معاً للقضاء على العنف ضد الأطفال ـ أسقفية الخدمات

بنتمنّى ليكم يوم كله راحة وبهجة مع عيلتكم. كل سنة وانتو طيبين!

المسيح قام... بالحقيقة قام!​

القيامة مش بس ذكرى، دي رسالة حياة جديدة، رجاء،
ونور بيغلب أي ظلمة. كل سنة وانتو طيبين

الإنترنت مليان محتوى غير مناسب للأطفال، من فيديوهات غير مناسبة لمعلومات مضللة! دورك تراقب، تحمي، وتوجه طفلك للمحتوى الآمن. استخدم أدوات الرقابة واتكلم مع طفلك عن اللي بيشوفه أونلاين!

#عنف

مش كل برنامج مسلّي مناسب للأطفال! بعض البرامج اللي بتعتمد على تخويف الناس أو تشجيع التصرفات الخطرة بتأثر على عقلية الأطفال وبتخلّيهم يتبعوا السلوكيات دي كأنها عادية أو مضحكة. لازم نراقب المحتوى اللي بيشوفوه ونعلمهم يفرقوا بين الترفيه والأذى!

#عنف

لو لاحظت إن طفلك بيعيط ومش عايز يروح المدرسة، دا مش دلع ولا كسل! ممكن يكون بيتعرض للعنف جوه المدرسة وخايف يتكلم. اسمعه، طمّنه، وساعده… لأن التعليم لازم يكون أمان، مش مصدر للخوف!

#عنف #تعليم #مدرسة

أوصنا في الأعالي ومبارك الآتي باسم الرب! أحد الشعانين مش بس احتفال… ده دعوة نفتح قلوبنا ليسوع ونتبعه بكل حب وإيمان. كل سنة وانتو طيبين

الضرب عمره ما كان تربية ولا تعليم! المدرس اللي بيضرب الطالب مش بيعلمه الاحترام، بالعكس بيزرع فيه الخوف والكراهية. التعليم دعم وتوجيه، مش عنف وإهانة! لو شُفت طفل بيتعرض للضرب في مدرسته، متسكتش… بلغ وساعده!

#عنف #مدرسة #تعليم

لما المدرس يزعق أو يقول للطالب "إنت فاشل"، دي مش مجرد كلمة… ده جرح بيفضل جوه الطفل، يكسره قدام زملائه، ويخليه يصدق إنه قليل ومش ناجح وعمره ما هيساعدة يبقى متفوق. العنف النفسي بيدمر زى العنف الجسدي، ومينفعش نسكت! كل طفل ليه حق في التعليم بكرامة وأمان، بلغ ومتسكتش

#عنف #مدرسة

فخورين بنجاح ندوة اولياء الأمور ذوى الهمم وبكل اللي شاركوا في التجربة المميزة دي!​ خطوة جديدة لبناء علاقات قوية ومستقبل أفضل

#ندوة

فى ندوة أولياء الأمور ذوى الهمم، صححنا المفاهيم ووصلنا رسالة إن ذوي الاحتياجات الخاصة مش عبء على المجتمع، دول قوة وقيمة حقيقية. عملنا على توعية الآباء والأمهات والخدام بأهمية التعامل بإنسانية وعدل مع الأطفال، وعرّفناهم على حقوقهم والخدمات المتاحة لدعمهم.

#ندوة

خطوة جديدة في رحلتنا للتوعية والتطوير! تم تنفيذ تدريبات مميزة في القاهرة لتمكين قيادات وخدام السودان بأساليب التربية الإيجابية، وتنمية مهاراتهم في دعم الأطفال والمراهقين.

#تدريبات

في كل تدريب لخدام السودانيين، بنحرص إننا نحقق تأثير حقيقي!
ونوصل للأهداف دي:

- نرفع الوعي بأساليب التربية الإيجابية
- ننمي نظرة إيجابية تجاه القضايا المهمة
- نوفر تدريب عملي علشان المهارات تتطبق على أرض الواقع
- نطور مهارات الخدام والخادمات في التعامل مع الأطفال بكل حب ووعي ️

بالعلم والتدريب، نقدر نصنع فرق كبير!

#تدريبات