My Career Adviser

El Rashidi El Mizan needs to hire fresh graduate engineers in the posts of planning engineer, project engineer, production engineer.
Qualifications:
- Bachelor's degree in engineering and agriculture
- 0-1 years of experience
- Excellent command of English
- Communication & leadership skills
- Preferably located in October & Giza
If interested kindly send your CV to [email protected], mentioning the job title in the subject.

اسباب انك بتترفض في الانترفيو
١- شكل cv او email الي كان مبعوت فيه
٢- التزامك بالميعاد في الانترفيو
٣- طريقتك واسلوبك في الانترفيو يعني اهتم دايما تقلل من كلامك وتجاوب علي قد السوال وابعد عن التحوير
٤- اوعي تتعصب او تقول عيوب في شخصيتك فجه
٥- لما تكون محضر وقاري عن الشركه والوظيفة ده بيفرق جدا
٦- لبسك واهتمامك بنظافتك
لو حد عنده اضافه يكتبها

أشكال CV رائعة... أنصحكم بتحميلها في صيغة WORD
رابط التحميل:

125 Professional Resume Templates For Word 2019 There are a lot of free resume templates available on the internet but sometimes it can be challenging to choose the right one that is most suited to you.

نصاحب مين في الشغل .... ‼️

صاحبوا ناس بتبتسم على الصبح وهي داخلي الشغل .. دمها خفيف بشوشه في وجه الزميل قبل المدير

ناس عندهم شخصية و بيسمعوا وبيتناقشوا معاك مش من خلفك وبيتكلموا من غير ما يتقمصوا .

ابعدوا عن الغامضين الصامتين كارهي العيشة و اللي عايشنها .

صاحبوا ناس بيحبوا الشغل ...ناس بسيطه و واضحه.

ناس حقيقية مش مصطنعة. ناس كويسين مش عاملين نفسهم ابو العريف
ناس معندهاش اسرار و لا دهاليز ناس معندهاش بخل فى المعلومات و المساعده ... صاحبوا ناس بتشتغل . ناس تعبت فى حياتها قبل ما توصل الكرسي. ناس ناويه تحتفظ بيك و تكبرك رغم اَي شئ حبا في التعاون معك مش علشان اَي سبب ممكن يتخلوا عنك .
ناس طبيعية خدومه لوجه الله .

ناس فاهمه هموم الزملاء و عارفه طريقها وعندها هدف و بتتعب علشانه .
ناس بتعرف تفهم و تقدر و تعذر و تتأني ... و عمرها ما اذيتنا في اكل العيش
اعرفوا بشر مش امراض نفسيه ماشيه على رجلين .. مش قنابل موقوته بتنفجر في وشك في اي لحظة .
ناس جايين من بيئة اصل مش من بيئة كره و نميمة و اغتياب
ناس وجودها مبهج و كلامها مبهر .. ناس بتعرف تحاصركم بحبها .. تأسركم بجمال روحها .. صاحبوا ناس خدومه

ناس سعدا اصلا بتعرف تصنع السعادة و النجاح في العمل لكل اللي حواليها مش هربانين من الفشل و انتو وقعتم في طريقهم .
ناس تحافظ علي نقاء ارواحكم مش تشوه مجهودك و تحببكم في الكذب و الخداع

ناس خارج العمل بتحب القهوة و الموسيقى و الكتب و الورد و البحر و الونس و الضحك ....

في كتاب (from good to great) بيحكي المؤلف عن صاحب شركة كبيرة أصر على توظيف شخص رغم إنه مش صاحب أعظم (CV) متقدم للشغلانة، وده ببساطة علشان الراجل المتقدم للشغلانة وقع في الأسر مرتين في الحرب العالمية التانية وقدر يهرب في المرتين!
صاحب الشركة بيقول شخص زي ده بكل هذه الخبرة الإنسانية الاستثثنائية (تخطيط وهروب وإصرار وروح قتالية رغم سوء الحظ).. هتكون مشاكله في الشغل كلها بسيطة.. وهو بموجب تجربته بقى عنده "حس" و"حدس" الحل والتعامل مع الأمور والمشاكل
أو زي ما قال المتنبي:
إذا اعتاد الفتى خوض المنايا.. فأهون ما يمر به الوحول
والفصل ده من الكتاب كان بيناقش جزئية "الخبرة الشخصية والحياتية" كمعيار ومؤشر مهم جدا، وربما تفوق دلالته الـ (CV)..
أو بصياغة أخرى وبمنظور غير تقليدي في مجال الموارد البشرية ( التوظيف ): إنت بتوظف وجدان وشبكة انفعالات وعواطف وتفكير متجسدة في صورة إنسان.. كلها بيتم توظيفها في تناغم تام لحد ما تصنع قرار، و يترتب عليه "مجد".
إنما إنت لو هتقيم الإنسان اللي قدامك وفقا لمعطيات "جامدة"، فإنت بتوظف المعطيات الجامدة.. لكن مبتوظفش "البني آدم".

