25/08/2026
🎼 Onte desfrutamos en Caldas dun magnífico concerto, «Querida Montserrat, Querido Luciano», con voces de primeiro nivel como Montserrat Martí Caballé, Simona Todaro-Pavarotti, Luis Santana e Dolores Crespo, acompañados ao piano por Víctor Carbajo.
👏 Parabéns á Asociación Terra Calda polo seu traballo e por esta gran iniciativa, dentro da programación do 900 aniversario da coroación de Afonso VII. É unha satisfacción ver como o tecido asociativo de Caldas promove cultura, historia e patrimonio.
🤝 O que lamentamos é que, unha vez máis, haxa quen confunda un acto cultural cun escaparate político. O voceiro do PP pretendeu ocupar un protagonismo que non lle corresponde, chegando mesmo a ser presentado cun cargo que non ostenta de deputado autonómico. Tamén chegou a pedir que un veciño abandonase o seu asento, algo que o alcalde impediu rotundamente.
📸 Desde o Partido Socialista témolo claro: nos actos públicos somos un máis. Alcalde, concelleiros e membros da Executiva Municipal compartimos espazo cos veciños e veciñas, sen privilexios nin protagonismos.
❤️ Quedámonos co importante: coa cultura, coa música, co traballo de Terra Calda e coa resposta da veciñanza. O protagonismo debe ser para Caldas e para a súa xente, non para quen pretende converter cada acto nun escaparate político.
