Trainer esraa elmahroky

صباح الفل ...

الناس تفهم ان ال IQ غير ال EQ ( الذكاء العاطفي )

عشان كده هتلاقي ناس ذكية جدا أكاديميا و حلاليف عادي ...

عشان كده و انت بتربي الطفل حاول تنمي عنده ال EQ و تخليه يفهم أدواته زي ال self-awareness و ال sympathy and empathy

اقعد معاه لما يتضايق ... و قوله تعالا نفكر ..

- انت حاسس بإيه ؟ ... هيقولك متضايق مثلا

- قوله متضايق و لا زعلان و لا غضبان ؟ ... بشكل غير مباشر هيفهم ان دي حاجات مختلفة و أشكال مختلفة

- قوله انا حسيت بيك و انا جنبك .. هيفهم بشكل مباشر ازاي يتعاطف و يساند غيره

- قوله تقدر تقول ايه مضايقك ؟ .. خلى دايما open question

- بعدها حاول تخليه يفهم سبب انه اتضايق ... زي انك تسأله ( و ده خلاك متضايق ليه ؟ )

لما يتعلم يعمل ده في مشاعره ... هيعرف يعمله مع غيره ...

هيبقى سلمته أداة مهمة انه يبقى زوج ناجح ... موظف ناجح ... مدير ناجح ... قيادي ناجح

ال EQ حسب The Economist واحد من اهم عوامل النجاح مهنيا ...

-ماما ينفع أتفرج على التليفزيون؟
-لأ..لما تخلصي الهوم وورك الأول.

-ماما ينفع أتفرج علي التليفزيون؟
-أيوا طبعًا ينفع ياحبيبتي، أول ماتخلصي الهوم وورك اتفرجي.

ودي القاعدة الأولى من قواعد التربية الأربعة لتسهيل الحياة اليومية مع الطفل العنيد:
مابنقولش لأ أبدًا (لأ بتحسس الطفل انك ضده وبتستفز عناده، الطفل اول مابيسمع كلمة لأ، بيحس أن حريته بتتقيد وأنه لازم يدافع باستماتة عن حقه، فيبدأ يعترض وينفعل ويعند)

القاعدة التانية:
بنطلب اللي عاوزينه منهم بأقل عدد من الكلمات، وبهدوء ومن غير زعيق، ولو رفضو بناخد رد فعل يعني الكلام بيتقال مرة واحدة بس.
مثال:
-من فضلك حبيبي لم ألعابك من الأرض.
-لأ.
-معاك ١٠ دقايق تلم ألعابك، بعدها أي لعبة هتكون ع الأرض هناخدها دولاب ماما ترتاح أسبوع ومش هيكون من حقك تلعب بيها.
لما بنقعد نزيد ونعيد في الكلام ده بيحسسهم أننا سهل نتشد لجدال معاهم، ومابياخدوش كلامنا علي محمل الجد.

القاعدة الثالثة:
هنديله اختيارات، لما بنعمل كده الطفل بيحس أنه القرار في ايده وده بيخليه أهدي و أقل عِند.
مثال:
بنزور ناس أصدقاء وابنك بيلعب مع ولادهم، مش فجأة تقولي ياللا عشان هنروح، قبلها بنص ساعة قوليله:
-حبيبي تحب تلعب مع اصحابك ربع ساعة كمان ولا نص ساعة؟
أيًا كان خياره هنحترمه وهنروح معاه فيه.

القاعدة الرابعة:
لازم نوريه اننا متعاطفين معاه، الطفل العنيد بالذات بيبقي حساس جدًا ومحتاج اللي حواليه يوروه أنهم فاهمين مشاعره، ولما بنطلب منه حاجة بنقوله من فضلك ولو سمحت.
مثال:
المثال اللي فات نبهناه قبل المعاد بوقت واديناله خيارات، دلوقتي هنقول:
-ياالا حبيبي النص ساعة خلصت.
لو بدأ يتعصب ويقول لأ مش عاوز امشي، اديله حضن وقوله:
-أنا عارفة أنك مبسوط باللعب هنا وعارفة أنه صعب عليك أن وقت اللعب يخلص، عشان كده هنيجي هنا تاني، لكن دلوقتي لازم نروح.

العند عند الأطفال ليه أسباب كتير البوست مش مجالها، لكن ملكة الابداع والابتكار عند الأطفال دول عظيمة جدًا، ودايمًا تلاقيهم عندهم نزعة للتعاطف مع الضعفاء وتحقيق العدالة علي الأرض لما يكبروا.
حبوهم وافهموهم وحسسوهم أنهم مميزين وأصحاب مقربين

بعض الطرق العملية لتبعدى اولادك عن الموبايل والتاب والتليفزيون🚫💻

ازاي هتملي يوم طفلك لو مفيش تليفزيون او كمبيوتر او اي شيء له شاشه ؟!👇

التليفزيون و التاب و الموبيل و الكمبيوتر كلها حاجات ليها وقت محدد مسموح بيها علشان متضرش الطفل الوقت المسموح هو ساعتين في الأسبوع من بعد 8 سنين ممكن ساعة في اليوم👌

