو يقتلا..

هبة :- مممم 😲 مين بتعرفيه..

داليا :- ممم هاد الوحش يلي بفيلم الكرتون ..

هبة :- داليا حبيبتي بابا من يكون بالبيت ماما كمان بتبكي..

داليا :- ممم اي

هبة :- ومن يروح على الشغل بتبكي

داليا :- اي دايما بسمعها بالليل عم تبكي ..

هبة :-ومن تشوفيها عم تبكي شو بتعملي..

داليا :- بضلي اسمعها لعند ما تسكت..

هبة :- بتحكي شي. وهي بتبكي .

داليا :- ممم مابعرف ..

هبة :- طيب حبيبتي

الجزء الخامس..

هبة :- وهاد يلي كنت عم اعرفوا عن الطفلة بعدها غابت سناء شي اسبوعين هي وبنتها ..لوقت مااسمعنا بالجريمة انو لقو سناء ميتة ...والناس صارت تركض للبيت اتشوف الجريمة ..وقصتها صارت بكل المنطقة ابي بقول انو سمع انو لقوها واقعة من الدرج .وصاير معها نزيف وبوقتها مفارقة الحياة بس ماسمعنا من شو والمصيبة انو البنت اختفت بنفس اللحظة وابوها بقول انو البنت كمان ماتت ونقلها قبل الام على المشفى والناس بتقول ماشافوا البنت...والتحقيقات بتقول انو البنت هي يلي قتلت امها القصة صارت مخربطة ومافهمنا شي ..ومابعرف ليش السلطة سكتت عن هالقصة ..والاب ماعدنا شفناه بالمنطقة والبيت صار حاوية للزبالة مثل ما انتي شايفة..

غدير :- طيب مااسمعتو عن شي عن الاب..

هبة :- شي بقول من القهر كب حالو بالبحر ومات وشي بقول سافر والله مابنعرف بس يلي مخلينا نسدق انو البنت كانت دايما تحكي بالوحوش وانو في شي مو طبيعي بحياتهن او يمكن كلام الاب صحيح والبنت فيها خلل بعقلا وقتلت امها المشكلة انها طفلة ومابعرف يمكن دفشت امها على الدرج ياربي ماسدقنا ننسا قصتها ل هالعيلة .بس ماقلتي لالي ليش عم تسالي عنهن..لازم في شي..

غدير :- انا باحثة اجتماعية لعد المنطقة وسألت مشان هالبيت مانو مسجل بالوافيات فاستغربت لهيك سألت عن اذنك هلاء شكرا لوقفتك معي..

هبة :- ولا يهمك اهلا وسهلا...الله معك .

((غادرت المنطقة واتوجهت لبيتي وانا عم فكر بالحكي يلي قالتو لالي هبة مافهمت شي والحكي كلو اتخربط في بعضو مابعرف شو صاير مع هالبنت ومعقول هي داليا ولا انا بتهيأ لالي ..طيب اذا هي مو داليا ليش كانت عم تصرف بالغرفة نفس ماخبرتني هبة ..البنت عم تشوف اشياء..نحنا مابنشوفها ... ثاني يوم الساعة 7 انطلقت على التدريب فتت لعند جميلة يلي كانت هالمرة تنطرني غير كل مرة..

جميلة :- اجيتي حلو ..

غدير :- صباح الخير..

جميلة :- اتفضلي ليكو ملف غرفة 123 انتي يلي طلبتيه على العموم انا حذرتك بس الظاهر انتي مارح تريحينا الا بس ترتاحي..

غدير :- مافهمت..

جميلة :- داليا صافين عمرا حاليا 11 سنة بتعاني من خلل ومرض نفسي او الجنون بشكل عام قتلت امها .وابوها .. هي من سنة وشي ملفها هون جابتها الشرطة لعنا لان مافي مدرسة داخيلة تتحمل حالة جنون وكان قرارهن تدخل مصحة عقلية اكيد رح تستغربي شلون طفل بيقتل اهلو ..اي شي طبيعي كثير قصص صارت لاطفال بيقتلو بعرف مارح تسدقي هالقصة على العموم صارت البنت قتلت امها من دفشتها عن الدرج ومن صار يلي صار اخدها ابوها معو ليسفرها وهونيك نفس ماعملت في امها عملت بأبوها دفشتو بالبحر
حتى نحنا ماعم نسدق يلي صار على العموم ملف البنت تحت ايدك فيها تبلشي ببحثك فيه...وهاد المفتاح...

