Por Chantada - Interior Galego Vivo

22/10/2026

🟢 III Universidade de Por Chantada - Interior Galego Vivo 🍃

Xa temos para visualizar en tres vídeos o que deu de si a xornada da tarde, centrada nunha reflexión coral encol da comunicación política e onde interviron:

👉 Patricia Coucheiro. Fundadora da Alternativa Veciñal de Antas de Ulla 🍃 e voceira na Plataforma por unha Ulloa Viva.

👉 Tamara Balboa García. Voceira de Vilardevós, Interior Galego Vivo.🍃 e alcaldesa no Concello de Vilardevós.

👉 Paula Vázquez Verao. Voceira de Agroma Sober 🍃 e ex-deputada no parlamento galego.

👉 María Rozas. Voceira de Compostela Aberta e tenente de alcaldesa no Concello de Santiago de Compostela.

👉 Helena Fernández (Elena DaPena). Concelleira de Por Chantada - Interior Galego Vivo🍃

👉 Antom Fente (Garcia Do Outeiro). Concelleiro de Por Chantada - Interior Galego Vivo🍃

📺 Parte 1/3
https://youtu.be/PC5AdsxvqqM

📺 Parte 2/3
https://youtu.be/-b6SRST6deg

📺 Parte 3/3
https://youtu.be/Vd34ekDfsWM 🟢

Participan Tamara Balboa (IGV Vilardevós), Antom Fente (Por Chantad...

21/10/2026

🟢 Declaración de impacto ambiental (DIA) desfavorábel para os parques eólicos Agratina e Agromaces‼️

⚠️ Un gran día para a viciñanza e para toda Chantada.

👉🏽 Nas nosas alegaciós expuñemos porque nunca deberían ter unha DIA positiva ises parques que ameazaban casas, establos e propiedades nas parroquias de Vilaúxe, Pereira, Santa Uxía de Asma, Santa Cruz de Viana, Esmoriz, Bermún e Esmeriz.

👉🏽 Convocamos un pleno extraordinario, grazas a termos 4 concelleiros, co que alertamos dun convenio ruinoso asinado polo alcalde coas empresas inantes mesmo de saír en exposición pública.

👉🏽 O alcalde e os concelleiros do PP, apesar da evidencia e das demandas viciñais, tiraron para diante, mais Por Chantada 🍃 non tirou a toalla e levou aos tribunais o convenio, que acabaron rescindindo o alcalde mais a empresa pola porta de atrás.

Agora o Ministerio enterra definitivamente un proxecto no que ficou demostrado que o PP estaba do lado do espolio e das empresas e non das parroquias e a súa viciñanza. 🟢

16/10/2026

🟢 📺 VÍDEO DA SESIÓN ORDINARIA DO PLENO DA CORPORACIÓN DE CHANTADA CORRESPONDENRE AO 1 DE OUTUBRO DE 2026

📌 Actas anteriores
📌 Moción PSOE aparcadoiro trnasporte mercadorías
📌 Moción Por Chantada🍃 salvagarda da empanada como patrimonio colectivo
📌 Dación de conta de reparos da intervención, decretoa e rogos e preguntas.

https://youtu.be/9hZ5FTpczK0?is=b-CDfM5a6R2WmqxY 🟢

Vídeo íntegro da sesión ordinaria do pleno de Chantada celebrado o ...

11/10/2026

🟢 Xa podes ver a intervención 🎥 de José Vicente Barcia na III Universidade Popular de Por Chantada - Interior Galego Vivo 🍃
🗣️ «Fronte as alquimias do resentimento: lexitimidade social e comunicación política para saír da trampa».

Unha reflexión necesaria sobre as formas de comunicación dominantes e como facerlles fronte desde a comunidade e pondo o acento nos direitos e en políticas beneficiosas para a maioría social.

▶️ Podes ver a intervención completa eiquí:
🎥 https://youtu.be/IeHeUnwFXco

A Universidade Popular nace para isto: crear espazos para pensar, debater, partillar coñecemento e inquedanzas para esí abrir novas perguntas sobre o futuro que queremos construír. 🟢

Segunda palestra da III UNIVERSIDADE POPULAR de INTERIOR GALEGO VIV...

08/10/2026

⚫️ DEP Xosé Manuel Beiras Torrado, un xigante do pensamento e da praxe política emancipadora.

Agradecemos o seu compromiso apoiando os proxectos sociais e locais de base, acudindo en numerosas ocasións a actos nos nosos concellos, sempre con xenerosidade e exhortándonos a seguir loitando.

Sempre Beiras e Sit magistro terra levis. ⚫️

05/10/2026

🟢 Xa podes ver a intervención 🎥 de Xosé Constela na III Universidade Popular de Por Chantada – Interior Galego Vivo 🍃

🗣️ «Algunhas propostas para unha nova construción social do territorio na Galiza»

Unha reflexión sobre o territorio, a súa organización e os retos que temos por diante para construír un país con futuro, desde unha perspectiva social e a carón das necesidades reais do pobo galego.

▶️ Podes ver a intervención completa eiquí:

🎥 https://youtu.be/0ErRetzyvKo

A Universidade Popular nace para isto: crear espazos para pensar, debater, partillar coñecemento e inquedanzas para esí abrir novas perguntas sobre o futuro que queremos construír. 🟢

Palestra inaugural da III UNIVERSIDADE POPULAR de INTERIOR GALEGO V...