لكل أم تخطت الوقت ده بمراحل و ولادها بيقضوا ساعات من يومهم قدام الكرتون بغض النظر هو كويس ولا لأ حتي لو مقعداه قدام قناه تعليمية للأطفال😌

و الكلام ينطبق علي قناة براعم اللي للأسف الشديد امهات كتير مضايقة انها بقت بأشتراك و أطفال كتير متأثرة نفسيا كأن حاجة مهمة أوي في حياتهم اختفت مش مجرد قناه !!🤔

لو تجاوزتي الوقت المسموح أي كان المحتوي ده سبب كافي ان طفلك سلوكه يسوء و تركيزه يقل علي جميع المستوايات

طيب اصل هما بيزهقوا العب معاهم ايه ؟ طب هلهيهم في ايه لحد ما اخلص اللي ورايا؟🤔

دي افكار تساعدك :👇👇

*اختاري اللي يناسب سن و شخصية طفلك و ممكن تاخدي الفكرة تطوريها او تبسطيها حسب سنه ⛔

1-مشاركة في تنظيف أو ترتيب البيت

2-احكوا حدوتة

3-اعملوا مسرح عرايس و خليهم هما يعملولك القصة و انت اتفرجي

4-الواح ورق كبيرة عالحيطة و يرسموا بخامات مختلفة الوان خشب,فرشة و الوان مياه,الوان اصابع ,لوح سودا و يرسموا بالطباشير مش كراسة رسم و علبة الوان و اقلب , و ممنوع كراريس التلوين الللي فيها رسومات جاهزة مطبوعة و هو يلون لأنها من معوقات الإبداع 🚫

5-العاب مطبوعة يحلوها زي الاختلافات و المتاهة و انهم يدوروا علي حاجات في مشهد

6-تتفرجوا علي فيلم قصير او كرتون عن قيمه معينه و تتناقشوا فيها

7-تتفرجوا علي اي مشهد من فيديو و بعدين تسألوا بعض فيه مثلا كانوا في مكان شكله ايه ؟لبسهم؟عددهم🤔؟

8-بازل فيه من اول ال 4 قطع لحد ال 300 قطعة و اكتر

9-اي مكعبات مبتتجابش و نرميها للطفل و خلاص و بعدين نقول محبهاش لأ لازم نطور فيها مره نعملها عربية و نركب فيها لعبة تانية مره نعمل بيت علشان نمثل بيه حاجة تانية ,مره نعمل حيطة صغيرة علشان نداري ايدنا وراها في مسرح العرايس اتفقوا علي فكرة و سيبيه ينطلق فيها 👌

10-تقليد اصوات كل واحد يقلد صوت حيوان او حاجة و الباقي يخمنوا 🗣️
11- عروستي :دي ممكن تلعبيها مع ولادك و انت في المطبخ يقعدوا عالباب و تلعبوا اي حاجة موجودة في الشقة حد يوصفها و الباقي يخمنوا مثلا عروستي ؟ 🙋‍♂️

احترس !
فذلك النوع من التربية فيه سمٌّ قاتل !

(دخل على والدته مقهورًا)
- ماما .. صاحبي ضربني ..
- انت السبب ، شوف غلطت في ايه خلاه يعمل فيك كده !

النتيجة = رجل بالغ .. يعاني من جَلد الذات !

الحل= أشرح لي الموقف بصدق .. أنت أخطأت ولكن تصرفه غير صحيح
نتكلم بهدوء (نحن المرجع و ملاذه الوحيد الإهمال يؤدي إلى كتم الطفل لكل ما يحدث له)

(أب يعاقب ابنه)
- طيب ، انت محروم من اللعب
- انا عملت ايه !
- مش عارف انت عملت ايه ؟! خليك بقا من غير لعب لغاية ما تعرف .. !

النتيجة = رجل بالغ .. مصاب بفرط التفكير (overthinking)

الحل = بهدوء انت معاقب على خطأك ونشرح له الخطأ ونطلب الاعتذار
والوعد بعدم التكرار

(طفل يشعر بالحزن)
- مالك يا حبيبي
- زعلان
- طب خد كل الشوكولاتة دي وما تزعلش

النتيجة = رجل بالغ .. مصاب بالشراهة المصاحبة لمشاعر الحزن ..

الحل=لماذا انت متضايق ؟ هل بسبب المدرسة ؟ هل ضايقك أحد ؟
نبحث مع الطفل عن السبب حتى يشعر بالراحه

(طفل يرتمي في حضن أمه باكيًا بحرقة)
- مالك يا حبيبي !
- إتخبطّ في الترابيزة ..
- كده يا تربيزة يا وحشة ؟ ليه تخبطي أحمد ! أوعي تعملي كده تاني !
خلاص يا حبيبي ضربتها ..!

النتيجة = رجل بالغ .. يمارس الإسقاط ، دائم إلقاء اللوم على الآخرين ، ويتبنى دور الضحية ..

الحل = أرني هل تاذيت؟ لا تبكي انت ذكي ولن تركض ثانيا في البيت

(طفل جرِحَ رغم رفقة أخيه الأكبر له)

- انت كنت فين لما أخوك اتجرح ؟ مش تاخد بالك !
- كنت بلعب !
- أنت إنسان مهمل ، لو كان جراله حاجة كنت موتّك !!