((اخدت المفتاح من جميلة واتوجهت لعند الباب كانت القصص مختلفة والاكاذيب عم تزيد اقوال هبة واقوال جميلة كانو مختلفين تماما..بلشت اقرا بقضيتا لداليا كانت عبارة عن قصة لاتدخل عقل شخص واعي قصة بالاساطير طفلة بعمر 9 سنوات وببرائتها معقول تقتل امها ..وابوها ..طيب اذا هي قتلت ابوها شلون قال ابوها انها ماتت والكل قال انو داليا اختفت طيب اذا هي قتلت ابوها الورقة يلي عليها التوقيع يلي فيه حرف الجيم مو هو جابر ابوها مو هي يلي جابها هون ..مو هاي كانت ورقة انضمامها للمصح العقلي في شي مو زابط في شي غلط هالحكي يلي اسمعتو كذب ومانو صحيح.. لازم اتحرك وافهم شو قصة هالبنت ..بلشت جمع كتبي بعلم النفس واقرا عم مرض انفصام الشخصية والتوحد والجنون ..والصرع ...الاكتئاب .. الهوس..

ماكان في حالة تفسر يلي عم اسمعو ..ماكان عندي طريقة الا اسال دكتوري بالجامعة..واشرح لالو كل شي صار معي وشو اسمعت من الطرفين الدكتور ايهاب ..هو يلي اخد بعين الاعتبار حالة داليا وبلش يساعدني لاوصل معها لنتيجة..

دكتور ايهاب :- اساسا هاد المصح فكرة شيطانية بزيد مرض الاشخاص مابتعالجهن وبعدين هاد سجن للناس يلي مامعهن مصاري تهتم بالاشخاص المصابين بالجنون..حاطين كم واحد جثتو قوية وخلص وبجي بالاسبوع مرتين دكاترة بعاينو حالة المرضى انا رحت كثير هونيك ودائما ببعث طلابي ليقدروا يطلعوا بنتيجة او يساعدو شوي ..بس اللي ماسكة هونيك هاي جميلة بطفشهن قبل كل شي .. على العموم هاد الملف ملغوظ وكلو اخطاء وشوفي اخر ورقة مطبوعة مكتوب عليها التاريخ من شي يومين..يعني حديث نسخ وكتابة .. وانا بعرفك غدير بنت ذكية رح يطلع معك شي منيح خدي قصة هاي الطفلة بعين الاعتبار..

غدير :- كلام هبة سجلتو كلو ...

الدكتور :- اي قرأتو كلو كلامها مهم هاي قالت شغلات لالك رح تساعدك في بحثك للبنت.. بدي منك ترجعي تفتحي ملف امها وتتقمسي الشخصية هي هيك رح تتقرب منك..

غدير :- يعني هلاء الطفلة بحسن طلعها برا الغرفة..

الدكتور :- طبعا انتي من حقك هالشي ..

غدير :- بس دكتور هي مربطة وباين عليها اثار تعذيب.

الدكتور :- اوقات المريض النفسي او المجنون مابقدروا يتحكمو فيه الا من يربطوه ..

الجزء السادس..

#غدير :- ممم طيب دكتور مافينا نعرف قصة موت امها بالمباحث ..

الدكتور ايهاب :- اي فينا رح اسال وارد لالك خبر..

(( وهون انا اخدت قصة داليا بمحمل الجد..اتوجهت للمشفى وفتت لعندا وقعدت جنبا ماكنت اتوقع طفلة بهيك عمر عنها اضطراب ثنائي بين الهوس والفصام او يمكن البنت سليمة حالتها ماكانت توحي او تبشر بشي ...

غدير :- داليا انتي طفلة كثير حلوة.. بتحبي نطلع من هون لاتخافي رح نطلع على طول ومارح ترجعي لهون ....بس لازم تساعديني ..شوفي بتعرفي هاي من امك الرسالة هي بتحبك وبتسأل عنك كثير ..

داليا :-كذب..

غدير :- عم تحكي ..انا ناطرة لاسمع منك اي شي ..انا بعرف انها ما

داليا :- امي مابتعرف تكتب

(( كنت اتوقع منها تقلي امي ماتت...وجوابها كان فيه قساوة لحظتها عرفت انها الطريق الوحيد لاصل عن حقيقة قصتها ...

