¿Cuál es el horario de apertura?

Lunes 08:00 - 14:30 Martes 08:00 - 14:30 Miércoles 08:00 - 14:30 Jueves 08:00 - 14:30 Viernes 08:00 - 14:30

Concello de Corcubión

Inicio
España
Corcubión, Galicia
Concello de Corcubión

Cómo llegar Página web

Páxina oficial do Concello de Corcubión http://www.corcubion.gal

El municipio de Corcubión está situado en el extremo oeste de la provincia de A Coruña (Galicia), en la más alta de las Rías Baixas y formando parte de la llamada Costa da Morte. Corcubión, la más alta de las Rías Baixas, posee las características de estas y anuncia las propias de la costa más al norte. Así, esta tierra de transición conjuga en perfecta armonía el sosiego y la calma de las Rías Baixas y la bravura y la naturaleza viva características de la Costa da Morte. El Municipio de Corcubión es uno de los más pequeños de Galicia, con una extensión de 7.6 km² y una población de unos 2000 habitantes. Está constituido por dos parroquias, San Marcos de Corcubión (zona urbana) y San Pedro de Redonda (zona rural).

27/10/2026

🧙‍♀️🎃 SAMAIN 2026: O BOSQUE DAS BRUXAS 🌕🕯️

O vindeiro sábado, 31 de outubro, o Cárcere Vello de Corcubión transformarase nun lugar cheo de misterio, maxia e tradición para celebrar o Samaín. 🍂🦇

Unha tarde-noite para g***r do ambiente máis arrepiante, con música, lendas e actividades para todas as persoas que queiran achegarse a vivir unha noite diferente.

📅 Sábado, 31 de outubro
📍 Cárcere Vello de Corcubión

🕕 18:00 h – María da Pontragha: «Non lle teñas medo á morte»
🍫 19:00 h – Merenda con chocolatada e pan de ovo
👻 19:30 h – Procesión da Santa Compaña (se o tempo o permite)
🎶 20:00 h – Música e cantos terroríficos!

🕸️ Preparade as vosas mellores galas, acendede as vosas cabazas e deixádevos levar pola maxia do Bosque das Bruxas. Unha cita para compartir, lembrar as nosas tradicións e g***r do Samaín en Corcubión.

Atréveste a entrar no bosque? 🧙‍♀️🌑

26/10/2026

♻️NOVO SERVIZO DE PUNTO LIMPO MÓBIL EN CORCUBIÓN

♻️O Concello de Corcubión conta desde este luns 26 de outubro cunha unidade de Punto Limpo Móbil coa que se prevé recoller residuos especiais e mellorar o servizo de reciclaxe en todo o municipio.

🤝O alcalde, Xabier Domínguez, e o concelleiro de Medio Ambiente, Francisco Santiago, acompañados de persoal técnico do Concello, recibiron hoxe esta unidade na Praza Castelao.

👥O obxectivo é facilitar e achegarlle á veciñanza a recollida de residuos que non se poden depositar nos colectores convencionais.

🗓️O Concello establecerá un calendario que indicará os días e lugares onde estará situado o Punto Limpo Móbil, e que se dará a coñecer próximamente.

🚛O Punto Limpo Móbil permitirá depositar, entre outros:

🔌Pequenos aparellos eléctricos e pequenos electrodomésticos .

💡Tubos fluorescentes

🍾 Vidro.

📱Materiais electrónicos, informáticos e telefonía.

🔩Pequena chatarra.

🔫 Pequenos xoguetes e plástico que non sexan envases.

💵Este novo servizo supuxo un investimento de 13.000 euros, adxudicado á empresa Baygar con fondos europeos subvencionados a través da Consellería de Medio Ambiente da Xunta de Galicia.

♻️Súmate ao programa Corcubión Recicla.

👍🏻Separar ben, é coidar do teu medio ambiente e ademáis mellora a xestión dos recursos económicos do concello🫰🏻💵.
👏🏻Grazas pola vosa colaboración.

26/10/2026

⚒️OBRAS E SERVIZOS.

