13/09/2024
القصة محتاجة مليون مقال عن التحليل عشان نقدر نفهم الناس الي قدمنا وأفعالهم
بس الاهم والأدق نفهم نفسنا
ليه بنجذب ناس بالشكل ده
وده مربط الفرس أصلا
الآخرين انعكاس لينا
لو أنا ابيض اوى شيء طبيعي حجيب اسود اوي يكملني
و العكس بالعكس أنا لازم افهم لعبه الحياه
فبتالي لو انا مش فاهم حتجي ناس بصيغه معلم تفهمني
مش المعلم بتاع المدرسه
لا المعلم الي هو مواقف الحياه الي تجسدها الاشخاص
قصه كامله ليها ابطال
ودي بقي نعمة القصص
الي ربنا سبحانه و تعالي انعم علينا بيها من قصص الانبياء و الصدقين و الاوليين و الامم السابقه
وكان قوله تعالي في سورة الحجرات
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ (13)
نركز اوي ديما في اي ايه فيه اسم الجلاله الخبير
ده معناه ان الاي دي فيها. علم و خبرة
والأمر و اضح
كل دي مقدمة طويله اووووي 🙈🙈🙈
أنا عارفه
بس التلاعب بالعقول او لعبه قلب التربيزة
او لعبه انك تاخد من كلام الشخص او افعاله سيف ضده
ده شيء مرعب
انك في اي حوار بينك و بين شخص يسيبك و يمشي وانت. بتشك في نفسك مليار مره
بتشك في معني
ونجي هنا بقي لحاجة مهمه اوووووووي
زعزعه ثقتك في نفسك
ومفاهيم ذي الحب و الصدق والتقدير
كل دي معاني هامه
مينفعش نهائياً و تعتبر جريمه ❌❌❌
لو اب او ام قالوا لطفل ادي حاجاتك للضيوف او اكرم الضيف بكل ما تملك وانت ااقعد اتفرج
عارفه انه معني يبان غريب
بس حقيقي انت بتقول لابنك ببساطه انت درجة تانيه في الحياه
اما يكون في اساله عن العلاقات و خصوصا من المراهقين
وننعت الحب بالعيب 🚫🚫🚫🚫🚫
هو مش عيب
هو له حدود لانه جميل اوى
نقدر نرد انه علاقه مهمه و محتاجة مسؤوليه كبيرة من كل الأطراف
و ده مش وقتها
فبتالي
احنا ممكن نتلاعب بعقول اولادنا و نقولهم بوضوح كده
ان الي بيحبك او مصدر أمانك شخص ممكن يتلاعب بيك
🤦🏼♀️🤦🏼♀️🤦🏼♀️🤦🏼♀️
عادي
ازاي احنا بنعلمهم الحب
هما أصلا جم من علاقه اساسها الحب
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ﴾
[ الروم: 21]
الأصل المودة
الأصل الحب
العيب هو اني اخرج من اطار الحب المقدس
الي رب العباد كرمنا كبشر بيه
و نتحول لمخلوقات اخري
ادي صوره من صور التلاعب
ادي سبب ليه بنجذب علاقات متلاعبه
الحق احق ان يتبع
خليك دقيق في تربية اطفالك
اهم كتير ما تحكم علي علاقات صح
انها غلط
و تحرق افكارهم
و انت نيتك سليمه
18/04/2024