مركز المستقبل

ملائكه علي الارض🤍🤍🤍

ايه أفضل حاجه ممكن أقدمها لابني بعد الحب؟؟

_تخرجيه. 🤔

اه والله أفضل حاجه تعمليها لابنك انك تخرجيه على قد ما تقدري

من وهو لسا بيبي (انا خرجت بنتي بعد الولاده ب ٣ ايام)

_معنى الخروج ايه ✋

معناه توديه مكان مفتوح

فيه طبيعه 👍

_حديقة.... نادي... جنينه عامه ان شالله تمشوا في الشارع كده

الخروج من بيت لبيت مش محسوب
الخروجة لكافيه مغلق مش محسوب

مكان اوبن يا جماعه

كلنا بيوتنا صغيره... وكلنا عندنا محاذير

متشيلش متوقعش متحطش متكركبش

بنزهقهم
طيب يعيش طفولته ازاي

هما محتاجين يروحوا مكان يخرجوا فيه طاقتهم من غير ما نقفلهم عالواحده

يتنططوا يجروا يطلعوا ينزلوا يشوفوا الشمس مكان واسع يحسوا فيه بالراحه مش حيطان واسقف

س: طيب أخرجه كام مره؟؟
على قد ما تقدري لو ينفع كل يوم خرحيه كل يوم

س:طيب بشتغل؟
بعد الشغل انا كنت بخرج ابني يوميا بعد الشغل؟

س:طيب حالتي الماديه مش متيسره؟
بقولك مكان عام انا كنت بروح اوديه حديقة بجنيه لو مش هتقدر تدفعي جنيه مشيه في الشارع او جناين عامه الي في الشارع

س:طيب الشتا؟
كل الأبحاث بتقول ان الخروج في البرد بيزود المناعه مش يقللها زي ما فاكرين
بالعكس القعاد في البيت يضعف المناعه عشان التهويه مش متجدده

س:طيب الواجبات والاكل؟
خدوا اكلكم معاكم وحلوا الواجبات بره
وخدي معاكي ترمس شاي عشان توفروا المشاريب

خرجوا ولادكم خرجوا ولادكم خرجوا ولادكم

وشوفوا تأثير ده عليهم وعليكم

تلات اربع المشاكل هتتحل والله
(العصبيه_فرط الحركة _ادمان الالكترونيات.... الخ)

الطفل العنيد📢
👌4 قواعد لتسهيل التعامل مع الطفل العنيد👇
الطفل العنيد📢

-ماما ينفع أتفرج على التليفزيون
❎-لأ..لما تخلصي الواجب الأول.

✅-ماما ينفع أتفرج علي التليفزيون
-أيوا طبعًا ينفع ياحبيبتي، أول ماتخلصي الواجب اتفرجي.

❇️ودي القاعدة الأولى✳️ من قواعد التربية الأربعة لتسهيل الحياة اليومية مع الطفل العنيد:
مابنقولش لأ أبدًا (لأ بتحسس الطفل انك ضده وبتستفز عناده، الطفل اول مابيسمع كلمة لأ، بيحس أن حريته بتتقيد وأنه لازم يدافع باستماتة عن حقه، فيبدأ يعترض وينفعل ويعند)

❇️القاعدة التانية:❇️
بنطلب اللي عاوزينه منهم بأقل عدد من الكلمات، وبهدوء ومن غير زعيق، ولو رفضو بناخد رد فعل يعني الكلام بيتقال مرة واحدة بس.
مثال:
-من فضلك حبيبي لم ألعابك من الأرض.
-لأ.
-معاك ١٠ دقايق تلم ألعابك، بعدها أي لعبة هتكون ع الأرض هناخدها دولاب ماما ترتاح أسبوع ومش هيكون من حقك تلعب بيها.
لما بنقعد نزيد ونعيد في الكلام ده بيحسسهم أننا سهل نتشد لجدال معاهم، ومابياخدوش كلامنا علي محمل الجد.

