Kharagny

The Pasta Bakery
خروجة عند قصر البارون وكمان مش بس كدة المطعم في ممر شبه حواري ايطاليا
الموضوع دا ناقصه ايه؟
اكيد باستا ايطالي و دي مش اي باستا دا الشيف بيعمل العجينة Fresh قصادك من الالف للياء والمنيو بتبدأ من ٥٠ جنية ومفيش ولا خدمة ولا ضريبة
احنا كان مضحوك علينا بالمكرونات الجاهزة 😂 يا جماعة الباستا ال Fresh قصة تانية خالص
الشيف خبير في تحضير كل انواع الباستا live و بيعملها بنفس الطريقة اللي اشتغل بيها سنين في ايطاليا، الShow بتاع تحضير الباستا نفسه ممتع جداً خصوصاً انهم على طول مشغلين مزيكا ايطالي و عاملين مود حلو اوي
بالنسبالي دي كانت اول مرة اشوف المكرونة بتتعمل ازاي بأنواعها المختلفة زي
ريڤيولي، سباجيتي، فوتوتشيني و لازانيا
عشان محدش يجي بعد كدة يقول المكرونة بتتزرع 😅😂
بتختار من المنيو شكل و نوع الباستا اللي بتحبه و الصوص سواء طماطم، كريمة، ريحان، استرجانوف، او pink صوص
بعد كدة بتختار نوع البروتين يكون فراخ، لحمة، سي فود او عادي ممكن تطلبها سادة
اول ما الاوردر يجهز لازم تاكله على طول عشان الباستا الفريش حلاوتها و هي لسة سخنة و يستحسن تطلبها Aldenty "فيها عضة بسيطة" دي بقى التسوية الصح بتاعتها 👌
لو عايز حاجة وصاية بقى ممكن تدفع 30 جنيه زيادة و الشيف يعملك الاوردر في قالب الجبنة البارميزان 😍😍 طبعا الباستا بتبقى لسة سخنة و بمجرد ما تنزل في القالب الجبنة بتسيح في قلب الباستا و الموضوع بيوصل ل level تاني خالص من السعادة
بجد حاسس إني باكل حاجة تانية احلى بكتيييييير ⁦❤️⁩
ممكن تقعد تاكل في القعدة بتاعت المطعم و سط الزرع و انت بتسمع مزيكا ايطالي او تاخد الاوردر و تمشي خطوتين بالظبط و تقعد تاكل قصاد قصر البارون نفسه و تتصوروا هناك
الحلو بقى من الحاجات اللي لازم تجربوها
احنا طلبنا باستا ريڤيولي مقلية و محشية تفاح مكرمل بالقرفة و عليها من برة رشة سكر و قرفة
النوع التاني كان ريڤيولي محشي موز و فراولة، و في كمان ريڤيولي محشية نوتيلا و عليها من برة صوص وايت شوكليت
هتنبسطوا جدا و فعلا اي حاجة من دول مجرد ما تدوقها هتحس ان عينك عملت قلوب كدة 😍😍😍
رقمهم
0224149211
العنوان
102 ب شارع الميرغني، مصر الجديدة، في ظهر قصر البارون

