Nursing informatio S.C.U

اعلان وزارة الصحة والسكان للراغبين في الاشتراك في بعثه الحج لهذا العام للقطاع الطبي

للباحثين عن السفر

هل فعلاً الطبيب رقم واحد في المنظومة الصحية وما ينفعش حد يشرف عليه أو يبقى مدير عليه ؟
تعالو نتكلم بالقانون والمنطق
القانون قسم طبيعة الشغل لشغل فني تخصصي اللي صميم شغل أي فرد في المنظومة.
وشغل اداري او اشرافي او قيادي.
الشق الفني مينفعش حد يشرف على حد فيه غير واحد دارس نفس التخصص وعنده خبرة أكبر أو مؤهل دراسي أعلى في نفس ذات التخصص.
يعني الطبيب مينفعش اجيب له حد تاني يشرف عليه في العملية مثلاً.
انما أخصائي الجراحة العامة يشرف عليه أخصائي أكبر منه سناً أو استشاري جراحة من نفس التخصص.
وهكذا على كل الفئات.
مينفعش اجيب ممرض اقوله روح اشرف على صيدلي.
ومينفعش اجيب طبيب اقول اشرف على تمريض...الخ.
فيما يخص الشغل الفني الطبيب الاستشاري هو اللي يشرف على طبيب زيه.
والصيدلي يشرف على صيدلي زيه
والممرض كذلك...الخ.
الجزء التاني من الشغل هو الشق الاداري أو القيادي.
دة ملوش علاقة بالتخصص ولا بالشغل الفني.
دة ليه علاقة بطريقة ادارة العمل وتنظيم العمل داخل المؤسسة.
يعني مثلاً لما اقول ان فلان أياً كان تخصصه بقى مدير قسم مُكافحة العدوي.. دة مش معناه انه اعلى من باقي الزملاء او احسن منهم ..
ولكن دة واخد تفويض من ادارة المستشفى انه يشرف على مدى التزام جميع العاملين في المستشفى بتطبيق سياسات واجراءات مكافحة العدوى..
دة ملوش دعوة بشغل الطبيب ولا التمريض.
دة مش هيدخل يقول للطبيب اعمل العملية بالطريقة الفلانية او اعمل اشعة للعيان الفلاني ..
دة هيدخل يتأكد ان كل العاملين في القسم ايا كان مؤهلهم ملتزمين بتطبيق اجراءات مكافحة العدوى او الجودة او السلامة والصحة المهنية ...الخ.
يبقي لازم نفصل بين الشق الفني التخصصي والشق الاداري الاشرافي القيادي.
اي عضو في الفريق الصحي طالما معاه زمالة او ماجيستير مكافحة عدوى من حقه ان يبقي مشرف مكافحة عدوى أو مدير لفريق مُكافحة العدوى...
سواء كان طبيب .. مُمرض.. صيدلي .. كيميائي..الخ...
نيجي بقي لادارة المستشفى..
ينطبق عليها نفس المعايير ..
المستشفى دي مؤسسة كبيرة جدا فيها جميع الفئات الطبية والغير طبية...
والمدير دة مش اعلى واحد ولا أهم واحد ولا أفضل واحد ولا اشطر واحد.
المدير المفروض يكون دارس تخصص ادارة المستشفيات..
سواء كان طبيب او ممرض او صيدلي.. الخ.
طالما دارس علم الادارة وعارف ازاي يمشي المستشفى ويضمن سير العمل على أكمل وجه يبقى من حقه يبقى مدير يكش يكون خريج كلية تجارة حتى...
هاديك مثال يارب تفهم
هل المدير الفني لأي فرقة بيعرف يلعب أحسن من كل اللاعيبة ؟
هل هو اهم من كل اللاعيبة ؟
الاجابة لا
ولكن هو دارس علم الادارة
بيعرف يدير الفريق ويحط دة مدافع ودة مهاجم و دة حارس مرمى وهكذا...
يبقي يا حضرات الادارة علم ..
مينفعش تتاخد بالدراع ولا بالعافية ولا بالفلهلوة ولا بالعُرف ولا بالالقاب..
الادارة علم وفن ومهارة..
حضرتك دارس علم الادارة اتفضل امسك مدير ..
مش دارس اركن على جنب وخليك في تخصصك..
الكارثة الحقيقية في مصر ان احنا طلعنا لقينا ان جميع المؤسسات الصحية بالكامل وجميع المناصب القيادية بالكامل للأطباء البشريين فقط.
والأنقح .. ان معظمهم مش دارسين أي حاجة تخص الإدارة..
هو اتحط مدير لكونه خريج كلية الطب فقط و يُقال له يا دكتور.
ابسط مثال .. تروح اي وحدة صحية تلاقي المدير طبيب ممارس عام حتى مش معاه ماجيستير بقى هو المدير.
يعني اصلا لا معاه تخصص يأهله يبقى طبيب متخصص ولا معاه تخصص يخليه يبقى مُدير.
تروح لأي مستشفى مركزي تلاقي المدير طبيب نسا او طبيب عظام مثلاُ..
كل دول نحترمهم و نقدرهم ولكن مؤهلاتهم العلمية لا تؤهلهم انهم يكونوا مديرين..
الادارة علم زيها زي الطب بالضبط
ينفع تجيب خريج زراعة تشغله طبيب ؟
هاتقولي لا
اقولك طيب ازاي يتجيب واحد ليس لديه أي مؤهل علمي في تخصص الادارة وتحطه مدير ؟
المنطق والعقل والعالم كله يقول ان دي كارثة .. انك تحط شخص في موضع قيادة وهو معندوش المؤهلات لدة.
في مصر يرد عليك الناس اللي شالوا مخهم وحطوا فيه مهلبية ويقولك مينفعش حد يبقي مدير ع الدكتور..
و دة يا اما شخص جاهل ما يعرفش طبيعة العمل ولا المهام الوظيفية ولا يعرف اي حاجة عن المستشفى..
يا اما طبيب بس تعبان في دماغه ومصاب بمرض الاستحقاق والافضلية وان شئت فقل ان البعض منهم مريض بداء العظمة والكبر و الغرور وشايف نفسه فوق الكل..
و دة والعياذ بالله مرض نفسي
ومرض قلبي وذنب كبير يبغضه رب العالمين..
انك تشوف نفسك احق واجدر وافضل واهم واحسن و اكفأ من كل البشر فانت محتاج تروح الخانكة او العباسية تكشف على قواك العقلية..
العالم المتحضر المتقدم الناجح المتميز مبيحطش حد في مكان غير مناسب ليه.
يعني هنا الاطباء شايفين نفسهم أحق بكل حاجة..
في حين إن برا مصر فيه ممرضين ماسكين منصب وزير الصحة عادي خالص.
فيه ممرضين ماسكين مناصب قيادية في منظمة الصحة العالمية.
منظمة عالمية زي منظمة القلب الأمريكية كانت مسكاها ممرضة عادي خالص..
زمايلي في الدول العربية عرفوني ان فيه مستشفيات شغالين فيها المدي. بتاعها برا القطاع الطبي اصلاِ..
راجل معاه بكالوريوس تجارة تخصص ادارة مستشفيات ودارس ادارة اعمال ..
مدير عشان هو دارس ادارة.
وجايب للأطباء مدير طبي
وللتمريض مدير تمريض
وللاداريين مدير اداري ..وهكذا..
الحل للعلم والمتخصيين.
عايزين المنظومة ترتقي والبلد ينصلح حالها الغوا الفهلوة واحترموا العلم والكفاء ..
غير كدة انتو بترجعوا لورا..
أخيرا انا تعبت في كتابة المقال دة عشان افيدك واساهم في تغيير افكار الناس الغلط.
شير وكومنت

