أمل - Amal

قصيدة يلي روحك
يلي روحك ساكنه روحي
سبتني وانا وحدي ليه
مين يداوي نار جروحي
ف البعاد ال انت فيه
مين يجبلي فرحتي
مين يرجع ضحكتي
مين يواسي دنيتي
ف عذاب انت وهبته ليه
يلي حضنك كان لي دار
دفي ليل برد النهار
ليه دمعي يطفي نار
جحيم وحدي عايشه فيه
عشقي لك فاق الجنون
ما خدش بكلام الظنون
ليه يهون قلبي عليك
وقلبك انت لم يهون
خليت الحزن ال ف عنيا
كحله عتم ليه عليا
ويشكي ورد الخد ليا
بالدموع يسيل عليه
العين تقول بصوا وشوفوني
وبلاش تلوموا وتظلموني
من يوم غياب حبيب عيوني
ما حط يوم الكحل ليه
لكن عناد ألم البعاد
رفع سواد راية الحداد
علي خد مات الورد فيه
ومش هافتح ليا ورد
هاستني وجوه قلبي برد
وهاصد باب أي حد
جاي يضمه ويدفيه
بقلمي
هاله محمد

قصيدة مش بايدي
مش بايدي اني بعدك
قلبي مش قادر يحب
مهما طال وجرحني بعدك
روحي ساكنه جوه قلب
قلبك انت
حبك انت
ويا روحي ف كل حته
ولو ف مره تعودلي تاني
من هوايا اسقيك حناني
نفسي احقق لك اماني
نفسي تاني يصحي شوقك
ليه بتبعد عن عيوني
ويسبوني كمان ايديك
م الدموع دبلت جفوني
وجرحوني رموش عنيك
بس ليك
الدمع يرخص
وبعيوني خد وشوف
كلامي عنك مش هيخلص
فداك روحي وروح الوف
دا انت عندي كل شيء
تعالي وارئف يوم بحالي
دمي ينزف بالبطيء
والدموع مش مرتاحالي
سامع؟؟؟
روحي دايما بتناديك كلي ليك
سامع ؟؟
نبض قلبي بحسه فيك
دقته تحضن ايديك
عاشقه انا دايبه انا
بنده لقلبك من هنا
تعالي دوقني الغرام
تعالي نسيني الالام
واسقيني بدل الشوق هيام
تعالي داوي جراحي انا
وامحي الضني
تعالي رجع حبنا وندوب
ف جنة عشقنا
انت وانا
بقلمي
هالة محمد

فرصه اخري
اهلا بكم متابعيني الاعزاء
ف الحقيقه لدي اكثر من موضوع وددت التحدث فيه معكم ولكني اخترت هذا الموضوع
بالذات حيث اننا بصدد سنه جديده
وددت ان نبداء هذا العام بمنح الجميع فرصه اخري عل وعسي تلك الفرصه ترمم ما بنا من جراح عام مضي فلنغلق تلك الصفحه بحلوها ومرها ولنفتح صفحه جديده حتي تكون ناصعه البياض مثل قلوبكم النقيه فنحن امه ما اطيبها
نحن امه ف امس الحاجه الي التسامح الي العطاء الي منح الحب والتعاون والفرص الاخري
بعضنا لبعض الجميع يا ساده بحاجه الي الجميع
هيا فلنضع كل ترهات التاريخ من غضب وحقد
جانبا هيا فلتضع الشعوب يدها ف يد بعض لعل وعسي تنزاح عنا تلك الغمم الغريبه علي اوطننا العربيه لقد اصبح وطننا العربي منكسرا ووحيد
لجأ انقي واطهر الشباب الي الي قسوة الغربه
وهنا يا ساده نضع تحت كلمة غربه مليون خط احمر ماذا اقول ف الغربه ؟؟؟
ااتحدث عن غربة الارض ام غربة النفس ام غربة الاخوه ام غربة الحاجه جميعها غربه
في زمن عز فيه العطاء في ظل ظروف صنعت خصيصا لنا حتي نعيش ونحيا في احتياج دائم
حتي لا تقوم لنا قائمه والغريب ف الامر اننا نساعد من له المصلحه الكبري بشكل او باخر عن طريق غير مباشر
يجب علينا ان نستفيق من تلك الغفله بشتي الطرق بكل ما اوتينا من قوه فلنبداء بأنفسنا من بيوتنا ومنازلنا واسرتنا الصغيره من البر بوالدينا البر بالجار القريب ثم الابعد ثم الحي الاخر ثم نعم البر ونحوله الي مساعدة كل من احتاج يد العون حتي يصبح اسلوب حياه حتي لا تستغربه وتندهش لامره لاننا للاسف اصبحنا في زمن من يمد يد العون يقولون عنه ساذج او عبيط لقد ادهشنا المفروض واعتدنا السيء
لا يا ساده ارجعوا الي طبيعتكم الجميله اين الامه واين الاخوه اين التماسك والترابط والله ما حل بنا من كوارث الا لاننا تركنا ايدي بعضنا البعض تركنا اطفالنا واهلنا وعجائزنا في المخيمات واصبحوا عرضه للجؤ
الجميع مقصر الحكومات والشعوب الجميع نالت منه الخدع والمؤامرات الجميع سمح وفتح باب الخراب لتلك الاوطان
هيا فلنتعاون علي البر والتقوي ولا نتعاون علي الاثم والعدوان
هيا فلنمسك ايدي بعض بقوه هيا فلنتأخا في كل مكان وزمان
بسم الله الرحمن الرحيم
واعتصموا بحبل الله جميعا ولا تفرقوا
صدق الله العظيم
هيا فلنعطي للدنيا باثرها فرصه اخري
بقلمي
هاله محمد

