Concello de Xove

21/10/2026

20/10/2026

💙🏡 XOVE CUMPRE UN SOÑO. UN FOGAR CHEO DE VIDA, ILUSIÓN E ESPERANZA.

Hoxe é un deses días que quedan gravados na memoria e, sobre todo, no corazón. ❤️
Xove celebrou a inauguración do fogar residencial de Aspanane, un proxecto pioneiro que representa moito máis ca un edificio: é un fogar, unha oportunidade de futuro e un paso enorme cara a unha vida máis autónoma, digna e feliz para as persoas con discapacidade intelectual.

✨ Detrás destas portas hai anos de ilusión, esforzo e loita de moitas familias que soñaron con ter preto un fogar no que os seus fillos e fillas puidesen vivir co apoio, os coidados e o cariño que merecen. Hoxe, ese soño faise realidade en Xove.

🤗 Un día para agradecer o traballo e a perseveranza de todas as persoas que fixeron posible este proxecto e para recoñecer o labor de Aspanane, acompañando as persoas e as súas familias ao longo de tantos anos.

💙 O noso máis sincero agradecemento á Fundación Amancio Ortega, pola súa xenerosidade e o seu compromiso, que contribuíron a facer posible este proxecto tan importante. Grazas por axudar a construír non só un fogar, senón tamén tranquilidade, confianza e esperanza para tantas familias.

👏 E un recoñecemento moi especial á Asociación Aspanane, polo seu enorme traballo, pola súa entrega e por tantos anos de dedicación ás persoas con discapacidade intelectual e ás súas familias. Grazas por non deixar de loitar, por acompañar, por escoitar e por demostrar que, cando hai compromiso e corazón, os soños poden converterse en realidade.

💙Na inauguración o alcalde Demetrio Salgueiro, a tenente de alcalde Dolores Meitín e a Concelleira de Servicios Sociais Tamara Soto, estiveron acompañando a Alfonso Villares, delegado territorial da Xunta; Fabiola Martínez, conselleira; Flora P. Marcote, presidenta da Fundación Amancio Ortega; María Dolores Fernández Pérez, presidenta de Aspanane, e Elena Santos, directora xerente de Aspanane.

💫 Hoxe Xove é un lugar un pouco máis xusto, máis humano e máis acolledor. Porque todas as persoas merecen un fogar onde sentirse seguras, queridas e acompañadas, e todas as familias merecen a tranquilidade de saber que os seus seres queridos teñen un futuro con oportunidades.

Hoxe non inauguramos só un fogar. Abrimos as portas á esperanza e facemos realidade o soño de moitas familias. 💙

20/10/2026

🎶🪗 XOVE VÍVE A MÚSICA E O BAILE TRADICIONAL COA XVII FOLIADA DA MARIÑA! 💃🕺

📅 Este sábado, 24 de outubro, a praza do Concello de Xove converterase no punto de encontro da música, do baile e da tradición galega coa celebración da XVII Foliada da Mariña, organizada pola Asociación Cultural Saiñas. 🎻🎵

🕔 A partir das 17:00 h, g***remos das actuacións dos grupos de bailadores, gaiteiros e pandereteiras da A.C. Saiñas, xunto con O Arco da Vella, Gamelas e Anduriñas e Pensamento e Sementeira.

🌙 E a festa continuará pola noite!
🎤 21:00 h: actuación de Alana e Os do fondo da barra.
🥁 00:00 h: foliada libre para seguir cantando, bailando e desfrutando da nosa música!

💚 Desde o Concello de Xove queremos agradecer á A.C. Saiñas o seu gran labor na promoción da cultura tradicional galega e o seu compromiso por manter vivas as nosas raíces.

🙌 Agardámosvos a todos e todas para compartir unha xornada chea de música, alegría, convivencia e orgullo pola nosa cultura!

📍 Este sábado, Xove soa a tradición!

20/10/2026

🚵‍♀️🔴 A IX MARCHA XOVIÉTICA, UNHA XORNADA DE DEPORTE, FESTA E BO AMBIENTE! 🔴🚵‍♂️

📸 Aquí vos deixamos algunhas imaxes da IX Marcha BTT Soviética, unha cita para g***r da bicicleta, compartir quilómetros e vivir unha xornada chea de compañeirismo e diversión.

💪 Unha mañá de esforzo, natureza e deporte, seguida dunha auténtica festa soviética, con boa comida, música e moitas ganas de pasalo ben. 🍲🍻🎶

❤️ Grazas á organización, ás persoas participantes e a todas as que fixeron posible esta edición, mantendo vivo o espírito dunha marcha que é moito máis ca deporte: é amizade, convivencia e diversión!