ازاي تعمل إدارة فاشلة فـ ١٥ خطوة..

١- استنزف كل طاقة اللي شغالين معك.
٢- اوعى تسيطر على المشاكل وما تحطلهاش حلول، وسيبها تكبر لحد ما تبقى مشاكل شخصية مش مشاكل مُقتصرة على شغل.
٣- اخلق بيئة عمل "طاحنة".
٤- ما تقدّرش الناس اللي بتشتغل معك.
٥- قول أنا دارس إدارة وقاري لي كام كتاب كتير.
٦- انت ما بتغلطش ده شئ أساسي، اللي معك هم اللي بتوع مشاكل وحوارات، لكن انت زي الفل وسَوي.
٧- ما تخلقش علاقات طيّبة مع كل الناس اللي بتشتغل معك وتسعى تعرفهم وتخليهم مرتاحين فـ المكان، وتروح بس للناس اللي بتطبّل لك.
٨- خلّي الناس اللي بتشتغل معك ما تحسّش ناحيتك بأي أمان.
٩- هات ناس سويّة وشاطرة في شغلها وبتحبه جدًا وكرهّهم في اللي بيعملوه، وما تعرفش تستغل الطاقة البشرية اللي عندك، وقول اصل انا ما كنتش عايز دول خالص من البداية!
١٠- تحسسّ اللي بيشتغل معك إن إنت حاجة كبيرة اوي، وهو حاجة حقيرة جدًا وانت اللي في إيدك كل حاجة.
١١- في اي موقف قول التايتل بتاعك على طول، دي معروفة دي.. "أنا مدير المكان يا جماعة ازيكم؟ مين اللي جاب الورقة على مكتب مدير المكان؟"
١٢- اي نجاح بتاع أي حد بيشتغل معك انسبه لك، وقول ان ده بسببك وخد الصورة.
١٣-حسس الناس انهم لا ينتموا للمكان بأي شكل من الأشكال وما تتقبلش اختلافهم.
١٤- اي حد يقول حل غيرك، اشطب عليه وهات ناس تشطب عليه.
١٥- لو بيشتغل معك ناس صغيرة في السن اتعامل معهم على انهم صغيرين ورأيهم مش مهم.

7خطوات عشان تزود ظهور بروفايلك علي linkedin*

1- اكتب Posts من وقت للتانى.
2- لو قريت Post عجبك اعمل Like.
3- اعمل Comment من وقت للتانى على حاجه عجبتك.
4- اعمل Like لو قريت Comment عجبك.
5- اعمل Reply على الComments.
6- اعمل Follow و Connect لناس مهمين بالنسبالك.
7- اعمل Share لمحتوى عجبك و اكتب رأيك فى المحتوى ده.

لو اتبعت الخطوات دى بشكل دائم نسبة الViews بتعتك هتزيد بنسبة كبيره فى وقت قصير جدا.

بس متتبعش الخطوات دى على اى حاجه تكون قدامك، اعمل الخطوات دى على حاجات انت فعلا مهتم بيها و فى نطاق الCareer بتاعك او هى حاجه مفيده بالنسبالك بشكل عام.

الخطوات دى هتزود نسبة الViews عندك لان هى دى الAlgorithm اللى شغال بيها LinkedIn

المدير القوي:
- مش لازم تشرحله ظروفك الشخصية لما تطلب يوم أجازة.
- بيهزر معاك علشان لازم يكسر الروتين ويكسر حواجز الرئيس والمرؤوس (ولكن في حدود طبعا).
- بيحاسبك بنك وبينه وميصغركش قدام أي حد مهما كنت عامل او غلطان وبيكبرك قدام الناس.
- حتى وهو بيحاسبك هتلاقيه بيختار كلام صح .
- بيفرض شخصيته مش جوه الإدارة بس، لا وكمان بره الإدارة.
- مفيش حد بره الإدارة يقدر يتكلم معاك نص كلمة لأن الموظف لازم ميحسش ان ضهره مكشوف ولازم يتعمله الف حساب.
- لازم يسمع قبل مايتكلم.
- لازم يتقبل النقد والرأي الآخر ويتناقش فيه وممكن يختار الرأي الآخر.
- مبيقللش من أي حاجه حد عملها مهما كانت صغيرة او غير مفيده مادام تعب فيها.
- بيبعت كلمة بسيطه "شكرا" بتفرح الناس اللي معاه وبتحفزهم على الإنجاز اكثر.
- وأهم حاجه مش لازم المدير يضغط الناس نفسيا ولازم يخليهم مرتاحين ولو شافهم مضغوطين يطلب منهم ياخدوا اجازة.
ياتري كم واحد قابل المدير ده في حياته العملية🤔؟