النتيجة = رجل بالغ .. فاقد الثقة بقدراته ..

الحل = عدم استغلال الطفل الأكبر هو ليس مراقب ولا مربي
إعطائه دور القائد في العائلة لمنع الغيرة بين الأخوة وليس لتحميله مسؤوليه ليست من واجبه

(طفل معترض على أداء الواجب)
- طب لو عملت الواجب هاجيبلك هدية !

النتيجة = رجل بالغ .. مادي ، أو أنَوِي ..

الحل = نساعدة ونجلس معه حتى ينهي الواجب ( الدعم النفسي مهم عند مواجهة الطفل لأي صعوبة)

(طفل يتعرض للتنمر من زملائه ويشتكي لوالده ، فيكون رده)
- معلش.

النتيجة = رجل بالغ .. انطوائي أو مصاب برهاب اجتماعي ..

الحل = ادخل الطفل دورات تعلم الرياضة لتقوية الثقة بالنفس
الذهاب مع والدة للمسجد او التسوق..مخاطبة المدرسة وأبلاغها عن الأمر دون علم الطفل ..التنمر يؤثر في الطفل مدى الحياة
لا يجب الاستهانة به

(أم تشجع ابنها على السلوك الجيد)
- خليك مؤدب عشان أحبك !

النتيجة = رجل بالغ .. يتخلى عن مبادئه مقابل أن يجد قبولًا من المجتمع ..

الحل=حب الام للطفل غير مشروط ..هي تحبه مهما فعل وهذا يجعله صريح
وجريئ للتصرف على حسب فهمه وليس كما يملي عليه الآخرون

(أب صارم)
- مافيش نفس تتنفسه بدون إذني وإلا هتتعاقب ..

النتيجة = رجل بالغ .. مُنقاد ..

الحل= عدم ترهيب الأطفال هم ليسو لهم ذنب ب ما عشناه في الماضي من ظروف
وأن تحملنا قسوة آبائنا ليس علينا أن نورثهم نفس ما عانيناه

أطفالنا أمانة في أعناقنا ، لا تُقرروا الإنجاب قبل أن تدركوا حجم تلك المسؤولية !
فأطفال اليوم هم آباء وأمهات الغد ..

قواعد التربية الأربعين :
"عجبوني جدااا ..

١) الاطفال بيوسخوا #البيت تقبلي الفكره سبيهم يلعبوا و نضفي بليل
٢) المواعين ممكن تستنى لكن ولادك هيكبروا و مش هيستنوكي اقضي معاهم وقت
٣) فكره ان #الطفل التخين سليم و الرفيع عيان دي انتهت كفايه نفخ في العيال
٤) ابنك مش ابو تريكه انسوا الكره شويه و علموه #رياضه مفيده "هييقى التراس في الاخر و هتلموه من الاقسام"
٥) عزيزي الاب مبروك عندك عيال يا ريت تتفضل معانا
٦) #البنت زي #الولد ماهيش كماله عدد نظريه اكوي قميص اخوكِ خلصت من الخمسينات "يعتمد على نفسه"
٧) ابنك بيرد عليك عشان اول حاجه اتعلمها تف على #عمو يا حبيبي "بديهي"
٨) نظام #التعليم فاشل فابنك لو الاول فهو اول الفاشلين بلاش جو المعتقلات في المذكره بالهداوه "
٩) #امك مش دكتوره "الا لو معاها كارنيه نقابه الاطباء"
١٠) ولادك احتمال يطلعوا لابوهم الي هو اختيارك اصلاً فبلاش نعايرهم كل شويه انهم زيه
١١) متضيعيش عمرك في خلطه الفراخ السريه الاطفال بتاكل اي حاجه لو كانوا #سعداء و بيضحكوا
١٢) المدرسين بياكلوا عيش كلامهم غير موثوق فيه انت بس الي هتعرفي ابنك فاهم و لا لأ
١٣) في اماكن تانيه على الارض غير بيت امك و #حماتك يا ريت العيال تشوفها
١٤) المشاعر اهم من الطبيخ و الشغل
١٥) صحيان #الصبح متعب لكل انت كمان بتكوني تعبانه فبلاش صويت في العيال هما مش سمعينك اصلاً
١٦) ولادك بيتكلموا و نوعهم #انسان يعني عنده مخ و يقدر ياخد قرار اديله فرصته
١٧) #الحواديت حاجه مفيده مش هيافه
١٨) ابنك هيفضل #رجل لو اتعلم #موسيقى "عادي"
١٩) #الوجبات السريعه مضره و تؤدي الى الامراض "مش شياكه اطلاقاً"
٢٠) المفروض الاستحمام للاسترخاء انما دعك المواعين دا افترى
٢١) صوتك العالي دليل على ضعف موقفك
٢٢) #الرسم مش تضيع وقت دا ابداع و الحيطه بتتغسل عادي جداً
٢٣) الهدوم قابله للغسل و اخترعوها عشان تتوسخ
٢٤ ) الهدوم للراحه مش للمنظره
٢٥) ابنك عنده وجهه نظر يا ريت نسأله عن رأيه
٢٦) بلطجه ابنك مش مصدر للفخر اطلاقاً دي مصيبه
٢٧) ابنك مش زي ابن #اختك و الهي و مش هيكون زيه
٢٨) ولادك ممكن يصاحبوا #ناس غير ولاد اصحابك عادي و يعيشوا
٢٩) #اصحاب ولادك مش سبب مشاكلك ،الانحراف استعداد، عالجي ابنك بدل ما نعلق فشالنا على الناس
٣٠) #التربيه حوار و الحوار هو انك تتكلم و تسمع مش انك تكر كلام وبس
٣١) الاطفال بيقلدوا الي بيشوفوه مش الي بيسمعوه
٣٢) اتفرج على الكرتون هتتصدم من الي #ولادك بيشوفوه اقعد معاهم و وجهم
٣٣) عزيزي #الاب تعاطفك لواحدوه مش كفايه
٣٤) الاطفال مش مزعجه #الاطفال مكبوته
٣٥) الخطف بقى ظاهره ركزوا مع #اولادكم في كل خطوه
٣٦) الفرق بين #طفل و التاني اهتمام واستيعاب
٣٧) #ابنك مواليد القرن ٢١ و انت من ٢٠ في فرق قرن يا ريت ننسى تربيتك و نتطور بقى
٣٨) بلاش اساطير هعلقك و هطلع عينك خلي تهديدك واقعي
٣٩) النوم للراحه و #الاحلام بلاش حفله تعذيب كل ليله ،شويه حواديت و اغاني هتكون اظرف
٤٠) عزيزي الاب منور

