Maître Hemza Krideche

12/10/2026

26/09/2026

#ثقافة #قانونية
كاين 3 حوايج تديرهم في لحظة غضب… ومن بعد تكتشف بلي ما كانوش غير “هدرة” ⚖️

1️⃣ تهدّد شخص برسالة ولا بمكالمة
حتى إذا كنت معصّب، وحتى إذا قلت «كنت غير نهدر»، التهديد يقدر يترتب عليه متابعة ومسؤولية قانونية.

2️⃣ تنتحل صفة شخص ولا جهة
تستعمل اسم شخص، صفته، هويته، ولا تنتحل صفة هيئة أو جهة… وتقدر تلقى روحك أمام مسؤولية قانونية حسب طبيعة الفعل والظروف.

3️⃣ تتهم شخص بجريمة ولا بفعل يمسّ بسمعته قدّام الناس
تكتب عليه في فايسبوك، تنشر ستوري، تبعث في مجموعة، ولا حتى تقولها قدّام الناس… ومن بعد تقول: «ما عنديش دليل، بصح كنت غير نهدر».

❗ والأخطر؟ تحذف المنشور بعد دقائق وتظن بلي كل شيء انتهى.
الحذف ما يعنيش بالضرورة أن المسؤولية القانونية زالت، خصوصًا إذا كان المحتوى قد تم الاطلاع عليه أو الاحتفاظ به.
يعني ماشي كل كلمة تتقال ولا كل منشور يتنشر يبقى مجرد كلام.
كاين كلام يقدر يتحوّل إلى مسؤولية قانونية.

قبل ما تبعث رسالة، قبل ما تنشر، وقبل ما تتهم شخص… حبّس لحظة وفكّر مليح.

09/09/2026

قرر الرئيس عبد المجيد تبون تخصيص ميناء مستغانم حصريا لعمليات الاستيراد الخاصة بالشركات والمؤسسات العمومية. وجاء هذا القرار خلال ترؤسه لاجتماع عمل هام خصص لإعادة تنظيم الموانئ الوطنية وجعلها متخصصة
#مستغانم

03/09/2026

نرحب بالسيد عزيزي ياسين النائب العام الجديد لدى مجلس قضاء مستغانم، الوافد من مجلس قضاء الأغواط، متمنين له كامل التوفيق والسداد في مهامه الجديدة، وخدمة العدالة وسيادة القانون.
كما نتقدم بخالص الشكر والتقدير للسيد محمد مراح النائب العام المغادر، متمنين له التوفيق والنجاح في مهامه الجديدة، ومواصلة مساره المهني بكل نجاح.
مرحبًا بكم في مستغانم، وكل التوفيق في خدمة مرفق العدالة. ⚖️

02/09/2026

وَوَرِثَ سُلَيۡمَٰنُ دَاوُۥدَۖ وَقَالَ يَٰٓأَيُّهَا ٱلنَّاسُ عُلِّمۡنَا مَنطِقَ ٱلطَّيۡرِ وَأُوتِينَا مِن كُلِّ شَيۡءٍۖ إِنَّ هَٰذَا لَهُوَ ٱلۡفَضۡلُ ٱلۡمُبِينُ

26/08/2026

#نصيحة
كاينة جملة قديمة بزاف، ناس بزاف يسمعوها ويضحكو عليها… حتى يجي نهار وتشرحلهُم الأيام معناها بالطريقة الصعيبة:

«ما تجاورش خوك، وما تبنيش في مُلك بوك.»

ماشي خاطر خوك إنسان خايب، ولا خاطر بوك يقدر يظلمك… بصح خاطر الدراهم والميراث والديار كي يدخلو بين العائلة، مرات يخرجو أسوأ ما كاين في النفوس.

اليوم نتا وخوك حباب، تاكلو في صحن واحد وتوقفو مع بعضاكم… غدوة يقدر يوقع خلاف على متر أرض، مدخل دار، بلاصة باركينغ، ولا حيط مشترك… ومن بعد السلام اللي كان بيناتكم يولي بالحساب، والأخوّة تتحول لخصام وقضايا، وحاجة ما كان حتى واحد يتخيلها.

وما تبنيش حياتك كاملة في مُلك بوك وتقول: «هذي دار بابا وأنا أولى بيها.»

خاطر من بعد عمر طويل، الدار اللي كنت تشوفها دارك، تقدر تولي تركة ويتقسم فيها الحق بين جميع الورثة. وساعتها كل دينار صرفتو، وكل طوبة بنيتها، وكل مصروف درتو… يقدر يدخل في حسابات ما كنتش حاسب لها.

العائلة نعمة، بصح الحقوق كي تكون واضحة، المحبة تعيش أكثر.

حب خوك، برّ بوك، وصل رحمك… بصح كي توصل للديار والدراهم والملك، خليك صاحب حق مكتوب، ماشي غير صاحب نية مليحة.

خاطر أقسى خصومة ماشي مع الغريب…

أقساها كي تلقى روحك واقف قدّام واحد من دمك، وكل واحد فيكم يقول: «هذا حقي.»

10/06/2026

اللواء عمي أحمد سالمي رئيس أركان القوات الجوية سابقا في ذمة الله 🇩🇿
اللهم إرحمه وإغفر له وإنا لله وإنا إليه راجعون
دعواتكم له بالرحمه والمغفره، كان من أطيب الناس

07/06/2026

أهم التواريخ باختصار

20 جانفي 2027
✅ آخر أجل القانوني لإيداع تصريح G12 Bis.

قبل 01 مارس 2027
✅ التصريح السنوي بوعاء الاشتراك لدى CASNOS.

30 جوان 2026 ✅ آخر أجل لإيداع تصريح G12 التقديري وآخر أجل لتسديد اشتراكات CASNOS.

#الجزائر #تاجر #حرفي

07/06/2026

تذكير إلى جميع المترشحين والقوائم المشاركة في الانتخابات التشريعية:

تقتضي قواعد المنافسة الانتخابية احترام الآجال القانونية المحددة للحملة الانتخابية، حيث يمنع القيام بأي نشاط دعائي أو ترويجي خارج الفترة المقررة قانونًا، سواء قبل انطلاق الحملة أو بعد انتهائها.

كما أن فترة الصمت الانتخابي تُعد مرحلة يحظر خلالها كل أشكال الدعاية الانتخابية المباشرة أو غير المباشرة، بما في ذلك عبر وسائل التواصل الاجتماعي.

وعليه، فإن كل مخالفة لأحكام قانون الانتخابات قد تعرّض مرتكبها للمتابعة القانونية والعقوبات المنصوص عليها في التشريع الساري المفعول.

#الانتخابات
#الجزائر
#مستغانم
#حملة