Biblioteca Intercentros da Facultade de Socioloxía e da Facultade de Ciencias da Comunicación da Universidade da Coruña
16/06/2026
Un pequeno pin cunha gran mensaxe!
Unha usuaria regalounos este pin cun lema así de sinxelo e así de importante.
Cada día nas bibliotecas ocupámonos de algo máis que de colocar libros, preocupámonos de "coidar da democracia" proporcionando acceso libre á información, ao pensamento crítico e posibilitando que todas as voces teñan o seu espazo.
Moitas grazas por pensar en nós e por lembrarnos que o que facemos importa! 💙
15/06/2026
O próximo mércores, 17 de xuño, teremos última reunión do club de lectura.
De maneira excepcional, a reunión terá lugar na área de descanso do segundo andar.
Por este motivo, a partir das 18:30 h non poderemos garantir silencio na sala de lectura.
Desculpade as molestias e se vos animades a participar nesta última sesión aínda estades a tempo. Pregunta no mostrador ou consulta a páxina web Biblioteca de Socioloxía e CC. da Comunicación
Grazas pola vosa comprensión! 😍
04/06/2026
📚 Seguimos enchendo a mesa da entrada con libros procedentes do expurgo..
✨ ¿O mellor? Podes levalos para a casa para sempre. Sen préstamos, sen renovacións e sen datas de devolución.
✅ ¿O inesperado? Tamén hai lexislación ⚖️. Pénsao: nunca sabes cando quererás impresionar citando unha lei nunha cea.
Dálles unha segunda vida... ou, polo menos, axúdaos a coñecer mundo fóra da biblioteca.🌍📖
Peche especial do club de lectura deste curso!
Este mércores 17 de xuño despedimos o curso falando de "O bosque animado" de Wenceslao Fernández Flórez… pero queremos facelo dun xeito diferente 😉
🕡 Ollo ao horario: a sesión comeza ás 18:30 h
E antes… propoñémosvos un plan diferente perfecto para completar a experiencia:
Visita guiada a Villa Florentina, a casa-museo do autor.
Unha oportunidade única para mergullarse no universo da obra desde o lugar onde naceu.
ℹ️ Datos da visita:
🕟 16:30 h
🚗 Desprazamento por conta propia
💶 3€ (pagamento na casa-museo)
⚠️ Prazas limitadas → asignaranse por orde de inscrición.
👉 No formulario podedes indicar se queredes participar. Confirmarémosvos a praza canto antes.
Pechemos o club facendo triplete: lectura + experiencia + encontro
Animádevos! 😊
01/06/2026
Desde hai uns meses estamos a revisar a colección da monografías impresas. O obxectivo, optimizar o espazo nos estantes e facilitar a incorporación de novo material bibliográfico relevante para a docencia e a investigación.
Como resultado desta revisión algúns exemplares deixarán de formar parte da colección.
Verás que algúns deles non son vellos, son clásicos con experiencia.
Lévaos para a túa casa, seguro que non vos pedirán wifi.
👉 Acércarte á biblioteca, atoparás unha mesa con libros expurgados e poderás levar os que che interesen.
20/05/2026
Última sesión do Club de Lectura
O próximo mércores 17 de xuño pecharemos o club de lectura deste curso falando de "O bosque animado" de Wenceslao Fernández Flórez 🌿📖
🕡 Atención ao horario: nesta ocasión, a sesión do club comezará ás 18:30 h.
Como broche final, propoñémosvos unha actividade moi especial: 🏡 Visita guiada a Villa Florentina, a casa-museo do autor.
📝 No formulario de inscrición atoparedes unha opción para que nos digades se queredes participar na visita.
ℹ️ Información importante sobre a visita:
🕟 Hora: 16:30 h
🚗 Desprazamento: por conta propia
💶 Prezo: 3€ (a aboar na casa-museo)
⚠️ As prazas son limitadas e asignaranse por orde de inscrición. Cando confirmemos a vosa participación, tamén vos indicaremos se dispoñedes de praza para a visita.