إن الدقة الشديدة في محاسبة الأطفال له أثر سلبي على نظرتهم تجاه أنفسهم، ربما تقوّم سلوك لكنك تحطم شخصية، البعض يستعمل معاييره كبالغ في محاسبة طفل بلا خبرة!، ويغفل أنه من الطبيعي للطفل أن يخطئ، خطأ استراتيجي في التربية أن نربي الطفل ألا يخطئ فذلك عكس طبيعته.
إن ما تحتاج أن تعيه إذا كان لديك طفل، أن يتعلم طفلك عنصرين:
‏- الأول من الطبيعي أن تخطئ.
‏- الثاني تعلم من خطئك.
‏أن يعيش الطفل في بيئة خالية من الخوف تجعله يتصالح مع نفسه، يعيش لحظته، ينطلق بقوة وبثقة، ويجرب أشياء جديدة، يتعثر وينهض سريعاً بكل ابتسامة، لأنه تعلم أنه لا بأس أن يخطئ.

تنمية مهارات الطفل

فترة الطفولة هي فترة البناء الحقيقي والأساسي لشخصية الفرد، وإن تربية الطفل هي أهم مرحلة في مراحل التربية؛ لأنها مرحلة زرع البذور، وتتضمن عملية التربية كثير من الأشياء: أن يكون الطفل قادر على الانخراط في المجتمع من حوله، وأن يكون الطفل ذا شخصية مستقلة مميزة لها صفاتها الخاصة، وأن يكون الطفل ذا مواهب وقدرات يجب تنميتها وتطويرها

للأسف إن تربية الأطفال في الأوساط العربية بشكل خاص تأخذ شكلاً تقليدياً، يُفقد الأطفال قدراتهم الحقيقة ومواهبهم، التي من المفترض أن تتم تنميتها منذ نعومة أظافرهم، ويرجع هذا السبب لازدياد عدد الأطفال في الأسرة الواحدة ، وقد تكون الأم عاملة أو غير عاملة، فهي لا تعطي لأبنائها حق كامل في اكتشاف ذواتهم، وكذلك الوالد لا يشارك في عملية تربية أبنائه،
وهذه التربية الخطأ إما لضعف مهارات الوالدين في التربية، ونقص الخبرة العلمية الصحيحة لتربية الأطفال، وتنمية قدراتهم، واكتشاف مهاراتهم، أو لوجود بعض الخبرة، لكن دواعي وحجة عدم وجود وقت للتفرغ لمثل هذه الأمور للأبناء، واعتبار أن مثل هذه الأشياء هي ثانوية، وليست من الأمور الأساسية لتربية الطفل.

يجب أن يعطى كل طفل وقت كافي للتعامل معه، وهذا الجانب يجعل من الوالدين قادرين على اكتشاف الأشياء التي يحبها طفلهم، نوع الألعاب، وأكثر الألوان التي يتنجذب إليها، ربما نوع الموسيقى التي ينجذب إليها، وكثير من الأشياء التي لا يستطيع الوالدين معرفتها وتحديدها بشكل أكيد أنها تميز طفلهم،
إلا إذا قضوا معهم وقت كافي، وهذا الوقت أيضاً يُكسب الطفل شخصية، ويشعر بالاهتمام، ويبدأ لا شعورياً بتكوين نفسه، دون أن يفكر بقدراته العقلية والإدارية، ولكن بالفطرة وبمعاونة والديه.

طبعا نركز هنا على الوالدين كبذرة أساسية لتربية الأبناء الأطفال، لأن الطفل ما قبل الروضة يبدأ بالكلام والتعبير عن نفسه، واختيار ألعابه، فهو في هذا العمر تبدأ شخصيته بالتمحور، وبعدها يتم صقلها على ما تربى عليه في المنزل، فتكون الروضة والمدرسة مكملة لما تم تربيته عليه.