❇️القاعدة الثالثة:❇️
هنديله اختيارات، لما بنعمل كده الطفل بيحس أنه القرار في ايده وده بيخليه أهدي و أقل عِند.
مثال:
بنزور ناس أصدقاء وابنك بيلعب مع ولادهم، مش فجأة تقولي ياللا عشان هنروح، قبلها بنص ساعة قوليله:
-حبيبي تحب تلعب مع اصحابك ربع ساعة كمان ولا نص ساعة؟
أيًا كان خياره هنحترمه وهنروح معاه فيه.

❇️القاعدة الرابعة:❇️
لازم نوريه اننا متعاطفين معاه، الطفل العنيد بالذات بيبقي حساس جدًا ومحتاج اللي حواليه يوروه أنهم فاهمين مشاعره، ولما بنطلب منه حاجة بنقوله من فضلك ولو سمحت.
مثال:
المثال اللي فات نبهناه قبل الميعاد بوقت واديناله خيارات، دلوقتي هنقول:
-ياالا حبيبي النص ساعة خلصت.
لو بدأ يتعصب ويقول لأ مش عاوز امشي، اديله حضن وقوله:
-أنا عارفة أنك مبسوط باللعب هنا وعارفة أنه صعب عليك أن وقت اللعب يخلص، عشان كده هنيجي هنا تاني، لكن دلوقتي لازم نروح.

العند عند الأطفال ليه أسباب كتير، لكن ملكة الابداع والابتكار عند الأطفال دول عظيمة جدًا، ودايمًا تلاقيهم عندهم نزعه للتعاطف مع الضعفاء وتحقيق العدالة علي الأرض لما يكبروا.
حبوهم وافهموهم وحسسوهم أنهم مميزين وأصحاب قرار.
مثال صغير..👇
ابنى او بنتى عايزه تلبس لبس معين وانا عايزه لبس معين هى مصممه وانا مصممه هلغى اختياره واختيارى واختار حاجتين تانين خالص وأبدأ اخيره يختار اى واحد فيهم هنا خلينا الطفل يختار ومأذناش شخصيته وبنفس الوقت مش مشى كلامه علينا

⚠️نصائح تربوية فى غاية الأهمية👍😍..

1- العياط 😭 ملوش عقاب يعني مينفعش تزعلي منه إنه بيعيط ..العقاب ع الخطأ بس والتصرف السليم مع العياط التجاهل مهما كان المكان والناس اللي حواليكي .يعني يعيط سيبيه يعيط ولا تقولي بس ولا تحاولي تراضيه ولا تسهيه ف حاجه تانيه ولا تقوليله هزعل منك ولا كده عينك هتوجعك مفيش اي كومنت ولما يخلص عياط متلمهوش ع العياط ولا نقولي انا زعلانه انك عيط.. العياط دا تعبير عن الشعور مش خطأ ..

2- قبل الخروج لازم يكون فيه إتفاق 👌 على اللى هيحصل .. ده هيقلل المشاكل ..
- مثلاً .. إحنا رايحيين كارفور النهاردة هنجيب حاجات للبيت وأنت هتجيب حاجه واحدة وهنلعب لعبتين بس ..لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل ..

3- ممنوع الأطفال تنام ف نفس الأوضه مع الأب والأم بعد سنة ..

4- ممنوع يدخولوا الحمام معانا او يشوفوا الأم والأب أثناء تغيير الهدوم 🛑 ..

5- الموبايلات والتاب والتلفزيون📺 ساعة في اليوم مقسمه على مرتين .. مينفعش أكتر من كده ؛ لأن ده بيأثر على تركيز الطفل مهما كانت الإستفادة ..

6- الطفل لو عمل حاجة غلط قدام حد مينفعش توجهيه قدام الناس 😕 بتاخديه على جنب أو فى أوضة تانية وتعرفيه غلطه ولو غلط ف حد برضه متزعقلوش قدام الناس على جنب وتوجهيه وبعدين تطلعيه يعتذر ..

