عطيه عصام - Attia Essam

خلي بالك واقرا الكلام ده كويس اوي ..

اللي في الصورة ده ابلكيشن موجود على جوجل ستور اسمه زي ما مكتوب كدة "Money box" .

الابلكيشن ده عبارة عن ابلكيشن قروض، الفكرة العامة انه بيدي قروض صغيرة للناس من باب الفلوس السهلة يعني، هتلاقيه منتشر في الجروبات من نوع "عايز تكسب فلوس بسهولة ابعتلي خاص" والجو ده، وطبعا كلنا في عرض الجنية، فا مش خسرانين حاجة، فا بكل سهولة بنروح ننزله ونتبع الخطوات اللي هيا عبارة عن رقم محفظتك ومعلومات عنك وصورة بطاقتك وصورة سيلفي ليك واربع ارقام ثقة مقربين ليك ورسالة كونفرم والحاجات دي جميل؟

وبعد كدة بيعمل loading لحد ما يقولك تم التسجيل بنجاح ✅

وفجأة بتلاقي مبلغ نزل على محفظتك فعلا من غير ما تطلبه، اجباري، وانتا وحظك ممكن يبقا ١٢٠٠ جنية مثلا، لحد ما يعدي ٦ ايام بالظبط.

وهنا المصيبة بقا ..

هتلاقي ارقام واتساب بتكلمك تطالبك بتسديد ضعف المبلغ كفوايد وده بعد ٦ ايام بس، يعني لو ادوك ١٢٠٠ جنية هتلاقيهم بيطالبوا ب٢٤٠٠ جنية، ولو رفضت، فا لما البرنامج كان بيعمل loading هما سحبوا بيانات تليفونك كلها، ارقامك وحسابك عالفيس وصورك انتا واللي يخصوك من عالموبايل، وتبدأ لهجة التهديد والشتايم بقا، هتدفع ولا ننشر صورك ونبعتها لجهات اتصالك؟

لو عملت بلوك للرقم هتلاقي رقم تاني بيبعتلك، رقم تاني وتالت ورابع وارقام بتتصل بيك هدفها تخوفك وتشوه سمعتك، ونفس اللهجة والشتايم والابتزاز، وهتلاقي صورك اتركبت على صور عريانة وبيبتزك بأرقام وحسابات اقرب الناس ليك، وارقام اغلبها برة مصر يعني مش مرخصة ومفيش جهة قانونية تعرف تطاردهم.

طيب لو سددت؟ هتلاقي باقي الارقام بتهددك بردو كأنك مسددتش حاجة، وظيفتهم كلها انهم يسحبوا منك اكبر مبلغ ممكن، ولو سددت هينزلك قرض تاني بمبلغ اعلى اجباري، وبعد كام يوم هتلاقي نفس الابتزاز على ضعف الرقم اللي سلفوهولك بالغصب، دايرة مبتنتهيش.

الفكرة ان اكتر المهددين والمستهدفين هما البنات اللي متصورة بشعرها او لنفسها عالموبايل وبيتم ابتزازها بالصور دي، او اي صور خاصة ليك او لحد يخصك، او اي محادثة مش عايز مديرك في الشغل يعرفها، او تهديد انك تتشتم بالام ويتقال عليك نصاب لمديرك في الشغل مثلا او اهل خطيبتك وهكذا،

فا لو عدى عليك الابلكيشن ده او اي ابلكيشن شبيه زي cash plus او غيره، متنزلوش، اللي قبلينا قالوا الحداية مبتحدفش كتاكيت، ولو حصل ونزلته اعملهم بلوكات ومتردش على اي ارقام خالص لحد ما يزهقوا، لانك بمجرد ما رديت بقيت صيدة سهلة ليهم.

شكل جديد من اشكال النصب والابتزاز فيه ارقام مصرية على مغربية محدش فيهم هيقدر ظروفك ومحدش فيهم موجود في مصر اصلا، خلي بالك و اوعى تنزله ولو عندك امسحه على طول.