في التجمع عند الجامعة الامريكية
اكتر حاجة بحبها في سوبرانو إن القعدة هناك على ڤيو مفتوح و بالنهار شكل السما مع الشجر و النخل مع صوت المياة في النافورة بيخلوك تستمع بجرعة Relaxation و قصادك شاشة تلفزيون عملاقة بتعرض ماتشات الكورة كإنك قاعد بتتفرج في الاستاد
الشواية الكبيرة بيبقى فيها كيلو مشاوي مشكل (ربع كباب و ربع ريش و ربع كفتة و ربع شيش طاووق) + شواية هدية فيها نص فرخة مشوية عالفحم و رغيف حواوشي
مع 2 ملوخية و 2 سلطة طحينة و 2 طماطم و رغيف عيش كبير مخبوز في الفرن
منظر الشواية النحاس و هي بتتقدم الدخان مع ريحة الشوي طالعين منها يفتحوا النفس، تاخد قطمة من الريشة تلاقيها طرية و معسلة، بعدها صباع كفتة في لقمة و تنزل بيه في الطحينة 😍 و على فكرة العيش دا بيتخبز عندهم في الفرن و بيخرج طازة من الفرن ليك على طول
الشواية دي تكفي اسرة كاملة و سعرها ب 360 جنيه بسلطاتها و الملوخية و الشواية الهدية
لو عايز حاجة اقتصادية ممكن تطلب الشواية الصغيرة (ربع كفتة & ربع شيش طاووق) مع سلطة خضراء و طحينة و عيش .. بتتقدم بنفس الطريقة الشيك و تكفي فرد واحد و ممكن 2 اكلتهم خفيفة و ممكن بعد الاكل تحبس بكوباية شاي او قهوة تظبط مزاجك
لو هتروح مع اصحابك ممكن بقى تطلبوا اي 2 بيتزا من اختياركم من المنيو (ب 160 جنيه) و هينزلكم معاها واحدة مارجريتا هدية يعني 3 بيتزا بسعر 2 بس
و عندهم بار مشروبات حلوة اوي بتكمل مود الروقان و تمزمز في ال Drink و انت قاعد عالمرجيحة و تتصور كمان مع اصحابك في الڤيو الجميل دا، و في كمان قاعة indoor لاعياد الميلاد و المناسبات
* كل الاسعار بيتضاف عليها خدمة و ضريبة
رقمهم
01020298442
العنوان
التجمع الخامس، مول The spot قصاد بوابة الجامعة الأمريكية رقم 4، و في parking مجاني تحت المول

Daddy's Burger

خلينا نتفق الاول ان مصر الجديدة أتغيرت تماما وبقت حلوة اوى واتفتح فيها مولات وأماكن كتيره جدا يعنى مثلا الفرع داديز دة على بٌعد 5 دقايق من قصر البارون يعنى ممكن تعمل خروجة حلوة فى اليوم ده ..
داديز من الاسامى القوية فى مصر واللى قدر انه يبقى من اقوى 5 أسامى فى البرجر فى الفترة اللى فتح فيها ودة لانهم محافظين على جودتهم تقريبا من ساعة ما فتحوا ..
بالنسبة للمنيو الجديده بقى ففيها شوية افتكاسات حلوة وجديدة وعبقرية والاهم أنها من غير لغوصة كتير ( أحنا كصفحة مبنحبش الاكل الملغوص بنحب ناكل ونتمزج بالاكل ) ..
أول ساندوتش لازم يتجرب هو Tripletta ودة قطعة البرجر ( ونصيحتنا ليك خدها ال 200 جرام ) وعليها 3 أنواع جبن بس مش أى جبنه دى جبنة اسمها كامامبير ودة نوع مش موجود كتير فى مصر جبنة طرية وتحسها دسمة بس ضايفة طعم حلو اوى ومع الجبنة دى فى جبنة أمريكى وجبنة سويسرى ( 3 أنواع جبنة فعلا مش دارجين وهيبقوا جٌددا على حاسة التذوق عندك )
تانى ساندوتش فى الاهمية بالنسبالنا هوساندوتش الفراخ SrirAcha وصوص السريراتشا ده له طعم مميز جدا لانه سبايسى ولاذع وفى نفس الوقت مسكر شوية فالفراخ بعد ما تطلع من النار بتنزل تغطس فى الصوص ده حبة حلوين وبعد كدة تطلع تتحط فى الساندوتش حاجة أدمان مش هتطلب غيرها بعد كدة ..
كمان ضافوا المكرونه الماك أند تشيز و مستخدمين نوع مكرونة حلو و جبنة حلوة اوى اوى
وفى التيرمنيتور Terminatorودة ساندوتش مازج بين البرجر والفراخ وبعد كدة محطوط ساور كريم مع صوص البافلو الرانش أنت اللى مطالب منك قبل ما تاكل الساندوتش ده انك تتصرف وتقطم الكلام ده كله مع بعضة بعد ما تفرد حتة الساور كريم على الساندوتش كلة ..
ومتنسوش تطلبوا بوكس البطاطس اللى اسمه fries bucket فيه 3 أنواع بطاطس
والتحلية باللوتس رولز ودى عجينة حلوة اوى محشية لوتس فى منها 4 قطع و 8 قطع فى المنيو ( المنيو كاملة على صفحتهم )
العنوان: ميراكي مول بجوار دار القوات الجوية شارع صلاح سالم – مصر الجديدة
وليهم فروع فى التجمع الخامس . المعادي و الدقى و زايد و أكتوبر ومدينة نصر وداندى مول
التليفون : 16698
's Burger و اوى فى الدليفرى لما تطاب ساندوتش بتاخد التانى بنص التمن

