PSdeG PSOE Corcubión

08/10/2026

07/10/2026

SETE DÍAS DESPOIS, POR FIN COBRARON
Hoxe, sete días despois da data habitual, o persoal municipal recibiu finalmente as súas nóminas.

Durante estes días escoitamos explicacións diferentes: primeiro, a baixa da secretaria; despois, un problema cunha partida orzamentaria; máis tarde, o horario para determinados trámites en ABANCA. Mesmo se asegurou que os salarios chegarían o luns ou, como moi tarde, o martes. Finalmente, non se cobraron ata o mércores.

O problema xa non é só o atraso. É tamén a sucesión de versións e informacións contraditorias sobre algo tan serio como o salario de arredor de corenta traballadores e traballadoras municipais.

Mañá, no Pleno, o alcalde terá que dar explicacións claras. As familias merecen saber que pasou realmente e, sobre todo, que medidas se van adoptar para garantir que unha situación así non volva repetirse.

15/08/2026

O PSdeG pide investigar os reiterados episodios de contaminación en Quenxe

O PSdeG-PSOE de Corcubión pide actuacións ante un novo resultado positivo por E. coli na praia de Quenxe, cun valor de 1.652 NMP/100 ml na mostra do 12 de agosto.

Non é un feito illado: en xullo xa houbo outro episodio de E. coli, relacionado cun fallo nunha estación de bombeo próxima, e o 20 de xullo detectáronse enterococos intestinais.

Por iso, reclamamos que o Concello, xunto con Augas de Corcubión e Cee, investigue a orixe destes episodios, revise a rede de saneamento e adopte medidas para evitar que se repitan.

“Tres episodios en poucas semanas esixen explicacións e solucións. Quenxe non pode quedar á espera da seguinte analítica.”

14/08/2026

O PSdeG de Corcubión pide investigar a contaminación reiterada na praia de Quenxe
https://nhdiario.es/o-psdeg-de-corcubion-pide-investigar-a-contaminacion-reiterada-na-praia-de-quenxe/

14/08/2026

O PSdeG-PSOE de Corcubión reclama que se investiguen os episodios de contaminación detectados na praia de Quenxe, despois de que unha nova analítica dese

08/08/2026

O PSdeG-PSOE de Corcubión aclara: «Nunca estivemos en contra do centro de día, senón desta forma de gobernar»

O PSdeG-PSOE de Corcubión quere deixar claro que nunca estivo en contra da apertura do centro de día. Pretender trasladar esa idea á veciñanza é desviar o verdadeiro motivo do noso voto: a forma na que o goberno do BNG levou este asunto e a súa maneira de entender un goberno no que non ten maioría absoluta.

Este foi o primeiro POS ao que o PSdeG-PSOE votou en contra. Durante todo este tempo facilitamos a aprobación das propostas que consideramos positivas para Corcubión, pero colaborar non significa dar un cheque en branco. Se o BNG necesita os votos da oposición, o lóxico é informar, falar e negociar antes de chegar ao pleno, e non actuar como se contase cunha maioría que os veciños e veciñas non lle deron.

Precisamente, boa parte das explicacións sobre o centro de día chegaron despois de manifestarmos as nosas dúbidas e o noso voto contrario. E ese é un dos puntos fundamentais: se esas explicacións e ese diálogo se producisen antes, probablemente a situación sería moi diferente. Non se pode pedir á oposición responsabilidade á hora de votar e, ao mesmo tempo, negarlle a información e o diálogo previo necesarios para tomar unha decisión.

Por iso sorprenden as posteriores notas de prensa do BNG intentando presentar ao PSdeG-PSOE como contrario ao centro de día, en lugar de facer algo moito máis sinxelo: recoñecer que a forma de levar o asunto podía ter sido mellor. Mesmo dentro do propio BNG houbo quen, no diálogo posterior, mostrou unha actitude máis construtiva e pareceu entender os erros cometidos. Porén, despois aparece outra liña moito máis combativa nas comunicacións públicas, empeñada en transformar unha discrepancia política nunha confrontación.

O PSdeG-PSOE non quere entrar nesa dinámica. Queremos o centro de día aberto e funcionando canto antes. Pero tamén queremos que un goberno en minoría entenda que gobernar significa dialogar, informar, negociar e buscar acordos.

O problema nunca foi o centro de día. O problema é querer gobernar en minoría como se se tivese maioría absoluta.

01/08/2026

Benvidos a III Feira do Saber e Sabor da Aldea!!!
Vinde a disfrutar do día con nós.
🌾🍋🥬🌽

19/07/2026

🔴 NON AO VANDALISMO EN CORCUBIÓN

Desde o PSdeG-PSOE de Corcubión condenamos os actos vandálicos sufridos nas últimas semanas na nosa vila. As pintadas en muros, fachadas, portas, beirarrúas, colectores e outros elementos da vía pública deterioran os espazos comúns, danan propiedades públicas e privadas e prexudican a imaxe de Corcubión.

Tamén lamentamos que, por segunda vez, fose retirada a pancarta coa que reclamamos unha ambulancia medicalizada para a comarca. A pancarta xa está reposta, porque non imos renunciar a unha reivindicación necesaria que pode salvar vidas.

A liberdade de pensamento e de expresión debe respectarse, mesmo cando non se compartan as mesmas ideas. As pintadas, os danos e a retirada de pancartas non son unha forma aceptable de expresar unha opinión.

Unha ambulancia medicalizada non é unha cuestión partidista: é unha mellora sanitaria para toda a comarca.

Máis respecto polo noso pobo. Máis democracia. Mellores servizos.

🌹 PSdeG-PSOE de Corcubión

10/07/2026

O grupo municipal socialista de Corcubión lamenta o proceder do actual equipo de goberno do BNG cos e coas traballadoras do Concello.

Unha traballadora tivo que recurrir a instancias xudiciais para que se lle recoñecesen o dereito, recollido na lexislación actual, de conciliar a vida laboral e familiar.

Parece mentira que o actual alcalde non teña sensibilidade cos dereitos laborais, tendo en conta que é empregado municipal e foi delegado sindical da CIG ata acceder ao seu actual cargo.

¿Ou será que só defenden os dereitos laborais dos que consideran afíns ao seu sindicato/ partido (CIG/BNG)?

23/06/2026

O PSdeG-PSOE de Corcubión reclama máis información á veciñanza sobre o Plan Especial do Casco Histórico

Con motivo da aprobación inicial da modificación do Plan Especial do Casco Histórico, moitos veciños e veciñas están a recibir notificacións con pouca ou nula información.

Por iso, instamos ao equipo de goberno a crear unha oficina informativa, atendida pola empresa redactora do plan, para resolver dúbidas de maneira presencial e telemática.

A veciñanza ten dereito a información clara e accesible, e esta medida evitaría ademais o colapso da oficina técnica municipal.