BNG A Coruña

𝗔𝗫𝗘𝗡𝗗𝗔

O BNG e Galiza Nova da Coruña organizan este mércores 17 de xuño un acto público sobre o dereito á vivenda. Será ás 20 horas na Praza do Tebeo e nel tomarán a palabra Avia Veira, portavoz do BNG no Concello e candidata á Alcaldía, e Gonzalo Prado, responsábel comarcal de Galiza Nova.

O acto anunciouno Galiza Nova nas súas redes cun vídeo en que ofrece datos sobre a imposibilidade que ten a xente moza da nosa cidade á hora de acceder a vivendas a prezos asumíbeis, con pisos de dous cuartos a máis de 1.300 euros de aluguer ou moradas cunha soa habitación a case mil euros ao mes.

Agardámosvos!

A abstención do BNG no trámite da aprobación definitiva do Plan Municipal de Xestión e Prevención de residuos do Concello da Coruña, neste Pleno do mes de xuño, puxo en evidencia que o Goberno Local non contará co apoio da formación nacionalista mentres continúe sen presentar unha solución ao burato económico do Concello (un déficit de 12 millóns de euros na liquidación do orzamento de 2025, cun remanente negativo de tesouraría superior aos 9 millóns).

Esa abstención provocou a derrota do Goberno Local ao ser rexeitado o Plan Municipal. No trámite da aprobación inicial, o BNG votara a favor. Mais entre aquel momento e agora, por volta de 4 meses, aconteceron cousas, relatou o viceportavoz nacionalista, .jorquera.“Advertimos que non íamos apoiar ningún asunto do Goberno Local mentres non achegue unha solución ao desequilibrio económico que reflicte a liquidación de 2025”, afirmou.

Alén diso, remarcou, “o Goberno Local non dialogou co BNG a respecto dos contidos deste plan. Nin cando se someteu a aprobación inicial nin agora para ditaminar as alegacións presentadas á hora da súa aprobación definitiva”.

O problema de fondo, subliñou, é que o Goberno de Inés Rey se comporta como se tivese maioría absoluta, cando nin tan sequera a ten simple (na cámara municipal, é o segundo grupo en número de concelleiras e concelleiros).

Canto ás nosas iniciativas, o Pleno aprobou as tres mocións formuladas polo BNG: sobre vivenda, sobre as demandas e necesidades veciñais do Recinto Feiral-Sector 7 e sobre o impulso á Área Metropolitana.

En concreto, a nosa portavoz conseguiu o voto unánime do Pleno a unha moción por medio da cal o BNG defendía que o Concello puxese a disposición da veciñanza 45 vivendas en réxime de aluguer, 5 delas as do edificio municipal da rúa Pontejos, o resto son pisos pendentes de arranxo por parte de EMVSA.

Unha moi merecida expectación acompañou, no Teatro Colón, a preestrea da curta "Corre", unha fita dirixida por 𝗦𝗮𝗮𝗺𝗶𝗿𝗮 𝗚𝗮𝗻𝗮𝘆 e producida por 𝗧𝗲𝘁𝗿𝗮 𝗙𝗶𝗹𝗺𝗲𝘀.

Moito talento tanto detrás como diante da cámara, cun magnífico elenco de actrices!

Parabéns!

Unha moción da autoría de David Soto para o deste xoves 11X.

Ao BNG si lle preocupan as condicións laborais do persoal dos servizos concesionados Nas negociacións orzamentarias -velaí o acordo para as contas do Concello deste 2026- o BNG propuxo e conseguiu o aumento das partidas destinadas a moitos se...