أراء سياسية

الحقيقة حاولت أقوام كتير أني مكتبش خصوصاً أني منقطع عن الكتابة لفترة لأسباب لا مجال لذكرها ....بس قراري الأخير كان أني لازم أكتب لأن الكلام بقي زيادة عن اللزوم في موضوع الجزر و من الأمانة أني أوضح للناس القصة و أنهي الجدل حول موضوع حساس جداً ....
أولاً خلونا نتفق أن القصة مفهاش رأيي و رأيك و لا فيها مؤيد و معارض .... القصة لها أبعاد تاريخية و جغرافية يعني ملهاش علاقة بحبك أو كرهك للنظام .....القصة ببساطة في أدلة و وثائق و تاريخ مدون و موجود للي عايز يعرف و يتأكد ......أما الي عايز يهاجم أو يدافع و خلاص فدي قصة تانية خالص

الموضوع باختصار ....

١- حتي عام ١٩٥٠ كانت صنافير و تيران تابعة للسيادة السعودية.
٢- عام ١٩٥٠ و بعد عامين من قيام الدولة الصهوينية استطاعت إسرائيل السيطرة علي خليج العقبة و أصبح لها منفذ علي البحر الأحمر ....و لأن السعودية في ذلك الوقت لم يكن لها قوة عسكرية فقررت أعطاء مصر حق الاشراف علي الجزيرتين خوفاً من أن تسيطر اسرائيل عليهما .
٣- في عامين ١٩٥١ و ١٩٥٨ أتعمل خطوط اساس لتوضح للعالم أنه لا يجود خلاف بين مصر السعودية في مسألة الحدود
٤- عام ١٩٦٧ و بعد أن أغلق عبد الناصر خليق العقبة ....هاجمت اسرائيل مصر و سيطرت علي الجزر لتضمن الملاحة في الخليج.
٥- عام ١٩٧٣ أنتصرت مصر في حرب أكتوبر و بقيت الجزر تحت سيطرة اليهود حتي وقت اتفاقية كامب ديفيد .....في ذلك الوقت وقت التفاوض في كامب ديفيد كتب السادات بخط يده "يتعين أن تخرج الجزر من الاتفاق باعتبراهما جزر سعودية" و ذلك في وثيقة معتمدة و موثقة في الامم المتحدة ....
٦- بعد اتفاق السلام مع اسرائيل أنقطعت العلاقات الدبلومسية بين البلدين تماماً
٧- عام ١٩٨٣أصدر مرسوم رئيس الوزراء أن االجزر محمية مصرية و كان هذا المرسوم نتيجة الوضع السياسي حيث كانت العلاقات المقطوعة بين البلدين ....
٨- بعد عودة العلاقات مع الدول العربية عام ١٩٨٨ ، صدر قرار رئيس الجمهورية ١٩٩٠ رقم ٢٧ بأعتماد خطوط الاساس و اعتبار صنافير و تيران داخل الحدود السعودية و أبلغت الامم المتحدة ٢ مايو ١٩٩٠ بالمرسوم .

يعني الخلاصة الجزر لم تكن أبداً تابعة لمصر ....و أنما المثبت أن السعودية طلبت من مصر حماية الجزر و الاشراف عليها و كان ذلك ١٩٥٠ .....حتي أن الحدود المصرية الشرقية التي رسمت عام ١٩٠٦ لم تكن الجزر بداخلها علي عكس ما يروج....اما الفيديو الذي نشر لعبد ناصر يتكلم عن الجزر منطقي لأن مصر كانت مسؤولة بالاشراف و حماية تلك الجزر كأي أرض مصرية ....

النقطة الأخيرة و المهمة ...أننا ممكن نتفق أن طرح الموضوع و اعلانه كان لا يليق بمصر و فيه استهانه بالشعب لأن المفروض كان يكون فيه احترام للناس و تمهيد و شرح للموضوع بدلاً من اعلانه بتلك الطريقة السخيفة جداً و الي خلت مصرنكتة لمدة يومين عشان ببساطة محدش كان فاهم و ده جزء من غباء سياسي شديد من اللي بيحكموا البلد و الي أتعودوا علي التعتيم و التخبية و معاملة الشعب علي أنه شعب قاصر ..... بس ده لا يعني أن مصر فرطت في أرضها مقابل كام صفقة أو كام مليار ....كان الأولي نفرط في ٢٠٠ كيلو من سيناء و نخلي الغرب و أمريكا يرضوا عنا بدل الهم الي عايشين فيه من ٥ سنين و لسة بندفع تنمة أمنياً و اقتصادياً ....في فرق بين الخيانة و الغباء!