غدير :- داليا انتي امك عم تجي لهون شي عم تشوفيها شي..

داليا :- لاء

غدير :-وبيك

داليا :- ....

غدير :- ماشفتيه بالمرة..

داليا :- ليكي شوفي اجو من تاني ..

غدير :- مين هني..

داليا :- الوحوش رفقات ابي.

غدير :- رفقات بيك ..

داليا :- خلص خلص والله رح اعمل ..

غدير :- داليا شو رح تعملي..

((بلشت البنت تمد ايدا على شعرا لتنزع شوي منو ..مثل عادتها وكان الامر عادي وبسيط كثير بالنسبة لالها ..وانا عم راقبها بالاول كنت عم اتصرف معها بشكل عادي لاني بعرف انها من الطبيعي تشوف شي شياطين قدامها ...وهاد الامر اتكرر معها كل ما اذكر اسم ابوها تقوم وتعمل نفس الحالة وعرضت كل جديد صار للدكتور وطلب مني يجي يزورها بنفسو..مع محقق خاص...

دكتور ايهاب :- هاد المحقق زيد رح نقول انو متدرب هون لاتحكي انو محقق

غدير :- حاضر دكتور ..

زيد :- على فكرة مافي بالمباحث شي بحكي عن قضية قتل بعيلة صافين والصورة يلي شفتيها على الحيطان هي صورة فقد وهاي عيلة الام عملوه واللي خبرتك فيه هبة هو صحيح وبس نهاية البنت والام يلي خبرتك عنها ماهي الا اقاويل واشاعات طلعت من اهل ابوها للبنت. يعني كان لازم تعرفي هالشي من وقت شفتي الصورة على الحيط..اما الملف هاد هو حديث نسخ..المديرة جميلة اخفت الملف القديم مشان ماتعرفي حقيقة قصتها للطفلة وتركت بين ايديكي هاد الملف يلي كلو اخطاء ..

الدكتور ايهاب : - طيب بالنسبة لابوها

زيد :- ماعنا اي معلومة بتحكي عنو .ومافي قبر للام ولا للبنت..

غدير :- ياربي والله انشلش عقلي بهيك حالة..

الدكتور ايهاب :-كلها الغاز ولازم نعرفها من البنت على العموم زيد جاب لالنا ورقة خروج للطفلة لمدة ثلاث ايام وترجع بعدها للمصح طبعا نقل لمصح ثاني مافيني نترك شك بحالنا ..وهونيك بكون دراسة حالتها بشكل افضل..

(( بعد نقاش مع جميلة اقدرنا انطلع البنت من الغرفة يلي ونقلناها على مصح خاص..وبهاد المصح كنت انا فيه ارعاها ..كنت عم راقب حركاتها وتصرفاتها وكلماتها وحكيها مابعرف شو يلي خلاني افتح لالها افلام كرتون ..كنت بدي اعرف ردة فعلا وقتها..كان وجها للحيط وضهرها لالي واخدت بكلام الدكتور لاتقمس شخصية امها مثل ما اسمعت من هبة عن تصرفات سناء ..

غدير :- داليا بتحبي تشوفي فيلم كرتون..

داليا :- مممم وبعدا..

غدير :- شو يعني بعدا..

داليا :- ههه رح تصيري يا امي تبكي وتجي الوحوش تعذبني..

غدير :- بس مافي وحوش بالليل..

داليا :- لا في انتي ماعم تسمعيني..

غدير :- طيب شو يلي بدك اياه بتحبي نروح انام جنب بعض..

داليا :- وتتركي ابي ..

غدير :- داليا بيك بحبك..

داليا :- .....

غدير :- ليش سكتي..

داليا :- لاني بعرف رح تتركيني وتخليهن يجبوني لهون وتقولي لالهن اني مريضة..

غدير :- حبيبتي انتي مانك مريضة انتي بنت شاطرة وطيبة..

داليا :- طيب ابي ليش تخانقتي معو امبارح مشان شو..

غدير : - ممم داليا ليش شو شفتي انتي..

داليا :- امي انتي مانك منيحة ولا ابي انتو عم اتعبوني ..

غدير :- حبيبتي مابصير نحكي هيك ..

داليا : - لانو ابي بيكرهني مثلك..

غدير :- بس انا بحبك..

داليا :- طيب ليش عم تعملي فيني هيك امي..

