المقطم والاسمرات مباشر

بيان صادر عن الجهاز القومي لتنظيم الاتصالات:

الجهاز القومي لتنظيم الاتصالات يتيح باقات جديدة للشمول الرقمي ويوافق على تحريك أسعار بعض الخدمات

وجه الجهاز القومي لتنظيم الاتصالات شركات الاتصالات العاملة في السوق المصري بإتاحة باقات جديدة لخدمات الإنترنت الثابت وخدمات التليفون المحمول بهدف مراعاة الشمول الرقمي، حيث تم إتاحة باقة إنترنت أرضي جديدة بسعر 150 جنيه بدلًا من أقل باقة حالية والتي تقدر بسعر 210 جنيه، وكذلك إتاحة باقة محمول جديدة بسعر 5 جنيه بدلًا من أقل باقة حالية والتي تقدر بنحو 13 جنيه.

كما أقر الجهاز إتاحة كافة المواقع الحكومية والتعليمية بشكل مجاني على شبكات الإنترنت الأرضي وشبكات التليفون المحمول حتى بعد نفاد الباقة.

تأتي هذه الخطوة ضمن خطة تحريك أسعار خدمات الاتصالات بنسبة زيادة تتراوح من 9% - 15% في بعض الباقات شاملة الضرائب، مع ثبات سعر دقيقة الصوت للثابت وسعر دقيقة الصوت للمحمول، وأسعار كروت شحن الرصيد، وكذلك أسعار المحافظ الإلكترونية دون أي زيادة.

ويأتي هذا القرار في إطار حرص الجهاز القومي لتنظيم الاتصالات على دعم استدامة تطوير خدمات الاتصالات، والعمل على تحسين جودة الخدمات المقدمة للمستخدمين في مختلف أنحاء الجمهورية، وذلك من خلال تمكين الشركات من زيادة استثماراتها في تحديث الشبكات، ورفع كفاءتها التشغيلية، والتوسع في بنيتها الأساسية بما يواكب النمو المتزايد في الطلب على خدمات الاتصالات، والنمو المُطرِّد في معدلات استخدام خدمات الإنترنت والذي بلغ 36% في الإنترنت الأرضي خلال عام، وهو ما يعكس تزايد الضغوط على الشبكات، ويؤكد أهمية إعادة مواءمة الأسعار مع التكلفة الفعلية للخدمة، بما يسهم في تحقيق الاستخدام الأمثل لخدمات الاتصالات، والحفاظ على جودة الخدمة المقدمة للمستخدمين.

وقد جاءت طلبات تعديل الأسعار في ضوء عدد من المتغيرات الاقتصادية والتشغيلية والاستثمارية التي أثرت بصورة مباشرة على تكلفة تقديم خدمات الاتصالات. وشملت هذه المتغيرات ارتفاع سعر الصرف، وارتفاع أسعار الأنشطة التجارية في أسعار الكهرباء، وارتفاع أسعار المحروقات والمواد البترولية وعلى رأسها السولار المستخدم في تشغيل محطات المحمول، فضلًا عن زيادة تكاليف التشغيل والعمالة وإنشاء الشبكات. كما تأثرت الشركات بارتفاع التكلفة الاستثمارية المرتبطة بتوسعات الشبكات وتحديثها، نتيجة زيادة تكاليف الشحن الدولي، وتأثر سلاسل التوريد، وارتفاع أسعار الرقائق الإلكترونية المستخدمة في أجهزة ومعدات الاتصالات، إلى جانب زيادة تكلفة إنشاء الشبكات وتطويرها.

ومن المتوقع أن تسهم هذه التعديلات في دعم خطط الشركات لزيادة استثماراتها الموجهة لتحسين جودة الخدمات، ورفع كفاءة الشبكات، كما يؤكد الجهاز القومي لتنظيم الاتصالات استمراره في متابعة التزام الشركات بمستويات الجودة المقررة، واتخاذ الإجراءات التنظيمية اللازمة لضمان حماية حقوق المستخدمين، وتحقيق التوازن بين جودة الخدمة وتكلفتها، بما يعزز من كفاءة قطاع الاتصالات وقدرته على دعم خطط التنمية والتحول الرقمي في جمهورية مصر العربية.

*وزير الصحة وافق اليوم:-*
*٦ /٥/ ٢٠٢٦م على إجراء الولادة الطبيعية الأولى (البكرية) لكل سيدة متزوجة «بالمجااااااان » في مستشفيات القطاع العلاجي بجميع محافظات الجمهورية💫*

■وافق الدكتور خالد عبدالغفار وزير الصحة والسكان على أن تجرى الولادة الطبيعية الأولى لكل سيدة متزوجة مجانًا داخل مستشفيات القطاع العلاجي التابع للوزارة بجميع محافظات الجمهورية وذلك في إطار حرص الدولة على الإرتقاء بصحة الأم والطفل وتعزيز الإتجاه نحو الممارسات الطبية الآمنة وفي خطوة تعكس إلتزامًا واضحًا بتخفيف الأعباء عن المواطنين ودعم حق المرأة في رعاية صحية متكاملة وآمنة.