قبل إسقاط الطائرة الروسية شئ و بعده شئ اخر .....فالسؤال الآن ليس هل ستضرب روسيا تركيا و لكنه متي و كيف ستضربها؟!!
فمن المؤكد أن هناك تطورات جادة ستحدث من الجانب الروسي علي الأرض ......و مخطئ من يعتقد أن أمريكا ستحمي تركيا أو غيرها ......فأمريكا لا تتحرك عسكريا الا لحماية مصالحها فقط غير ذلك ستكتفي بالتنديد و إبداء القلق كما فعلت في أزمة القرم و التدخل الروسي في سوريا و غيرها من الأزمات ........و لعل من المضحك جداً أن تجد أراء لفئة كبيرة لا بأس منها أنتحر لديها المنطق تماماً .... فهم يتكلمون بثقة لا مثيل لها أن روسيا لا تستطيع الدخول في صدام مع تركيا و أن تركيا أقوي لوجودها في الناتو .........هؤلاء يعشيون في زمن أخر تماماً فلا يدركون أن روسيا لو قررت الدخول في حرب مع تركيا لن تكون هناك تركيا بعد ساعات ....فمجرد المقارنة بين الجيش الروسي و التركي نكتة بايخة ....فلا مجال للمقارنة بين دولة تصنع السلاح و أخري تستورده ....لا مجال للمقارنة بين دولة تستطيع أن تنتج سلاح يعادل ما تملكه تركيا في شهور و بين أخري تدفع مليارات من ميزانيتها لتشتري ما يعادل إنتاج روسيا الحربي في أيام لو ارادت .....لا مقارنة بين دولة رائدة في العالم النووي و أخري لم تدخل المرحلة صناعة طائرة.....هؤلاء المرضي مازالوا يعيشوا في زمن الخلافة العثمانية السحيق ...فحتي الكلام عن أن روسيا تخشي حلف الناتو أيضاً هراء .....فروسيا لا تخشي أي قوة في العالم الا أمريكا و المثل ينطبق علي أمريكا .....فأوروبا كاملة لا تستطيع أن تقف أمام روسيا .....و لو عدنا للخلف قليلاً سنتذكر كيف حررت روسيا أوروبا كاملة من النازية ...فالتعامل مع روسيا "و من خلفها الصين" علي أنها جيش عادي ممكن مقارنته بتركيا أو الأتحاد الأوروبي أو غيره هو العبث بعينه و لا ينم الا عن جهل شديد بالواقع ..... و بخلاف الفارق الكبير في القدرات بين روسيا و دول حلف الناتو فيما عادا أمريكا ....فأوروبا ليست علي إستعداد أن تدخل في حرب عالمية مع الدب الروسي من أجل تركيا التي في نظرهم لا تستحق دولة إسلامية تدعم الإرهاب!!!
التوقعات تشير لأزمة حقيقة بدأت منذ أن أعلنت روسيا ضم جزيرة القرم في أوكرانيا و هي المنفذ الوحيد لروسيا علي البحر الأسود و تركيا ....فروسيا تسعي للصدام و تركيا ساعدتها بضرب طائرتها التي أصبح من المؤكد ضربها داخل الحدود السورية مما سيجعل الرد الروسي طبقاً للمادة ٥١ شرعياً لحد ما .....و ما يؤكد التوقعات برد قاسي هو تدعيات الخطيرة التي حدثت بعد الحادثثة بوقف التعاون العسكري و ألغاء زيارة رئيس الوززاء الروسي لتركيا و إيقاف رحلات السياحة الروسية ...فهذة القرارت تنذر بتطور خطير قريب و متوقع جداً أن يرد بوتين علي تركيا في أقرب فرصة وحينها سيفيق المغيبون من وهم الخلافة و سيروا الواقع الذي أصبح بكل أسف مرير ....

حاجة تقهر لما تكون نفسيتك مضايقة و مش قادر تتضحك لمجرد انك خايف و قلقان علي بلدك و مش تعمل حاجة غير انك تقرأ اخبار و مقالات خارجية عشان تفهم و تطمن علي بلدك ...و تلاقي واحد بمنتهي البساطة مبسوط فيك و شمتان في بلده و نفسه و مني عينه انها تخرب لمجرد خلافه السياسي الي ملي قلبه غِل و حقد و كراهية ...