كيف يتم اكتشاف قدرات ومهارات الطفل؟

ربما لو وجّه هذا السؤال لفئة شابة لأجاب البعض عن مواهبهم وميولهم، والأشياء التي مع التمرين أصبحوا يجيدونها، ويستطيع الأهل أن يجيبوا عن مواهب أبنائهم بكل بساطة، فهذا يحب الشعر، وهذا صوته جميل في الغناء وهكذا، لكن الأمر مختلفٌ بالنسبة للأطفال، فعلى الوالدين اكتشاف مهارات الطفل وقدرته العقلية، لذا عليهم المتابعة دوماً والمراقبة للطفل، وتحليل مواقفهم وردود أفعالهم.

تكمن تنمية مهارات الأطفال في المهارات الحركية والإدراكية واللغوية، ويتم تنميتها بعدة أنشطة تمارسها الأم مع طفلها، كأن يعد المشابك مثلاً، ويميز ألوانها، ومسك المشبك بأصبعيه . تنمية حاسة اللمس بعرض عدة خامات من الأقمشة أو الصناديق عليه، ويميز بين الناعم والخشن منها، ثم الربط بين أكثر من مهاراة مثلا صندوق أحمر ناعم وصندوق أسود خشن، وهنا يتم قياس مدى قدرة الطفل على عملية الربط وإدراك فروقات الأشياء.

لتكن هذه الأشياء من باب اللعب مع الطفل، حيث يقوم بها بكامل إرادته وهو مستمتع، ولكل أم القدرة على استخدام عدة طرق لاكتشاف مواهب أطفالها، كان تجمعهم وتطلب من كل واحد منهم أن يقلد طفل يغني، أو أن تضع لهم لوحة كبيرة ليرسموا عليها، وكثيرة هي الجوانب التي بالإمكان اكتشاف مهارات الأطفال من خلالها، فهل يميل الطفل لها أو لمهارة أخرى ؟

فليعطي كل والدين الحق والوقت الكامل لأبنائهم؛ لمعرفة مهاراتهم، واكتشاف مواهبهم، وتنمية قدراتهم.

خدعوكي فقالوا لكي ..

لاتقومي بحمل طفلك .. سوف يتعود على حملك له و يتعبك

لاتقومي بحمل طفلك .. مهما بكى .. بيتعود يسكت لحاله

كم أم منكم سمعت هذه الجمل .. ؟؟؟؟؟

خدعوك يا عزيزتي الام .. فطفلك يحتاج ان تحمليه بين ذراعيك .. ⁦♥️⁩

لنبدأ بالتفاصيل ..
في الشهور الثلاثة الأولى من عمره يحتاج الطفل بشده الى حضن أمه وأن يكون بقربها ..

الطفل منذ الساعة الاولى لغاية شهوره الاولى
ليس لديه القدرة ليفتعل البكاء قصدا ليجعلك تحمليه يا عزيزي الام ..
بهذا العمر الطفل ليس للطفل القدرات المخادعة التي توسوسها لك جارتك او قريبتك .
عندما تقول لك .. (( هو بيبكي قصدا )) عشان تحمليه
الطفل في هذه الأشهر فعلا يحتاج حنانك و قربك و أن يشعر بك
فبهذه المرحلة الطفل بحاجة لظروف مشابهه للبيئة التي توفرت له في الرحم ..
نبضات قلبك .. صوتك .. دفئك ..

الانتقال عاطفيا من رحم الام للحياة لازم تكون تدريجية
لذلك لا تبخلي على طفلك بعدم حملك له ..
دعيه يشم رائحتك .. يلامس جلده جلدك ..
فأنتي له الامان .. والثقة ..
كلما احتضنتي طفلك .. كلما زادت رابطة الثقة بينك وبينه و شعوره بالامان

لا تستمعي لجارتك و قريبتك ..
استمعي فقط لنبضات قلبك .. و همس طفلك ❤️🦋

تم التعديل ونزول المحتوي كما وعدناكم 👇👇👇👇
🚩🚩🚩
٣٠ طريقة عملية لتبعدى اولادك عن الموبايل والتاب والتليفزيون

ازاي هتملي يوم طفلك لو مفيش تليفزيون او كمبيوتر او اي شيء له شاشه ؟!

التليفزيون و التاب و الموبيل و الكمبيوتر كلها حاجات ليها وقت محدد مسموح بيها علشان متضرش الطفل الوقت المسموح هو ساعتين في الأسبوعو من بعد 8 سنين ممكن ساعة في اليوم

لكل أم تخطت الوقت ده بمراحل و ولادها بيقضوا ساعات من يومهم قدام الكرتون بغض النظر هو كويس ولا لأ حتي لو مقعداه قدام قناه تعليمية للأطفال

و الكلام ينطبق علي قناة براعم اللي للأسف الشديد امهات كتير مضايقة انها بقت بأشتراك و أطفال كتير متأثرة نفسيا كأن حاجة مهمة أوي في حياتهم اختفت مش مجرد قناه !!

