04/08/2026
Desde o Grupo Socialista de Soutomaior condenamos con firmeza o acto vandálico que se produciu esta noite e a mensaxe aparecida na fachada do Concello, casa de todas as veciñas e veciños.
Desde o PSOE sempre defenderemos a liberdade de expresión e de opinión, pero esta debe exercerse desde o respecto ás persoas, ás institucións e utilizando as vías democráticas e legais; o vandalismo nunca pode ser un medio para trasladar ningunha reivindicación ou acusación que, ademais, neste caso, é falsa.
Queremos trasladar todo o noso apoio ao alcalde, Manuel Lourenzo, e a toda a súa familia. Ratificamos, ademais, o acordado no último pleno, onde o alcalde desmontaba cada un dos bulos que circulan a este respecto.