قصيدة
يلي هويت الليل
يلي هويت الليل ارجع
بعد الندم ولا شيء ينفع
أوعي لنفسك صحصح فوق
دا الليل صنم اوعاك تركع
اسمع نصيحتي وخد بكلامي
شوف نصيحتي وخد بكلامي ويا ريت تسمع
انا ياما دوبت ف ليل أوهامي
شوفت القمر عديت ف نجومي
وقولت ياما بكره تروق
ف العد زادوا نجوم الليل
شهد القمر وكان لي دليل
ع الاهات والنار والويل
وخدني شوقي وعلا لفوق
ودوبت ويا كتير احلام
شوفت حبي سنين قدام
غنيت وقولت لروحي يا سلام
ومشيت طريقي بخفه وذوق
وبعدها انا شوفت عذاب
زاد الزعل كترت ال اسباب
قفل زماني ف وشي الباب
قالي الندم اتفضل دوق
نشفت ريقي بكاس مبلول
صبحت ناسي او مسطول
مشيت ف سكه مش معقول
اتاريني حد ملهوش حقوق
خدها نصيحه يا ريت تسمع
الدنيا دي ملهاش ماسكه
فخها محبوك حتة حبكه
خيوطها عقده ومتشابكه
تتمني فيها طبق برقوق
ولما تدوق يطلع تمام بطيخ اقرع
وعجبي
بقلمي
هالة محمد

ملفات مهمه
من مشاهد السينما
اولا اسمحولي اكتب بلغة الصعيد المره دي خصوصا لغرض ف نفس يعقوب
طبعا كلكم عارفين مشهد فتح الهويس للفنانه شاديه ال قامت بدور ( فؤاده في فيلم شيء من الخوف)
انا بالصدفه شاهدة برنامج بورتريه ال بيتكلم عن شاديه وافلامها ف لاحظت ان المذيعه بتقول ف دور العرض الاول للفيلم عند مشهد الهويس وقف الجمهور من كل البلاد العربيه ال كانوا حاضرين بالتصقيف الحاد لمده لا تقل عن عشر دقايق حتي ان الدار عادت المشهد مره اخري
نقف هنا حبتين تلاته وتعالولي وادينوا ودانكم
شوف الغلطات الوخيمه ودس السم ف العسل من امتي ووصلنا لغاية فين
بس من خيتهم جايبين مثال المرأه الثايره صعيديه منتهي الكدب والحبكه البايخه
اولا قسما بالله ان ف الفتره دي خصوصا من عاشر المستحيلات رجالتنا يكونوا زي رجالة الفيلم كده قاعدين يتتفضوا من الخوف من عتريس ويسمحوا انا هاقول باللفظ كده ( يسمحوا ل مرا ) تفتحلهم الهويس لو هيموتوا كلهم والله عندنا العيل ال سنه عشر سنين تلاقيه كده يغطي ف امه وف اخته ويخبي فيهم ويحابي عليهم وعنده استعداد يموت عشانهم ويفتح مية هاويس امال الرجاله بقا هتعمل ايه هنا السم ف العسل من فتره كبيره بيوردوا فكرة ان المرأه اقوي من الراجل لحد ما الرجاله صدقت وضعفت قدامهم انا بقول لاء والف لاء الراجل راجل والست مخلوقه من ضلعه ولازم تعيش تحت جناحه انتوا عارفين
انا هاله بهيلماني ده كأم لاربع عيال منهم تلات رجاله منتهي السعاده وانا ماشيه ف الشارع ف حمي ابني بكون فرحانه وهو بيقولي اسكتي انتي وانا هاتصرف والاقيه قايم برجولته الجميله بسلمه زمام اموري صدقوني الست محتاجه راجل قوي تسلمه نفسها وتوهبه روحها
وتمسكوا زمام الامور الست مخلوق ضعيف جسديا دلوعه وعسوله حنونه عطوفه وده ال محتاجه الراجل الخشن القوي سواء ابن او زوج او اخ والله الست ام ف كل حالاتها صغيره او كبيره فا متقوليش فؤاده داست ع الرجاله كلها بشجاعتها وفتحت هويس الميه لارضيهم وهما فرحوا بيها ابدا
دا حتي لو حصل كده يتعيروا العمر كله ويقولوا دي البلد ال ما فيها راجل والمرا هيه الدكر عندناش الكلام ده لحد الان حدش عندنا عيخاف من رصاص لو يخافوا يبقي من العيبه
سنيين طويله فضلوا يعملوا تنويم مغناطيسي
للعرب عشان يكبروا ولادهم ويعلموهم ان الراجل دلدول والمرا اقوي كدب الكدب المرا اكتر واحده تحب تكون ف مكانها الصحيح ال اتخلقت منه وهو تحت جناح ادم
هيفضل الراجل راجل رغم انف الدنيا كلها والا نبقي بنلعب ف الطبيعه ونبوظ هرمونان الكون والخليقه زي ما بوظنا هرمونات كل شيء حوالينا حتي المناخ
يعيش الراجل ف كل مكان وزمان
وتحيا الامه ف كنف السبد
بقلمي
هالة محمد
مجرد ام تعلم ما لها وما عليها