لو تجاوزتي الوقت المسموح أي كان المحتوي ده سبب كافي ان طفلك سلوكه يسوء و تركيزه يقل علي جميع المستوايات

طيب اصل هما بيزهقوا العب معاهم ايه ؟ طب هلهيهم في ايه لحد ما اخلص اللي ورايا؟

دي افكار تساعدك :

*اختاري اللي يناسب سن و شخصية طفلك و ممكن تاخدي الفكرة تطوريها او تبسطيها حسب سنه

1-مشاركة في تنظيف أو ترتيب البيت

2-احكوا حدوتة

3-اعملوا مسرح عرايس و خليهم هما يعملولك القصة و انت اتفرجي

4-الواح ورق كبيرة عالحيطة و يرسموا بخامات مختلفة الوان خشب,فرشة و الوان مياه,الوان اصابع ,لوح سودا و يرسموا بالطباشير مش كراسة رسم و علبة الوان و اقلب , و ممنوع كراريس التلوين الللي فيها رسومات جاهزة مطبوعة و هو يلون لأنها من معوقات الإبداع

5-العاب مطبوعة يحلوها زي الاختلافات و المتاهة و انهم يدوروا علي حاجات في مشهد

6-تتفرجوا علي فيلم قصير او كرتون عن قيمه معينه و تتناقشوا فيها

7-تتفرجوا علي اي مشهد من فيديو و بعدين تسألوا بعض فيه مثلا كانوا في مكان شكله ايه ؟لبسهم؟عددهم؟

8-بازل فيه من اول ال 4 قطع لحد ال 300 قطعة و اكتر

9-اي مكعبات مبتتجابش و نرميها للطفل و خلاص و بعدين نقول محبهاش لأ لازم نطور فيها مره نعملها عربية و نركب فيها لعبة تانية مره نعمل بيت علشان نمثل بيه حاجة تانية ,مره نعمل حيطة صغيرة علشان نداري ايدنا وراها في مسرح العرايس اتفقوا علي فكرة و سيبيه ينطلق فيها

10-تقليد اصوات كل واحد يقلد صوت حيوان او حاجة و الباقي يخمنوا
11- عروستي :دي ممكن تلعبيها مع ولادك و انت في المطبخ يقعدوا عالباب و تلعبوا اي حاجة موجودة في الشقة حد يوصفها و الباقي يخمنوا مثلا عروستي ؟ حاجة حمرا ,عروستي ؟ بتتاكل ,عروستي؟ بتتقطع عالسلطة (طماطم)

12- بدل ما نتعلم الحروف و الارقام عالورق نجيب طبق مليان رمل او ملح و الطفل يكتب بصباعه بعدين تلخبطوه و تكتبوا غيره و ممكن لوحده يعقد يرسم بنفس الطريقة

13-فصل الحاجات : مكرونة و عدس و طبقين و الطفل يفصل كل حاجة في طبق ممكن لو سنه صغير نخليه يفصل حاجات اكبر و اسهل و ممكن نطبق نفس اللعبة في فصل الالوان يعني يفصل كل الاحمر لوحدة و الابيض لوحد و ممكن نلعبها في سبت الغسيل يفصل لبس ماما عن بابا عن لبسه يعني كل لعبه مرنة و تنفع لأي سن

14-نعمل صلصال منزلي (كوب دقيق+نص كوب ملح+معلقة زيت+الوان طعام ) و نعجنها بمايه لحد ما تظبط و نخلي الطفل يعجنها بنفسه ,ممكن تقعد لأسبوع في التلاجة في كيس

15-أي حاجة يدوية شوية خامات الطفل يطلع منها حاجة

16-سينما : تضلموا الغرفة و تعملوا فشار و عصير و يبقي حد مهمته يحط الفشار في اكياس و حد يوزع تيكت و حد يظبط المكان و تتفرجوا علي اي فيديو حتي لو ربع ساعة ممكن مره عن الحيوانات مره طيور مره اسماك بلاش مش لازم كرتون

17-مخييم في الصالة مره في الاسبوع في الشهر اي كان المناسب تطلعوا مرتبة بره و تناموا كلكوا جمب بعض ده مفيد جدا للأطفال اللي لسه بتتعلم تنام لوحده بيبقي حافز حلو ليهم اننا كل فترة هنام كلنا سوا شرطها تكون بره مش في غرفة الاب و الام علشان الطفل ميرتبطش بالغرفة و يروحلها كل يوم

18-خيمة : كرسيين و فوقهم كوفرته او اي خيمة بشكل بسيط الطفل يتعلم يعملها و يعقد فيها يلعب اللي يحبه ,بيفرحوا بيها جدا

19-تمثيل : حد يمثل تعبير بالوجه و التاني يقول معناه (زعلان-فرحان) ممكن حد يمثل وظيفة ...