حاجة تقهر و تحزن بس في نفس الوقت تطمن و تريح لأنك لما تشوف الناس دي بتتاكد اكثر انك علي الحق و إن اكيد ربنا معاك و مش هيسيبك و ان كله هيعدي زي ما عدت الخمس السنين الي فاتوا ....

كما كان متوقعاً أثبتت التحقيقات أن الطائرة الروسية أُسقطت بفعل قنبلة و بالفعل تم العثور علي آثار متفجرات في موقع سقوط الطائرة .....خلونا نوضح بعض الحقائق سواء للشامتين أو الذين يتبعون سياسة جلد الذات ....

أولاً : جلد الذات لا معني له....نعم هناك تقصير و لكن التقصير ليس كل شئ ....شرم الشيخ أمنه بالكامل منذ ثورة يناير و بالرغم كل ما يحدث في سيناء لم تحدث عملية واحدة لا في شرم و لا الغردقة ...و هذا لا يعني أننا لا نتحمل المسؤولية و لكن يجب أن نتحملها بدون أن نجلد أنفسنا ...الآرهاب يحدث في أكثر الأماكن الأمنة في العالم و علي رأسها البنتاجون في ٢٠٠١...شرم الشيخ كانت مؤمنة و لكن حدث خلل في مكان ما ..خطأ مثل أخطاء كثيرة حدثت فدول عظمي كأمريكا مثلاً و التي حدثت فيها الحادثة الإرهابية الأكبر في التاريخ ....و منذ يومين حدث في باريس ما حدث ....و قبلها تونس و لبنان و أنقرة ..و القائمة لا تنتهي ....الحرب علي الإرهاب حرب مختلفة لأن عدوك متخفي لا أحد يدري من أين سيأتيك و لا متي و لا كيف .....الخسائر أمر طبيعي و حتماً ستتكرر عمليات إرهابية أخري حول العالم ....مفيش علي رسنا بطحة!!!

ثانياً: للسادة الشامتين أو الذين يعتبرون هذا الحدث ضربة لمصر أو للسيسي ....القصة ليست في السيسي و لا مصر حتي ...القصة أصبحت أكبر من قصة سيسي و أكبر من قصة وطن ...القصة أصبحت قصة عالم يواجهة خطر أسمه "الإرهاب" ....فالقاصي و الداني الآن سيتعاطف مع الدول التي تحدث في عمليات إرهابية و ليس العكس.....مصر موقفها يزداد قوة يوماً بعد يوم بأنها أول من نبهت العالم لخطر الأرهاب ...و الجيش المصري هو الجيش الوحيد في العالم الذي يحارب يومياً الإرهاب ....و العالم أجمع اليوم بدأ يعترف أن ما يحدث في مصر إرهاب حقيقي و أن لولا ٣٠ يونيو لكان الوضع إزداد سوء ....يعني بإختصار موقفنا السياسي تحديداً بيتحسن يوم عن يوم .....أما الخاسر فهو حضرتك يا بتاع الأخوان ....لأن هؤلاء الذي يرتدون عباءة الدين أصبحوا خطر في نظر العالم بعد أن فهموا جيداً أن منبع الإوهاب هو فكر الإسلام السياسي و تحديداً الأخوان....

النقطة الأخيرة ....و هي ما نوهت إليها بالأمس عن حظر روسيا الطيران في مصر ....فهو أمر طبيعي و منطقي و لا علاقة له بالعلاقات الروسية المصرية .....و قريباً ستحدث إجراءات ممثالة من دول أخري مع مصر و غيرها ليمنعوا حدوث تلك الحوادث ....و هدا ما حدث بعد ١١ سبتمير عندما وضعت دول العالم إجراءات سللامة و تأمين في كل المطارات ....شئ طبيعي و تطور منطقي مع تطور سبل الإرهاب..يعني الوضوع مش شخصي مع مصر!!!

مستغربتش أن الأخوان و أنصارهم فرحانين بقرار تعليق روسيا لرحلاتها الجوية المصر علي أساس أن روسيا باعت مصر و كدة ....و لكن الي أستغربت له أكتر و بجد هو أن في إعلاميين و سياسيين كبار بيرددوا نفس الكلام و الي هو أن روسيا فعلاً مبقتش حليف إستراتيجي لمصر ...

حقيقي تفكير عقيم جداً ...

