سوا بنكون By Barbie

بنات سوا بنكون 🌹

بوست مهم ومليان تفاصيل .. رجاء القراءه جيدا جدا جدا جدا 🙏
*عندك مشروع*؟☝️
*بتفكري تعملي مشروع*؟🏹
*عندك فكره مشروع*؟💡
*بتدوري علي فكره مشروع*؟🔑
*عندك تحدي في مشروعك*؟🔎
*عايزه مساعده في اداره وتسويق مشروعك*؟📰
*عايزه تدخلي شراكه في مشروع*؟🧤
*عايزه شريك لمشروعك*؟📣
*او حتي عايزه تكوني جزء من الاحلام وتشاركي برايك وخبرتك*؟ 😍

لو لقيتي نفسك في اي سؤال من الاسئله دي.. لو مشروعك حلم بتحلمي تحققيه ..او حلم بدأتي في تحقيقه.. او حلم عايزه تكبريه.. يبقي كوني معانا في
*لسه في الاحلام كماله*

اوعي تقولي فات الاوان 🙃 .. او مش هعرف او مش قادره.. اوعي توقفي حلمك علشان مستصعباه او علشان خايفه من التحديات 💪.. تعالوا نبدأ واحده واحده ونعمل نماذج ناجحه تكون حافز لنماذج تانيه وتالته بلا نهايه.

ببساطه.. هنعمل جلسه مره كل ٣ شهور نستضيف فيها من ١٠ - ١٥ عضوه من عضوات جروبنا علشان نخلي في أحلامهم كماله.. كل واحده هتتكلم عن حلمها (المشروع).. هنشوف ازاي الحلم يبقي حقيقه هنساعد بعض بالافكار.. بالخطوات وخطه التنفيذ.. هنتشارك بموافقه الاطراف.. هنشوف التحديات ونحلها.

كمان.. 🤩 تم الاتفاق مع بنوته جميله متخصصه في Entrepreneur (رائدات الاعمال) و Startups (اصحاب الافكار الناشئه) علشان تحضر معانا كل مره
وتقدم استشاره مجانيه لكل حلم او كل مشروع اثناء الجلسه... *دينا خضر* هتكون مساعد قوي للكل اثناء الجلسه وكمان ممكن تكون معاكم كاستشاري لاحلامكم ومشروعاتكم بعد الجلسه بناء علي اتفاق بينكم.

بعد التسجيل للحضور هيوصل لكم Questionaire بسيط علشان احنا كمان نكون جاهزين لاحلامكم ومشروعاتكم باكبر قدر من المساعده والاستفاده.

☆☆☆ التفاصيل ☆☆☆

اليوم : السبت ٢٣ مايو ٢٠٢٦
الوقت : ١٢ ظهرا - ٣ مساء
المكان : E 🦋 corner centre

معلومات هامه: (رجاء القراءه جيدا)
١. الحجز مفتوح لكل عضوات جروبنا.
٢. تأكيد الحضور بناء علي اول ١٥ عضوه هتبعت تحجز وتسدد رسوم المشاركه علشان تاكد حضورها.
٣. للحجز: يتم تحويل مبلغ المشاركه لتاكيد الحضور وحجز مكان
٤. مسموح بالدعوات من خارج الجروب (صديقه او من الاقارب) في حدود سيده واحده علي ان تكون فوق ١٨ سنه.
٥. الحضور في الموعد المحدد علشان نلحق نحلم ونحقق احلامنا 🤣
٦. المبلغ المدفوع غير قابل للاسترداد في حاله الغاء او عدم الحضور
٧. ممنوع اصطحاب الأطفال
٨. الجلسه تشمل جلسه النقاش والاستشاره والمشروبات وسناكس.
٩. اذا لم يتم الوصول الي عدد ١٥ عضوه يتم تأجيل الموعد الي تاريخ آخر ورد المبلغ المدفوع
١٠. الحد الاقصي للحضور ١٥ شخص (سيدات فقط)
١١. تبديل المكان بين العضوات في حاله الاعتذار عن الحضور بعد الدفع مسموح بيه ماعدا يوم الايفنت وقبل الايفنت بيوم

انا كمان عندي حلم بتمني احققه.. وهو اني اكون واحده من اللي هيعرضوا احلامهم بس حلمي هيكون معاه تصميم قوي جدا انه يتحقق ويكون حقيقه باذن الله.. حلم هاخد كتير منكم معايا فيه ان شاء الله 🙏

ايوه دايما *لسه في الاحلام كماله* 💙

بونجورين ياحلوين 🌹

ونرجع نقول ان مش كل الرغي مالوش لزمه لان الرغي في جروبنا له ٦٠ لزمه 🤩

وعلشان بقالنا كتير ماحكيناش في كلام مهم علي طريقه "سوا بنكون" يالا بينا جلسه جديده وموضوع مهم جدا جدا جدا 😍 في حياتنا كلنا وله كل التأثير علينا في جلسه جديده من *رغي له ٦٠ لزمه*.