20- لعبة المطعم نعمل في يوم منيو و حد يبقي طباخ و حد جرسون و كده او اوبن بوفيه و نتعلم من خلالها اداب الطعام بشكل مبسط

21-هيحصل ايه ؟ نطرح سؤال افتراضي و كل واحد يجاوب زي هيحصل ايه لو السماء مطرت رز بلبن ؟ ممكن نبسط السؤال ,هيحصل ايه لو صحينا لقينا في البيت قطة ؟ ... طبعا لو ابنك بيترعب من القطط ده مش سؤال مناسب

22-سوق الخضار و الفاكهة :الأم تعمل بياعة في السوق و الأطفال يشتروا و يغسلوا و ياكلوا اللي اشتروه و لازم تبقي متقنة يعني كل ما الام تتقمص اللعبة هتحلو

23-نعمل كيك او كب كيك و نحط اطباق كريمة,فواكه ,بسكوت ..و كل واحد يزوق قطعته(نبعد عن عجينه السكر لأن سكرها عالي و اي سكريات كتير بتهيبر الطفل)

24-المايك معاك : نجيب ميكروفون بيتباع ب 15 جنية و نركبه في السماعات و كل واحد يبقي ليه فقرة يطلع بقي يقرأ قرآن ,يحكي حدوتة ...فقرتك كأم ممكن تحمل رسالة غير مباشره عن اللي تحبيه

25-كمل الحدوتة : حد يبدأ مثلا كان مره واحد ماشي و فجأة ...التاني يكمل و لو الطفل مش عارف يتخيل ممكن اسيبله النهاية بس يعني كان فيه مره ولد قلمه ضاع فخد من مصروفه و راح المكتبة .... و الطفل يكمل

26-اجتماع عائلي : مره في الاسبوع تجتمعوا و كل واحد يقول اكله ليوم في الاسبوع الجاى و تعملوا منيو الاسبوع فطار غدا عشا مكتوب و متعلق

ده مهم جداااا في تعليم الطفل النظام و للأطفال اللي بتصحي ماما هفطر سندوتش جبنه بعدين تعمليه يقولك لأ بيض و ينتهي الموضوع بخناق

لكن مع وجود الجدول هيقولك لأ بيض هتقوليله حاضر يا حبيبي هكتبها في منيو الاسبوع الجاى و بس

و بتعلمهم الإيثار بمعني بابا مختار في يوم ملوخية و فراخ و سلطة و رز جه اليوم ده و ابنك مش بيحب الملوخية بياكل سلطة و فراخ و رز بس مش بتعمليله اكل مخصوص

و ده ينطبق علي باقي الايام لو الاب مبيحبش حاجة الطفل مختارها برضه هياكل باقي الموجود و ميتعملوش مخصوص ...

27-عكس الادوار : لمدة ساعة مثلا ابنك ياخد دور الام و انت تاخدي دوره و تعكسوا المهام انت ترتبي اوضته و هو يوضب حاجة في البيت من مهامك مثلا ,

اللعبة دي بتبينلك ابنك شايفك ازاي و شرطها متنتقديهوش في اللعبة خالص لأن ممكن تلاقيه لما خد دورك بدأ يزعق و يحط ايده في وسطه فأكيد انت بتعملي كده

28-مكالمة : تخليه يكلم حد من قرايبكوا يسأل عليه

29-قولي ميزه : كل واحد يقول ايجابية في غيره بتبقي حلوة جدا و بتعرفي ابنك بيحب فيكي ايه

30-طبقين واحد فاضي و التاني في سفنجه و مياه و الطفل ياخد السفنجة يعصرها في الطبق الفاضي لحد ما ينقل كل المياة من ده لده

31-اضربني و انا اصد بتعلم الطفل يدافع عن نفسه تعملي كأنك بتضربيه و هو يمسك ايدك و يبصلك جامد و يقولك مبحبش حد يضربني مثلا تعضيه و تعلميه انه يسد مناخيرك و يسيب اول ما تفتحي فمك و كده

تفتكروا لو طفل عملناله كل التجارب و الالعاب دي في شهر يعني كل يوم فكرة واحدة هيطلع زي الطفل اللي بقاله شهر معظم يومه قدام كرتون ؟؟

للوالدين ...👥

🌿‏الغضب على الطفل أثناء المذاكرة يؤخر فهمه ويصيبه بالتوتر فيظهر أقل من مستواه الطبيعي
‏
‏نصيحة: إذا بدأت بالغضب فتوقف، فأنت تعمل لأجله لاضده.

🌿‏ ‏لماذا نفقد أعصابنا بسرعة مع أولادنا ؟!!
‏•لنتذكر أن استيعابهم أقل من الكبار
‏•ويحتاجون الصبر وتكرار المحاولة
‏لنتذكر أن صراخنا يضرهم ويبعدهم عنا

🌿‏‏الحديث مع الطفل قبل النوم له أثر جميل:
‏سؤال عن أحداث يومه
‏الثناء على صفاته
‏إظهار المحبة
‏قصة قصيرة
‏
🌿‏ عود. طفلك على أدب الحديث والاستماع واحترام آراء الآخرين ...
وذلك لن يحدث إلا إذا تكلمت معه بهدوء وسمعت آراءه وتعويده أن يسمع أكثر مما يتكلم
فالسمع يدل على رقي المتحدث واحترامه آراء الأخرين

🌿‏ ‏لا تضرب 🤚ابنك على وجهه .... لا تضربه بعد وعدك بعدم الضرب،حتى لا يفقد ثقته فيك..

🌿‏ ‏( أنت لا تصلح لشيء )
‏هذة العبارة خطيرة جداً وستجعل الطفل يفقد ثقته بنفسه، وستشعره بأنه لا يستطيع فعل شيء..