7- متعمليش حساب لأي حد على حساب ولادك 😍.. لو وسط مول .. وسط أهلك .. فى التاكسي أى حاجة تعملي الصح بغض النظر عن الناس متقوليش هسكته مثلا بأى حاجة عشان الناس .. الصح يتعمل تحت أي ظرف ..

8- متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها ..

9- لازم وهما بيلعبوا يعرفوا إن فيه مكسب وكمان فيه خسارة ولو رفضوا متلعبيش معاهم او وقفي اللعب ..

10- ممنوع ياخدوا أي لعبة من عند حد وهما نازلين🙄 وممنوع تدي أي لعبة من لعبهم لحد حتى لو بموافقتهم لأنهم بعد كده هيشوفوا إن عادي ياخدوا من عند حد طالما الناس بتاخد منهم ..

11- لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه إنه هيلعب مع الضيوف باللعب دى .. ولو رفض يبقى خلاص متلعبش وهما هيلعبوا لوحدهم ..

12- مينفعش نقول هقول لبابا 👨🏻لما يجي وبابا هيزعق .. ده غلط جداً إنتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا ..

معاناة الطفل الحركي ....
الطفل الحركى محب للعناق جداً،
حنون جداً
عانقيه كثيراً
كثرة القفز والحركة نتيجة لمشاعر داخلية لا يجيد الإفصاح عنها،

الطفل كثير الحركة ليس مريضاً ولا شاذا ،
بل يمتلك ذكاء كبيرا ويتظاهر بعدم التركيز.

أشركيه في مهام المنزل .. يصلح شيء .. يركّب .. يفك ...

وأثناء المذاكرة
📌احرصي على عدم وجود مؤثرات تشتت الانتباه حوله
📌لا تأخذيه من شيء هو مشغول به كلعبة مثلا ، حددي له وقت ثم انتظري حتى ينتهي .
📌أثناء المذاكرة أعطيه كرة صغيرة في يده يحركها أو اعملي فشار و اقعدي كلي معه😊
المهم اتركيه يتحرك اثناء المذاكرة و ستتفاجئي إن كل معلومة تقوليها بتدخل صح
يقعد على عجلته ، او يتحرك ذهابا وايابا في الحجرة و أنت تحفظيه درسه او تشرحيه ثم دعيه يسمع لك .....

حبسك له أثناء المذاكرة و ربطه في الكرسي سيتعبك و يتعبه و محصلة التحصيل ستكون ضعيفة جدا

هذا نمط تعليمه،
حاولي تكسبي طفلك... لا تخسريه

الطفل الحركي اللي كل الناس بتشتكي من شقاوته ومحدش بيبقي مستحمله ، بيكون احن واغلب طفل بجد
واكتر حد دايما متصاب بسبب الكلام عليه، دايما مبتلي لانه شقاوة ولسان ع الفاضي

لما تشوفوا طفل شقى بدل ماتقولوا ده صعب ولا ده قرد ولا انتي عايشه معاه ازاي ولا........
ده مش طفل طبيعي

ادعموا والدته بكلمة طيبة ولو مقدرتوش ادعوا لها سرا " ربنا يعينك عليه ويهديه "

فى النهاية هو طفل 💙

إحصائية تربيه خاصه :هبه عوض الله

انظر الفرق بين يد طفل في عمر ال7 سنوات (على اليمين) ويد طفل في الروضة 4 سنوات (على اليسار).
هل تريد أن تعرف لماذا طفل في مرحلة الروضة لا يستطيع الكتابة بعد !!
لأن أيديهم ما زالت في مرحلة النمو ولم تكتمل وتأخذ شكلها النهائي بعد.
إذاً ما يجب علينا فعله في هذه المرحلة !؟
اللعب .. اللعب .. اللعب ..
صلصال، ألوان، قص، تلصيق، اللعب في الخارج، اللعب في الرمل، التسلق، اللعب الحسيّ، التمثيل، التركيب، رمي والتقاط الكرة ...
كل هذه الأشياء ستساعد عضلات أيديهم على النمو والاكتمال ...
عندما يكونون جاهزين جسدياً للكتابة، سوف يكتبون !
لا داعي للاندفاع بطفلك .. أولياء أو أساتذة..

