جمعية الأنبا أنطونيوس للأطفال ذوي القدرات الخاصة - saadac

استخدام الإيد بشكل صح… بيغير حياة الطفل كلها 🤍

علشان كده بنهتم في جمعية الأنبا أنطونيوس للأطفال ذوي القدرات الخاصة – SAADAC
بالعلاج الوظيفي لليدين (OT Hand Therapy).

بنشتغل مع الأطفال خطوة بخطوة
علشان نحسن استخدام إيديهم في حياتهم اليومية.

بنساعدهم على:
💪 تقوية عضلات اليد والذراع
🎯 تحسين التآزر بين العين واليد
✋ تطوير المهارات الحركية الدقيقة
🧩 تحسين التركيز والتناسق

والأهم…
إن الطفل يبدأ يعتمد على نفسه في الأكل واللبس والكتابة.

لأن كل خطوة صغيرة… بتعمل فرق كبير في حياة الطفل. ✨

بدعمكم نكمل رسالتنا ونوصل لأطفال أكتر. ✨

إيد الطفل مش بس للحركة…
دي وسيلته يمسك، يكتب، وياخد خطوة لقدّام 🤍

في أطفال بيبقى عندهم صعوبة في استخدام إيديهم في حاجات بسيطة زي الأكل أو مسك القلم أو اللبس…

وده مش معناه إن في مشكلة كبيرة،
ولا إن العلاج الطبيعي مش جايب نتيجة…

لكن ممكن يكون الطفل محتاج دعم مختلف يساعده يستخدم إيده بشكل صح.

علشان كده بنهتم في جمعية الأنبا أنطونيوس للأطفال ذوي القدرات الخاصة – SAADAC
بالعلاج الوظيفي لليدين، كجزء مهم من تأهيل الأطفال.

👶 مين ممكن يحتاج علاج وظيفي؟
طفل بيقع منه الأكل أو الألعاب
كتابته ضعيفة
مش بيعرف يستخدم إيده بشكل مظبوط
أطفال التوحد أو فرط الحركة أو التأخر النمائي
وأحيانًا أطفال طبيعيين بس مهاراتهم لسه محتاجة تقوية

البداية الصح… بتفرق في كل حاجة بعد كده. ✨

بدعمكم نكمل رسالتنا ونوصل لأطفال أكتر. ✨

بمناسبة عيد القيامة المجيد 🤍

تعلن جمعية الأنبا أنطونيوس للأطفال ذوي القدرات الخاصة – SAADAC
عن إجازة رسمية تبدأ من يوم الخميس 9/4
وحتى يوم الاثنين 13/4

على أن يتم استئناف العمل يوم الثلاثاء 14/4

كل عام وحضراتكم بخير ✨

في إطار حرص جمعية الأنبا أنطونيوس للأطفال ذوي القدرات الخاصة – SAADAC
على دعم الطفل وأسرته، تقدم الجمعية خدمة توزيع الشنط الغذائية، لتوفير احتياجات أساسية تساعد الأسر خلال المناسبات المختلفة.

تستهدف المبادرة توزيع 850 شنطة غذائية تحتوي على مجموعة من السلع الأساسية التي تلبي احتياجات الأسرة بشكل متكامل.

كما تشمل الخدمة أيضًا توفير ملابس للأطفال من الأسر غير القادرة، دعمًا لهم وحرصًا على تلبية احتياجاتهم.

📅 سيتم توزيع الشنط الغذائية يوم الجمعة 3 أبريل

نرحب بمساهماتكم ودعمكم لاستكمال هذه المبادرة والوصول لأكبر عدد ممكن من الأسر.