تاني : متدوش بيناتكم لاي حد و لا حتي لو جه عن طريق أصحابكم المقربين ،
اسم الابلكيشن Money box

شير في الخير 🧡

شير في الخير
بمناسبة شهر رمضان الكريم ♥️

تعلن شركة آل عطيه - Al Attia Company عن حاجتها لممثلين مبيعات - خدمة عملاء - مصور فوتوغرافي للأنضمام الى فريق العمل
المهام :
• تسويق وبيع منتجات الشركة ( منتجات دعايا واعلان شاملة )
• بناء وتعزيز علاقات قوية مع العملاء
• تحقيق أهداف المبيعات المحدد
الشروط :
• خبرة سابقة في مجال المبيعات
• لباقة في التحدث
• القدرة على تحمل ضغط العمل
• يفضل من سبق لهم العمل في مجال الدعايا والاعلان والمنتجات الدعائية
• اجادة اللغة الانجليزية
• اجادة استخدام الحاسب الالي والتعامل من خلال البريد الالكتروني
المميزات :
• مرتبات مجزية وبدلات تنافسية
• بيئة عمل محفزة وفرص للتطور المهني
لمن يتوافر لديه الشروط ارسال السيرة الذاتية مع كتابة المسمى الوظيفي
التواصل على 1554466779 واتس اب ارسل تم اولا ثم مشاركه حتى يتم التواصل معك 🤩

مصر في الترتيب الخامس في أعلي مستخدمين لموقع
المراهن…ات الشهير 1x Bet
تقدر الزيارات الشهرية من مصر 10 مليون زيارة !!

حابين نفكركو بحاجة ربنا كان قايلها في كتابه العزيز

قال الله تعالي "يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ وَالأَنْصَابُ وَالأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ"

بس برضو ربنا رجع وقال تاني
" إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا"

يعني الكلام ده معناه يا حبيبي إنك حتي لو مشيت غلط والشيطان ضحك عليك قدامك لسه الفرصة إنك ترجع لربنا وتتوب قبل ما الآوان يفوت

أسأل الله أن يهدينا جميعًا وأن يتغمدنا جميعا تحت رحمته الواسعة.

لو صادفت في يوم حد بيلقح عليك بكلام وبفعل ، حد بيتكلم عليك في ضهرك ، حد بيتعالى وشايف نفسه أحسن منك إياك تزعل ولا تشيل في قلبك لإن أنقص الناس هما اللي بيقللوا من قدر غيرهم ، اللي بيلقح عليك دا عارف ومتأكد إنك أحسن منه ، اللي بيجيب في سيرتك دا بيعوض ناقصه بالكلام عليك ، اللي بيتعالى دا أقلهم قدراً لإن الشبعان طول عمره متواضع وخدوم لغيره ، وفي النهاية حابب أعرفك إن فيه جملة مشهورة زمان كانت بتقول كل واحد عارف أصله فانت متزعلش لإن أصلك نضيف وطيب ..

«البركة مش فلوس كتير» البركة في أن يعدي شهر واتنين وتلاتة.. وانت مش مضطر تروح للدكتور لأن ربنا مبارك في صحتك..

▪البركة إنه يعدي موسم واتنين وتلاتة وانت مش مضطر تجيب لبس.. لأن جسمك زي ما هو.. ربنا مبارك في شكله.. ومبارك في اللبس فـ متقطعش وما فسدش..

▪البركة في إنك تأكل أكل قليل وتشبع.. في إنك تنام حبه قليلين وتصحى فايق.. في إنك بتفهم أي حاجه جديدة عليك.. وتبقي شاطر فيها من غير ما تحتاج حد يساعدك أو يشرحلك..

▪البركة في إنك تروح مكان عامل حسابك إن فيه زحمة وهتتأخر.. وربنا يسخر لك اللي يمشي لك أمورك بلا حول لك ولا قوة..

▪البركة في إنك لما تروح مكان..
كل الناس تحبك من غير مجهود منك..

▪البركة في حاجات كتير لا تحصى.. ولا تعد.. بس إحنا اللي دماغنا ضيقة.. ولا زلت أذكر كلمة قالها لي أحد مشايخي في موقف بيني وبينه قال "قليل مبارك خير من كثير منظور"

فاللهم بارك لنا فيما أعطيت..🤲

التايم لاين عندي نصه عباره عن ناس بتسال بعضهما هو انا صاحب كويس ؟!
والنص التاني بيدور علي مسبيرو اسبيس

الاكونت بتاعي في مشكله ولا مبقاش في اخبار عن القضيه ؟🚶

انا مش هـمـوتك الـمـوت راحة ليك انا هشربك سيناكولا

هي دي اللي انت بتعمل ناصح عليها وتقعد تفاصل معاها علي اتنين جنيه في شروة بعشرة جنيه
ولما تروح الكافيه تقوله خلي باقي الخمسين عشانك .