Getariako Udala

04/10/2026

➡️ Egonaldi Turistikoen gaineko Zergaren Ordenantza Fiskala onartu da ⬅️

Zerga 2027ko urtarrilaren 1etik aurrera aplikatuko da, eta Udalak informazio-gutuna bidaliko die herriko ostatu-establezimenduei.

Informazio gehiago udaleko web orrian d**o eskuragarri.

Zerga 2027ko urtarrilaren 1etik aurrera aplikatuko da, eta Udalak informazio-gutuna bidaliko die herriko ostatu-establezimenduei. Getariako Udalbatzak irailaren 29an Egonaldi Turistikoen gaineko Zergaren Ordenantza Fiskala onartu du, EH Bilduaren aldeko 6 bozka eta EAJren 5 abstentziorekin. Zerga be...

02/10/2026

🏠 Potzuaga-Gainaren garapena bizkortzeko Lehentasunezko Jarduketari ekin zaio 🏠

Getariako Udalbatzarrak Potzuaga-Gainaren Lehentasunezko Jarduketaren Oinarrizko Proiektua onartu du, eta, horrenbestez, beste urrats bat eman du herrigunearen ondoan d**oen eta urteetan garatu gabe egon den eremuaren garapena aktibatzeko.

Lege berriak eskaintzen duen tresna honen bidez, administrazioak berak har dezake prozesuaren ekimena, eta ohiko hirigintza-prozedurarekin alderatuta izapidetze arinagoa ahalbidetzen du. Horrela, Udalak Potzuaga-Gainaren garapena aktibatzeko eta aurrera eramateko tresna egokia izango du.

Udalak, era berean, lur-jabeekin elkarlanean jarraituko du prozesuaren hurrengo urratsak lantzeko eta eremuaren garapena gauzatzeko.

https://getaria.eus/getariako-udalak-potzuaga-gainaren-garapena-bizkortzeko-lehentasunezko-jarduketari-ekin-dio/

29/09/2026

🏠20 alokairuko zuzkidura-etxebizitza Balentziagan🏠

Getariako Udalak Balentziaga kaleko 20 alokairuko zuzkidura-etxebizitza garatzeko oinarrizko proiektua idazteko zerbitzua lizitatu du. Proiektuaren helburua gaur egun d**oen Euskaltxeta eraikina eraitsi eta haren ordez 20 alokairuko zuzkidura-etxebizitza inguru eta udalaren jabetzako aparkalekuak izango dituen eraikin berria garatzea da.

Getariako Udalaren eta Eusko Jaurlaritzaren artean adostutakoaren arabera, eta etxebizitzen proiektua azkartu eta errazteko helburuarekin, Udalak oinarrizko proiektua idatziko du, eta Eusko Jaurlaritzak, 2027tik aurrera, d**ozkion izapideak egin eta eraikina gauzatzeko prozesuarekin aurrera egingo du.

Lizitazioaren oinarrizko aurrekontua 40.000 eurokoa da, BEZa barne.

Xehetasunak udaleko web orrian https://getaria.eus/balentziagako-20-alokairuko-zuzkidura-etxebizitza-inguru-garatzeko-oinarrizko-proiektua-idazteko-zerbitzua-lizitatu-du-udalak/

27/09/2026

🛝Iturzaeta Herri Eskolako ataria jolas berriak jarri dira

Udan zehar hainbat hobekuntza-lan egin dira eskolan, eta orain eskolako txikiek jolasteko eta gozatzeko aukera berriak dituzte. Lan hauek egiteko 11.998 euroko inbertsioa egin da, BEZa barne.

⛵️ Robiniazko egurrez egindako itsasontzia, malgukien gainean
🪵 Oreka eta koordinazioa lantzeko egurrezko hainbat jolas-elementu

https://getaria.eus/iturzaeta-herri-eskolako-haur-hezkuntzako-atarian-jolas-berriak-jarri-dira/

12/09/2026

🚣‍♂️ BIHAR KONTXAKO BANDERA! 🤎

Bihar Donostiara joateko eguna da!

🚌 Gogoratu autobus zerbitzu berezia d**oela Getariatik Donostiara, autoa etxean utzi eta egunaz lasai gozatzeko.

04/09/2026

🚧 Iturzaeta Herri Eskolako berritze-lanak 🚧

Getariako Udalak Iturzaeta Herri Eskolako eraikinean egindako berritze eta konponketa lanak amaitu ditu. Jarduketaren helburua eraikinaren hainbat elementu konpontzea eta berritzea izan da, haren egoera hobetzeko eta ikastetxeko instalazioak datozen urteetarako baldintza egokietan mantentzeko.