📞 للتبرع أو الاستفسار: يرجى التواصل مع الجمعية من خلال الصفحة أو أرقام الجمعية

كما يمكن التبرع باسم جمعية الأنبا أنطونيوس لرعاية ذوي الاحتياجات الخاصة
بنك مصر

حساب رقم
143/1/19314
1430001000019314

او في مقر الجمعية في اي وقت

بدعمكم نقدر نوصل لعدد أكبر من الأسر ونستمر في تقديم الخدمة. ✨

التعليم خطوة مهمة في طريق كل طفل 🤍

علشان كده بنهتم في جمعية الأنبا أنطونيوس للأطفال ذوي القدرات الخاصة – SAADAC بالمركز التعليمي، ونساعد الأطفال ينمّوا قدراتهم التعليمية بما يناسب إمكانيات كل طفل.

بنشتغل معاهم على تطوير مهارات القراءة والكتابة والحساب،
وكمان بنركز على تنمية مهارات الانتباه والتركيز بشكل تدريجي.

لأن كل طفل له طريقه الخاصة في التعلم… واحنا معاه خطوة بخطوة. ✨

الكلام هو وسيلة الطفل يفهم ويتفهم 🤍

علشان كده بنهتم في جمعية الأنبا أنطونيوس للأطفال ذوي القدرات الخاصة – SAADAC بخدمة التخاطب، ونساعد الأطفال اللي عندهم صعوبة في النطق أو التواصل من خلال جلسات متخصصة.

بنشتغل معاهم خطوة بخطوة على تنمية اللغة وتحسين النطق، لحد ما يقدروا يعبروا عن نفسهم بثقة وبشكل أوضح.

لأن كل طفل يستحق صوته يتسمع. ✨

لحظات كتير مليانة تعب ومحبة وخدمة حقيقية…
اختتمنا بيها القافلة الطبية الدورية في جمعية الأنبا أنطونيوس للأطفال ذوي القدرات الخاصة – SAADAC خلال يومي الخميس والجمعة. 🤍

سعدنا بوجود أطفالنا وأسرهم، وبمشاركة أطباء ومتطوعين قدموا مجهود كبير علشان تكون الخدمة في أفضل صورة.

شكرًا لكل حد كان سبب في نجاح الأيام دي،
ومكملين دايمًا علشان نكون سند لأطفالنا وأسرهم. ✨

انطلق أول يوم من القافلة الطبية الدورية في جمعية الأنبا أنطونيوس للأطفال ذوي القدرات الخاصة – SAADAC يوم الجمعة 6 مارس 2026

نشكر كل الأطباء والمتطوعين وفريق العمل اللي تعبوا علشان يقدموا أفضل رعاية لأطفالنا وأسرهم.

ومكملين معاكم باقي أيام القافلة يومي:
الخميس 12 مارس 2026
والجمعة 13 مارس 2026

مستمرين في خدمتنا لأطفالنا وأسرهم. ✨

تعلن جمعية الأنبا أنطونيوس للأطفال ذوي القدرات الخاصة – SAADAC
عن تنظيم القافلة الطبية الدورية بالمقر الرئيسي بالعمرانية،
وذلك في إطار حرص الجمعية على تقديم رعاية طبية متكاملة لأبنائنا وأسرهم.

🩺 التخصصات المتاحة:
باطنة – عظام – مخ وأعصاب – رمد – النظارات الطبية – جلدية – أسنان – أنف وأذن وحنجرة – التحاليل – مسالك – جراحة – نساء – أطفال – جهاز هضمي

📅 الجمعة 6 مارس 2026
📅 الخميس 12 مارس 2026
📅 الجمعة 13 مارس 2026

💰 الكشف 10 جنيه فقط

📍 المقر الرئيسي – 82 ش العهد الجديد – العمرانية
📞 للحجز والاستعلام: 01284327855

تتقدم جمعية الأنبا أنطونيوس لرعاية الفئات الخاصة بخالص العزاء وصادق المواساة في وفاه
الدكتور مجدي حزقيال
الذي كان مثالاً للأمانة والخدمة الصادقة
لقد ترك بيننا أثرًا طيبًا ...
طالبين من الله العزاء لأسرته وكل محبيه

كل سنة وأنتم طيبين🥰🙏🏼