■يأتي قرار وزير الصحة والسكان ضمن إستراتيجية الوزارة لتشجيع الولادة الطبيعية بإعتبارها الخيار الطبي الأمثل في الحالات غير المعقدة لما لها من فوائد صحية مثبتة للأم والطفل فضلًا عن دورها في تقليل المضاعفات المرتبطة بالولادات القيصرية غير الضرورية بما ينعكس إيجابيًا على مؤشرات الصحة العامة.

■وأكدت وزارة الصحة أن المستشفيات التابعة للقطاع العلاجي مجهزة تمامًا لإستقبال هذه الحالات وفق أعلى معايير الجودة والسلامة مع توافر الفرق الطبية المدربة والتجهيزات اللازمة لضمان تقديم الخدمة بشكل لائق وآمن مشيرة إلى أن القرار يشمل [جميع المحافظات] دون إستثناء لضمان العدالة في تقديم الخدمة الصحية.

■يعكس هذا التوجه إهتمام الدولة المستمر بدعم المنظومة الصحية وتطوير خدمات الرعاية الأولية والعلاجية خاصة ما يتعلق بصحة المرأة إنطلاقًا من إيمانٍ راسخٍ بأن الإستثمار في صحة الأمهات هو إستثمار في مستقبل المجتمع بأكمله.

نتقدم بخالص الشكر والتقدير إلى السيد رئيس الحي، وإلى جميع العاملين بالإدارة الهندسية وقسم الطرق، على سرعة الاستجابة والتفاعل الفوري مع مطلب إنشاء مطبات صناعية أمام مدرسة تحيا مصر 3 الابتدائية.

وتُعد هذه الخطوة لفتة كريمة تعكس حرصكم الدائم على سلامة أبنائنا الطلاب، واهتمامكم بتأمين محيط المدرسة بما يحقق أعلى درجات الأمان.

وإذ نعرب عن بالغ امتناننا، فإننا نُثمن هذا الجهد الملموس الذي كان له أثر طيب في نفوس أولياء الأمور والطلاب على حد سواء.

نسأل الله أن يوفقكم ويسدد خطاكم، وأن يديم جهودكم في خدمة الوطن والمواطن

📢 تنويه هام بشأن بطاقات التموين
في حال ظهور رسالة "غير مستحق" عند صرف المقررات التموينية فإن ذلك لا يعني إيقاف البطاقة وإنما يشير إلى ضرورة تحديث البيانات لضمان استمرار صرف الدعم
يرجى مراجعة البيانات لدى الجهات المختصة
وتحديثها في أسرع وقت لتفادي أي تأخير في الاستحقاقات

عمرك سألت نفسك هو ليه السيسي كسر بروتوكول الجنازات العسكرية في مصر ؟!
الجنازة العسكرية في أي بلد في العالم معمولة لقادة الدول والعسكريين يعني بدلة ميري ورتب وسلاح مع بعض الاستثناءات النادرة لشخصيات مؤثرة في أوطانها لكن في مصر، السيسي كسر القاعدة دي أكتر من مرة، مش عشان خاطر منصب صاحب الجنازة لكن عشان خاطر قيمة هذه الشخصيات !!​الرئيس لما تقدم بنفسه جنازة الدكتور أحمد زويل، كان بيبعت رسالة بالبونط العريض إن اللي بيرفع اسم مصر بالعِلم، مقامه عندنا مقام الأبطال !!
ولما مشي ورا نعش السيدة جيهان السادات كأول جنازة عسكرية لامرأة، كان بيحط أول مسمار في نعش التهميش والتمثيل الصوري للمرأة .. دي مصر اللي بتحترم تاريخها ورموزها ..وحتى في أصعب اللحظات، لما وقف يودع شهداء الكنيسة البطرسية بجنازة رسمية، مكنش بيودع ضحايا، كان بيعلن إن المواطنة في عهده هي عقيدة دولة مش مجرد شعار انتخابي !!الخلاصة يا عبد الصمد أن مصر في زمن السيسي بتجل وتحترم اللي بيبنيها بالعقل وبالعلم والوعي .. أما المدعين اللي لسه غرقانين في الخرافات الفرق بين الرئيس وبينهم هو الفرق بين رجل دولة بيصنع مستقبل، وشوية أرزقية بيعبدوا الدولار والسبوبة وبيتاجروا بالتنوير !!
​مصر اختارت تمشي ورا العلم والتنوير الحقيقي #جنازات السيسي.. حين يكسر "البروتوكول" لينتصر للقيم! 🇪🇬
​
​ #الوعي #العلم