غدير :- شو زاعجك قليلي..

داليا :- ليش اتخانقتي مع ابي امبارح..

غدير : - لانو ..

داليا :- لانو هو بحب وحدة غيرك ..

غدير :- داليا شو عم تحكي بيك مابعمل هيك شي..

داليا :- امي انا لالي في اخوة صح..

غدير :- لاء مافي..

داليا :- لكان ليش من اخدتي موبايل ابي صرتي تصرخي مين هادول الاولاد وابي قام دفشك على الارض..وابي قلك هادولي اولادي..

غدير :- حبيبتي هالحكي مو صحيح..

داليا :- من دفشك ابي على الارض وطلع انا اخدت الموبايل وشفتو عم يحضنهن ويبوسهن كان يحبهن اكثر مني..

غدير :- طيب انا بحبك اكثر منهن..

داليا :- انتي امي مابتحبيني .

غدير :- مممم لابحبك..

داليا :- طيب ليش عم تجي تخوفيني بالليل ..😢 امي اما بخاف لاتعملي هيك فيني امي خلص مارح اعملها بفراشي امي بترجاكي لاتضربيني ..طيب خلص مارح احكي لحد انك ضربتيني..لا لا تنقطي شمع على رجليه بيحرقوني امي .

الجزء السابع..

#غدير :- داليا روقي حبيبتي انا ماني امك اهدي اهدي اتركي شعرك اتركيه لاتشديه اكثر شوفي انا هلاء فهمت كل شي خلص ماتقليلي شي ..في شخص جاي يقابلك هلاء وبدي منك تقليلي شو بتعرفي عنو..هبة فوتي..

#هبة :- هلاء اتذكرتك انتي يلي جيتي تسالي عن بيت صافين والله جبتوني وانا مرعوبة لهون..

غدير : -فوتي هبة لا تقلقي رح تشوفي حد مهم هلاء ..

هبة :-ممم مين..

غدير :- ركزي اكثر..

هبة :-داليا.

غدير :- اي هاي البنت يلي كانت تزورك..

هبة :- ليش حالها هيك صاير ياربي مسكينة شو صار معها ..

غدير :- هبة البنت قدامك وحالتها سيئة اذا بتعرفي شي عن وضعها قولي ..

هبة :- يلي بعرفوا قلتو لالك..

غدير :- البنت صار معها جنون من معاناتها ..

هبة :- بس يلي بنعرفوا انو امها منيحة كثير معها وابوها كثير كان يغيب..

غدير :- امها في عندها مشكلة ..قربي لعندي خليها تذكرك..

هبة :- مممم داليا ..

داليا :-............

هبة :- ماعم ترد عليه ...

غدير :- اتركيها عم تتأمل ملامح وجهك لتعرفك..

داليا :- خليني عندك..

غدير :- مممم هبة ليكها ردت ..

هبة :- بدك تبقي عندي..

داليا :- بدي نام

هبة :- تكرمي رح اخدك..

داليا :- امي مشغولة مارح تجي اليوم

هبة :- طيب بتعرفي وين راحتك امك.

داليا :- راحت مابعرف

هبة :- اتذكري هي وين قالت لالك بدا تروح

داليا :- لعند ابي

هبة :- بيك ليش بتعرفي.

داليا :- لاء بس ابي قلا انو هو رايح لعند اولادو وانا نطرتوا ما اجا لعندي ابي.

هبة :-😔 ..

غدير :- حبيبتي انتي شلون عرفتي انو هو رايح لعند اولادو

داليا :- كان ابي عم يجمع تيابو وامي وقفت قدامو تقلو لاتروح انا وبنتي محتاجين لالك وهو ماكان يسمع ودفش امي ...

غدير :- اي وين دفشا..

داليا :- ممم دفشا

غدير :- حبيبتي على الدرج

داليا :- لاء هو كان بالمطبخ تحت وامي كانت معو

غدير :- لكان شو صار

داليا :- لحقوني الوحوش

غدير :- طيب حبيبتي ارتاحي هلاء..

داليا :- ليكن ليكن اجو..

غدير :- اعطيني ايديكي لاتشدي شعرك لاتعمليها اتفقنا اتفقنا اعطيني اعطيني ساعديني هبة بلشت تتشنج البنت ....

هبة:- اي اي بس لترتاح..

