08/10/2026
🏘️ En Coles precisamos vivenda protexida 🏠🌳
Queremos que a nosa xente teña a oportunidade de quedar en Coles, acceder a unha vivenda e iniciar aquí o seu proxecto de vida.
📍 Por iso, desde o Concello de Coles puxemos á disposición da Xunta de Galicia unha parcela municipal situada entre Vilarchao e Albán, na zona da Finca do Diestro, co obxectivo de favorecer a posible promoción de vivenda protexida no noso concello.
📋 A Xunta, como administración competente en materia de vivenda, ten en conta, entre outros factores, a demanda existente e o número de persoas inscritas como demandantes de vivenda protexida á hora de planificar novas actuacións.
👉 Se che interesa acceder a unha vivenda protexida en Coles, inscríbete como demandante e indica COLES como concello preferente. Podes facelo en calquera momento do ano.
📲 A inscrición faise na Sede Electrónica da Xunta de Galicia, no procedemento VI428C – Inscrición no Rexistro de Demandantes de Vivendas de Galicia (RUDEVI). Tamén podes presentala de xeito presencial con cita previa.
💡 Neste carrusel explicámosche paso a paso como facelo, que documentación podes necesitar e como presentar a solicitude.
❤️ Se queremos vivenda protexida en Coles, temos que facer visible que existe demanda. Inscríbete e compárteo!