ℹ️ Ao longo do mes de outubro o Concello de Corcubión centrouse en facer, entre outros, traballos de limpeza e desbroce na contorna da Casa da Cultura e limpeza dos Cemiterios Municipal e de Redonda de cara á festividade de Defuntos e Tódolos Santos.

🌿Continuaremos con estes traballos de desbroce, podas e limpeza en zonas verdes neste outono.

📷 Mostramos unha pequena reportaxe fotográfica dos traballos realizados que contribuirán á mellora da nosa vila.

23/10/2026

Venres 23 de outubro, hoxe temos unha nova entrega de BOOMERS A CONCIENCIA cunha nova tertulia de SrLobo o Cineclube da Costa da Morte. No programa de hoxe centran a súa charla na mítica película Matrix. A partir das 12:10 e ás 22:10 en https://radioneria.blogspot.com
Concello de Corcubión

22/10/2026

📲 CORCUBIÓN, MÁIS PRETO DE TI! 💙
Queres estar ao día de todo o que acontece no noso Concello? Agora tes unha nova forma de estar informado/a! 🙌
O Concello de Corcubión pon en marcha a súa canle de difusión de WhatsApp, un espazo para recibir directamente no teu móbil información sobre as actividades culturais, novidades urbanísticas, iniciativas sociais e moitas máis cousas de interese para a nosa vila.
📌 Como podes unirte? É moi sinxelo!
📱 A través do código QR dos carteis que estarán á vosa disposición nos espazos públicos do Concello e en diferentes establecementos da nosa vila.
🔗 Directamente desde esta ligazón:

👉 https://whatsapp.com/channel/0029Vb8tlAx6xCSLZmQcOM3T
ℹ️ Lembra que é unha canle informativa: só recibirás información do Concello, non é un grupo de conversa.
💙 Queremos estar máis preto de ti e manterte ao día de todo o que acontece en Corcubión.
Únete á canle e non perdas ningunha novidade!

21/10/2026

🎭 OUTONO DAS ARTES 2026 | REMELEXO, DE BARAZA

O vindeiro domingo 25 de outubro, ás 18:00 h, temos unha nova cita coa cultura no Auditorio da Casa da Cultura de Corcubión, dentro da programación Outono das Artes 2026.

Chega “Remelexo”, do grupo Baraza, un espectáculo multidisciplinar que combina música, narración oral e imaxe para construír un relato arredor da emigración galega ao Brasil a través da figura de Diniña.

🎶 A través dunha posta en escena próxima e participativa, na que se mesturan voz, acordeón, frauta e proxeccións audiovisuais, Remelexo convídanos a emprender unha viaxe emocional e colectiva pola memoria migratoria de Galicia.

Unha proposta que nos achega ás historias de tantas persoas que tiveron que marchar da súa terra na procura de novas oportunidades, mantendo viva a memoria das súas vivencias, das súas raíces e dos seus afectos.

📅 Domingo, 25 de outubro de 2026
🕕 18:00 h
📍 Auditorio da Casa da Cultura de Corcubión

Agardámosvos para compartir unha tarde de música, historias e memoria colectiva! 💛

19/10/2026

🩷CORCUBIÓN ILUMÍNASE DE ROSA CONTRA O CANCRO DE MAMA

O Concello de Corcubión súmase neste 19 de outubro á conmemoración do Día Mundial contra o Cancro de Mama, iluminando de rosa o balcón da Casa do Concello como símbolo de apoio, solidariedade e esperanza.

🩷Con este xesto queremos amosar o noso cariño e solidaridade a todas as mulleres que están a afrontar esta enfermidade, ás súas familias e a todas as persoas que as acompañan nesta loita.

💗 Tamén queremos lembrar a importancia da prevención, da detección precoz e da investigación, fundamentais para avanzar na loita contra o cancro de mama.

🩷Hoxe, Corcubión vístese de rosa para dar visibilidade a esta realidade, transmitir forza e esperanza e lembrar que xuntas e xuntos seguimos avanzando cara a un futuro sen cancro de mama.