Florida Cone
دة براند ايس كريم امريكى لسة واصل مصر
ودى نقدر نعتبرها خروجة الوقفة بالعربيه فى مكان شيك
المكان ده عنده شوية أطعمة طبيعية للأيس كريم مشوفنهاش قبل كدة والبولة ب 25 جنية وعلى فكرة هو براند جاى من أمريكا للأيس كريم الطبيعى
خلينا نتكلم الاول عن جو القعدة .. المكان ده بقى Spot لخروجات ناس كتير وخصوصا ان خروجة وقفة العربية فى البنزينات دى بقت متكررة .. و محل الايس كريم ده موجود فى جراج واسع
الايس كريم عندهم بأطعمة محتلفة زى اللوتس و والمانجو الزبدية ( طبيعية جدا ) و الفستق وفى عندهم بطعم القهوه الطبيعية وهمى جدا يكيف اللى بيحب القهوه وفى نفس الوقت سكرة مش كتير ..
والاحلى بقى ان عندهم حوار جامد اوى فى انك ممكن تحط على البسكوتة غزل البنات وبعد كدة بولات الايس كريم .. حاجة هتبقى عاوز تتصور معاها من جمال شكلها ..( تخيلت نفسك بتاكل غزل بنات بالايس كريم ..تخيلها كدة .. متعة صح )
عندهم كمان وافل حلو اوى مهتمين بالعجينة جدا والمكونات اللى فوق بتختارها ما بين فاكهه او كيت كات او انواع شوكلااتة انت بتحبها
العنوان : ميدان جلوري، القطامية، بجوار نفق العين السخنة ( أو الاسم المشهور اللى المعظم عارفة ميدان محمد زكى )

Abou Shakra
مشويات فى قلب الأهرامات
قاعدة زى ديه وفى مكان له أسمه وتاريخة ( ومفيش ولا ميني مام ولا خدمة ولا ضريبة) واللى فى المنيو هو اللى بتدفعة و المنيو بتاعته مناسبة جدا جدا من ناحية الأسعار (مع الصور)
أحنا مركزين الفترة دى مع منطقة الاهرامات لانها تستاهل بكل صراحة... وكمان بنجيب الاماكن اللى هتقعد فيها براحتك من غير اى أزعاج
خلينا نتفق الاول أن كل أفواج الرحلات السياحة الاجنبية اللى بتيجى لزيارة الاهرامات لازم جزء رئيسى منها زيارة ابو شقرة اللى بيطل ع الهرم لانه.. اولا موقعه أستراتيجى متسنتر قدام الاهرامات وابو الهول وانت قاعد ورا ازاز بانوراما كاشف المنطقة بالكامل.. وثانيا جودة الاكل واثق فيها فمش هيجى من وراه مشاكل ...
احنا جربنا حاجات كتير من عندهم ما بين مشويات وطواجن وملوخية بس يبقى الركن الاهم فى المنيو وهو المشويات وبالتحديد الكفتة .. صباع الكفتة مدرسة لوحدة من عندهم ويعتبر دون مبالغة من احسن الاماكن اللى أكلنا من عنده كفتة (وأبقى مسى على أخوك ابو الهول بصباع كفتة لانه قاعد بقالة كتير... قاعد القعدة دى والمشويات رايحة جايه قدامه 😊)
يعنى من الاخر لو خدتلك ربع كفتة مثلا مع طاجن ملوخية او بامية مع شوية رز تقوم دافعلك 150 – 160 جنية ومتكيف من القعدة والمنظر والرواقة والاكل ..
ولو عايز عشاء رومانسي القعدة بالليل حاجة تانية و هتتفرج علي الصوت والضوء ببلاش مع إضاءة حكاية للهرم وابو الهول من جوة أبو شقرة..
والمكان ده بقى فيه حاجة غريبه اوى بيتملى فى ثوانى ويفضى فى ثوانى ده حتى بعد ما أحنا خلصنا وعلى الساعه 7 بليل كانوا بيجهزوا لان كان فى عشاء عمل فى جو وشكل الصوت والضوء بليل (منظر وهمى) فى شكل الترابيزات وتقسيمتها بيتغير خالص ( بصراحة حاجة أحترافية أوى 😊)
عموما المكان ده ليه تاريخ والقعدة حلوة اوى
العنوان : شارع ابو الهول السياحى امام مدخل الصوت والضوء
لية فروع فى كتير جدا هتلاقوها على صفحتهم
التليفون : 19090

