Concello do Grove

22/10/2026

⚡ **AVISO | CORTES PROGRAMADOS DE ELECTRICIDADE NO GROVE**

UFD (Grupo Naturgy) informa de posibles interrupcións no subministro eléctrico por traballos de mantemento e mellora da rede.

📅 Venres, 23 de outubro
🕛 De 00:00 a 08:00 h, segundo a zona.

📍 **Zonas afectadas:** Beiramar, Castelao, Confin, Concepción Arenal, Peralto, Praza de Arriba, Luis Seoane, Claudio Iglesias, Luis Antonio Mestre, Vilavella e outras rúas da contorna.

📅 Martes, 27 de outubro
🕛 De 00:00 a 04:00 h.

📍 **Zonas afectadas:** A Igrexa, Cacheiras, Campos, Outeiro, A Veiga, Tempráns e urbanización San Vicente do Mar.

⚠️ As interrupcións afectan a determinados números destas zonas, non necesariamente á súa totalidade.

🔎 Consulta as direccións e horarios concretos na web de UFD: https://www.ufd.es/avisos-de-cortes-programados/

☎️ Información: 900 333 999.

Más información Descubre más suministro en baja tensión con potencia entre 15 y 450 kWinstalación y activación de un contador de telemedida de tu propiedad o de un tercero ajeno a UFDDescubre más Entrada en vigor del Reglamento (UE) 2024/573Descubre más ¡Tu opinión nos importa!Descubre má...

21/10/2026

🚧 **AVISO IMPORTANTE | CAMBIOS NO TRANSPORTE PÚBLICO E NA PARADA DE TAXIS**

Con motivo das obras que se están a executar na Praza de Arriba e na rúa Luís A. Mestre, durante as próximas semanas produciranse as seguintes modificacións:

🚌 **TRANSPORTE PÚBLICO**
- Quedan temporalmente anuladas as paradas de Fonte do Galo e Cortiñas nas liñas O Grove–Pontevedra e O Grove–Vilagarcía.
- As persoas usuarias deberán desprazarse ata a estación de autobuses do Grove para utilizar estes servizos.

🎒 **TRANSPORTE ESCOLAR**
O transporte escolar das zonas afectadas xa está coordinado cos centros educativos correspondentes.

🚕 **PARADA DE TAXIS**
A parada de taxis trasládase temporalmente á zona situada diante da Confraría de Pescadores do Grove, onde se prestará o servizo mentres duren as obras.

🙏 Agradecemos a comprensión e colaboración de toda a veciñanza e pedimos desculpas polas molestias ocasionadas.

20/10/2026

📌 É necesaria inscrición previa na Biblioteca Municipal do Grove, no tfno. 986732341, no email [email protected] ou nas Redes Sociais.

📌 Dirixido a público infantil a partir de 5 anos.

Venres 30 de outubro, 17.30 h na Biblioteca Municipal do Grove
“Quen dixo medo” a cargo de Barafunda.

Espectáculo de movemento e clown ambientado nas historias da noite de Samaín con xogos musicais, globos e efectos durante o cal dúas personaxes farán unha terrorífica sesión de sorrisos e a rapazada bailará como e xogará a ser auténticos monstros.

20/10/2026

📌 Para a rapazada de 1 a 4 anos acompañados de un adulto

👉 É necesaria inscrición previa na biblioteca municipal, no email [email protected] ou nas Redes Sociais

19/10/2026

A CASA DA CULTURA “MANUEL LUEIRO REY” ACOLLERÁ O ACTO DE ENTREGA DO ###II PREMIO DE NOVELA CURTA “MANUEL LUEIRO REY” O 23 DE OUTUBRO

📅O Grove, 19/10/2026.- O venres 23 de outubro, a partir das 20.00 h, a Casa da Cultura “Manuel Lueiro Rey” acollerá o acto de entrega do ###II Premio de novela curta “Manuel Lueiro Rey” a Óscar Manuel Guzmán Álvarez, gañador da edición coa obra Só os mortos saben a verdade publicado por Edicións Xerais de Galicia.

O acto, dirixido pola Concelleira de Cultura Mª Pilar Galiñanes Castro, contará coa intervención do alcalde do Grove, Jose A. Cacabelos Rico, e de Armando Requeixo, crítico literario e membro do xurado. A xornada estará amenizada con intervencións musicais de alumnado da Escola de Música do Grove.