نتقدم بخالص التعازي والمواساة إلى معالي النائب/ سيد حنفي، في وفاة نجله المغفور له بإذن الله/ محمد ،

سائلين المولى عز وجل أن يتغمد الفقيد بواسع رحمته، وأن يسكنه فسيح جناته، وأن يلهم الأسرة الكريمة وذويه الصبر والسلوان ،،،

وتقام الجنازة بعد صلاة العصر بمسجد حسن الشربتلي بالتجمع الخامس ،

﴿وإنَّا لله وإنَّا إليه راجعون﴾

خالص التعازي والمواساة

المصريين ساعات بيعملوا حاجات بتبقى غريبة أوي عليا منطقيًا!

يعني دول ناس غلابة شغاله في مكان نائي في القاهرة، لقوا كـ. لب ضال واقع في بيارع عُمقها أكتر من 15 متر، فكروه هيعرف يطلع ولا حاجة، فرموله أكل وسابوه!

تاني يوم لقوه لسه موجود تحت، حسب قدرات تفكيرهم مجاش في دماغهم يكلموا الحماية المدنية، بس على قد قدرتهم فكروا إنه واحد منهم ينزل بحبل مسافة الـ5 أدوار دي، ونزله تحت في المكان اللي هو فيه، وربطه بحبل كويس حوالين جسمه عشان ما يتأ- ذيش، واختاروا حته مش طالع منها قشاير معدن ولا خشب يجـ. رحه وهو طالع، وشدوه طلعوه فوق وانقذوه!

واضح من الكلام في الفيديو إنهم ناس غلابة فكريًا واجتماعيًا، وأكيد رايحين ياكلوا عيش ويشوفوا رزقهم، ومع ذلك اهتموا بإنقاذه وعملوا اللي يقدروا عليه عشان يحققوا دا! إللي نزل دا كان مُعرض يحصله حاجة، وإللي جاب مكنة تشده لفوق أكيد معطل اشغاله، ومع ذلك مكنش عندهم يعملوا كده بدون ما حد يعلم وبدون مقابل سواء شهره او مادي او حتى شُكر بسيط!

الناس دي عملت كده لمجرد إنه عندهم إنسانية وشايفينه روح زيه زيهم ويستحق الإنقاذ وإنه ما يتسابش كده! برغم عندهم أولويات تانية كتير، بس شافوه أولى من كل دا! عشان في ناس فاكره إنه العطف والرحمة بالكائنات حوالينا، مقتصرة فقط على الطبقة صاحبة الأموال! لأ هي مقتصرة على اي حد في قلبه رحمه!

شكرًا ليهم بجد، وشكرًا لأي حد بيعمل زيهم.

