ساعدوني

السلام عليكم انا كنت بكلم مع خطيبتي عادي عن رايها في القوامه وكده وقولتها انتي ايه تعريفك بالنسبه للقوامه قالتلي اني اخدمها واحميها واصرف عليها قولتها بس كده؟ لقيتها سكتت ومرديتش فانا بابتسامة بسيطه وقولتها بالنسبه للطاعه وبالنسبه كلام مين اللي يمشي في البيت قالتلي الحياه بينا هتكون مشاركه عادي ومحدش هيمشي رايه علي حد واللي كلامه هيكون مقنع هو اللي يمشي قولتها ماشي وسكت علي كده اليوم التاني كنت فركشت الخطوبه عشان انا شايفها مش هتقدملي حاجه عايزه حقوق من غير واجبات المهم يعني لم اهلي عرفوا ابويا غلطني وقالي انت استعجلت وكنت المفروض توسيها وتحاول تفهمها براحه قولته انا لا عايز افهم حد ولا عايز اوجع دماغي هي حره براحتها بس متلزمنيش بس بردو هو لسا زعلان مني خصوصا هو كان شايفها حد كويس وانا مش عارف هل كده انا اتسرعت في حكمي عليها وتستحق فرصة تانيه ؟ رايكم ايه

أنا أهملت جوزي فترة بسبب مشكلة حصلت بينه وبين أهلي
وللأسف من غير تفكير وقفت في صف أهلي وهما اتبسطوا جدا لما شافوني معاهم وزي الغبية روحت وقعدت عندهم زعلانة
دلوقتي لما بقعد لوحدي في بيت أهلي وإخواتي كل واحد مع مراته حسيت وفهمت يعني إيه جوز ويعني إيه يكون ليكي بيت و ونس وحد واقف معاكي في حياتك
المهم لما عرضت الموضوع على أهلي إني أرجعله وإن ربنا بيسامح وإن شاء الله النفوس تهدى، هبوا فيا هبة مش طبيعية وأبويا ضر..بني وأها.. ني جدا ولما فكرت في موضوع المشكلة لقيت إن أهلي هما اللي فعلًا ظلموه وهو سكت لأنه إنسان ما بيحبش المشاكل وبيحسبها بالعقل
دلوقتي أنا بعتله رسالة بعد انقطاع 4 شهور واتصدمت أصلًا إنه مش عاملي بلوك وقالي بيتك مفتوح
وانصدمت لما عرفت إن أهله اللي بره بلدنا في محافظة تانيه ما قالهمش أي حاجة عن إني زعلانة وقاعدة عند أهلي وإن في مشاكل
لدرجة ان أخته كلمتني في يوم تطمن عليا وتقولي فينك ما سمعناش صوتك فشكيت وقتها انه محكاش لهم حاجه بس دلوقتي اتأكدت خايفة ارجع لوحدي وفي نفس الوقت ضميري قا...تلني على اللي عملته معاه وأهلي أخدهم العند جدًا وبقوا عايزين يطلقوني منه بالعافية
إيه الحل بالله عليكم ويا ريت محدش ينظر عليا لأني عارفة غلطي أنا عايزة حلول مش بهدلة من فضلكم

قاعد جنب مراتي بشرح لها فوائد Chat GPT بقول لها ممكن تسأليه في أي حاجة
سألته هو جوزي متجوز عليا ؟
قالها اه
قالت له أنت كداب ، ازاي عرفت ، ده أنا لسه مقولتش جوزي مين…
قالها جوزك صاحب التليفون ده سألني كذا مرة ازاي أفاتح مراتي إني متجوز عليها من سنتين 😄
من ملفات الطب الشرعي😘