روسيا فقدت ٢٢٤ شخص .....و ده رقم كبير جداً لدولة مثل روسيا .....ده احنا مصر لما مات ٣٣ عسكري في سيناء عملنا منطقة عزلة علي مسافة ٣ كيلو و شيلنا البيوت بالي فيها ....ما بالك ب٢٢٤ روسي ماتوا في ثانية و في الأغلب عن طريقة قنبلة وضعت علي متن الطائرة......سؤالي.... متوقع بوتين يعمل ايه؟ يستني نتائج التحقيقات الي ٩٩٪ بتأكد وجود قنبلة؟ يعني يستفز شعبه أكتر عشان ميزعلش السيسي و المصريين؟ أكيد شعبه و مصلحة بلده أهم ....و قراره طبيعي و منطقي و لا يعني أبداً لا من قريب و لا من بعيد أي تأثير في العلاقات المصرية الروسية .....
لازم نفهم أن الغرب مش بيفكر بالعواطف ...بيفكر بالمصالح ....و مصلحة بوتين كانت تقتضي أنه يأخد بنصيحة مستشاريه و يعلق الطيران لمصر ليمتص غضب شعبه و أيضاً ليتأكد من إجراءات السلامة في المطارات المصرية حتي لا تكرر مثل تلك الحادثة ......احنا بنتكلم في ٢٢٤ بني أدم ..يعني كارثة بكل ما تحمله الكلمة من معني!!!

قرار روسيا طبيعي ....و قريباً قد يمنعوا الطيران لدول أخري ..و لكن القرارات لا تأثر لا من قريب و لا من بعيد عن علاقة إستراتيجية بين البلدين بالدليل أن وسيا مازلت مستمرة في التعاون مع مصر في مشروعات أخري حتي تلك اللحظة ....
في النهاية ...بضايق أوي بعد لما أكتب و أشرح شئ المفروض يكون واضح و بسيط و بضايق أكتر أني المفروض أفضل أفسر و أشرح لناس مرضي لا يتمنوا الا الشر لبلدهم .....

مستغرب أوي من الناس الي مندهشة أن العالم بيتعاطف مع فرنسا أكتر من تعاطفه مع مصر بالرغم كل الإرهاب الي عندنا ......

حقيقي أنا مندهش أن حضرتك مندهش؟

اذا كان احنا كمصريين فينا الي مش متعاطف مع الناس الي بتموت من جيش بلدنا ...فينا ناس بتكفر الجيش و الشرطة علناً .....شيوخ و رجال دين بحرموا أننا نترحم علي عسكري لمجرد أنه قبطي .....صحفيين و ناشطين سياسيين لسة مصدقين أن إرهاب سيناء مؤامرة من الدولة المصرية عشان توهم الشعب زن في إرهاب .....إعلاميين و سياسيين ما بيصدقوا حادثة إرهابية تحصل عشان يشوهوا صورة الدولة و بيطالبوا عيني عينك بتدخل أجنبي ....
ازاي متخيل أن العالم ممكن يتعاطف معاك و أحنا كشعب أصلاً مش متعاطفين مع بعض ....ازاي نطالب العالم بأن يساندنا و احنا عندنا أكبر منابع الإرهاب الفكري و التطرف الديني و مع الأسف مش بنعمل حاجة عشان نحاربه ....ازاي العالم ممكن يدعمك و أنت بتحارب أي محاولة للتنوير و لسة عندك شيوخ و رجال دين علي شاكلة الحويني و حسان و أمثالهم .....لأ و كمان عندك حزب زي حرب النور الي الوطن بالنسبة له مرتبة تانية!!!!

النهاردة يا سادة منظر البرلمان الفرنسي و كلهم ثابتين و واقفين علي قلب رجل واحد و مساندته الكاملة لبلدهم و تصفيقهم الذي دام كثيراً بعد خطاب الرئيس يخلي الواحد يتحسر علي حفنة من مصريين مخدناش منهم غير الشماتة و التريقة و الهجوم علي مصر في كل مكان .....

هفضل أكررها مليون مرة ......أشد أعدائنا مش داعش و تركيا و الغرب ....أعداءنا عايشين وسطينا !

بنسبة لموضوع الطائرة الروسية المنكوبة ...خليا نتكلم كلام موضوع و بمنتهي الصراحة حتي لو هتزعل حد ...