ازاي التمريض ها يمسك مناصب قيادية في المستشفى ومين من التمريض اللي ينطبق عليه قرار وزير الصحة الخاص بتمكين التمريض من شُغل الوظائف القيادية والإشرافية؟
كباية الشاي في ايدك وركز معايا.
✍️ التمريض اللي معاه دبلومة مكافحة عدوى من حقه ينضم لفريق مكافحة العدوى اذا الفريق اللي جوا المستشفى محتاج حد ..
👌لو الفريق مكتمل خلاص .. هتفضل زي ما انت اخصائي تمريض في شغلك العادي.
👌اومال مين اللي ينفع يبقى مدير فريق مكافحة العدوي؟
👌التمريض اللي معاه زمالة أو ماجيستير أو دكتوراه في تخصص مكافحة العدوى هو اللي ينفع يترشح لمنصب مدير الفريق .. بشرط ان محدش من باقي أعضاء الفريق الصحي يكون معاه نفس الدرجة العلمية أو درجة أعلى.
👌يعني لو المستشفى محتاجة مدير لفريق مكافحة العدوى يحق للتمريض انه يقدم على منصب مدير الفريق طالما معاه ماجيستير او زمالة في التخصص.
👌لو فيه فئات تانية معاها نفس الشهادة ممكن يتم اختيارهم عادي.
👌لكن ما ينفعش حد من باقي الفئات يكون معاه مؤهل أقل ويمسك هو الفريق.
👌يعني الطبيب اللي معاه دبلومة مكافحة عدوي مينفعش يمسك مدير للفريق طالما فيه تمريض معاه زمالة أو ماجيستير لأن الماجيستير والزمالة أعلى من الدبلومة..
👌كذلك لو حد معاه دكتوراه مكافحة عدوى فهو أولى من اي حد معاه زمالة أو ماجيستير..
👌يبقي بالراحة كدة يا شباب عشان نفهم.
👌التمريض اللي معاهم دبلومات معتمدة رسميا من جامعة حكومية مش من النقابة او أكاديمية السادات او المعهد العربي للتنمية المستدامة دول يحق ليهم الانضمام لفريق مكافحة العدوى في حالة احتياج الفريق ..
👌مفيش حاجة اسمها ابقى مدير الفريق وأنا معايا دبلومة ..
👌أقل شهادة تفيدك عشان تمسك مدير الفريق لازم زمالة أو ماجيستير ع الأقل.
👌من ضمن الشروط التانية هي الخبرة
يعني مثلا لو الفريق عايز واحد او ٢ والمستشفى فيها ١٠ اشخاص مقدمين ... ساعتها الاختيار هايكون للي معاه خبرة اكبر وللأقدمية.
👌لو ال ١٠ كلهم معاهم دبلومة يتم اختيار الأقدم فيهم والأكبر سناً.
👌لكن لو فيهم حد معاه زمالة ها يلغي الأقدمية ويتاخد حتى لو اصغر منهم.
👌يبقى كدة اذا الكل تساووا في المؤهل يتم اختيار الأقدم واذا جاء مؤهل اعلى يلغي الاقدمية.
👌طيب لو ٢ معاهم زمالة ها ياخدوا الأقدم فيهم والاكثر خبرة .. طيب لو نفس الخبرة ونفس الاقدمية ؟
👌ساعتها ها يختاروا الاكثر انضباطا والتزاما في العمل ودة بنعرفه من خلال التقرير السنوي بتاع الموظف.
👌طيب لو هما الاتنين متساووين في نفس التقييم السنوي .. ساعتها فيه بعض الاماكن بتعمل امتحان تحريري وشفوي و مقابلة شخصية واللي ينجح فيها يمسك المنصب...
👌يبقى كدة يا حبايبي محدش يضحك عليكم و يقولكم يلا بسرعة روحوا خدوا دبلومة مكافحة عدوي عشان تنضموا للفريق بسرعة ..
👌مفيش الكلام دة.
👌اللي هاينضم للفريق عدد محدود جدا اذا كان الفريق اصلا محتاج.
👌لكن مش كل واحد خد دبلومة يبقى مفكر نفسه ها ينضم للفريق بسهولة كدة .. مكنش حد غلب.
👌برضو وانت رايح تاخد الدبلومة تبقى عارف ان فيه ناس اكبر منك واخدينها وفيه ناس اكبر منك برضو ومعاهم زمالة و ماجيستير ..
👌عشان كدة بقولك تبقى فاهم الدنيا حواليك قبل ما تاخد اي شهادة.
👌ولو عايز شهادة في مجال مكافحة العدوى او الجودة يبقي انصحك تاخد ماجيستير أو زمالة وفكك من حوار الدبلومة خالص.
👌عشان فيه تمريض وصيادلة واطباء كتير بقى معاهم دبلومات وماجستير في المجال دة وبالتالي الدبلومة اصبحت ملهاش لازمة وسط العدد الكبير دة اللي معاه الشهادة و معاه اقدمية.
👌الكلام دة ينطبق على فريق الجودة و مكافحة العدوى والسلامة والصحة المهنية.