🌿‏ في كثير من الأحيان نغضب على أبنائنا لأمر لا يستحق الغضب ويكون سبب غضبنا كثرة ضغوط الحياة علينا وينبغي أن نفرق بين ضغط الحياة علينا وضغطنا على أبنائنا فلا يكون أبناؤنا متنفسا لنا من ضغط الحياة...

تمتع بأبنائك وهم صغار فسوف تمر الأيام بسرعة ولن يبقي لك من براءتهم وطفولتهم إلا مجرد ذكريات لاعبهم اضحك معهم مازحهم اخرج معهم، كن كطفل بينهم واجعل التعليم والأدب مع اللهو واللعب .

🌿‏ ‏انشغالك عن ابنك في صغره
‏سيجعله يتجه إلى من يستمع إليه خارج أسوار الأسرة ، وغالبا ما يكونون وبالا عليه .

😁😁 ‏مرحلة العض والضرب والصفع في الأطفال😊😊

كل من لديها طفل عمره ما بين عام ونصف وثلاثة أعوام تعرف هذه المرحلة جيدا! فجأة وبدون مقدمات يصفع الطفل وجه أمه أو أبيه أو طفل أخر! فجأة يجذب الطفل شعرك! فجأة ينهال الطفل عليك عضا وقرصا! فجأة تنهال عليك الأيدي الصغيرة بضربات مؤلمة للغاية! هذه مرحلة يمر بها جميع الأطفال ويشكوا منها الأمهات والآباء وهذا المقال سوف يتناول أسبابها واقتراحات للتعامل معه
أسباب مرحلة العض والصفع:

هناك سببين أساسيين لهذه المرحلة
الأول : هو الاهتمام
الثاني : هو التعبير.
الطفل أقل من ثلاث سنوات كائن اناني من الدرجة الأولى؛ هو محور الكون والكل مسخر لخدمته وللترفيه عنه وللاستجابة إلى طلباته. في هذا السن لا يفهم الطفل أن فلان مرهق أو مشغول أو يعمل أو يرتاح او حزين أو غيرها من المشاعر البشرية الطبيعية. قد ينظر الطفل إلى أمه فيراها حزينة … سوف يدرك حزنها ولكنه لن يعرف كيف يتركها لحالها أو كيف يلعب بعيدا عنها أو كيف يراعي مشاعرها لأنه بكل بساطة سوف يصر على حقه في الاهتمام واللعب والترفيه … سوف يصفعها حتى تنظر له!
أما بالنسبة لقدرة الطفل على التعبير في هذه المرحلة،
فهي قدرة محدودة للغاية! معظم الأطفال لا يتحدثون في عمر عام ونصف ومن يتحدث قليلا في عمر عامين لا يمكنه استخدام كلماته للتعبير عن نفسه.
كيف يقول طفل لأمه "أنظري لي والعبي معي"؟ يضربها!
كيف يقول طفل لأبوه "من فضلك اترك هاتفك وتكلم معي"؟ يصفعه
كيف يقول طفل لجده "أنا سعيد جدا بزيارتك وهيا بنا نلعب"؟ يعضه
كيف يقول طفل لطفل أخر "هذه لعبتي؛ لا تأخذها"؟ يصفعه ويعضه
وهكذا يعبر الطفل في مرحلة ما قبل الكلام عن نفسه.

ماذا تفعل حتى تمر هذه المرحلة بسلام؟
أولا: تفهم دوافع طفلك وتجنب إثارته! لا تتجاهله ولا تنشغل بغيره وإذا اضطررت للنظر إلى هاتفك، استأذنه واشرح له أسبابك.
ثانيا: ساعد طفلك بالكلمات. قل له أنك تتفهم غضبه واسأله "أنت غاضب لأني تركتك؟" أو "هل تشعر بالملل؟" أو "هل تريد أن نلعب سويا؟"
ثالثا: الحق البلاء قبل وقوعه؛ الحق اليد قبل أن تصفعك أو تضربك وامسكها بحسم وقل للطفل أن الضرب ممنوع ثم قبل يده.
رابعا: لا تترك الأطفال يلعبون وحدهم بدون إشراف! إذا كان طفلك يتحدث سوف يضربه من لا يتحدث وإذا كان طفلك لا يتحدث سوف يضرب الجميع.
خامسا: لا تضربه! كيف تعلمه ألا يضرب وأنت مثله الأعلى في الضرب؟
سادسا: ملابسات الموقف … الطفل الجائع أو المرهق أو النعسان أو المتألم أكثر عرضة لنوبات الضرب والصفع والعض.
سابعا: امنع السكريات والحلويات وكل ما هو مليء بالمواد الحافظة! هذه المنتجات ومكوناتها تؤثر على كيمياء المخ بصورة مباشرة وتفقد الطفل القدرة على التحكم بنفسه.
ثامنا: راجع ما يتلقاه الطفل من خلال الشاشات من حوله؛ الإعلانات والمسلسلات والبرامج الإخبارية غير مناسبة للأطفال.
تاسعا: تذكر أن الطفل أقل من سنتين لا يجب أن يتعرض للشاشات مطلقا والحد الأقصى للطفل بعد عامين هو نصف ساعة متفرقة.
عاشرا: تأكد ان طفلك ليس ضحية عنف قبل أن تتهمه بالعنف