شرم الشيخ بس فعلا بمجرد وصولك بتلاقى نفسك فى حتة تانية خالص هى شرم كلها حلوة بس المكان دة إحساس تاني خالص
بتتمشى والموسيقى شغالة من مكان ما
وفى نافورة راقصة
فعلا وانت بتتمشى مش هتبقى عارف تتصور فين ولا فين
مينفعش تبقى فى شرم الشيخ ومتروحش هناك

لو لسة موديتش ولادك كيدزانيا يبقى حابين نقولك أنك متأخر شوييتين تلاته
كيدزانيا عالم خاص بالاطفال بدأت الفكرة من المكسيك و حاليا موجودة في اكتر من 20 دولة حول العالم، و التصميم اتعمل على هيكل نص طيارة سفر حقيقية و المبنى اتبنى عليها عشان تجربة الطيران تكون حقيقية .. نص طيارة بجد!
اول ما بتوصل كل طفل بيستلم تذكرته من مطار كيدزانيا الدولي، و يسافر لعالم تاني خالص خاص بالاطفال، و انت كمان هتنبهر جداً بحجم المكان و تحس إنك في حاجة زي ديزني لاند، يعني في تفاصيل كدة زي إن سقف المكان كله على شكل سحاب مع لون السما الازرق
بداية الجولة بتبدأ من مطار كيدزانيا مرورا بالبنك و يصرف الشيك عشان يستلم "ال 50كيدزوس" العملة المحلية لمدينة كيدزانيا وبعد كدة ممكن يروحوا مكتب "وظف" عشان يختاروا الوظيفة المناسبة لمهارات كل طفل و الحاجات اللي بيحبها و يبدأ يمارسها بنفسه. أو ممكن كمان يتوجه لأى وظيفة نفسه يشتغلها مباشرة.
المكان عبارة عن مدينة كاملة فيها بنك، اسعاف، مطافي، شرطة، مسرح، مطاعم، مصنع شيبسي، مصنع كوكاكولا .. الطفل بيختار الحاجة اللي يحب يعرف تفاصيلها، يعني ممكن يتعلم ازاي يعمل بيتزا أو إزاى يسوق طيارة و يستلم المرتب بتاعه و يروح مكان تاني يصرفهم و هكذا
المفاجأة بقى إن في ستوديو CBC بيتعلموا فيه تقديم البرامج التلفزيونية و بيعمل حوار فعلا و يتسجل و في غرفة كنترول و كاميرات .. ستوديو بجد .. و بعد كدة ممكن كمان تطلب سي دي بالحلقة اللي سجلها
هتكتشف مواهب و مهارات ابنك و تشوفه في اكتر من 80 وظيفة طيار، دكتور، مذيع، شرطي، عاملين نماذج محاكاة للوظايف الحقيقة بطريقة سهلة و مبسطة للاطفال .. مش بيقولك الشغل ملهوش علاقة بالدراسة؟ اهو في كيدزانيا الاطفال بيعيشوا يوم العمل زي الكبار و يعشوا التجربة بنفسهم
في منطقة اسمها Urbano House للاطفال من سن سنة لحد 4 سنين فيها العاب تناسب سنهم، و المدينة كلها مناسبة للأطفال من 2 لحد 14 سنة و انت نفسك هتستمتع جدا مش بس الاطفال
الاب و الام او المرافق عموما بيقدر يدخل مدينة كيدزانيا مع الطفل بدون الدخول معاه في النشاط، عشان يتعلم كل حاجة من ال supervisor و بجد طريقتهم في التعامل مع الاطفال اكتر من رائعة
حاجة كمان كل طفل بيلبس ساعة بتكون بشفرة معينة و كل الاسرة بيكونوا لابسين ساعات بنفس شفرة الطفل عشان يضمنوا إن كل طفل خارج مع اسرته اللي دخل معاها
الاسعار بتبدأ من 250 جنيه و بتختلف على حسب عدد الساعات اللي الطفل بيقضيها جوة 4 او 6 او يوم كامل
و المرافق الواحد ب 75 جنيه و بتستفيد ب 25 جنيه جوة تجيب بيهم اكل او اي حاجة جوة كيدزانيا
أو التواصل معاهم عن طريق ال WhatsApp
01555557919
العنوان
التجمع الخامس, كايرو فيستيفال سيتى, المبنى الموجود أمام كايرو فيستيفال سيتى مول

