CFEA Guísamo

13/10/2026

12/10/2026

🎉 **Xa está aquí o cartel da XVIII Tasca do Liño de San Bartolomeu de Insua!** 🌾

Un ano máis, volvemos reunirnos para celebrar unha tradición que forma parte da nosa memoria colectiva e da identidade do rural galego. E xa van **18 edicións mantendo viva a historia do liño!**

A Tasca do Liño recrea as antigas reunións comunitarias nas que se traballaba a fibra para limpala e preparala, unha tarefa coñecida como "tascado", realizada coa axuda do "banco tascón". Xornadas nas que o traballo compartido se mesturaba coa conversa, a convivencia e o lecer.

Como en toda boa xuntanza, non faltarán as actividades, a artesanía, o saboroso "cacho" típico das tascas da zona, e, por suposto, a música e a foliada, que encherán de alegría esta celebración.

Un día de encontro entre tradición e modernidade para compartir saberes e transmitir ás novas xeracións a importancia do cultivo do liño e de todo o patrimonio cultural que se foi construíndo arredor del ao longo dos séculos.

🌿 **18 edicións, unha mesma raíz e moitas ganas de seguir mantendo viva a tradición.**

📣 Non o perdades! Agardámosvos en San Bartolomeu de Insua. **Estades todos convidados!**

06/10/2026

📚 Hoxe celebramos unha nova sesión do Consello Escolar Municipal de Bergondo para facer balance do inicio do curso nos nosos centros educativos.

Durante a xuntanza tratamos varios temas fundamentais para a nosa comunidade:

💶 Deuse conta das liñas de axuda que mantemos desde o Concello (para material escolar, transporte, apoio aos centros ou ás ANPAs). Un esforzo inversor no ámbito educativo, un piar fundamental para nós a pesar de non ser unha competencia municipal.

👏 Fíxose un recoñecemento ao labor incansable das nosas ANPAs. O traballo que fan coas súas actividades é imprescindible para fomentar e axudar á conciliación das familias de Bergondo.

⚠️ Insistiuse na necesidade urxente de atopar unha solución para crear un paso seguro ao CFEA de Guísamo, reiterando a nosa demanda para a construción do paso superior na estrada. É unha prioridade para a seguridade do alumnado.

📅 Acordáronse os días non lectivos locais para este curso, que serán o 2 de novembro e o 18 de maio.

Participaron a alcaldesa e a concelleira de Educación, xunto con ANPA As Mariñas, AFA As Escoliñas do CRA, dirección do CRA, Escola Infantil Municipal, Inspección Educativa, dirección e profesorado do CPI Cruz do Sar, e representantes do CFEA de Guísamo e do CPAP de Fiobre.

08/09/2026

https://feej.es/abiertas-las-inscripciones-para-el-i-congreso-internacional-de-jardineria-de-la-feej/

Organizado por la Federación Española de Empresas de Jardinería (FEEJ), en colaboración con la European Landscape Contractors Association (ELCA), el Congreso convertirá Santiago de Compostela en un gran punto de encuentro europeo para la jardinería, el paisajismo y la infraestructura verde.