مطلوب اعضاء هيئة تدريس

تدريبات مجانية طلاب جامعه قناة السويس

Hand washing

oral medication Enjoy the videos and music you love, upload original content, and share it all with friends, family, and the world on YouTube.

🔴 رسميا صدور قرار تكليف كليات التمريض دفعة 2023
القرار رقم (270) لسنه 2025 ✅

علشان تنجح لازم خططك تبقي واضحة
حدد اهدافك ورتبها
حدد مستواك علشان تعرف هتبدأ من فين
روح المكان الصح اللي يساعدك تتعلم منه
ركز في كل معلومه
اجتهد واعمل اللي عليك لانك موكل بالعمل ليس بالنتيجه
مبروك أنت كده هتكون وصلت

كورسات مجانية

تكلفة الكورس = صفر جنيه ♦️
دورة Soft Skills . مجانية بالكامل
✅. لتسجيل الحضور على تلجرام من هنا👇
https://t.me/+V-TP0AkFHmhkMzU0

هتدرس معانا مجموعة من المهارات اللي هتفيدك على المستوى العملي والشخصي.
هندرس مع بعض :
▪️ مهارات اجتياز المقابلة الشخصية (الإنترڤيو)
▪️ مهارات حل المشكلات
▪️ مهارات القيادة والشخصية القيادية
▪️ مهارات إدارة الوقت
▪️ مهارات التواصل الفعال
▪️ مهارات الاستماع والتركيز

✅. لكل الطلاب او الخريجين لا يشترط مرحلة سنية محددة.

🔲. تحصل على شهاداتان باللغة الإنجليزية وباللغة العربية ✅
🔲. تحصل على داتا الشرح ملفات pdf

نظام الحضور :
✅ الحضور على جروب التلجرام محاضرات مسجلة
✅ ثلاث محاضرات لكل محاضرة بعدها اختبار
✅ لا تحتاج الكثير من الوقت لأن زمن المحاضرة ٢٠ دقيقة

رسوم الاشتراك : مجاناً.

✅. للاشتراك أو للمزيد من التفاصيل :
ادخل على رابط جروب الكورس من هنا 👇👇👇
https://t.me/+V-TP0AkFHmhkMzU0

بالتوفيق للجميع

Telegram: Join Group Chat

دعوة للراغبين في المشاركة في مؤتمر كلية التمريض جامعة قناة السويس بالاسماعيلية