Roqa روقة

صورت من روف فندق سميراميس في محطة الرمل،
وفيو بحر إسكندرية من فوق هناك حاجة تانية خالص 🌊💙
قعدة رايقة، هوا نضيف، ومنظر يخليك تنسى الزحمة وتستمتع باللحظة ☕️✨

المكان مناسب للقعدة مع الصحاب، تصوير، أو حتى خروجة هادية مع نفسك 🌤️
لو بتحب الأماكن اللي فيها مزاج عالي وفيو فا The Babylon يستاهل المشوار

#روّقه #ريفيو #مزاج #اسكندريه

سلام على الأماكن اللي عايشة بالتاريخ والطعم 👌
البوهي مش مجرد محل فطار… ده حكاية بقالها من سنة ١٩٦٠ ولسه محافظ على الروح والطعم 🤍
سندوتشات سخنة، طعم بيشبّع قبل ما يملّي، وناس شقيانة بجد.
لو بتحب الفطار البلدي الأصيل… البوهي لازم يبقى في ليستتك ادعموه بكلمة حلوة 👇
#روّقه #ريفيو #شارع #تاريخ #البوهي

بيرفكتو يا خواجه 😅👌
فورنو بيتزا من ميلانو للنبي دنيال في اسكندريه
بيتزا بطعم مختلف فعلًا 🍕✨
عجينة خفيفة، نكهات واضحة، وتوليفة تحسها معمولة بحب 👌

جربتها في الافتتاح التجريبي قبل ما يفتح رسمي…
واللي هقوله بس: المكان ده هيبقى له صوت 👀🔥

لو بتحب البيتزا اللي مش تقليدية، خليك متابع…
والتجربة دي تستاهل 👌

قولولي تحبوا أجرب إيه بعد كده؟ 😎

#روّقه #ريفيو #شارع #دعم

مش دايمًا الحل بيبقى كبير…
أوقات كل اللي نحتاجه
نص ساعة مشي في اليوم.

نص ساعة بس كفيلة تروق المزاج،
تخفّف الضغط،
وتفك عقد اليوم اللي شدّ علينا.

مش لازم جيم ولا تجهيزات،
كوتشي ونيّة حلوة وخروج من البيت 🤍
وجرّبوا… وهتشوفوا الفرق بنفسكم.

لو جرّبتوا تمشوا، احكولي حسّيتوا بإيه 👇 #روّقه #نشاطنا #رياضه

الفسيخ والرنجة مش مجرد أكلة…
دي موسم، وذوق، وطقس له ناسه.
فيه اللي يعشق الفسيخ ،
وفيه اللي الرنجه عشقه واللي ميبدلش بطروخ الرنجة المخرز بأي بطروخ ليها
وأيًا كان فريقك…
المهم تبقى من مكان مضمون 😉
#روّقه #فسيخ #رنجه #مزاج #نورماندي3

يمكن سر السعادة مش في الحاجات الكبيرة
ولا في الزحمة
يمكن في فنجان قهوة معمولة بهدوء
قدّام بحر واسع
وصياد بيستنى رزقه بصبر
☕🌊
قهوة سر السعادة
أماكن بسيطة… بس أثرها كبير 🤍
#روّقه #دعم #مزاج #بساطة

مش كل الأماكن فخمة…
لكن في أماكن قلبها دافي 🤍
ناس بتشتغل بصمت، بضحكة، بكلمة، بحركة صغيرة،
ومهما كان المكان بسيط، ده بيخليه استثنائي.
لو حسّيت بالقلب اللي فيه… كلمة حلوة منك هتفرق معاه ❤️🙏
#روّقه #نوستالجيا #دعم

“مش بنصوّر أماكن…
بنصوّر قلوب بتتعب وبتحاول 🤍
دلوقتي دوركم تختاروا المكان الجاي…
تحبوا أروح فين أصوّر ناس بسيطة محتاجة الدعم؟
اكتبولي في الكومنتات ⬇️”
وشكرًا ليكم واحد واحد على دعمكم اللي لمسني 🥰🙏
سيبوا اقتراحاتكم… يمكن مكانكم يكون هو الجاي 🤍
#روّقه #دعم

في أماكن بسيطة كده… بس طعمها يحكي تاريخ 👌
📍 وادي النيل
ساندوتشات على أصولها، وكباية لبن دافي ترد الروح ☕
مكان موجود من سنة 1949 ولسه محافظ على طعمه لحد النهارده.

لو بتحب الحاجات الأصيلة والبسيطة… ده مكانك 👏
ادعموهم وجربوا بنفسكم ❤
#روّقه #المنشية #نوستالجيا

وأنا واقفة عند ترام محطة الرمل،
لقيت مكان بسيط بس طعمه كبير.
واحد مشوي أكل حلو من غير فزلكة،
تجربة تستاهل 👌
لو عدّيت من هناك جرّبه وقولي رأيك ؟ 😊
#روّقه

في أماكن لسه محتفظة بطعمها وناسها 🤍
فطار بلدي من قلب المنشية،
ناس بسيطة بتشتغل من قلبها وبتفرح باللي ييجي.
اللي زي دول يستاهلوا الدعم…
عشان الخير يكمّل
#روّقه #المنشية #فطار