جلستنا بتكون لمده ٣ ساعات في جو هادي ومريح علشان نعرف نتكلم ونتناقش ونعرض وجهات نظرنا ونسمع بعض. وطبعا لازم نقطع كلامنا باستراحه لمده ربع ساعه علشان نظبط دماغنا بوجبه خفيفه ومشروبات وطاقه علشان نكمل رغي بس له ٦٠ لزمه.

☆☆☆ التفاصيل ☆☆☆

معلومات هامه: (رجاء القراءه جيدا)

الحجز مفتوح لكل عضوات جروبنا.
تأكيد الحضور بناء علي اول ١٥ عضوه هتبعت تحجز وتسدد رسوم المشاركه علشان تاكد حضورها.
مسموح بالدعوات من خارج الجروب (صديقه او من الاقارب) في حدود سيده واحده علي ان تكون فوق ١٨ سنه
الحضور في الموعد المحدد علشان ه نرغي ونخلص في الميعاد 🤣
المبلغ المدفوع غير قابل للاسترداد في حاله الغاء او عدم الحضور
ممنوع اصطحاب الأطفال
الجلسه تشمل القعده الحلوه والمشروبات وسناكس.
اذا لم يتم الوصول الي عدد ١٥ عضوه يتم تأجيل الموعد الي تاريخ آخر
الحد الاقصي للحضور ١٥ شخص (سيدات فقط)
تبديل المكان بين العضوات في حاله الاعتذار عن الحضور بعد الدفع مسموح بيه ماعدا يوم الايفنت وقبل االايفنت بيوم

نعيش ونرغي في كلام له ٦٠ لزمه 😻

بونجورين ⚘️

اجاوب بقي علي الاسئله اللي وصلتني بخصوص حفلتنا القادمه ليوم ٨ نوفمبر ٢٠٢٥ 😻.. معانا عضوات جداد في عيلتنا ولسه مش عارفين السيستم بتاعنا ولاحظت ان الاسئله متكرره وقلت اجاوب عليها مره واحده 🙏

١. *الحفله في اي مسرح؟*
حفلتنا القادمه في مسرح نوار (الصوره المرفقه للبوست حقيقيه مش AI 🤣)

٢. *فين في شارع رمسيس.. اصل الشارع كبير قوي؟*
المسرح في شارع رمسيس امام جمعيه المهندسين المصريه قبل محطه مصر للسكك الحديديه بشويه. الوصول اليه سهل جدا لانه من شارع رمسيس الرئيسي

٣. *الحضور في الحفله سيدات فقط ولا ميكس؟*
معظم حفلات المايسترو "جو" وفرقه شويه فن بتكون ميكس (سيدات ورجال) ولكن ممنوع اي حد دون سن ١٨ سنه.

٤. *المسرح مفتوح (Open air) ولا مقفول (closed place)*
كل سنه وانتم طيبين شهر نوفمبر خلاص شتا 😭 والمطر والبرد والساقعه احتمال في اي يوم علشان كده المسرح والحمد لله مقفول تجنبا لكل ده وعلشان نكون في امان ونغني وبس من غير اي تكتكه 🤣

٥. *انا جديده في الجروب ومش عارفه الحفله بتكون ازاي؟*
حفلات المايسترو "جو" بتكون حفلات غنائيه لمده ساعتين .. جزء منها لاغاني فرقه شويه فن وجزء لاغانينا المصريه المشهوره وجزء لفقره "الجمهور يغني" احنا 🤩.. بنغني ٣ او ٤ اغاني معينه مع الفرقه من اماكننا في المسرح وصوتنا بيسمع دايما بره الحدود 🤣

٦. *فيه اي حاجه مطلوبه مننا كجمهور؟*
ايون.. حاجتين
اولا.. بما اننا جروب وعيله واحده هنلبس كلنا لون واحد (اللي يحب طبعا) اما لون ابيض او لون ازرق او ميكس بين اللونين.
ثانيا.. تشربوا ينسون كتير قبل الحفله علشان تعرفوا تغنوا بصوت حلو يسمع القاهره والجيزه

٧. *هل الحجز مازال متاح؟*
الحجز مازال متاح لحد ما نوصل للعدد النهائي للحضور . عند الوصول للحد الاقصي بقفل باب الحجز وبعلن عن ده في بوست علي صفحتنا علي الفيسبوك وعلي جروباتنا علي الواتس اب

٨. *الحجز ازاي وهل الحجز بأرقام الكراسي؟*
الكراسي اختياريه ومافيش أرقام (free seated) والحجز بيكون عن طريق ارسال مبلغ قيمه التذكره (٢٠٥ جنيه) للفرد علي فودافون كاش او انستاباي ثم ارسال نسخه من إيصال التحويل علي الواتس اب لاستلام رساله تاكيد الحضور

٩. *ممكن احجز علي الباب وقت الدخول الي الحفله؟*
حضور الحفله باسبقيه الحجز بمعني ان الحجز قبل الحضور اساسي

يارب ما اكون نسيت اي سؤال وفي حاله اي سؤال اضافي ابعتوا لي من فضلكم وانا اضيفه علي اللست 🙏

نعيش ونغني ونسعد مع بعض دايما