مأذون المشاهير .السعيد الشافعي

‼️
بخصوص الحادث المأساوي اللي هز قلوبنا جميعا 💔 متبقيش راجل وست وتقومي بالدورين متشليش فوق طاقتك وتقولي أنا ست جدعه وبميت راجل
مش قد الطلاق متتطلقيش ‼️مش قد حضانه العيال ‼️اتركيها لطليقك بطلي تبقي راجل ‼️وتاخدي دور مش دورك حتي لو الظروف فرضته عليكي ارفضي لان الست متخلقتش تقوم بمهام الراجل و لو عملتي كده بتنهاري نفسيا وجسديا
وبيكون مصيرك من ضيق الحياه كده …الله يرحمها ويسامحه
الست الحزن بياثر علي نفسيتها ما بالك المسؤوليه والقهر والعنف ..اشتري نفسك قبل فوات الاوان يا ريت اللي متبعاني تخلي بالها
ولو الشيله تقلت ارميها فورا ….

🤔🤔🤔🤔🤔🤔🤔🤔

يقول محتاج أفهم إحساس الست بعد الطلاق عامل إزاي
مراتي مطلقة رسمي من المحكمة، ومعاها الأولاد، ورمضان داخل علينا، وأنا بجد محتار.
عايز أعرف شعورها إيه بعد الانفصال؟
بتفكر في إيه؟
حاسّة بإيه من جواها؟
الكلام ده مش فضول ولا هزار، أنا بتكلم بجد.
رغم كل اللي حصل بينا، أنا لسه بحبها فعلاً، وبحاول أفهم هي بتمر بإيه في الفترة دي، خصوصًا مع وجود العيال ودخول شهر كريم زي رمضان.
اللي عنده تجربة أو رأي يفيدني، ياريت يقول.

شرفت بعقد قرآن وكيل النائب العام احمد فرحات في حضور معالي وزير العدل ومحافظ القاهره والقادات السياسيه والفنانين والمشاهير

اكتشفت بالصدفة إن خطيبتي كان ليها علاقة قديمة بزميل ليها في الشغل استمرت حوالي 3 سنين.
الموضوع صادمني جدًا، خصوصًا إن الشخص ده متجوز وعنده 3 أولاد، وكمان بعتلي محادثات بينهم على ماسنجر وواتساب، كلام وصور ومقاطع غير لائقة خالص، ولسه مش قادر أستوعب اللي شوفته لحد دلوقتي.

لما واجهتها، فضلت تحلفلي إن اللي حصل ما وصلش لعلاقة كاملة، وإنه كان مجرد تجاوزات وكلام على الإنترنت، وإنها عمرها ما عرفت غيره، وإنه الراجل الوحيد اللي دخلت معاه في علاقة قبل كده.
قالتلي كمان إنها ندمانة جدًا، وتابت، وعايزة تفتح صفحة جديدة، وإن الشخص ده بعتلي الحاجات دي بدافع الانتقام منها بعد ما خرجته من حياتها أول ما اتخطبت.

أنا محتار جدًا، خصوصًا إني بحبها فعلًا، وكنت متقدملها قبل كده واترفضت، ولما وافقت حسيت إن حلمي اتحقق.
دلوقتي السؤال اللي شاغلني:
هل ممكن فعلًا تكون اتغيرت، وتبقى زوجة كويسة، وتخاف ربنا فيا، وتربي أولادي تربية صح؟
ولا اللي حصل ده علامة إن مفيش أمان، خصوصًا إن في احتمال إني أسافر بعد الجواز؟

مش عارف أفكر بعقلي ولا بقلبي، ومحتاج رأيكم بصراحة.