THURSDAY NIGHT😎
• Minimum age: 23 - All IDs will be checked on door
• Minimum charge: LE 400 per person
• Corkage fee: LE 450 (on top of the minimum charge)
• Doors close: @12:00am
• Attire: Casual chic
• Entrance ratio: Couples and mixed groups only
for more info : 01022218977

عاصمة الورد في الشيخ زايد
اسمه فلوري و هو فعلا كله ورد من اول ما تدخل تحس بالسعادة وسط الورود و الالوان و الديكورات الجميلة دي
حتى القعدات ال outdoor معمولة على شكل بوكيهات في وسطهم شجرة ورد و هتتصور هناك شوية صور تحفة في مول City walk الشيخ زايد
و بيقدموا منيوا اكل و مشروبات قوية جداً، يعني مينفعش تروح فلوري من غير ما تجرب القهوة باللوتس و البوب كورن ميلك شيك خطيير بجد حاجة كدة الواحد يفضل يمزمز فيها بمزاج طول القعدة و هو مستمتع بكل شفطة
و زي ما عاملين ديكورات جامدة اوي مستواهم في الاكل قوي جدا، من الحاجات المميزة عندهم طبق باستا اسمه "انشلادا باستا" احفظوا اسمها كويس عشان هتحبوها اوي
دي مكرونة في صوص كريمي تحفة و لونه كمان وردي مع قطع فراخ و ميكس جبنة و ذرة حلوة و بصل و عيش تورتيلا مقلي، المكرونة بتبقى شاربة طعم الصوص و كل المكونات .. و الكمية اللي بيقدموها مشبعة جدا
الفاهيتا الميكس (فراخ و لحمة) بيقدموهالك في الطاسة و هي سخنة مولعة، مع البصل المكرمل و الخضار المشوي، و بيتقدم معاها العيش التورتيلا و الرز المكسيكي، مع الكريمة و الميكس تشيز و السلطة المكسيكي .. طريقة تقديمها حلوة اوي و تكفي فردين على فكرة صعب واحد يخلصها كلها
و بيقدموا طبق سلطة شكله و الوانه تفتح النفس بالكينواه و صدور الفراخ المشوية "يعتبر وجبة اساسية مش طبق سلطة جنب الاكل" بيتقدم فيه خس مع صدر فرخة مشوي مع صوص روعة بالخوخ و حبوب الكينواه مع قطع بلو تشيز و عين الجمل المكرمل و التفاح الاخضر .. قرمشة عين الجمل المكرمل مع طعم البلو تشيز و الصوص مخلي السلطة في حتة تانية level تاني خالص من الحلاوة
من اللمسات الجميلة انهم بيستخدموا انواع معينة من الورود في تزيين اطباق الاكل كمان
في مكان indoor لو عايز تقعد في الدفا و ديكور المكان شيك اوي في الصور و في جزئين outdoor و روح المكان و المزيكا تخليك تحب تروح اكتر من مرة و في كل مرة تجرب حاجة جديدة و المول نفسه فيه باركينج كبير و كيدز اريا و اماكن كتيرة جميلة تتصوروا فيها مع اصحابكم
رقمهم
01026688833
العنوان
مول سيتي ووك، الشيخ زايد، مدخل زايد 5

الساعتين ب 150 جنيه و اليوم كله ب 300 جنيه (5ساعات)
كيدز اريا في مول يعني هتعملي shopping و تتفسحي و لو دخلتي السينما و اديتيهم التذكرة بعد الفيلم هتاخدي خصم 10% كمان
ميزة المكان انه بيستقبل الاطفال من اول سن سنة لحد سبع سنين و إن مساحته تسهل إن الطفل طول الوقت يكون تحت عين ال Supervisors و مينفعش عينهم تغفل من عليه عشان تبقى مطمن على ولادك طول الوقت
الطفل بياخد جولة يلف فيها عالالعاب كلها، يدخل يتنطط في الترامبولين و يطلع من على بيت الكور، شوية يقعد يعزف عالبيانو شوية، و البنات الصغننين بيدخلوا على بيت باربي و المطبخ اللعبة و تدخل بقى تعيش مع الطاسات و حلل و خضار و فاكهة
نيجي بقى للمواهب الفنية و الابداع، هتلاقي ترابيزة مخصوصة ل ليجو دي بقى الاطفال بيبدعوا فيها و يعملوا منها اشكال و مجسمات، كمان في جزء مخصص لل Art فيه رسومات بتتلون و الطفل ياخدها معاه يحتفظ بيها و يعلقها في اوضته
عندك كمان دولاب ديزني فيه ملابس الشخصيات الكارتونية زي سوبر مان و سندريلا، شاشة تلفزيون صغيرة بيشغلوا عليها افلام كارتون للاطفال
لو معاك عربية البيبي ممكن تسيبها هناك و تتفسح انت و المدام بحرية زي خروجات زمان
في event planner لو عايز تعمل اختفال بعيد ميلاد اولادك ديكور و عروض للاطفال
المواعيد
كل يوم من ساعة 12 ل 10بالليل طول الاسبوع
الخميس و الجمعة لحد الساعة 11 بالليل
رقمهم
01090557555
العنوان
مول point 90 الدور التاني، داخل Air zone .. التجمع الخامس
و ليهم فرع تاني في مدينتي

