اللجنة الطبية العامة بالهرم General Medical Committee of the pyramid

السادة العملاء الكرام
نذكر حضراتكم بأنه يمكنكم الحجز عن طريق خدمة الواتس اب على رقم 01141199471

الكشف الطبي للتكليف

استماره 111

هنقول كام نقطه ف الاول اقرأها كويس عشان متجيش تسألني فيها وحياه ابوك ياشيخ تركز 😂
-اولا الكشف ده يعتبر ورقه من الاوراق اللى ف الملف اللى بتوديه جهه العمل تمام زي بتوع المديريه المديريه طلبت منهم اوراق عشان يبقالك ملف عندهم تمام ؟

-والكشف ده عادي تعمله قبل المزاوله او وبعدها لانه اساسا مش مرتبط بالمزاوله هو والمزاوله اساسا بيتقدموا ف ملف المديريه ده

-ده ملوش علاقه بالكشف الطبي بتاع شعبه اشعه اللي بيعملوه وهما رايحين يعملوا المزاوله لان شعبه اشعه هي الوحيده اللى لما بتروح تعمل مزاوله بيعملوا كشف طبي

نيجي للمهم بقي هنعمله ازاي وهنجيبه منين ؟

بص اولا ده هيحتاجله يومين
اول يوم هتروح مستشفي التأمين الصحي تشتري الاستماره من هناك وهتدفع 50 جنيه تمنها وف نفس اليوم تروح بيه ع المديريه وهي هتملاهولك وخد معاك صوره 4×6 بتاع المديريه اللي هيملاه وهيتختم وتروح البيت
وبعد كده هتتصل علي 19806 من اي تليفون ارضي او 2363 من اي محمول وهتقوله عاوز احجز معاد للكشف الطبي هيسألك لايه هتقوله السبب يعني للوظيفه وبعد كده هيقولك فيه مستعجل وفيه عادي العادي ممكن يبقي بعد 15 او 20 يوم وسعر الكشف العادي 300 جنيه غير شامل تحليل المخدرات والمستعجل ممكن يبقي بعد اسبوع او 10 ايام وبيفرق ف السعر وهو سعره بالمستعجل بالاستماره ممكن يكلفك 400 جنيه غير شامل تحليل المخدرات

وهيطلب منك شويه بيانات من بطاقتك وشويه من الاستماره وهيحددلك المعاد ورقمك ف الحجز وهتروح بالاستماره دي
كشف عباره عن
-اشعه ع الصدر
-تحليل بول
-كشف نظر
كشف باطنه وجراحه
الموضوع هناك ممكن تقعد ساعه وبعد كده هتخلص هيدولك الاستماره مختومه منهم

أجراءات العمل المخفف أو توصيف الأعمال :
* خطاب من جهة العمل موجة الي اللجنة الطبية بالهرم
* صورة طبق الأصل من الكشف الطبي الأولي أن وجد
* إن لم يوجد الكشف الطبي الأولي يكتب علي الخطاب الموجه أنه لا يوجد كشف طبي عند التعيين
* صورة البطاقة الشخصية
*الفحوصات الطبية الخاصة بالحالة .

بقرار من رئيس الوزراء:

الخميس 9 أكتوبر إجازة رسمية بمناسبة عيد القوات المسلحة بدلاً من 6 أكتوبر

أصدر الدكتور مصطفى مدبولي، رئيس مجلس الوزراء، قراراً بأن يكون يوم الخميس الموافق 9 أكتوبر 2025، إجازة رسمية مدفوعة الأجر، للعاملين في الوزارات والمصالح الحكومية والهيئات العامة ووحدات الإدارة المحلية، وشركات القطاع العام، وشركات قطاع الأعمال العام، بدلاً من يوم الاثنين الموافق 6 أكتوبر 2025، وذلك بمناسبة عيد القوات المسلحة (6 أكتوبر).

نموذج الابلاغ المرضي لاعتماد الإجازات المرضية .

......