04/10/2026

🟢 APRESENTAMOS RECURSO DE REPOSICIÓN CONTRA O EXPEDIENTE DO CRÉDITO QUE VAI HIPOTECAR A 17 ANOS O CONCELLO

Por Chantada apresenta un recurso de reposición técnico e rigoroso, de 44 páxinas, no que solicitamos a anulación do expediente e defendemos a transparencia, a legalidade e a estabilidade das contas públicas de Chantada.

Non nos limitamos a denunciar politicamente o que consideramos irregularidades: estudamos o expediente, analizamos a súa tramitación e fundamentamos xuridicamente cada unha das cuestións formuladas.

📄 Pomos o recurso íntegro á disposición da viciñanza, para que calquera persoa poida coñecer directamente os argumentos e as razós que nos levan a recorrer.

👉 44 páxinas de documentación, análise e argumentos xurídicos fronte a improvisación do PP cun alcalde que trata Chantada como o seu caixeiro automático para perpetuarse no poder.

Porque cando están en xogo decisiós que poden comprometer o futuro económico de Chantada durante anos, a viciñanza ten direito a coñecer toda a información. Transparencia, fiscalización e defensa do interese público son máximas que defendemos e practicamos. 🟢

30/09/2026

🟢 📚 III UNIVERSIDADE POPULAR DE POR CHANTADA – INTERIOR GALEGO VIVO 🍃

Iste sábado 3 de outubro celebramos a terceira edición da nosa Universidade Popular, un espazo para pensar, debater e partillar ideas sobre política, comunicación e construción social do territorio.

🗣️ Pola mañá, baixo o título «Comunicación e política: discurso, programa e outras arestas», comezaremos na sede de Por Chantada (Galerías Almacor), onde contaremos coas voces de Xosé Constenla, Briggite Vasallo e José Barcia.

🔹 Pola tarde, na terraza do Círculo Recreativo e Cultural de Chantada, unha mesa sobre comunicación na política local, experiencias e retos das organizaciós municipalistas coa presenza de Patricia Coucheiro, María Rozas, Tamara Balboa García, Paula Vázquez Verao e Antom Fente.

Unha xornada para escoitar e dialogar co gallo de aprender, porque tamén desde o ámbito local se constrúe pensamento político e se abren camiños para transformar a realidade.

📍 Sábado 3 de outubro
☀️ Pola mañá: sede de Por Chantada – Galerías Almacor
🌿 Pola tarde: Círculo Recreativo Cultural 🟢

30/09/2026

🟢 MÁIS DE CATRO MESES CO VEHÍCULO ABANDONADO NUNHA ESTRADA PROVINCIAL 🚗

Por Chantada – Interior Galego Vivo 🍃 vén de rexistrar un novo escrito ante a Deputación de Lugo para reclamar a retirada dun Citroën Xsara abandonado desde hai máis de catro meses na LU-P-1811 na parroquia de San Fiz de Asma.

📍 Falamos dunha estrada de titularidade provincial e dun vehículo que leva meses abandonado, xerando xa queixas entre a viciñanza perante a pasividade das administraciós en incoar e executar o correspondente expediente.

Por Chantada solicitou, mediante rexistro, que se inicien ou aceleren os trámites necesarios para a súa retirada e que se dea resposta á viciñanza en aras do ben común.

Pero hai outra cuestión que nos preocupa especialmente: a falta constante de resposta da Deputación aos escritos que vimos apresentando sobre problemas concretos da súa competencia. Do Concello de Chantada, gobernado polo PP, non agardamos grande cousa, mais a Deputación non mostra ter millor talante.

Facer política tamén é isto: patear as parroquias, detectar os problemas, rexistralos ante a administración competente, e insistir até obter unha resposta.

Por Chantada insiste: a Deputación de Lugo tirá cumprido con Antas de Ulla ou con Monforte de Lemos, mais non con Chantada. Non pedimos favores, pedimos que as administraciós cumpran dunha vez coas súas competencias e respondan á viciñanza.

📄 Un vehículo abandonado durante meses tamén é un exemplo de como os pequenos problemas do rural poden quedar esquecidos cando as administracións non actúan. 🟢

29/09/2026

🟢 📢 Por Chantada - Interior Galego Vivo 🍃 reclama transparencia na licitación do novo consostorio da praza do Cantón.

A formación veciñal pide explicacións públicas ao Goberno municipal sobre o proceso de adxudicación das obras do antigo edificio da academia, un proxecto cun orzamento que supera o millón de euros.

Cuestionan os criterios técnicos para rexeitar a oferta económica máis barata e lembran que este investimento comprometerá os recursos do Concello de Chantada durante os vindeiros 17 anos ao englobarse dentro dun crédito que suporá xerán máis de 6 millós de débeda.

👉 Coñece todos os detalles na nova completa:

https://ribeirasacraxa.com/news/por-chantada-reclama-explicacions-sobre-a-licitacion-da-rehabilitacion-do-edificio-da-praza-do-canton/136195/ 🟢

A formación cuestiona o procedemento seguido para unha obra cun orzamento de 1,27 millóns de euros e pide transparencia sobre a valoración das ofertas