مكتب شهر عقاري شبرا الخيمة اول

سيتم العمل بالمبادره الخاصه بالفتره المسائيه التى تبدأ من الساعه الخامسه مساءا من يوم الثلاثاء ١٧/٩/٢٠٢٤

بدايه من يوم الثلاثاء الموافق ١٧/٩/٢٠٢٤ سيتم عمل المكتب لفتره مسائيه أخرى تبدأ من الساعه الخامسه مساءا

التوكيلات العامة في إدارة السيارات يتم إضافة عبارة ولا يسري هذا التوكيل علي سيارات ذوي الاعاقة

ذوي الهمم 💪💪

الغاء التوكيل
ايه المعلومات اللي انا محتاج اعرفها الموضوع ده
1- التوكيل العام الشامل بيتلغي لو مفيش نص علي عدم إلغاؤه إلا بحضور الطرفين
_ طب لو نص علي عدم إلغاؤه إلا بحضور الطرفين٠٠٠ هنا بقي يلزم حضور الوكيل علشان يتلغي...واللي بيسىري علي التوكيل العام الشامل بيسري علي جميع التوكيلات
2_ التوكيل الخاص(محاضر التصديق على التوقيعات) البيوع المحددة أو توكيلات الإدارة اللي بينص فيها علي عدم الإلغاء الا بحضور الطرفين لا تلغي الا بحضور اطراف التوكيل.
_ عقود البيع الا تلغي ولكن بيتم عمل عقد بيع من المشتري تاني للبائع(رد البيعة)
_ عقود تأسيس الشركات والتعديل وغيرها من العقود لا يتم إلغاؤها ولكن بيتم فسخها وكذلك عقود الإيجار المثبت تاريخها أو المصدق عليها
_ طيب وبعد ما الغي التوكيل اعمل ايه؟؟
= لو التوكيل هيلغيه طرف واحد زي ما شرحنا فوق يبقي لازم اعمل حاجة من اتنين
1- جواب مسجل بعلم الوصول في البريد علي عنوان الوكيل بصورة من الإلغاء.
2- انذار علي يد محضر بصورة من الإلغاء للعلم
وده علشان يتوفر للطرف التاني العلم اليقيني اللي لو استخدم بعدها التوكيل ببقع تحت مسائله جنائية

🗓 خطوات نقل ملكية عداد الكهرباء (التنازل عن العداد ..، تغيير الإسم )

يتم ذلك، من خلال التنازل عن عقد توريد الطاقة الكهربائية للعين ، وفي هذه الحالة يتم توقيع عقد جديد مع المشترك المتنازل إليه.

، التنازل عن العداد من صاحب العداد لآخر بشرط ان يكون لنفس العين ...

ويلتزم المشترك المتنازل إليه بتقديم المستندات التالية عند توقيع العقد:

- مستند حيازة العين (ملكية إو إيجار أو حق انتفاع) موثق بالشهرالعقاري أو بقرار من المحكمة.
- توكيل خاص أو عام من المتنازل منه عن العداد بالتعامل مع شركة الكهرباء المعنية فيما يتعلق بالتنازل عن العداد.
- آخر فاتورة كهرباء صادرة للمشترك المتنازل منه.
- ما يفيد سداد المديونية المستحقة على العداد من رصيد أقساط أو تسوية.
- سداد الرسوم المقررة للشركة نظير التنازل.

.،ويعتبر حضور المشترك المتنازل عن العداد لمقر الشركة بديلا عن تقديم التوكيل بالتعامل مع شركة الكهرباء.

.، في حاله وفاة المتعاقد الأصلي «المتنازل» يتم إحضار صوره من إعلام الورثه وتنازل موثق من الورثه مع إحضار الأصل للإطلاع أو حضور الورثة لشركة الكهرباء للتنازل.

_لو عايز اعمل عقد مسجل للسيارة اعمل ايه ؟🤔
= محتاج يكون معاك المستندات دي
1- اصل بطاقة الرقم القومي
2- أصل الرخصة بشرط أن تكون سارية
_ طب لو الرخصة انتهت ؟
= هتجيب شهادة بيانات موجهة للشهر العقاري ميكونش ع تاريخ تحريرها من المرور شهر
3- لو في توكيلات للعربية لازم تكون معاك
4- بيانات المشتري كاملة الثابتة ببطاقة الرقم القومي
_ طب لو انا عايز انقل الرخصة باسمي اعمل ايه ؟🤗
= هي هي نفس الإجراءات مع اختلاف المشتري هتكون حضرتك هتبقي بائع بصفتك ومشتري لنفسك
بس هنا ركز معايا &&لما تبيع لنفسك لازم خلال شهر تكون ناقل الرخصة باسمك والا المرور بيفرض عليك غرامات تأخير

& ايه هي انواع الإجراءات في مكاتب التوثيق
1/ المحررات الرسمية ودي بتشمل التوكيلات العامة مثال توكيل عام قضايا _توكيل عام شامل_ توكيل رسمي عام _توكيل عام مخصص_ محاضر الإيداع_عقد وكالة...الخ

2/ محاضر التصديق علي التوقيعات: علي سبيل المثال الاقرارات_ توكيل خاص_ توكيل بيع مركبة أو عقار أو وحده _ عقد بيع مركبة أو عقود البيع بالجدك _ التصديق علي عقود الإيجار وعقود تأسيس وتعديل الشركات...الخ
3/ المحررات العرفية: وهو إثبات التاريخ علي اي محرر عرفي بما لا يخالف النظام العام والآداب العامة كعقود الإبحار والاقرارات....الخ
4/ استخراج الصور والشهادات وطلبات الاطلاع للإجراءات الموثقة بمكاتب الشهر العقاري

صفحة خدمية للرد علي جميع الشكاوي والمقترحات والاستفسارات فيما يخص المتعاملين من جمهور الشهر العقاري وتيسير الخدمة علي المتعاملين