خلو بالكم متخلوش الدنيا تشغلكم عن أهم ما في حياتكم

بيتها مكركب 😒
بس أولادها لعبوا كتيير انهارده و انبسطوا 😍

أكلت هي وجوزها أكل بايت 🍱
بس عملت أكل صحي ومفيد للأولاد
🍎🍖🍵

سبت الغسيل إتملي هدوم 👕👖👔
بس الأولاد استحموا ولبسوا هدوم نضيفة وريحتها حلوة🛀🏻🚿

المواعين باتت في الحوض من امبارح 🍴
بس حكت قصص لأولادها

ملحقتش توضب السرير
بس مسابتش ابنها يعيط وحضنته كتيير و مصدقتش حد لما قالها سيبيه يتفلق👶🏼😫

ملحقتش تكنس و تلمع كل الشقة
بس الأولاد انهاردة اتعلموا حاجات كتيير مفيدة في مجالات كتير👍

مطبقتش كل الهدوم
بس خدت نص ساعة بعد ما الأولاد ناموا عشان تتفرج علي حاجة بتحبها و هي بتشرب حاجة سخنة ☕
عشان تقدر تكمل وتواصل
❤❤❤

لو زوجك قالك بتعملي إيه طول اليوم
قوليله بعمل إنسان له كيان
ببني بني آدم سوي
معندوش عقد ولا كلاكيع
بحاول استبدال ما هو أدني بالذي هو خير 😊

شغل البيت ممكن يتأخر شوية
والمواعين مش هتعيط في الحوض
ولا الدولاب عنده مشاعر وأحاسيس هتضايق لو الهدوم متطبقتش
بس الأولاد عندهم مشاعر وأحاسيس
عندهم كيان لازم نساعدهم يبنوه بدل ما نبقي أمهات أي كلام بتطلع جيل تاني من التوافه

اخصائي تربيه خاصه: هبه عوض الله

معاناة الطفل الحركي ....

الطفل الحركى محب للعناق جداً،
حنون جداً
عانقيه كثيراً
كثرة القفز والحركة نتيجة لمشاعر داخلية لا يجيد الإفصاح عنها،

الطفل كثير الحركة ليس مريضاً ولا شاذا ،
بل يمتلك ذكاء كبيرا ويتظاهر بعدم التركيز.

أشركيه في مهام المنزل .. يصلح شيء .. يركب .. يفك ...

وأثناء المذاكرة
📌احرصي على عدم وجود مؤثرات تشتت الانتباه حوله
📌لا تأخذيه من شيء هو مشغول به كلعبة مثلا ، حددي له وقت ثم انتظري حتى ينتهي .
📌أثناء المذاكرة أعطيه كرة صغيرة في يده يحركها أو اعملي فشار و اقعدي كلي معه😊
المهم اتركيه يتحرك اثناء المذاكرة و ستتفاجئي إن كل معلومة تقوليها بتدخل صح
يقعد على عجلته ، او يتحرك ذهابا وايابا في الحجرة و أنت تحفظيه درسه او تشرحيه ثم دعيه يسمع لك .....

حبسك له أثناء المذاكرة و ربطه في الكرسي سيتعبك و يتعبه و محصلة التحصيل ستكون ضعيفة جدا

هذا نمط تعليمه،
حاولي تكسبي طفلك... لا تخسريه

الطفل الحركي اللي كل الناس بتشتكي من شقاوته ومحدش بيبقي مستحمله ، بيكون احن واغلب طفل بجد
واكتر حد دايما متصاب بسبب الكلام عليه، دايما مبتلي لانه شقاوة ولسان ع الفاضي

لما تشوفوا طفل شقى بدل ماتقولوا ده صعب ولا ده قرد ولا انتي عايشه معاه ازاي ولا........
ده مش طفل طبيعي

ادعموا والدته بكلمة طيبة ولو مقدرتوش ادعوا لها سرا " ربنا يعينك عليه ويهديه "

فى النهاية هو طفل 💙