أولاً ...
بنسبة كبيرة سقوط الطائرة كان سبب قنبلة زرعت داخلها ....مفيش شئ مؤكد بنسبة ١٠٠٪ و لكن المتاح قدامنا بيأكد هذا الإحتمال ...فسقوط الطائرة فجأة بدون إستغاثة الطيار و توقف المحركات في أقل من الثانية بجانب تفكك الطائرة في الجو يجعل إحتمال تفجير الطائرة في الجو هو الأقرب ...ممكن طبعاً يكون في عطل فني نادر و مفاجئ اثر علي ضغط الهواء و أدي لأنفصال الديل عن جسم الطيارة و لكن ده إحتمال ضعيف جداً و أن كان وارد......

ثانياً ...
لست من مؤيدي فكرة المؤامرة و بصراحة كفاية نرمي كل حاجة علي شماعة المؤامرات ....بجد كفاية ....حاجة تحزن أنك تلاقي ناس متعلمة و مثقفة يعلقوا كل مصيبة علي المؤامرة .....طب هي فعلاً لو مؤامرة ...أنت كدولة فين من المؤامرة دي؟ فين مخابراتك؟ فين الأمن بتاع المطار؟ في شرطة مكافحة الإرهاب؟ ازاي القنبلة دخلت مصر و عديت من المطار و دخلت الطيارة؟ ازاي تبقي لقمة صائغة في أيدي دول الغرب يلعبوا فيك كدة؟...لو فعلاً موضوع المؤامرة صحيح ...يبقي علينا محاكمة و محاسبة كل أجهزة المخابرات و الأمن الوطني و خلافة؟ و لا ايه؟!!!!

مينفعش كل مصيبة نرميها علي المؤامرة بدون أن نحاول أن نعالج و نحسن الفساد و التقصير الي موجود .....و علي فكرة مش عيب أن يكون في تقصير ...العيب أننا نداري عليه بحة "المؤامرة"......وضع طبيعي أن تكون في دول ضدك و بتحاربك زي كما في دول صديقة بتساندك ....دورك أنت كنظام هو أن تستغل الظروف المحيطة لتنجح و تتقدم لا أن ترمي كل مصيبة علي شماعة "المؤامرة"....

ثالثاً:
طبيعي أن تلغي دول أوروبا الرحلات لشرم الشيخ ....في نظري "و أن كان هيزعل البعض" ده مش موقف عدائي تجاه مصر ....ده رد فعل لكارثة حصلت هزت العالم كله ....و كخطوة قادمة قريباً هيلغوا رحلاتهم لدول عديدة في منطقة الشرق الأوسط أو علي الأقل هيطلبوا بإجراءات أمنية إضافية ....ده وضع طبيعي لدول عندها هوس أمني و بتضع سلامة مواطنيها رقم واحد.....يعني القصة مش "مصر" علي قد ما هي إجراء سلامة و خوف علي حياه مواطنيهم و ده شئ صعب نفهمه كشعوب الشرق الأوسط ...

رابعاً:
الإهتمام بقضية سقوط الطائرة سببه الرئيسي ليس مصر و أنما "روسيا" .....يعني مصر أتخدت في الرجلين ....كان مهم لدول كتير تسبق نتائج التحقيق أو علي الأقل تتمني شبه وجود عملية إرهابية عشان يربطوا بين الحدث الإرهابي و دخول القوات الروسية سوريا ....و دي محاولة لقلب الشعب الروسي علي بوتين!

خامساً:
هل الموضوع هيأثر سلبياً علي مصر ..الإجابة نعم سيأثر علي السياحة و لكن لفترة ليست طويلة..بعدها ستعود السياحة أفضل مما كانت بعد أن تأخذ مصر الإجراءات الأمنية اللازمة في المطارات ...و الشئ الجيد أن أخيراً سيبدأ صناع السياحة المصرية بالعمل علي جذب سياح من دول أخري غير روسيا و إنجلترا و ألمانيا ....النقطة الأهم ..هي أن السياحة الروسية و الأوكرانية ليس لها بديل عن مصر خصوصاً في فصل الشتاء ...

سادساً و هذة أهم نقطة ...
أرفض المبالغة بأن حادثة الطائرة "قفلت شرم" أو "كارثة قومية" ....و و استغلال الأخوان للحادثة علي أن البلد غرقت هو السفه بعينه .....مصر أكبر بكتير من طيارة تقع!!!
معلش يا جماعة ...حادثة الطائرة ليست أول حادثة إرهابية ...دعونا نتذكر حادثة غزالة و الكرنك و طابا و غيرها ....كل تلك الحوادث مرت و عدت و رجعت السياحة بعدها أفضل مما كانت عليه ....كله بيعدي بالوقت ...بالعكس شوفنا أيام سودة و عدت و دي هتعدي كمان أن شاء الله ...

