Cultura Carral

23/10/2026

📢Nova sesión de contos cos Ratos de Lonxedetodo na Biblioteca!!!
O vindeiro xoves 29 de outubro, ás 18:00 h, volven á Biblioteca Municipal de Carral os nosos queridos Ratos 🐭🐭 con novas historias para a rapazada de 4 a 8 anos. Esta vez a sesión titúlase "Unhas botas misteriosas".
Como é habitual, hai que anotarse previamente chamando ao ☎ 981 672 580. Facédeo rápido porque as prazas son limitadas!!!

Concello de Carral

19/10/2026

E seguimos con máis teatro en Tabeaio!
Este venres 23 de outubro, ás 20:30 h. tedes ocasión de botar unhas risas coa comedia da compañía Fulano, Mengano e Citano coa función titulada "Top Manta", unha obra que nos fará rir de nós e dos outros, do propio e do alleo, do que está ben e do que... igual non o está tanto.
A entrada é libre ata completar o aforo e requírese chegar con puntualidade para non quedar fóra unha vez comezada a representación.
Este espectáculo está incluído no ciclo Teatro de Outono de Carral e na Rede Cultural da Deputación da Coruña.

Concello de Carral Cultura da Deputación da Coruña

15/10/2026

Esta fin de semana Carral énchese coa nosa música. A Asociación Cultura Aberta organiza dúas xornadas que non debedes pasar por alto. Os bares e o Campo da Feira convértense en espazos para vivir e g***r da nosa música máis tradicional. Participarán unha decena de grupos galegos.
Non faltedes!

Concello de Carral

14/10/2026

Aquí vai un consello: se queres desfrutar e pasalo ben co teatro galego, lembrar un feito histórico protagonizado, sen el querelo, por Curros Enríquez, e comprobar como sen perder o rigor dos feitos podemos escachar coa risa, non perdas este venres "O Proceso" de Malasombra Producións.
Será no Local Xente Nova de Tabeaio ás 20:30 h. con entrada libre ata completar o aforo.
É unha das propostas incluídas en Teatro de Outono de Carral e na Rede Cultural da Deputación da Coruña.
Aí queda o aviso! 😉

Concello de Carral Cultura da Deputación da Coruña

13/10/2026

Despois de que os espectáculos de Mofa&Befa e Vasrir acadaran un gran éxito entre o noso público, presentamos este venres 16 de outubro a Malasombra coa obra "O Proceso".
Dirixida por Cándido Pazó, a obra lévanos ata o Ourense de finais do século XIX para recrear o proceso xudicial contra o escritor Curros Enríquez, nunha historia que combina a comedia coa reflexión sobre a lingua, a cultura, a identidade e o uso da xustiza.
Como é habitual en Teatro de Outono de Carral, a entrada é de balde ata completar a capacidade da sala. Prégase puntualidade para non quedar fóra unha vez que xa comezou a función.
Non a perdades!

Concello de Carral Cultura da Deputación da Coruña

06/10/2026

Despois dun rotundo éxito de Mofa&Befa abrindo o ciclo Teatro de Outono de Carral, este venres 9 de outubro teremos unha comedia musical da man de Vasrir. "Cabaré Climático", con Luis Iglesia, Paty Lesta e Cristian Leggiero sobre os escenario, lévanos ao ano 2075, no que o cambio climático é unha realidade. Alén das repercusións que xa se supoñían, hai outras nas que ninguén puido reparar. Como nos afectará na relacións entre individuos, nas de parella, no noso carácter…? Música en directo e moito humor, acompañamiento musical durante a obra para reflexionar… ou simplemente para rir.
Non o perdades!!!
Lembrade ser puntuais para non quedar fóra. A función comeza ás 20:30 h. É de balde ata completar a capacidade da sala.

Concello de Carral Cultura da Deputación da Coruña

05/10/2026

Presentamos a segunda proposta histórica na programación de outono de cine documental galego. "Crónicas da Galiza Mártir" é un relato histórico que describe e denuncia a metodoloxía represiva implantada en Galicia desde o propio alzamento de 1936. Próximos aos noventa anos transcorridos destes feitos, os relatos das persoas protagonistas adquiren unha dimensión humana e política estremecedora e, á vez, nun alegato de vida para o futuro, no contexto dunha sociedade aínda atordada polo medo, o silencio e a desmemoria.
A proxección terá lugar na Casa da Cultura o xoves 8 de outubro ás 20:00 h, con entrada de balde. Logo da proxección, o director do documental, Xan Leira, manterá un coloquio co público asistente.
Esta presentación está incluída no Outono das Artes da Deputación da Coruña.

Concello de Carral Cultura da Deputación da Coruña

30/09/2026

A Asociación de Mulleres Rurais, coa colaboración da Concellería de Cultura do Concello de Carral, organiza un curso de Corte e Confección que comezará en outubro e levarase a cabo os sábados pola mañá no Local Interxeracional.
As persoas interesadas en participar deberán inscribirse chamando ao 660 709 828.

Concello de Carral

29/09/2026

O documental "1846 Revolución Galega", que presentamos na Casa da Cultura este xoves ás 20 h, cóntanos os detalles daquel movemento que tivo en Carral o tráxico final co fusilamento dos Mártires da Liberdade.
O seu director acompañaranos para falar cos espectadores despois da proxección.
Achegádevos a coñecer mellor a nosa historia!

Concello de Carral

O adianto dun dos episodio máis silenciados da nosa historia, a Rev...

29/09/2026

Mofa e Befa abre o Teatro de Outono de Carral cunha obra baseada en textos de Castelao: "Os dous de sempre".
Evaristo Calvo, Víctor Guionista e Josito Porto protagonizan un espectáculo dirixido por Quico Cadaval e que aterra en Carral grazas á Deputación da Coruña.
Moita xente, cando escoita a expresión “Os Dous de Sempre”, no primeiro que pensa é en Mofa e Befa. E a Castelao non lle parece mal. O duo cómico fundado hai trinta anos por Evaristo Calvo e Víctor Mosqueira son parte do fecundo rio do humor galego que ten a sua fonte nos bufón e no escarño medievais, e ao que tamén pertence o humor de Castelao. Mofa e Befa pertencen á estirpe dos pallasos de circo, dos artistas do cinema mudo, dos canallas do cabaret. Agora decídense a encarnar duas personaxes de papel, concebidos por un humorista gráfico: Os Dous de Sempre.
A función terá lugar no Local Xente Nova, o venres 2 de outubro ás 20:30 h. A entrada é de balde e a capacidade da sala limitada.

Concello de Carral Cultura da Deputación da Coruña Cultura da Deputación da Coruña