غدير :- في عالم عم يأذوها والبنت ماعم تقدر تستوعب مين هني او ماقدراني تحكي ..

هبة :- هلا اتذكرت انا اسمعت انو هو متزوج واما لداليا هي الثانية ..وهي ماكانت تعرف لانو هني بمدينة وشغلو بمدينة ..فاضطر الظاهر يكذب على سناء انو مانو متزوج ..

غدير :- شلون عرفتي هيك.. ومن مين اسمعتي..

هبة :- مرة مريت اعطيها تياب بنتا يلي كنت غيرلا اياهن واسمعتا عم تحكي تلفون مع حدا من اهلها كانت تقلو انو كذب عليها وطلع متزوج ومشان بيقعد بالمنطقة هاي فترة طويلة اتزوجها لسناء ..بس يلي بعرفوا انها من كانت حامل بداليا اجت لعند امي لتشوف لالها داية تجهض البنت وهي ماكانت بدا...

غدير :- شلون هيك مافهمت..

هبة :- انا كنت بعدني بمدرستي ..

سناء :- خالتو الله يخليكي لازم تساعديني

ام هبة :-شوفي وجهك من الضرب لازم تخبري اهلك ومابصير حرام تجهضي الطفل ..

سناء :- مابدو خالي مابدو قال بس ليستقر بنجيب اولاد

ام هبة :- ما انتي مستقرة حبيبتي..

سناء :- مابدك تساعديني..

ام هبة :- شوفي حبيبتي خدي هالحكي من ست قد امك ..المرا من تحبل بتحمل مسئولية للرجال وبطر يستقر ويعرف انها هاي الزوجة ام اولادو ومابقدر يتخلى عنها ..افهمتي عليه هو هلاء مسافر وبدو شي ثلاث شهور ليرجع بتكوني بالرابع او الخامس وقليلو ماحد وافق اجهضوا وهيك طفل بهيك عمر حمل مابقبلو ينزلوه وانتي بكرة بجيكي طفل سند لالك يونسك بوحدتك بدل ماتبقي شهور لحالك صح ولا لاء..وانتي بتعرفي اهلك ومابدن اياكي وين بدك تروحي.

سناء :- اااخ ياخالتي شو اعمل بحالي انا تعبت مالي نصيب بشي وحظي سئ

ام هبة :- الله يفرجها عليكي تعي لعندي كل يوم وعيني لالك..

.....

غدير :- الظاهر مابدو كان اولاد من سناء اخدها بس تقضية وقت..

هبة :-هو هيك لانو سناء كانت عايشة في بيت جدتها قبل لتموت يعني البيت هاد لستها لسناء وجابر كان يجي لعندها ينام فيه..

غدير :- انا لاحظت انو قديم كثير..

هبة :- نامت..

غدير :- اي خلينا نقعد برا ..بدي اسأل معقول من عرفت انو متزوج وعم يكذب عليها ضلت ساكتة..

هبة :- عيلة صافين عيلة كبيرة بالمنطقة ومابحبو حد يدخل فيهن واما لداليا من عيلة ثانية . بس ستها من عيلة صافين في قرابة بعيدة .وجوزها جابر ماحد كان بيعرف انو متزوج وحدة غريبة ومعو اولاد منها بمنطقة بعيدة .. يعني حياة سناء كانت من برا مستقرة ومن جوا نار..

غدير :- يعني زوجتو الاولى غريبة وسناء هي يلي بينهن قرابة..

هبة :-لو مافي قرابة مابسكن في بيت ستها لسناء..

غدير :- هلاء الرجال يلي كان بيحكي معها من عرفت جوزها متزوج بتعرفيه شي..

هبة :- اللي اسمو سيف..

غدير :- يعني عشيقها او شي هيك

هبة :- عشيق لا ما اعتقد لانو سناء بتحبو لجابر واحنا اولاد حارة ضيقة بنعرف بعض.

الجزء الثامن..

غدير :- يعني مين لكان..

هبة:- احتمال واحد من اهلها رح اسال ابن عمي عن اخواتها واذا في لالها حد اسمو سيف..

غدير : - اي بكون احسن ..بس فيكي تسألي الحارة اذا عنجد حقيقة قصة موت امها يعني شافوا وجها والجثة .. وهالحكي هاد..

هبة :- حاضر تكرمي رح احاول...

بعد ثلاث ايام وانتهاء فترة تواجد داليا بم