السلام عليكم اسف لإزعاجك بس مشكلتي مستعجل رأي الناس فيها جداً انا قاعد في مدينة ساحلية واهلي مراتي من محافظة تانيه وحماتي بتتصل بمراتي انهاردة وبتقولها انا جيالك يوم الوقفه وهنقضي معاكم العيد وتمشي بعد العيد وجايبة معايا بنت اختك عشان البنت زهقانه( عندها 12 سنة يعني مش طفلة ) و اختك تبقى تجيلنا هي وابنها ( عنده 13.5 يعني مراهق ) وتبات اختك معانا اول يومين وتمشي هي وابنها واحنا نكمل العيد وتمشي ملحوظة (حماتي طول عمرها مش بتشوف غير اللي مناسب لبنتها التانية وعلى الآخرين ضبط ظروفهم عليها )
انا رفضت الكلام الفارغ ده لكذا سبب
وحابب أوضح ان حماتي مرحب بيها واشيلها على راسي وهي امي لكن انها تفاجئني وتجيب معاها حفيدتها مع العلم ان زوجتي تعمل موظفة ولا تستطيع اخذ اجازة وانا في شغلي صعب وواخد يومي كله فبنستنى اي اجازة تيجي عشان ناخد نفسنا ونرتاح شوية خاصة كمان ان ده عيد وكمان زوجتي صعب تتحمل مسؤولية بنت كبيرة بخلاف ابناؤنا 3 بنات فهل يعقل هذا مش نراعي ظروف بعض ؟
النقطة التانية ازاي عاوزة تجيب شاب يبات في شقتي الصغيرة وعندنا بنات في اعمار مختلفة
هل هذه اصول ؟ انا قولت لزوجتي اني مش مرحب بزيارتهم رغم اني بحبهم بس والدتها تيجي تنور الدنيا وتقعد زي ما تقعد وممكن اختها تتفق على يوم واحد تيجي تنورنا فيه وتيجي هي وولادها يقضوا اليوم معانا ويروحوا بيتهم بالسلامة زوجتي كانت محرجة انها تقول لوالدتها انه مش هينفع وتيجي تنور بس لوحدها وممكن اختها تيجي بولادها زيارة يوم وقالتلها بس انه مش هينفع الولد يبات والدتها زعلت وعملت قصة كبيرة وزوجتي منهارة ورغم انها بتكلمها بهدوء ويا ماما انا عندي بنات وما ينفعش ولد في سن المراهقة يبات واختي المفروض تنتبه لده
انا مش عارف اعمل ايهو عاوز ارائكم بما يرضي الله وبالأصول ارجوا سرعة النشر وارجوا النشر بدون اسم جزاكم الله خيراً
ارجوا سرعة النشر للأهمية القصوى
اضافة الأم طيبة بس غير عادلة بجهل تعاني منه زوجتي طيلة حياتها لكن ليس هذا الموضوع الأساسي لكن وجب التنويه لإكمال الصورة
ارجوا سرعة النشر وجزاك الله خير الجزاء
ملحوظة تانية بنت اختها مفيش عندها. اي مشكلة يعني مش مريضة ولا في فترة نقاهة لكن حماتي بتفرق في التعامل بين احفادها والله العظيم دي حقيقة

النهارده في محكمة التجمع الخامس زوج بعد ما سمع من القاضى عدد القضايا اللي مرفوعة عليه سقط ميت اولادة جريوا عليه يعيطوا ارجعلنا يا بابا مش عايزين فلوس ومراته قعدت تلطم
ياااااااة علي المأسااااااه ودمار البيوت 😔
رأيكم اي في اللي بيحصل ده 🤔

نازل علي السلم لقيت جاري بيقفل باب الشقة متعصب ومراته صوتها عالي وبتقوله من جوه حسبي الله ونعم الوكيل فيك انت وكل واحد عينه زايغة قومنا متزحلقين من على السلم انا و هو !!!

السلام عليكم
أنا بنت عندي 25 سنة من المغرب شغالة مدرسة لغة فرنسية، واتعرفت على شاب مصري كويس جدا وعلى قدر من التعليم والاحترام. هو سافر وجالي واتقابل مع أهلي، والحمد لله حصل قبول بين الطرفين.
إحنا بنتكلم في خطوة الجواز، وبدأنا نفكر في موضوع الاستقرار. هو عرض عليا إني أروح أعيش معاه في مصر هو عنده شقة تمليك في بيت باباه واني أشتغل في مصر في نفس مجالي لكن أنا بصراحة مش عندي صورة واضحة عن سوق الشغل للمدرسين في مصر ولا مستوى المرتبات وهل هعرف ألاقي فرصة قريبة من مرتبي الحالي ولا لأ.
أنا هنا في المغرب بقبض حوالي 8000 درهم (حوالي 40.000 جنيه مصري)، وكمان اشتريت شقة وبسدد أقساطها، فمحتاجة دخل ثابت يغطي التزاماتي ومش حابة أعتمد عليه ماديا خصوصا إن الشقة باسمي وأنا المسؤولة عنها.
هو من ناحيته قال إنه ممكن كمان يفكر يعيش معايا في المغرب لو ده هيكون أنسب، بس إحنا لسه محتارين في القرار.
فأنا محتاجة أفهم:
هل شغل التدريس في مصر، خصوصًا للغة الفرنسية ممكن يوفر دخل قريب من الرقم ده؟
ولا الأفضل إني أستقر في شغلي الحالي لحد ما أخلص التزاماتي وبعدين أفكر في خطوة الانتقال
ياريت لو حد عنده خبرة أو معلومات يفيدني عشان أقدر أحدد القرار الصح. وياريت تقولولي عموما رايكم في الجواز في مصر ومن مصري انا مش مصريه واتغرب عن اهلي