¿Cuál es el sitio web?

Socialistas da Guarda

Cómo llegar Página web Contactar con la organización

Páxina oficial dos simpatizantes e militantes do guardés.

22/10/2026

🥾 O COLECTIVO “AMIGOS DO CAMIÑO” CELEBRA O 10º ANIVERSARIO DA OFICIALIZACIÓN DO CAMIÑO PORTUGUÉS DA COSTA!

🚶‍➡️Este domingo arranca a programación conmemorativa cunha andaina guiada dende o Colexio dos Xesuítas ata a Área Grande, un percorrido para g***r da nosa contorna e descubrir o valor dun Camiño que forma parte da historia e da identidade da Guarda.

📅 DOMINGO, 25 DE OUTUBRO
🕙 Saída ás 10:00 h
📍 Saída: Colexio dos Xesuítas | Chegada: Área Grande
👣 Percorrido guiado por Antón Ferreira.

➡️ A programación continuará cunha exposición fotográfica, unha conferencia e un faladoiro para afondar na historia, na evolución e no impacto do Camiño Portugués da Costa.

💙 Unha oportunidade para poñer en valor o noso patrimonio, a nosa paisaxe e todo o que o Camiño achega á Guarda. Anímate a participar!

21/10/2026

‼️ Que non vos conten milongas.

🌹 O voto útil, é SOCIALISTA!

19/10/2026

🔴 Dende o Grupo Municipal Socialista acabamos de rexistrar unha moción para impulsar a creación de vivenda pública na nosa vila.

🏠 Se a Xunta asume as súas competencias, isto poderia ser unha realidade. O concello conta cunha parcela que pode destinarse a ese fin.

💪🏻 Porque A Guarda tamén necesita respostas ante as dificultades que teñen moitas persoas e familias para acceder a unha vivenda digna e a un prezo asumible.

👂Escoita a Fátima para coñecer todos os detalles desta proposta!

16/10/2026

🏢 Unha gran nova para o tecido asociativo da Guarda!

👏 Onte asistimos á inauguración e entrega de chaves do edificio do antigo SINDE ás asociacións da nosa vila, que por fin poderán desfrutar dunhas instalacións dignas, modernas e á altura da importante labor que desenvolven.

❤️ Para nós é unha satisfacción especial ver feito realidade un proxecto que puxemos en marcha durante a anterior lexislatura, e no que a nosa portavoz Fátima Rodríguez participou activamente dende os seus inicios.

🤝 Sempre defendemos que apoiar o asociacionismo é investir na vida social, cultural e comunitaria da Guarda. As nosas asociacións son un motor fundamental da vila e merecen contar con espazos axeitados para desenvolver a súa actividade.

🌹 Desexámoslles ás asociacións que desfruten moito desta nova etapa. Este espazo é, sobre todo, para elas e para toda A Guarda!

14/10/2026

🤦🏽‍♀️ O estado no que se atopan as Salinas do Seixal é un exemplo máis da importancia de coidar e manter o noso patrimonio.

‼️ É a segunda vez en apenas dous anos que dende Socialistas da Guarda denunciamos o estado de abandono deste espazo. E, lamentablemente, seguimos tendo que reclamar o mesmo: atención, mantemento e conservación.

👉 A Guarda non precisa obras faraónicas nin proxectos imposibles. Precisa mantemento diario, atención e compromiso co noso patrimonio. Porque temos unha riqueza natural, histórica e cultural que merece ser preservada e posta en valor.

🌊 As Salinas do Seixal forman parte do noso patrimonio e da identidade da nosa vila. Pero ao equipo de goberno parece non importarlle.

💪🏻 Dende Socialistas da Guarda reclamamos, unha vez máis, que se preste a atención que merece este espazo. A Guarda merece que coidemos o seu presente e protexamos o seu futuro.

08/10/2026

🗳️ Se estás no estranxeiro, tamén podes votar!!

➡️ De cara ás Eleccións Xerais do vindeiro 29 de novembro, dende Socialistas da Guarda queremos facilitar toda a información necesaria para que as persoas que se atopen fóra de España poidan exercer o seu dereito ao voto.

📍 Se estás temporalmente no estranxeiro, por exemplo, por motivos de traballo, estudos ou viaxe, debes darte de alta como non residente no Rexistro de Matrícula Consular se non o fixeches anteriormente e solicitar a documentación electoral na oficina consular correspondente. Recibirás a documentación no teu domicilio no estranxeiro e poderás enviar o teu voto por correo á mesa electoral correspondente en España.

