20/03/2020
طول عمرنا نعرف إن مصر جوها حار جاف صيفاً دافىء ممطر شتاءً, لكن لما يبقى الجو مثلج شتاءً يبقى بنتكلم عن سانت كاترين. سانت كاترين واحده من اهم المحميات الطبيعية في مصر دا لإنها بتضم 27 نوعا من الزواحف مثل الثعبان والطريشة والضب والحية وغيرها, دا كمان بجانب إنها تحتوي على 22 من 28 نوعا من الفصائل الفريدة فى العالم والموجودة فى سيناء مثل السمو والزعتر والشيح، وغيرها من النباتات الطبية والنباتات السامة وغيرها. و لو اتكلمنا بقى عن مناظرها الطبيعية الكلام مش هيكون له نهاية عشان المنطقة تتميز بارتفاعها عن سطح البحر والجبال العالية وبها أعلى قمم جبال مصر مثل جبل كاترين وموسى ,والواحات حول عيون المياه والآبار تعتبر من المناظر الفريدة الخلابة على مستوى العالم.سانت كاترين بيميزها السياحة الدينية لأن فيها مساجد و كنائس مصرية قديمة مثل دير سانت كاترين و الكنيسة الكبرى.سانت كاترين مشهورة برحلات السفاري و مشاهدة الشروق من قمم الجبال. بعد ما عرفنا معلومات عن سانت كاترين تقدر تحضر شنطتك و تجهز للرحلة الجاية من حكايتنا عن المعالم السياحية في مصر.
19/03/2020
أول مكان هنتكلم عنه هو أسوان , ناس كتير تعرف أسوان لكن مش كلهم يعرفوا تاريخها و معالمها الجميلة و النهاردة هنقولكم جزء من حكاياتها.
المصرين القدماء كانوا بيطلقوا على أسوان إسم "سونو" ومعناها السوق، و بعدها اتحرفت و بقت أسوان إسمها الحالي, أسوان فيها معبد ابو سمبل اللي تأسس على إيد الملك رمسيس الثاني و ابو سمبل مشهور بظاهرة تعامد الشمس اللي بتحصل مرتين في السنة. أسوان تعتبر هي مصدر الكهرباء و مياه النيل في مصر لإن فيها السد العالي اللي اتبنى في عهد الرئيس الراحل جمال عبد الناصر و افتتح سنة 1971. أسوان كان فيها أول مدرسة حربية ترجع تاريخها إلى 1837 والتى بناها محمد على ثم تحولت إلى مسجد الطابية بوسط المدينة. لو رحت أسوان متنساش تعدي على جزيرة النباتات عشان هتقدر تشوف سبعة مناطق نباتية مختلفة، في كل قسم منها مجموعة من النباتات المعمرة والنادرة، اللي تم تهيئة الأجواء المناسبة لنموها في البيوت الزجاجية والصوب البلاستيكية، وهي تضم 380 نوع من مختلف النباتات، حيث تحتوي على مجموعة الفواكه والأشجار الاستوائية، والنباتات الطبية والعطرية، ونباتات الزينة واشجار الخشب والتوابل. و اهم حاجة تعملها هي المركب الشراعي في نيل أسوان. أسوان الكلام عنها مبيخلصش و هتيجي تاني في حكاياتنا لأن دائماً للحكاية بقية...
19/03/2020
The story behind our name, Nut, was the goddess of the sky, stars, cosmos, mothers, astronomy, and the universe in the ancient Egyptian religion. She was depicted wearing the water-pot sign that identifies her.