Animádevos a pechar o curso con nós dunha maneira diferente! 😊📚
16/05/2026
O 17 de maio é o día elixido pola Real Academia da Lingua Galega para celebrar a nosa lingua, non só no ámbito literario, senón tamén noutros medios como poden ser a prensa, a radio, a televisión e mesmo as redes sociais.
Este ano 2026 o Día das Letras Galegas está dedicado a Begoña Caamaño. Xornalista de profesión e escritora por vocación, Caamaño definíase como unha "contadora de historias" que non concibía o seu oficio fóra do compromiso identitario. Como ela mesma afirmaba: “Non sabería nin querería escribir doutra maneira que desde o galego e desde o feminino; eu son muller, galega”.
Esta exposición é unha homenaxe á súa polifacética traxectoria como narradora, xornalista e activista.
Para afondar no seu legado, convidámoste a consultar a guía da exposición, onde atoparás unha coidada selección bibliográfica que inclúe as súas novelas, artigos e ensaios sobre o feminismo e os medios de comunicación. Esta escolma recolle títulos dispoñibles tanto nesta biblioteca como no resto de centros da UDC, xunto con recursos dixitais.
https://www.calameo.com/read/00316105378becfc67957
13/05/2026
A nosa biblioteca súmase á campaña de !
Usa condón!
Protexerse das ITS é saúde sexual!
É fundamental coidarse e coidar ós máis.
Dende a Unidade de Atención á Diversidade habilitaron puntos de recollida de pr*********os gratuíta nas bibliotecas de todos os centros e facultades, tanto nos campus de Ferrol como da Coruña.
Tamén podes recollelos na propia unidade, na Casa do Estudantado do campus de Elviña.
E recorda que tamén podes facer probas gratuítas de VIH e VHC na feita por chamando ao número de teléfono da organización en horario de 09:00 a 14:00.
Cóidate!
Os novos espazos de descanso xa están listos! ✨📚
Se sentes que necesitas un respiro entre clase e clase ou entre horas de estudo, na biblioteca estivemos traballando para que a túa única preocupación sexa elixir onde desconectar.
Vén a coñecer a renovación da área de descanso do 1º andar e a nova área do 2º.
Puxemos ganas e ilusión para crear espazos deseñados para ti con luz natural e plantas para recargar enerxías e máis confort con mobiliario novo e acolledor.
Pero como tamén escoitamos as túas propostas o novo espazo do segundo andar non só poderás utilizalo para descansar. Atendendo ás vosas peticións agora podedes reservalo para:
👉 Proxectos fotográficos e/ou audiovisuais.
⚠️ Lembra: para sesións creativas, reserva con alomenos 72 horas de antelación a través da ligazón que atoparás no nosa páxina web.
Porque non todo é estudar e as veces tamén é necesario parar queremos que vivas a biblioteca dunha maneira diferente.
Máis información e normas de uso: https://www.udc.es/gl/biblioteca.comsoc/Servizos/Area-de-descanso/
Se te animas a coñecelos cóntanos que che parecen 👇
28/04/2026
Cardos para comer? 🍽️💜
Xa temos a mesa posta (con prato de Sargadelos incluído) para a nosa próxima lectura: Comerás flores, de .
O que vedes na foto é un pequeno adianto do que vos agarda: unha historia que ten tanto de beleza como de espiñas, de raíces, de familia e de amizades. Porque entre o branco e o negro sempre hai unha gama de grises. O menú nesta ocasión xa sabemos que non é lixeiro…
Se xa o liches e queres deixarnos a túa opinión, sen spoilers, por favor, déixanos un comentario. E se che apetece vir compartila con nós en directo, anímate: aínda estás a tempo de apuntarte.
https://forms.cloud.microsoft/e/AWrahwviWc
✨ Próxima reunión: mércores 6 de maio
📍 Lugar: Zona Verde da Biblioteca
📖 Lectura: Comerás flores — Lucía Solla Sobral
"Aviso: non intentedes comer cardos de verdade durante a lectura; nós encargarémonos de poñer as galletiñas e o biscoito."