23/05/2026
🕯️ हार्दिक श्रद्धाञ्जली 🕯️
हाम्रो नेपाली समुदायका सदस्य राजेश श्रेष्ठ (काठमाडौं–४, गोकर्णेश्वर निवासी, उमेर २९ वर्ष) स्पेनको फोर्तेभेन्तुरामा बसोबास गर्दै आउनुभएको र सुतिरहेको अवस्थामा असामयिक निधन भएको दुःखद खबरले सम्पूर्ण स्पेनवासी नेपाली समुदाय अत्यन्त मर्माहत भएको छ ।
स्व.श्रेष्ठको दिवंगत आत्माप्रति भावपूर्ण श्रद्धाञ्जली अर्पण गर्दछौं ।
यस दुःखद घडीमा दिवंगत आत्माको चिरशान्तिको कामना गर्दै शोकसन्तप्त परिवारजनमा गहिरो समवेदना व्यक्त गर्दछौं। परिवारजनलाई यस अपूरणीय क्षति सहन सक्ने धैर्य र शक्ति प्राप्त होस् भनी हार्दिक कामना गर्दछौं।
स्व. श्रेष्ठको परिवारमा आमा, दुई दाजु तथा एक बहिनी रहनुभएको छ। घटनापश्चात आवश्यक जानकारी दाजुहरूलाई तत्काल गराइएको भए पनि माताको स्वास्थ्य अवस्थालाई ध्यानमा राख्दै केही समयपछि मात्र जानकारी गराइएको छ।
स्व. श्रेष्ठ करिब २० महिनादेखि स्पेनको फोर्तेभेन्तुरामा बसोबास गर्दै आउनुभएको र उहाँको स्पेन बसाइ नियमित प्रक्रियामा भइसकेको थिएन। यस अवस्थामा सम्भावित कानुनी प्रक्रिया, शव व्यवस्थापन, दाहसंस्कार लगायत आवश्यक सम्पूर्ण सहयोगका लागि गैर आवासीय नेपाली संघ, स्पेन तथा स्पेनस्थित नेपाली संघ–संस्थाहरू सक्रिय रूपमा समन्वयमा जुटिरहेका छन्।
परिवारको आर्थिक अवस्था सबल नरहेको हुँदा सहयोग रकम संकलन गरी परिवारको इच्छाअनुसार आवश्यक व्यवस्थापन गरिने निर्णय गैर आवासीय नेपाली संघ, स्पेनको आकस्मिक बैठकबाट गरिएको छ।
गैर आवासीय नेपाली संघ, स्पेन
नोट: शव व्यवस्थापनसम्बन्धी NRNA Spain को आकस्मिक संयुक्त बैठकका निर्णयहरू
मिति २२ मे २०२६, शुक्रबारका दिन संघका अध्यक्ष सन्तोष श्रेष्ठज्यूको अध्यक्षतामा संघको केन्द्रीय कार्यालयमा बसेको स्पेनस्थित सम्पूर्ण संघ–संस्थाहरूको आपतकालीन विशेष संयुक्त बैठकले काठमाडौं गोकर्णेश्वर स्थायी घर भई हाल स्पेनको फोर्तेभेन्तुरामा बसोबास गर्दै आउनुभएका २९ वर्षीय स्व. राजेश श्रेष्ठको असामयिक निधनप्रति गहिरो दुःख व्यक्त गर्दै पार्थिव शरीर व्यवस्थापन तथा अन्त्येष्टिका लागि NRNA Spain को आह्वानमा एकद्वार प्रणालीमार्फत स्पेनस्थित सम्पूर्ण संघ–संस्था, आमाबुबा, दाजुभाइ तथा दिदीबहिनीहरूमा आर्थिक सहयोगका लागि विनम्र अनुरोध गर्ने निर्णय गरेको छ।
निर्णय नं. १
संघका अध्यक्ष सन्तोष श्रेष्ठज्यूको संयोजकत्वमा कानुनी प्रक्रिया तथा शव व्यवस्थापन समिति गठन गरियो।
सदस्यहरू:
* शिव प्रसाद गौतम
* शिव कुमार लामिछाने
* सन्तोष उप्रेती
* भिमशेन धिमाल
निर्णय नं. २
शव व्यवस्थापनका लागि आवश्यक आर्थिक सहयोग संकलन गर्ने उद्देश्यले संघकी उपाध्यक्ष जमुना देवी सापकोटाज्यूको संयोजकत्वमा आर्थिक संकलन समिति गठन गरियो।
सदस्यहरू:
* नारायण प्रसाद सुबेदी
* सुमन खड्का
* दिपिका श्रेष्ठ
* सन्तोष कुमार वाग्ले
* रबिन सोडारी
* बालकृष्ण खरेल
धन्यवाद।
नबिन घिमिरे
महासचिव
गैर आवासीय नेपाली संघ, स्पेन(copied)
25/04/2026
24/04/2026