قصيدة كان نفسي
كان نفسي ف حبك اتهني
عيشتني ليه يا حبيبي ف نار
ضيعت معاك ليه احلامي
خليت القلب كمان احتار
وبدال ما تدخلني الجنه
وتقولي اطلب واتمني
خليتني ع بابها استني
اتاريك بتحب بشوق غدار
راح فين الصدق ال ف وعدك
بدلته ليه بشهادة الزور
وكسرت العهد ال ما بينا
ضلمة شعاع قلبي البنور
مشينا ف العتمه وتوهنا
واتجرح القلب بشيء مكسور
وبقينا اتنين ماشين مع بعض
تاهين ف سكة خطاوينا
حتي ايدينا راحت لبعيد
مرضيش الكف يدفينا
والنظره الجامده ف عنينا
غريبه بصتها علينا
بقيت ماشيه وسط الزحمه
مش سامعه اي كلام او صوت
حاسه بسكوت حتي حياتي
بقيت عيشاها ف صورة موت
والوقت كمان من حواليا
عدي عليا الثانيه تحايل ف التانيه
مش راضيه تفوت
بقلمي
هالة محمد

قصيدة نسيني
صبلي واتوصي شويه املالي الكاس
خليني انسي كل مابيا نسيني الناس
نسيني كمان حد ظلمني وعاش يحرمني
سجني ف بحر هواه ك اسير وعنيه حراس
قاصد بالخنجر يطعني
نسيني غرامه ال قتلني
حتي كلامه
فيه نبرة صوت حد خزلني
باعني وخاني
نسيني شعور واحد مقهور
مش راضي يثور قرر مع نفسه
يطفي النور
ويقطع ورق الحب ال كتبه يوم ف الكراس
نسيني وجعي مع الذكري
وامسحلي دموع ف عيون بكره
ع طول فاكره مش ناسيه اهات
وكتير حكايات
وحب مشاعره الصادقه ليه
خليته ينداس
خليني اخبي واداري
توهني ف صحرة افكاري
حسسني يا ريت بسكون الليل
غرقلي القمره ف بحر النيل
وهاتلي دليل
ان انا اصبحت خلاص مسطول
او حتي عليل
خليني اتخبط واتلخبط واشوف
المايل ليه معدول
ف عيون الناس
صبلي واتوصي شويه املالي الكاس
بقلمي
هالة محمد

حزينه
اتدري يا صديقي انا حزينه حزينه
تحملني هواجس مجنونه
قلبي يملؤه شعور القهر
يسري داخل افكاري وهن الجوع
وتعاني ايضا اشعاري الم الفقر
كل طريق اسلكه اصبح ممنوع
كل الموضوع اشعر اني روح تائهة
في برزخ عالم منسي ما قبل الدهر
انا لست امامك مسكينه بل جد حزينه
بقلمي
هالة محمد
للقصيده تكمله