سابعاً ...
السيسي مش طرف من المعادلة .....الكلمة دي للشمتانين من المرضي و الخونة ......القصة قصة بلدك و وطنك ......لو الحادثة دي بتأثر فهي بتأثر علي إقتصادك و سمعتك مش السيسي ....يارتيت نقدر نفرق بين إختلافنا السياسي مع نظام الحكم و بين وطنيتنا و أنتماءنا لبلدنا ....
٦- نظرية امؤامرة و أن القنبلة مزروعة من قبل المخابرات الأمر

أخيراً ...
الأمة بكل ما فيها من أسي و ألم الا أنها كالعادة أخرجت أ حلي ما في الشعب المصري و هو الوحدة و الثبات .....شعب مصر بالرغم كل ما فيه من عيوب و لكنه عظمته تمكن في ثباته وقت الأزمات ....

ستمر الأزمة كما مرت الأزمات السابقة ....ستقف السياحة علي قدميها مرة أخري ...و ستعود مصر أقوي و أفضل رغم أنف كل حاقد و شامت ...

أنا عارف أني ما بكتبش بقالي كتير و ده لظروف و أسباب ممكن أشرحها بعدين ....و لكن بعيداً عن ده كان مهم أوي أني أكتب في الوقت العصيب ده و أقول لكل مصري مخلص أننا فعلاً بنمر بوقت عصيب و حرج و أن موقفنا إقتصادياً و سياحياً مش تمام و لكن أبداً ده مش مبرر أنك تيأس أو تفقد الأمل ....خالص!!
الشمس بتشرق بعد الساعة الأكثر ظلمة في الليل ....مصر هتعبر الظروف دي و هتقف علي رجليها و هترجع أحسن من الأول ....ده مش دعم للسيسي و لا لغيره ...ده دعم لوطن و بلد عانت هي و شعبها كثيراً و أنا علي يقين "إيماني و علمي" إن المرحلة الأسوء علي أعتاب النهاية .....و بالأرقام القادم أحسن و هنتكلم في شرح ده بعدين ....

متخليش حاجة تزعزع ثقتك في ربنا و لا تهز دعمك لوطن ..... القوي هو من يثبت ساعة المحن و الأزمات ...و مفش نجاح بيبقي ليه طعم من غير فشل قبليه ....و مفيش نجاج مالوش أعداء ....الي بيحصل طبيعي و متوقع و هيعدي زي ما غيره كتير عدي ..

تحيا مصر دائماً ....

شوفت صورة الطفل السوري الي غرق علي سواحل تركيا؟؟
قطعت قلبك؟ دمعت؟ ضربت كف علي كف و قلت لا حول و لا قوة الا بالله؟ طب مصمصت شفايفك و قلت الإسلام برئ من دمه و الله يجازي الي كان السبب؟ عملت الواجب و قلت كلمتين الإنشا الي حفظهم؟!! مية مية ....روح نام و أصحي تاني يوم هتبقي كويس

و ياريت الحياه كانت سهلة كدة ....مع الأسف غالبيتنا بيفضل يعيش مصدق أكاذيب يضحك بيها علي نفسه عشان يستريح و يهرب من الحقيقة ...لأن الحقيقة بتوجع ...و لكن خليني أوجعك و أضايقك و لو مش عاجبك الكلام مش مهم .....هقوله برضو و هيقوله ألاف من بعدي زي ما بدأت الناس تفوق و تعرف الحقيقة .....