🩷 Corcubión, comprometido coa prevención contra o cancro, a investigación e a esperanza.

19/10/2026

🎭 O TEATRO VOLVE A CORCUBIÓN CON “AI, AVOA!”

📅 Sábado, 24 de outubro
🕗 Ás 20:00 horas
📍 Casa da Cultura de Corcubión
🎟️ Entrada de balde

Dentro do Circuito Galego de Teatro Amador, chega a Corcubión Ai, avoa!, unha obra presentada pola compañía Desfeita Teatro (Vigo).

🎬 Esta é a historia dunha familia de clase traballadora sumida na decadencia económica e moral debido á crecente voracidade da avoa.

A través do humor, a obra convértese nunha crítica social á indolencia, ao egoísmo e á falta de solidariedade, amosando a miseria humana e a perda de valores.

🔞 Espectáculo dirixido ao público adulto.

Unha nova oportunidade para g***r do teatro en galego e apoiar o talento das compañías do noso país.

Agardámosvos na Casa da Cultura de Corcubión! 👏🎭

19/10/2026

🎬 O DOCUMENTAL “SABER GALIZA” CHEGA A CORCUBIÓN

📅 Venres, 23 de outubro
🕗 Ás 20:00 horas
📍 Casa da Cultura Plácido Castro de Corcubión

O Concello de Corcubión invita a toda a veciñanza á proxección de Saber Galiza. O Seminario de Estudos Galegos, un documental producido por Nós Televisión e dirixido por Cristina de la Torre.

🎥 A través de testemuños de especialistas, documentación histórica e a participación de alumnado da Universidade de Santiago de Compostela, a película recupera a historia e o legado do Seminario de Estudos Galegos, unha institución fundamental na investigación científica e humanística sobre Galicia.

Unha oportunidade para achegarnos á historia, á lingua e á identidade do noso país, e para descubrir unha experiencia colectiva que marcou o desenvolvemento da cultura galega no século XX.

💬 Ao remate da proxección, terá lugar un coloquio coa directora do documental, Cristina de la Torre.

Esta actividade forma parte do ciclo Outono das Artes da Deputación da Coruña.

Agardámosvos! 💙

18/10/2026

📚✨ CULTURA. Corcubión acolleu a entrega do XXIV Premio de Tradución Plácido Castro.

📚Onte celebramos en Corcubión o acto de entrega dunha nova edición do Premio de Tradución Plácido Castro, unha cita coa cultura e coa lingua galega que nos permite reivindicar a importancia da tradución como ponte entre literaturas e culturas.

🏆 A gañadora desta edición foi Patricia Buxán Outeiro, recoñecida pola súa tradución ao galego da obra Un cuarto propio, de Virginia Woolf, unha das grandes referencias da literatura moderna e do pensamento feminista.

📜O premio foi entregado por Susi Castro, presidenta da Fundación Plácido Castro, e polo alcalde de Corcubión, nun acto que serviu tamén para lembrar a figura de Plácido Castro, nacido na nosa vila, e o seu legado intelectual e cultural.

💙 Desde o Concello de Corcubión queremos agradecer á Fundación Plácido Castro, aos representantes dos concellos que forman parte do Padroado, ao xurado, a corporación local asistente e a todas as persoas que fixeron posible este encontro.

👏🏻Parabéns a Patricia Buxán Outeiro polo merecido recoñecemento e grazas a todas as persoas que traballan cada día para que a literatura universal tamén teña voz propia en galego.
📖 Corcubión, terra de Plácido Castro e comprometida coa cultura e coa lingua galega.

Dirección

Praza José Carrera, 1
Corcubión
15130

Horario de apertura

Lunes	08:00 - 14:30
Martes	08:00 - 14:30
Miércoles	08:00 - 14:30
Jueves	08:00 - 14:30
Viernes	08:00 - 14:30

Página web

http://www.corcubion.gal/

Notificaciones

Sea el primero en enterarse: le enviaremos un correo electrónico cuando Concello de Corcubión publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.