🚴‍♂️ Longa vida á Marcha Soviética! Ata a próxima edición! 🚴‍♀️

20/10/2026

💙Xove fai realidade un soño de moitas familias coa inauguración dun fogar pioneiro en España para persoas con discapacidade intelectual.

La Fundación Amancio Ortega ha destinado 14 millones al proyecto de la asociación de familiares Aspanane

17/10/2026

⚓ CUMPRINDO CO PROMETIDO: O PORTO DE MORÁS AVANZA CARA AO SEU FUTURO! 🌊💙

📍 Este sábado, 17 de outubro, visitamos o porto de Morás, onde se anunciou unha gran noticia moi agardada: a construción do novo dique de abrigo comezará en 2027! ✅

👏 Un compromiso que se fai realidade e que contará cun investimento de 4.500.000 € nesta primeira fase, incluído nos orzamentos da Xunta de Galicia para 2027.

🤝 A conselleira do Mar, Marta Villaverde, acompañada pola presidenta de Portos de Galicia, Natalia Botana, visitou o porto xunto ao alcalde de Xove, Demetrio Salgueiro, para avanzar nos prazos previstos para a licitación desta importante actuación.

🚧 O proxecto contempla a construción dun contradique de abrigo de 224 metros de lonxitude, que permitirá mellorar a protección da dársena e reforzar a seguridade da flota pesqueira e das embarcacións de recreo fronte ás condicións do mar.

⚓ Ademais, esta infraestrutura permitirá ampliar a lámina de auga abrigada e abrirá a porta a futuras ampliacións das instalacións portuarias.

💪 Un paso decisivo para o porto de Morás, para os seus profesionais e para o futuro de Xove!

Seguimos traballando, cumprindo compromisos e impulsando investimentos que contribúen ao desenvolvemento do noso municipio. 💙

15/10/2026

🕯️💜 15 DE OUTUBRO | DÍA INTERNACIONAL DA CONCIENCIA SOBRE A PERDA XESTACIONAL, PERINATAL E NEONATAL

O Concello de Xove súmase hoxe á conmemoración deste día para dar visibilidade á realidade das familias que atravesan a dor de perder un fillo ou unha filla durante o embarazo, no parto ou pouco despois de nacer. 💜

Unha xornada para lembrar, acompañar e abrazar desde o respecto e a empatía a todas as familias que viviron esta experiencia, recoñecendo a súa dor e o dereito a vivila sen silencio nin esquecemento.

Porque cada vida importa, cada historia merece ser lembrada e cada familia necesita comprensión, apoio e acompañamento. 🦋

Hoxe, máis ca nunca, dámoslle voz ao silencio e luz á memoria de todos os bebés que deixaron unha pegada imborrable nos corazóns das súas familias. 💜

🕯️ Por eles, por elas e por todas as familias.

15/10/2026

♻️ CADA RESIDUO, AO SEU COLECTOR! 🌍

O Concello de Xove organiza unha charla aberta sobre a separación e a reciclaxe dos residuos, para aprender a reciclar correctamente e resolver as dúbidas máis frecuentes.

📅 Mércores, 21 de outubro
🕕 De 18:00 a 19:00 horas
📍 Salón de Actos de Xove

🎟️ Entrada libre ata completar a capacidade.

Durante a sesión, falaremos de que residuos van en cada colector, como utilizar correctamente o contedor marrón para os residuos orgánicos e que sucede cos residuos unha vez recollidos.

💡 Ademais, coñeceremos como separar correctamente os biorresiduos para que poidan transformarse en compost, contribuíndo así a unha xestión máis sostible dos nosos residuos.

🌱 Esta actividade forma parte da campaña de información e sensibilización que o Concello está a desenvolver durante o mes de outubro para fomentar a recollida separada dos residuos orgánicos.

🤝 Reciclar ben é cousa de todos e todas! Pequenos xestos na casa poden marcar unha gran diferenza para o noso medio ambiente.

📢 Anímate a participar e aprende a darlle a cada residuo o seu lugar!

13/10/2026

🇪🇸🙏 XOVE ACOMPAÑA Á GARDA CIVIL NO DÍA DA SÚA PATRONA

📸 Onte, 12 de outubro, o Concello de Xove acompañou aos membros da Garda Civil na celebración da misa con motivo do día da súa patroa, a Virxe do Pilar.

🤝 Unha xornada de recoñecemento e agradecemento polo labor que realizan cada día ao servizo da cidadanía, velando pola nosa seguridade e benestar.

💚 Desde o Concello de Xove queremos trasladarlles os nosos parabéns e o noso agradecemento polo seu compromiso, dedicación e vocación de servizo.

🇪🇸 Feliz Día do Pilar e da Garda Civil!