الطفل ده الي موته هو الإسلام المطروح حالياً ...إسلام داعش و السلفيين و الواهبيين و غالبية الجامعات المتطرفة و الأسلامية الي موجود نتيجة تراث دموي لم يجلب للأمة الا الخراب و التخلف ......الطفل ده ضحية أحاديث و فتاوي موجودة في البخاري و مسلم و فتاوي بن تيمية و غيره ممن أحل لدعاش و مثلها ما يحدث في سوريا و العراق و غيرها .......
الطفل ده مش أول طفل مات .....في ربع مليون سوري مات من أول ما بدأت النكسة السورية ......فاهم يعني ايه ربع مليون؟؟؟ فاهم يعني ٩ مليون يتهجروا من بيتهم و يهربوا في معسكرات للاجائين؟ ده غير الدبح و الحرق و السبي و الأغتصاب و كله باسم الدين؟!!! هتقولي الدين مقلش كدة .....هقولك قصدك علي أي دين؟ أي إسلام؟ إسلام القرآن و لا إسلام البخاري و إسلام ابن تيمية و لا إسلام الأخوان و لا إسلام الشيعة و إسلام الواهبية ..أي إسلام تقصد؟!!
مع الأسف الإسلام بقيت كلمة فضفاضةكل واحد بيفسرها بكيفة ....مابقاش في تعريف واضح للإسلام بسبب كتب التراث و الأحاديث المتناقضة ....بقي سهل أوي أن أي جماعة تجد مجال أنها تحلل القتل و التشريد و الجهاد و التكفير و السبي و الأغتصاب و تخاريف العلاج بالبول و رضاعة الكبير و كله بأحاديث و فتاوي براعية الأزهر و شيوخ الفتنة و الضلال...

لو خايف علي الإسلام صحيح و بتحب دينك .....سبيك من مصمصة الشفايف .....و أخرج برة القمقم بتاعك و ثور علي التراث الدم و الفتنة عشان تتطهر دينك و الأنسانية من كل الدم و التخلف الي بقيت في رقبة المسلمين ......

كفاية مصمصة شافيف و ضحك علي الدقون ...فوقوا بقي!!!

خلاصة الكلام في مشروع قناه السويس ....

ايوة المشروع مالوش جدوي إقتصادية كبيرة ....و أيوة المشروع مجرد تفريعة مش قناه جديدة و لا حاجة ...، و أيوة كمان في مشاريع أهم و ممكن تجيب فلوس أكثر من مشروع قناه السويس ....و أيوة في أربع تفريعات أتعملوا قبل كدة !!!

خلاص كدة هدينا و ممكن نتكلم؟!!

الي ينظر للمشروع بنظرة أقتصادية فقط هو أنسان قصير النظر ...لأن الجدوي الأقتصادية بالرغم من أهميتها ليست الأهم إطلاقاً في الوقت الحالي......الأهم في فترة الركود الصعبة الي بنعيشها من أربع سنين هي أننا نعيد الثقة في نفسنا و نتحد حول مشروع قومي و نحرك سوق العمل و نضع تحدي و نحققه و نثبت للعالم و لنفسنا أننا نقدر ... ......ده أهم من أي حاجة !!

المشروع أتكلف علي أقصي تقدير ٥ مليار دولار ......حضرتك عارف احنا خدنا كام منحة من الخليج ب٥ مليار دولار؟!!! حسيت بيهم؟ أتصرفوا علي البترول و الأكل و الطرق و المترو .....ايوة حلينا مشاكل بيهم و لكن محدش حس لا في الداخل و لا الخارج..........حبة الفرحة الي بنعيشهم بعد ٤ سنين عجاف ممكن تبقي في نظرك أننا شعب "بيشتغل نفسه" و أنها مجرد أشتغالة ...أحب أقولك لو أننا فعلاً بنشتغل نفسنا ...فقدرنا نشتغل العالم كله معانا ،،،جرايد أوروبا و أمريكا و كبري المحطات العالمية و قادة و ملوك و ممثلي نصف العالم أشتغلوا نفسهم كمان.....الأشتغالة دي حتي لو ملهاش جدوي أقتصادية فهي نفسها أهم مليارات الدولارات ....أنت عارف يعني ايه يتحط أسمك في عنواين الجرايد و المجلات أنك بنيت حاجة في الوقت الي دول المنطقة بتتقسم؟ فاهم دلالة و تأثير حاجة زي كدة علي الأستثمارات المستقبلية؟ فاهم معني أنك تحفر قناه بالشكل ده في سنة كإنجاز هندسي لم يتختلف عليه أحد ؟ فاهم نظرة العالم لمصر أنها تبني و تحفر قناه بتمويل مصري خالص خلال سنة في ظل ما تواجهة من إرهاب و عنف؟!!!! فاهم يعني ايه أننا ناخد عهد علي نفسنا و نحققه لأول مرة؟!!!!فاهم يعني ايه أننا نتحد ورا مشروع قومي واحد بالشكل ده؟ فاهم يعني ايه الفرحة و التفاؤل الي في الشعب دي؟!!! ......ده لا يساوي كنوز الدنيا ،،،،احساسنا أننا نقدر نعمل معجزة هندسية بالشكل ده في سنة و نوعد بشئ و نحققه لأول مرة ده بفلوس الدنيا ....أثرة هنشوفه اليومين الجايين ....لأن قناه السويس مجرد خطوة ...قوتها أنها هتدي الدفعة لكل مصر و الأحساس أننا نقدر نعمل و هنعمل ....

