Meshhr/hossam. rafiek, October, 6 October City, 6 October City (2026)

29/03/2022

23/03/2022

رغم تحس انها نكته بس حقيقه

13/12/2021

wow so amazing and touchable, hope all CEOs and leaders can watch it and act conceptually. فيديو رائع : يستحق المشاهده , اتمنى من كل قاده العمل ان يشاهدوه جيدا و يقتدوا به

02/09/2021

معادلة التسويف

بعد ما مراتي رمتها في وشي وقالتلي" خليك كدا أجل كل حاجه لآخر لحظه"
وقبلها بيوم
زميلي في الشغل قاللي " إنت بتتحمس لحاجات غريبه وبتكسل عن حاجات غريبه"
وبعد تاريخي العريض مع الإمتحانات اللي بذاكرلها في آخر لحظه....
كان لازم أدور في الموضوع علشان اتعالج

"بيير ستيل" دكتور واخد دكتوراه في التسويف...دي حياته
عمل معادلة اسمها procrastination equation
معادلة التسويف
وبم إن فيه علاقة عكسيه بين التسويف procrastination والتحفيز motivation...ف اللي يزود دي ينقص التانيه والعكس

المعادلة:
Motivation =
value x expectancy / delay x impulsiveness

كل مازاد البسط اللي فيه ال value وال expectancy وقل المقام اللي فيه ال delay وال impulsiveness .....كل مازاد زاد ال تحفيز وقل التسويف والعكس طبعاً....

القيمة value:

قيمة الفعل أو المهمه نفسها بالنسبالك...حبك ليها وشغفك بيها أو اضطرارك لتنفيذها في أقرب وقت

بتحب الرياضه؟؟ مضطر تبطل تدخين؟ عندك امتحان بكره؟ أو project لازم يخلص في الشغل؟ قريت وسمعت وعرفت قيمة الصلاة فقمت تصلي الفجر؟ هاجر للقرآن وعرفت الخطوره؟ بتحب القرايه؟
قيمة الحاجات دي إيه بالنسبالك

فلو تقدر...متدخلش نفسك في حاجات قيمتها بالنسبالك قليلة أو إنك تعمل حاجة لمجرد إنك ترضي الناس أو تعمل حاجه مش بتحبها أصلاً
ولو ومضطر تعمل حاجة تقيله علي قلبك...وكلنا هنضطر طبعاً.... حط لنفسك عائد و كافئ نفسك عليها
أو فكر في أضرار عدم تنفيذ المهمه دي...زي الخوف علي صحتك أو الخوف من ربنا....الخوف أكبر حافز

التوقع expectancy

توقعك لقدرتك علي إنجاز المهمه وبالتالي الحصول علي العائد
كل ماثقتك في قدرتك علي إنجاز العمل زادت كل مازادت درجة تحفيزك والعكس

فلو العمل صعب أو بتصعبه علي نفسك زي ال perfectionist توقع إن ثقتك في قدرتك هتقل وهتقل درجة تحفيزك...وهتُحبط
ودي مشكلة هوس الكمال
Perfectionism is a myth
بيأجلو ويأجلو متخيلين إنهم هينجزو علي أكمل وجه

مش هصلي غير لما انضف قلبي...مش هتحجب غير لما اصلي... مش هاروح الجيم غير لما اظبط أكلي...مش هذاكر غير يوم سبت يكون موافق ١ في الشهر

وعشان تزود توقعك...مبدئياً إنسي الكمال...
و قسم العمل لأجزاء صغيره سهل النجاح في إنجازها لحد ماتكمل اللوحه Success spirals
و فنط المهمه وطلع السهل من الصعب وركز عليه..علشان الصوره تبقي واضحه وتعرف تنجز
وطبعاً تفائل خيراً وتوكل علي الله

وقت العائد delay

المده الزمنيه المطلوبه للحصول علي العائد
لو هتنزل تلعب رياضه علشان تشوف نتيجه بعد ٦ شهور
غير لما تنزل النهارده علشان ال endorphin rush أو تحرق كالوريز أو تغير مودك أو تبقي أقوي من امبارح وبكره تبقي fit عن النهارده

لو هتذاكر قبل الامتحان علي طول غير ماتذاكر كل يوم علشان ترتاح في الآخر
لو هتصلي علشان تدخل الجنه اللي مش باينه دلوقتي...طب مانت ممكن تموت فعلا دلوقتي وحسابك يتقفل...

يعني الفكره إنك بقدر الإمكان تخلق عائد علي المدي القصير حتي لو الموضوع نتايجه بعيده

الإندفاعيه impulsiveness

الرعونه
ضعفك قدام المشتتات...جريك ورا المغريات
مافيش قوة إراده و مافيش مقاومه حتي لو انت في الآخر عند ال deadline
كلنا كدا بس بدرجات
ودي بالذات غير ال ٣ اللي فاتو
اللي فاتو مرتبطين بالمهمه و العمل نفسه..
بيزيدو أو يقلو حسب المهمه....
دي مرتبطه بيك انت بس...
و لولا دي مكانش هييقي فيه تسويف مزمن
حتي لو عندك امتحان بكره....هتلعب
ودي لو متظبطتش ...شكراً
قوة إراده و determination ممكن البني آدم يتعلمه
وفيه كام طريقه زي commit 3
إنك قبل ماتنام تحدد ٣ حاجات أو ٣ خطوات صغيرين وتعملهم تاني يوم
لو السما انطبقت علي الأرض

أو Pomodoro Technique
طريقه عملها واحد ايطالي اسمه فارنشيسكو سيريللو
وهي انك تشتغل علي المهمه ٢٥ دقيقة بس وبعدين ترتاح وتفخد ٥ دقايق وبعد ٤ مرات ترتاح نص ساعه وهكذا ...ولو سرحت أو هجصت في النص أو لعبت ال٢٥ دقيقة مش هيتحسبو وتعيدها من الأول
وده بيقلل الdistractions
Pomodoro = طماطم
بالإيطالي
وحاجات كتير بقا زي ال time boxing أو to do list وهكذا

عندك كدا ٤ عوامل بيأثرو في المعادله..،
٢ بيزودو ال motivation و ٢ بيققللوه...

إوزن انت بقا اللي عايز تعمله أو عايز تبطله علي المعادله دي ...وشوف محتاج تظبط إيه

سلام عليكم
منقول