📍 Se resides habitualmente no estranxeiro, é importante comprobar que estás correctamente inscrito/a no Censo Electoral de Residentes Ausentes (CERA). Unha vez comprobada a túa inscrición, recibirás no teu domicilio a documentación e as papeletas electorais. Poderás exercer o voto por correo á oficina consular ou presencialmente na urna habilitada no consulado, dentro dos prazos establecidos.

👉 Na imaxe que acompañamos explicamos, paso a paso, o procedemento segundo cada situación.

📢 Revisa canto antes a túa situación no censo e os prazos para solicitar e exercer o voto. Que estar lonxe de A Guarda non sexa un impedimento para participar nas eleccións.

🙂 Toda a información é importante. Comparte esta publicación con familiares, amigas, amigos ou veciñanza que se atopen no estranxeiro.

05/10/2026

🔴 Fátima Rodriguez, proclamada candidata do PSdeG á alcaldía da Guarda.

🥰 O pasado venres vivimos un momento moi especial. A nosa compañeira Fátima Rodríguez foi proclamada por unanimidade candidata do PSdeG-PSOE ás eleccións municipais de 2027.

💪🏻 Unha decisión que nos enche de orgullo, ilusión e ganas para afrontar todo o que temos por diante.

🌹 Con Fátima á fronte, abrimos unha nova etapa. Un tempo para sumar, para escoitar, para construír e, sobre todo, para traballar con toda a nosa forza polo cambio que A Guarda precisa e merece.

🙂 Comezamos este camiño con ilusión, con esperanza e coa certeza de que é posible unha Guarda mellor da man de Fátima.

04/10/2026

❌ Como é posible que, hoxe en día, alguén sexa agredido polas súas ideas?

🗣️ Dende Socialistas da Guarda condenamos rotundamente a agresión sufrida onte ao noso compañeiro e alcalde de Vilagarcía, Alberto Varela.

‼️ Non podemos normalizar ningún tipo de violencia, e moito menos cando se exerce contra unha persoa pola súa maneira de pensar, polas súas ideas ou por exercer democraticamente unha responsabilidade pública.

🥺 Ante todo debe primar o respecto. O respecto ás persoas, ás ideas diferentes e á pluralidade que define a nosa sociedade. A discrepancia forma parte da democracia. A violencia, nunca.

♥️ Todo o noso apoio e solidariedade a Alberto e a todas as persoas que defenden a convivencia e o diálogo como camiños para construír unha sociedade mellor.

01/10/2026

‼️ As casualidades existen, pero nós, polo de agora, cremos pouco nelas.

📄 Dende o GMS rexistramos unha moción o 15 de setembro para pedir algo tan necesario como que as asociacións da Guarda poidan usar o Sinde.

🤦🏽‍♀️ E o 25 de setembro, o alcalde convoca ás asociacións a unha reunión para falar diso. Non sabemos se é casualidade. O que si sabemos é que, cando o PSOE propón, o goberno municipal reacciona.

💪🏻 En todo caso, o máis importante é que, grazas á iniciativa, se mova o tema e as asociacións poidan dispoñer dun espazo cuxa reforma rematou xa fai case un ano.

▶️ Non te perdas a intervención de Fátima no pleno, dalle ó play!

29/09/2026

🚌 A Guarda precisa un transporte público de calidade.

🔴 Dende Socialistas da Guarda presentamos 14 alegacións ao novo proxecto de transporte público da Xunta de Galicia para reclamar algo tan básico como necesario, que A Guarda conte cunhas conexións xustas, dignas e pensadas para as persoas.

🗣️ Pedimos:

➡️ Horarios útiles que permitan chegar a tempo ás clases, ao traballo ou ás citas médicas.

➡️ Máis conexións con Camposancos, garantindo a mobilidade de toda a veciñanza.

➡️ Máis autobuses rápidos entre A Guarda e Vigo, reducindo os tempos de viaxe.

➡️ Mellores conexións co hospital, porque acudir a unha cita médica non pode converterse nunha viaxe interminable.

➡️ Información en tempo real, para saber onde está o autobús, se existen incidencias e canto falta para a súa chegada.

➡️ E, sobre todo, que ninguén quede en terra por falta de prazas ou por un servizo insuficiente.

💪🏻 A Guarda non pode quedar á marxe do novo modelo de transporte público de Galicia. A nosa vila ten que estar no mapa e as necesidades da nosa veciñanza teñen que ser escoitadas.

Dirección

La Guardia
36780

Página web

http://twitter.com/PSOEAGuarda

Notificaciones

Sea el primero en enterarse: le enviaremos un correo electrónico cuando Socialistas da Guarda publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.