أية الكومي Ayaa El komy

كل شوية حد يقلك ابنك متأخر في الكلام
تعبتي و مش فاهمة هل هو فعلا متأخر ولا مش متأخر
😳😳😳😳😳😳😳😳😳😳😳

مبدايا يعني اية تأخر في الكلام ؟
شوفي يا ستي التاخر في الكلام يعني كلام ابنك اقل من الكلام المفروض في سنة مثلا يعني :
• لو ابنك 3 شهور و مش بيناغي
• سنة و مش بيقول بابا و ماما
• سنتين و مش بيكون جملة من كلمتين
كل الحالات دي متاخرة في الكلام

عكس كلام الكتب الي بيقول ان الطفل يصنف متأخر في الكلام اما يتم 3 سنين مبيتكلمش لان كل مرحلة عمرية ليها تطورها اللغوي
و اكيد محدش هيسيب مشكلة ابنة لسن دة

طيب المفروض تعملي اية عشان تتأكدي فعلا ان كلام ابنك مسألة وقت و انك ماشية في الطريق الصح
🙍🙍🙍🙍🙍🙍🙍🙍🙍🙍
من غير تهويل ولا كلام كبير

عشان ابنك يتكلم لازم يكون :

• بيسمع كويس🦻🦻🦻
ابنك لو مبيسمعش كويس عمرة ما هيتكلم كويس و مش معني ان ابنك بيبصلك اما تكلمية او بيلتفت للاصوات انة بيسمع كويس , الكلام دة بيحددة الدكتور فعشان كدة لازم مقياس سمع

• كمان لازم ابنك يفهم الي بيسمع 👥👥 كويس و يعبر كويس

و هنا بردة دة دور الدكتور الي هيحدد هل ابنك عندة مشاكل عقلية او سمات توحد او تشتت انتباة او فرط حركة و كل الاسباب دي بتأخر في الكلام

• توفير بيئة مشجعة علي الكلام 🙉🙊🙈

اية دة مال الكلام كبر فجأة
مفيش حاجة كبرت ولا حاجة اغلب مشاكل تاخر الكلام بتكون بسبب الحرمان البيئي بمعني ان الطفل مبيخرجش ولا يلعب مع اصحابة دايما قدام التليفزيون فمش محتاج اللغة عشان يستعملها

طيب هو فعلا التليفزيون بيسبب التوحد 📺📺؟
لا يا ستي هو مش سبب من اسباب التوحد لكن هو عامل مساعد عند الاطفال الي عندهم استعداد جيني لتوحد
يعني عشان تريحي دماغك ابعدي ابنك عن التليفزيون و التاب لحد سن 3 سنين
👩‍❤️‍👨👩‍❤️‍👨👩‍❤️‍👨👩‍❤️‍👨👩‍❤️‍👨👩‍❤️‍👨👩‍❤️‍👨💑💑💑

حلو الكلام دة قوي طيب نعالج ازاي
محدش يضحك عليكي و يقلك في ايدي العصاية السحرية العلاج حسب السبب و كل الاسباب الي فوق علاجها بيكون مع دكتور بادوية و جلسات ما عدا الحرمان البيئي علاجة في ايدك بالانتظام في الخروج و النادي و الحضانة
و بردة خلينا واضحين علاج التأخر اللغوي بياخد وقت و مجهود كبير فخليكي صبورة و متغيريش دكاترة و اخصائيين او حتي حضانات عمال علي بطال
💕💕💕💕💕💕💕💕💕💕💕

مساء الخير علي الجميع
يارب تكونو بخير وحشوووني جدا
غبت كتير عنكم ..تحبه نطلع لايف رد ع كل الاسئلة بكرا الساعه 11صباحاا
الموافق يقول تم يلا بينا

بعض المشاكل والحل 👌🤍

♥️🤍

انضمووو لجروب الوتساب بينزل عليها نصايح ومعلومات مهمه جدا 👇👇👇
https://chat.whatsapp.com/EDnzOm0lKp84LGJjIOEo6z

٣ عضلات لازم تقويهم عند طفلك :
- عضلة الاحباط
- عضلة الالتزام
- عضلة الصبر
و هنا المقصود اننا نزود مناعتهم النفسية و نقوي شخصيتهم.
احنا كأمهات و ابهات لما بنشوف اولادنا بيحبطوا او يزعلوا من اي حاجة بنجري عايزين نصلح دا و نبسطهم بأي طريقة، مع ان الاحباط و الزعل و الحزن مشاعر طبيعية اي حد حيحس بيها، بس لما يبقي طفلي صغير و احوطه بشتي الطرق عشان ميحسش بالمشاعر دي، انا كدا بأذيه مش بحميه. 🫣🫣
لأنه لما يكبر و يتعرض للحياة الواقعية محديش حيبقي موجود يجري يصلح له كل مشاكله الي بتسببله اي مشاعر سلبيه.
ف يبقي دوري هنا اني اقويه من الناحيه دي، و هو صغير حيحبط عشان مش عارف ياكل شوكولاته براحته، او لعبه نفسه فيها مش حينفع تتجاب له دلوقتي، حيكبر حيقدر يستحمل احباط رفضه من شركة معينة و يشتغل علي نفسه اكتر.
لما ادرب طفلي من و هو صغير و اقوي له عضلة الاحباط، مش معناها لما يكبر حيبقي متبلد المشاعر و مش حيحس بأي احباط بعد كدا، بس معناها حيتقبل الموضوع بدون ضغط نفسي او انهيار نفسي و حيقدر يشتغل علي نفسه و يبقي عنده مرونة انه يبذل مجهود اكبر. ❤️❤️
⬅️ و نفس الشئ بالنسبة للصبر و الالتزام، لازم احرص دايما كأم اني اعلم اولادي يلتزموا بالاتفاقات بتاعتهم معايا او مع اصحابهم، و اوريهم كمان انا لما بتفق علي حاجة بعمل ايه و بلتزم ازاي!
و كمان الالتزام بالقوانين بأي مكان بروحه، و اشجعهم هما كمان علي دا.
و نعلمهم الصبر كمان، مثلا لو عايزين لعبه معينه، يبقي يحوشوا ليها و يصبروا لحد ما يجمعوا تمنها، او لو انا موافقة اجيب لهم لعبه استني شوية وقت عشان يصبروا، بس مادام وعدت طفلي اني حجيبله حاجة يبقي لازم التزم و اوفي بوعدي.
اعلمهم كمان انهم يصبروا علي النتايج لأي شئ بيتعلموه زي الرياضة و اوضح لهم ان اي مهارة محتاجة وقت و صبر عشان يتقنوها.