Guztira, 142.000 euro inguruko inbertsioa egin da.

https://getaria.eus/iturzaeta-herri-eskolako-berritze-lanak-amaitu-dira/

02/09/2026

Iraila eta urriko agenda argitaratu da, hemen deskargatu daiteke:https://getaria.eus/wp-content/uploads/2026/09/Agenda-2026-Iraila-Urria.pdf

13/08/2026

🚣 Estropadak igandean 🚣

Herrian jokatuko dira Eusko Label Ligako eta Euskotren Ligako estropadak.

Txapelketa nagusi honen aurkezpen ofiziala gaur arratsaldean egin da, Ameztoi Txakolindegian.

Getariako ‘Esperantza’ traineruari herritar guztien berotasuna eta babesa emateko Marea Marroiaren deialdia egin da.

🕚 11:00
📍 Plazan

https://getaria.eus/goi-mailako-estropadak-jokatuko-dira-igandean-getarian/

12/08/2026

🎨 Getariak horma-irudi berria du 🎨

🧑🏼‍🎨 Artista • Nextor Otaño / Nexgraff
💵 Proiektuaren kostua • 16.494,50 €

Artelanaren abiapuntua Getariako iruditeria bisuala da: itsasoa, portua, atunontziak, hegaluzea, arrantza-tradizioa, Balenciagaren presentzia eta Katu Kalea. Elementu horiek ez dira modu dokumental edo literalean erakusten; artistak irudiak zatitu, errepikatu eta gainjarri egiten ditu, konposizio ireki eta garaikideagoa sortuz.

Eskerrik beroenak Larrakotarrei, euren etxeko horma artelan hau egiteko eskaintzeagatik.

https://getaria.eus/getariak-horma-irudi-berria-du-herriaren-nortasuna-kolorez-berrinterpretatzen-duena/

11/08/2026

🎉SALBATOREAK 2026 • Balorazioa 🎉

Festak abuztuaren 1ean hasi ziren, herriko gazte eta familiei zuzendutako Ginkana arrakastatsuaren V. edizioarekin. Abuztuak 2an berriz, Salbatore Pilota Txapelketaren finalek harrera ederra izan zuten.

Abuztuak 5 eta 9 bitartean ekitaldiz betetako programaz gozatzeko aukera izan dute Getariarrek. Ekitaldi jendetsuenen artean Elkanoren Lehorreratzea nabarmenduko genuke, milaka pertsonek hartu zuten herria eta ehundik gora herritarrek parte hartzen duten antzezpen hunkigarriaz gozatzeko aukera izan zuten. Nabarmentzekoa ere, Lehorreratzean aurtengo berrikuntzek jasotako harrera positiboa. Urteroko legez, Marmitako Txapelketak ere ehunka herritar bildu zituen mahaiaren inguruan, giro eta umore ezin hobeaz gozatuz.

Aurten, Getariako Arraun Elkartearen 50. urteurrenaren harira, lehen aldiz Batel Txapelketa herrikoia jokatu da eta 100 herritarrek baino gehiagok parte hartu dute bertan. Ikusmin handia sortu du eta harrera ezin hobea izan du ekimenak.

Gastronomia oinarri duten hamaika ekintza ere ospatu dira: tortilla edo paella txapelketa, Hegaluzea eta Txekorra parrilan, Marmitako Txapelketa, Herri Bazkaria… eta giro aparta sortu dute herritar nahiz bisitarien artean.

Musika emanaldien artean azpimarratzekoak Korrontziren “Mundua Dantzan” emanaldia eta bertan parte hartu zuten Gure Txeruko haur, gazte eta dantzari helduen lan ederra. Herriko Banda, txistulari, bertaratutako txaranga eta kontzertuek ere aparteko giroa sortu dute herriko kale nahiz frontoian.

Udalaren aldetik, nabarmendu nahi genuke egun hauetan zehar bizi ahal izan dugun errespetuzko giro ederra. Jaiak lasaitasunez eta errespetuz aurrera eraman dira, askatasuna eta berdintasuna oinarri hartuta.

Azkenik, Udaletik aitortu eta eskertu nahi dugu udal langileen zein herritar boluntarioen ezinbesteko lana. Euren ahalegin, profesionaltasun eta konpromisorik gabe, ezinezkoa litzateke honelako festa programa partehartzailea aurrera eramatea. Jarraitu dezagun, guztion artean, berdintasunean, errespetuan, askatasunean eta herritarren parte-hartzean oinarritutako jai eredu euskaldun hau indartzen.

Gora Getaria!


*Argazkiak: Artzape eta Udala