المكان ده فى قلب القاهرة ويعتبر نادى وتذكرة دخولة ب 50 جنية
بس معظم الناس متعرفش أن الموضوع مش نادى و بس يعنى التذكرة اللى ب 50 جنية دى ممكن تعمل بيها حاجات كتير اوى
يعنى مثلا موجود فندق على مستوى رائع جدا جدا وممكن تاخد اللاب توب بتاعك و تعمل احلى شغل فى اللوبى بتاع الفندق وهتلاقى كوباية الشاى ب 6 جنية فى لوبى الفندق الفخم ده
الفندق دا مليان مزايا لو عرفتها كلها هتدلع نفسك عالاخر و تعيش حياة الرفاهية
طيب فيه ايه تانى هتلاقى غرفة او جناح فندقي، مطاعم، جيم، سينما، ملاهي، نادي، حمام سباحة Heated
هتلاقى المساحات الخضراء و ملاهي الاطفال.. تذاكر الالعاب بس (من 5 ل 25 جنيه)
لو انت نزيل فى الفندق ممكن تجرب حمام السباحة الHeated تنزل و انت متوقع لسعة المياة الساقعة بس هتلاقي المياة فيه دافية و جميلة و فى كذا مطعم في الفندق زي المطعم اللبناني، و في حد تاني بيعمل فطير بالسجق و الحاجات الشرقي و في بيتزا و باستا و مشاوي
لو ليك مزاج تحجز غرفة فى الفندق ، الغرف اللي ليها ڤيو عالنادي (دبل ب850) و لو مش مهم اوي تبص من الشباك ممكن تحجز الغرف اللي ب (750 جنيه)
ممكن تحجز جناح فندقي ب 1000 جنيه، بيبقى عبارة عن اوضة نوم كبيرة ب King bed و غرفة معيشة فيه انتريه و ترابيزة سفرة و تلفزيون
في حاجة مناسبة للاسر ب (1200 جنيه) عبارة عن جناح Connect بيبقوا غرفتين مفتوحين على بعض و بينهم باب داخلي يتفتح و يتقفل وقت ما تحب
*كل الاسعار دي شاملة الاقامة ليلة و الفطار
رقمهم
0226340162
العنوان
ميدان ابن الحكم حلمية الزيتون - فندق جلوريوس

متحف محمد على بالمنيل
المواعيد من ٩ صباحا ل ٤ عصرا
أقرب محطة مترو السيده زينب بعد كده حوالى 10 دقائق مشى
بمجرد دخولك القصر انت هتحس انك عايش فى زمن مختلف خالص
ايه قمة الدقة والتركيز فى كل التفاصيل دى
حتى الحديقه هتشوف فيها أشجار نادرة جدا
التصوير هناك ممتع جدا
من اجمل الاماكن اللي ممكن تروحها وللاسف مش واخد حقه.. اول ما تدخله هتحس انك معزول عن العالم و دخلت حقبة تاريخية مختلفة ..
بالنسبة لحديقة المتحف اللي هي و بتضم نباتات نادرة جمعها الامير من كل بلاد العالم..
تيكت التصوير 50 جنيه وسعر الفوتوسيشن 800 جنية بدون أستخدام الفلاش
هتلاقو هناك مع كل زيارة هتيجي tour guide مجاني يحكيلكو كل حاجة عن القصر اسمعوه كويس واسرحوا بخيالكم