الحب
متكلمنيش ع الحب
ولا تسألنيش عنه
ما هو ياما جرحلي القلب
وصبرت عليه اكمنه
ف العشق خدني وطب
لقيتني ف بحور ظنه
واخده يجي مليون ذنب
وبقتلي معاه حكايات
قصص ولا ف الرويات
دا كل من قالوا وغنوا
عزفوا ألحانه نايات
الحزن اهو عشش فيهم
جرف قلوبهم ياما
نشف ينابيع اراضيهم
وعنيهم فضحوا غيامه
م الهم سبوا ولعنوا
ما هو اصله اتحكم فيهم
وحكمه كان له علامه
عارفينها دا لوحديهم
مكتوبه ف سجلات
من غلبه انا شوفت مأسيي
عاش هو ومات احساسي
وغرقت لشوشتي وراسي
دوقني طعم العلقم
وشربته واقول شربات
فبلاش تحكيلي عليه
ولا تسأل امتي وليه
من كتر عذابه وذله
بقيت اكبر اعاديه
متكلمنيش عنه وتخلي
جوراحي يحنوا
خلي ال يشوفوا يقوله
وحياتك سيبني ف حالي
وكفايه بقا اللي جرالي
دا العمر يدوب اوقات
بقلمي
هالة محمد

انت الوهم
انت الوهم اللي انا حبيته
ودوقت عذابي ف سكوته
وكان املي اعيش وياه
ف ضمة حضنه وف بيته
وياما حلمت بالجنه
ورش الورد والحنه
وزرعه اسقيها انا بايدي
واقطفلك من عناقيدي
ضحكه تنور السنه
لكني صحيت لقيتني نسيت
وحلمي تاه ودا معناه
زرعي مات وانا جنيته
وادي الايام بتتحول
وبرضوا العمر بيكمل
ومهما تزيد حرارة الشمس
هيجي ربيعي ويضلل
ويبعت امس
بأحلي حياه
وريحة عطر انا شاماه
تاه ف الزحمه ولقيته
ولما لقيتني بقتل يأس
واعيش امل انا حاساه
نطق القلب من جواه
بصوت الحب
لما ناداه
طلب ودي ولبيته
جاني ف لحظه زي السحر
يعوضني ال ضاع م العمر
خدني فوق بساط الريح
وعلا لفوق
ضوالي النجوم مصابيح
تنورلي الليالي السمر
لقيتني ف شوق
شعور ولا عمري حسيته
امرني بالهوي له امر
طلب روحي وانا اديته
بقلمي
هالة محمد

لسه فاكره
انا لسه فاكره كل شيء كان ما بينا
فاكره كمان كل الكلام
فاكره الوجع فاكره الالام
فاكره ال قولناه غصب عنا
فاكره كلمه قولتها
معرفش ليه صدقتها
كلمة وداع
ما كانش قلبي حتي باع وقتها
صدقت ليه كدبها
اديني عايشه ف موت ونار
طول عليا البعد ليه
وبقيت ف دايرة انتظار
بخبي حزني واداري فيه
والحزن ليل ملوش نهار
حاولت كتير انسي ال كان
واديني بترجي الزمان
واقوله نسيني حب عمري
واحلي طعم للغرام
نسيني كل ده عشان
اقدر اعيش
خلي الوجع ميهمنيش
خليني ارسم ضحكه كدب
ع الشفايف
خلي ال يسألني مالك
اقول مفيش
خليني بعدها اقدر اعيش
ما هو اصل اي حد حب
عارف
ان الهوي مبيتنسيش
انا لسه فاكره
من كتر الوجع ال بقيت عايشه فيه
اصبحت ناكره
للهوي وكفرت بيه
بقلمي
هالة محمد

خساره فيك
كل كلمة حب حلوه
قولتهالك
كل لهفه وشوق ونجوي من خيالي
راح خيالك
كل ورده من ورودي
دبلت وماتت فوق خدودي
كل كلمه كل غنوه
عزفها عودي
وغنهالك
خساره فيك
نظرة عنيا بكل حب
بسمة شفايف قلبي ال راح
عندك وطب
همس الكلام
معني الغرام
وكل حاجه عملتها كانت بدالك
خساره فيك
رمشي ال سارح
ال صحي كل شيء كان ما بينا
ال خلي الحضن يدفا غصب عنا
خلي المشاعر والجوارح
كلها كات مرتحالك
خساره فيك
روحي ال سكنت جوه روحك
ودمعتي ال كات تطيب نار جروحك
خساره فيك الحنان
ال شوفته مني وطمني
وخلاني اعطف بحالك
خساره فيك
وقتي ال عشته معاك وعدي
خساره فيك
كل لحظة حضن حسيتها بموده
خسارة فيك
اي وقت احتجت فيه قلبي
وشالك
خسارة فيك
روحي ال كنت
وهبتهالك
خساره فيك
بقلمي
هالة محمد