هنكبر مع بعض

الطفل ممكن يكذب لـ ٤ أسباب رئيسية:

الخوف من العقاب 😔 (لو عارف إنك هتزعقي أو تضربيه).

حب لفت الانتباه 😅 لما يحس إن محدش بيسمعه أو بيهتم بكلامه.
الخيال الواسع ✨ خصوصًا في سن ٣ إلى ٦ سنين، بيخلط بين الحقيقة والخيال.

تقليد الكبار 😶 لما يسمع حد بيكذب أو يشوفه بيقول كلام مش حقيقي

خطوة بخطوه

🧠 أثناء المذاكرة
اقسمي الوقت لمراحل قصيرة:
من 20 لـ30 دقيقة تركيز، بعدها 5 دقايق راحة — الدماغ بتحب كده وده بيساعد على الفهم.
خليه يشرحلك اللي فهمه:
لما الطفل يشرح، بيثبت المعلومة أكتر من مجرد الحفظ.
استخدمي اللعب والخيال:
حوّلي المعلومة لقصة أو لعبة، مثلاً الأرقام تبقى أبطال، والحروف حيوانات 😊
خطوة بخطوه #هنكبر مع بعض

نصايح للأمهات:
👂 اسمعي ابنك أكتر ما تتكلمي
أوقات كتير الطفل بيكون محتاج يِعبّر، مش محتاج نصيحة أو توجيه فورًا.
🧸 العبوا مع بعض حتى لو 10 دقايق بس
اللعب بالنسباله هو لغته الأساسية للحب والتعلم
خطوة بخطوه هنكبر مع بعض.......

خطوة بخطوة هنكبر مع بعض

١٠ خطوات لتقوية علاقتك بطفلك👩‍❤️‍👨👩‍❤️‍👨

١- ​امدح طفلك بصدق أمام الجميع، لتدعمي ثقته بنفسه وتزرعي فيه الاعتزاز.
٢- ​علميه قيمة "لو سمحت" و "شكرًا"؛ إنها أساس التعامل الراقي.
٣- ​احتضنيه ودعيه يعيش بطفولته الكاملة دون استعجال، فالحب هو النمو.
٤- ​شجعيه على اتخاذ قراراته الخاصة ليصبح قائدًا صغيرًا لحياته.
٥- ​اطلبي رأيه في أمور المنزل وخذي به؛ فصوته مهم في العائلة.
٦- ​خصصي له ركنًا لإنجازاته واكتبي اسمه على كل نجاح، مهما كان بسيطًا.
٧- ​اجعليه يصلي معك وغرسي فيه مبادئ الإيمان والسكينة.

٨- ​دربيه على مهارات التعبير عن الذات وكيف يتكلم بثقة ويعرض أفكاره.

٩- ​شجعيه على طرح الأسئلة مهما كانت كثيرة، وتعهدي بالإجابة على كل واحدة.

١٠- ​أوفي بوعدك له دائمًا، فالثقة بينكما هي أغلى ما نملك.






#الأمومة

اهلآ بكل الماميز اللي متابعينا 💖
اولا وحشتونا جدا
وثانيا♥️
يمكن تكونوا لاحظتوا إن الصفحة اتغير اسمها وشكلها.. وده لأننا حابين نكمل معكم مرحلة جديدة ✨
الصفحة دي زمان كانت خاصة بالحضانة، لكن دلوقتي قررنا نفتحها لكل الأمهات 👩‍👧
هتلاقوا هنا:
نصائح تربوية للتعامل مع الأطفال من عمر سنة لـ حد سن المدرسة 👶
حلول لمواقف يومية زي العناد، الأكل، النوم ✨
أفكار أنشطة وألعاب تنمي ذكاء الأطفال 🎨
محتوى قصير وسهل يخفف عنكِ ويكون معاكِ في رحلة الأمومة 💖
إحنا كبرنا مع بعض، ولسه مكملين سوا.. خطوة بخطوة. 🫶
⚡ متنسوش استفساركم وخبراتكم تشاركونا بيها عشان كلنا نستفيد
و دومتم سالمين♥️♥️♥️♥️