يارب نكون فهمنا ...

تحيا مصر

الصورة لمخيم للاجئين السوريين .....الي تقريباً تجاوز ٣ مليون و الصورة مهداه للرعاع و المغيبين الي بيتريقوا علي الجيش ....السادة الي قاعدين في بيوتهم بيتريقوا و بيشمتوا ....

لو الجيش فعلاً لازم يتحاسب فهو لازم يتحاسب علي حاجة واحدة و هي أنه سابكم تعيشوا في رفاهية و في سلام و أمان لدرجة أنك نسيت أننا في حرب و نسيت أن في عشرات الألاف من الجنود و العساكر و الظباط بيحاربوا في الصحراء و روحهم و حياتهم مهددة في كل لحظة ....ناس قررت أنها تضحي عشان تحمي حضرتك .....قررت أنها تموت بدل منك ...و في النهاية أنت قاعد مجعوص في بيتكم في التكيف بتتفرج علي التلفزيون بتشتم و تقل أدبك تنتقد و تتهم و تفتي ....و أقصي مشاكلك في الحياه أن السجاير غليت و أن الدنيا زحمة....

لو جيشك كان ضعيف كان زمانك في معسكر اللاجئين ده زي الأخوة السوريين دول بايت في خيمة و مش لاقي لا مية و لا أكل ....أو كان زمانك مت مدبوح و جثتك أترمت للكلاب في الشارع زي ما بيحصل هناك!!!

شكراً جيش مصر

الي متابع الأحداث من الصبح لغاية دلوقتي هيدرك كويس أوي أن الي عمله الجيش النهاردة إنتصار كبير و غير مسبوق ......العملية الأرهابية اليوم مش زي أي عملية فاتت ....دي أكبر عملية يخطط ليها و كان المستهدف منها شيطرة كاملة من قبل التنظيم الي شارك ب٣٠٠ إرهابي مدرب و مسلح و مجهز بشكل إحترافي ...و بالرغم من أن هم عندهم عامل المفاجأة و قدروا فعلاً يضربوا مواقع الجيش و يحدثوا خسائر .....الا أن الأنتصار الكبير و الشئ المفرح في رد الفعل الفوري من جانب الجيش المصري و ده الي مكنش بيحصل قبل كدة .....

تقريباً ١٥ ساعة إشتباكات و ملاحقات و كانت النتيجة وقوع فوق ال١٠٠ إرهابي من هذا التنظيم القذر ....يعني اليوم النهاردة بتاعنا ....في العادي الخسائر في جانب الجماعات الأرهابية بتبقي أقل بكتير من الجيوش النظامية ....يعني واحد يفجر نفسه و يقتل ١٠ أو ١٥ واحد ...و لكن اليوم الخسائر في جانب هذا التنظيم المتطرف أضعاف الخسائر في الجيش المصري الباسل .....اليوم لو نظرنا للموضوع بشكل هنلاقيه كانت فرضة ذهيبية للجيش أن يخرج أعضاء هذا التنظيم من جحورهم و يسقط منهم هذا الكم الهائل .....يعني الخلاصة أنقلب السحر علي الساحر!!

الجيش المصري النهادرة للي بيتريق و بيهزر و بيستخف دمه ....لم يهزم ....و لم يتراجع ....و لم يحدث كما حدث في الفالوجة و لا الموصل و لا ليبيا و لا سوريا و أي بلد دخلتها داعش .....الجيش المصري لسة في مواقعه و مسيطر علي الأرض و الي أضرب و أستخبي هم الأرهابيين ....مش الجيش...يعني ببساطة الجيش الي أنت ببتريق عليه ده لو مكنش موجود أو كان ضعيف كان زمان التنظيم ده تحت بيتك بيستحل دمك و بيغتصب مراتك و بنتك ....و كان هيبقي في ملايين اللاجئين زي سوريا و العراق الي أنت بتتريق عليهم!!!

تحيا مصر و الحمد الله الذي قلب السحر علي الساحر!!