Os membros do xurado, a familia de Manuel Lueiro Rey, amigos e veciñanza do Grove acompañarán ao gañador neste acto, ao que tampouco faltarán representantes de Edicións Xerais de Galicia. Agasallarase cun exemplar da obra premiada a cada un dos asistentes ao acto.

O concello do Grove tamén quere agradecer a colaboración da Deputación provincial de Pontevedra na financiación deste importante certame.

Animamos a todas as veciñas e veciños da vila a que participen connosco nestas importante cita cultural.

14/10/2026

🚧 AVISO | CORTE DE AUGA POR OBRAS

O Concello do Grove informa de que mañá, xoves 15 de outubro de 2026, producirase unha interrupción temporal da subministración de auga debido á realización de obras.

📅 Data: xoves 15 de outubro
🕘 Horario: de 09:00 a 12:00 horas

📍 Zonas afectadas:

Raposeira

Travesía Aguieira

Holanda

Con do Gato

Pregamos desculpas polas molestias ocasionadas e agradecemos a comprensión da veciñanza.

13/10/2026

O AUDITORIO DO GROVE ACOLLE O PIANO RECITAL “PASIÓN DE FALLA” DO ARTISTA JOSÉ LUIS NIETO O SÁBADO 17 DE OUTUBRO

👉👉👉Retirada de convites
A retirada de convites poderá realizarse na Biblioteca Municipal do Grove, do 13 ao 16 de outubro, ou no propio Auditorio o sábado 17 de outubro, de 19.30 a 20.30 h

13/10/2026

"Berce do son"

📌 Para a rapazada de 1 a 4 anos acompañados de un adulto

👉 É necesaria inscrición previa na biblioteca municipal, no email [email protected] ou nas Redes Sociais

"Berce do son" a cargo da violoncellista Susana Blanco e a pianista Katerina Linke, é unha proposta musical inmersiva dirixida á primeira infancia, pensada para bebés e nenos/as pequenos/as acompañados por unha persoa adulta.

O espectáculo constrúese arredor do mar como presenza sonora, visual e sensorial.

A proposta combina obras do repertorio clásico con melodías tradicionais e arranxos propios adaptados á sensibilidade dos máis pequenos. Saint-Saëns, Satie, Offenbach, Grieg, Fauré ou Brahms dialogan con cancións mariñeiras e sonoridades próximas ao imaxinario da costa, nun percorrido delicado, evocador e accesible.

“Berce do son” non é un concerto pasivo: os bebés e as súas familias forman parte da experiencia. A través de pequenas cestiñas con materiais sonoros e sensoriais, o público convértese tamén en intérprete, acompañando a música con xestos, texturas, movementos e sons suaves.

13/10/2026

"Aprendendo a querer" con Trinketrinke teatro
Público familiar e rapazada a partir de 4 anos

Biblioteca Municipal do Grove
Venres 16 de outubro, 17.30 h

👉É necesaria inscrición previa na biblioteca, no email [email protected] ou nas Redes Sociais

13/10/2026

🚧 **COMEZAN AS OBRAS DE MELLORA DA RÚA LUÍS ANTONIO MESTRE**

O mércores 14 de outubro darán comezo as obras de renovación integral da rúa Luís Antonio Mestre, iniciándose os traballos na contorna da Praza de Arriba.

🚗 CAMBIOS NA CIRCULACIÓN:

🔴 Corte de tráfico no tramo afectado polas obras.

➡️ **Rúa de Castelao:** habilitarase temporalmente para facilitar o acceso ao instituto, centros sanitarios e instalacións deportivas.

➡️ **Tenente Domínguez:** alternativa recomendada para acceder ao centro urbano.

➡️ **Pablo Iglesias e Rúa da Praza:** cambios de sentido para facilitar os accesos ao Corgo, Hospital e San Antón.

➡️ **Jaime Solá e Luís Seoane:** acceso por Castelao e Concepción Arenal.

➡️ **Montiño de Abaixo:** acceso restrinxido a residentes.

🏗️ As obras permitirán renovar as redes de abastecemento e saneamento e mellorar o pavimento, creando unha plataforma única na Praza de Arriba.

🙏 Pedimos comprensión e paciencia á veciñanza polas molestias ocasionadas durante os próximos meses. Os traballos realizaranse por fases e informarase dos seguintes cambios na circulación.

🗺️ Consulta os planos adxuntos cos cortes e desvíos previstos.