صباح الخير .
- سؤال بديهى هو الفضلات الـ " Stool " اللى اعزكم الله بيخرج فى الحمام ده بيجى منين ؟
اغلبها من فضلات الطعام اللى بناكله .
- لذلك بديهى كل ما اصناف الأكل تعددت .. و كل ما عدد مرات الأكل زادت كل ما الفضلات الناتجة عن هضمه هتزيد .
للتبسيط : انا اكلت قطعه لحمه مثلا .. قطعت اللحمة دى بتعدي على انزيمات هاضمة و حمض معده و بكتريا علشان تتهضم و تتكسر .. كل جسمك ياخد منها اللى عاوزه و هينتج عنها فضلات " بواقى الهضم "
الفضـلات دى بتتجمع ثم تخرج " براز " Stool فى النهاية .. تمام كده .
- طاب لو افترضنا انك اكلت 5 مرات فى اليوم .. هتكون فضـلات اكتر .. ولو اكلت اصناف اكل اكتر هتكون فضلات من كل اكله .
- فـ مثلا .. انا رايح عزومة عند شخص و عاملى رز و لحمة و شربة خضار فيها بسلة و بطاطس و قلقاس و جزر مثلا و طبق سلطة فيه طماطم و خيار و شبت و بقدونس دا غير المكرونة البشاميل اللى فيها اكتر من صنف لوحدها ثم بعد الغداء فاكهة ثم حلويات .
لو عديت كام صنف طعام كده انا اكلته فى وجبة واحده .. تقريبا بنتكلم فى اكتر من 12 صنف على اقل تقدير .. كل صنف من دول له فضلات هضم مختلفة عن غيره على حسب سهولة هضمة و تكسيرة من صعوبتها .. لان كل ما الأكله تكون صعبه فى هضمها كل ما هيطلع منها فضلات اكتر .
- هل الفضلات دى كلها هتخرج خارج جسمك ؟ قطعا لا .. يزيد الطين بله كمان ان جسمك و هو شغال بيتخانق مع الأكل اللى انت اكلته ده يلاقيك بعد ساعتين تلاته اكلت تانى و بالتالى هو مش عارف يتعمل مع القديم علشان يلاقى جديد جاي .
= كذلك كمان لو كنت شخص من اللى ليل نهار تاخد مضاد حيوي و مثبطات حموضة انت ضعفت حمض معدتك جدا و بالتالى الأغلبية العظمي من اكلك مش هيتهضم و هيتخمر فى بطنك طول الوقت ..
و بناء عليه !؟
= اغلب الأكل هيكون فى صعوبة فى هضمه بعد ذلك .و بالتالى فضلات الطعام اللى انت بتاكله هتتخمر فى بطنك .
يعنى عبارة عن سموم قاعده فى بطنك ليل نهار مخرجتش بشكل كامل " و دخولك الحمام و إخراجك مش دليل انك افرغت كامل بطنك "
= وبناء عليه اهلا و سهلا بكل الأمراض اللى فى الدنيا ..
لان ببساطة فى سموم كتير قاعده فى جسمك مخرجتش بشكل كامل .
ف اولا التهابات طول الوقت شغاله .. سوء إمتصاص لكل الفيتامينات و المعادن طول الوقت .. + إستثارة طول الوقت للجهاز المناعي اللى شايف سموم مالية الجسم ف يحصل الأمراض المناعيه اللى انت بتسمع عنها كل يوم .
= ظاهرة الأطفال اللى عندهم مشاكل عسر هضم مع اصناف كتير من الأكل و بقى موضوع ملاحظ بشكل كبير جدا فى تحليل البراز " Stool " بتاعهم .. الأطفال دول الأهالى بالفطرة شايفين ان الأكل ده مفيد و مناسب ليهم و عمالين يأكلوهم منه و النتيجة .. امراض مبكرة جدا .. و بعد فترة شرخ و مشاكل فى النمو !!
= متلازمة الأيض من سكر ضغط كوليسترول نقرس الخ الخ ...
كل ده بسبب تراكم الفضلات داخل الجسم بشكل كبير .
و الحل ؟
= الحل بسيط .. اول شئ الأكل مش ش**ة و مينفعش يبقى ش**ة ومينفعش انك تخلي حياتك كلها انك بتاكل و بعدها بتفكر فى الوجبة اللى بعدها .
الأكل دوره لا يتعدى انه وسيلة للطاقة .. جسمك ياخد منها بنزين علشان يقدر يقوم بالدور و الشغل بتاعه .. لا اكثر ولا اقل .. يعنى لو هتاخد فايده من اى اكله بتاكلها فى الدنيا اعرف انك هتاخد منها ضرر فقط.
ماعدا حاجة واحده فى الدنيا بالمناسبة وهو " العسل " لانه الشئ الوحيد فى العالم اللى صفر فضلات .. لا ينتج عنه فضلات هضم و لذلك ذكر فى القراءن ان فيه شفاء للناس .
= و بالتالى الأكل تانى نرجع نأكد انه وسيله بنزين طاقة علشان تقوم بشغلك و دنيتك .. زيادتك فيه مش هيخليك اذكي .. و زيادتك فيه مش هيطول عمرك .
لذلك تجنبه عن طريق الصيـام ما استطعت .
= الأهم من ذلك بقى .. قلل اصناف الأكل اللى بتاكلها . .الرسول كان لا يخلط اكثر من إدامين .. اغلب طعام الرسول كسرة خبز فى زيت زيتون فقط .. تمر وعسل فقط .. خبز فى خل فقط .
= الإنسان هو الكائن الوحيد الذى يصاب بكافة الأمراض المختلفة لانه الكائن الوحيد اللى بياكل كل حاجة حرفيـا .. وبالتالى تعدد الأصناف = تعدد الأمراض.
= كل ما هو صعب فى الهضم هينتج عنه فضلات تعمل تخمر تعمل إلتهابات ..
علشان كده فلينظر الإنسان الى طعامه .
الخلاصة : اغلب المشاكل المرضية سببها تراكم فضلات طعامك داخل جسمك و هى تعتبر سموم لجسمك .. علشان كده الحل دايما فى المعده لانها بيت الداء وفيها الدواء .
الصـيام .. و خلي اكلك بسيط و سهل بدون تعقيد و تغيير فى طرق طهيه بشكل كبير .. الأرز لواحده حلو .. ليه تعمله معمر و تحط عليه مليون حاجة ..
دا مثال من وسط مليون .
و السلام عليكم ورحمة الله وبركاتة
دمتم بخير
منقول

بيان صادر عن البنك المركزي المصري:

بمناسبة عيد العمال، تقرر تعطيل العمل بكافة البنوك العاملة في مصر يوم الخميس الموافق 7 مايو 2026، على أن يُستأنف العمل صباح يوم الأحد الموافق 10 مايو 2026.