Concello da Lama

15/10/2026

O ALCALDE DA LAMA, DAVID CARRERA, ASINA CO PRESIDENTE DA DEPUTACIÓN A CONCESIÓN DUNHA SUBVENCIÓN DE 600.000 EUROS PARA HUMANIZACIÓN DA AVENIDA DO CONCELLO E A RÚA MANUEL TOSAR

O presidente da Deputación de Pontevedra, Luis López, asina co alcalde da Lama, David Carrera, o convenio para a mellora da accesibilidade e a seguridade peonil na Avenida do concello e na rúa Manuel Tosar.

No Pazo provincial, López e Carrera selaron un acordo a través do cal o organismo provincial achega 605.600 euros para financiar o 100 % dunha obra a través da combinación dos recursos do Plan Extra (500.000€) e do +Provincia (105.600€). Unha inxección de fondos provinciais para “un proxecto estratéxico financiado ao 100% pola Deputación que vai transformar un espazo público nunha contorna con alto valor patrimonial e natural”, afirmou o presidente despois de asinar o acordo.

O proxecto consiste na intervención nunha área de case 4.000 metros cadrados que abrangue a Avenida do Concello e a rúa Manuel Tosar Ferro, así como o aparcadoiro e a unha zona axardinada a carón da casa consistorial.

O entorno no que se vai intervir está especialmente caracterizado pola presenza de importantes equipamentos e espazos públicos do municipio, como a Alameda, Casa do Concello, centro de saúde, colexios ou farmacia; polo a intervención pretende potenciar a fluidez e seguridade nas conexións peonís reducindo a presenza do tráfico rodado ao mínimo.

As actuacións concretas formulan a recuperación do espazo público para os peóns, a través dunha plataforma compartida de prioridade peonil e redución da velocidade do tráfico. A proposta inclúe a creación dun espazo público peonil de acceso á praza da Alameda dende a rúa Manuel Tosar, en lugar da actual explanada asfaltada ocupada por vehículos e colectores de lixo e establecendo un sentido único de circulación para esta rúa.

Tamén está previsto intervir no espazo de acceso á praza da Alameda e nunha parte do parque infantil para mellorar a súa funcionalidade dotándoo dun espazo de sombra e asentos. Unha nova e pequena praciña con pavimentos de calidade servirá de acceso ao supermercado, a praza principal e ao parque infantil, ao que tamén se poderá acceder a través dunha escaleira e zona axardinada desde un lateral da Casa do Concello.

“Para concellos pequenos e humildes como o Concello da Lama son moi importantes este tipo de axudas, porque os recursos son limitados”, agradeceu o rexedor.

A sinatura deste acordo supón un novo paso adiante na colaboración da Deputación co Concello da Lama, onde tamén están en marcha proxectos dirixidos á mellora doutros espazos públicos de titularidade municipal e infraestruturas viarias a través doutros programas de colaboración.

12/10/2026

Feliz día de la Hispanidad y del Pilar!!!
Y agradecer, en el día de su patrona, a la Guardia Civil, su gran dedicación y labor diaria velando por los ciudadanos además de la seguridad en general.

07/10/2026

🇲🇽 Información de interés para los habitantes del Concello da Lama.

La Embajada de México en España traerá el Consulado Móvil a Ourense los días 17 y 18 de octubre de 2026.
Durante estas jornadas podrán realizarse los siguientes trámites:

📌 Pasaporte mexicano
📌 Credencial para votar

📩 Solicita tu cita previamente:
[email protected]

⏳ Recepción de solicitudes hasta el 14 de octubre.

📍 Lugar: Centro Cultural Marcos Valcárcel, perteneciente a la Diputación Provincial de Ourense.
C/ Progreso, 30 – Ourense

⚠️ Servicio sujeto a disponibilidad.

Desde el Concello da Lama compartimos esta información de interes para nuestr@s vecin@s y, especialmente, para las personas de la comunidad Mexicana residentes en nuestro municipio y en la contorna.

El trabajo de los Concellos próximos, donde la comunidad Mexicana tiene una importante presencia, con el nuevo consul honorario de México en Galicia , está dando sus frutos y próximamente habrá más novedades.

30/09/2026

A XUNTA E O CONCELLO DA LAMA ASINAN O CONVENIO DE COLABORACIÓN PARA O COMEZO DA REFORMA DO CENTRO DE SAÚDE DO MUNICIPIO CUN INVESTIMENTO CONXUNTO DE 225.000 EUROS

O conselleiro de Sanidade, Antonio Gómez Caamaño, e o alcalde do Concello da Lama, David Carrera, asinaron esta mañá o convenio de colaboración para a reforma do centro de saúde da localidade, que suporá un investimento conxunto de 225.000 euros.

As actuacións que se levarán a cabo no marco deste acordo permitirán eliminar as humidades e mellorar a eficiencia enerxética, ademais de modernizar o centro, adaptándoo ás necesidades actuais en materia sanitaria e de accesibilidade.

Tamén se prevé a renovación do tellado, a substitución de fiestras e portas exteriores por solucións máis eficientes, a mellora das portas interiores, a reparación de falsos teitos e a colocación dun novo pavimento continuo de linóleo.

As obras veranse completadas coa renovación da instalación eléctrica e coa mellora da climatización, con radiadores máis eficientes e controlables.

Tamén se reorganizará a zona de urxencias (ampliación e mellor acceso), crearase unha nova consulta de enfermería e habilitarase un aseo adaptado para persoas con mobilidade reducida.

O Servizo Galego de Saúde achegará 150.000 euros para o financiamento desta reforma integral do centro de saúde da Lama, que se enmarca na aposta da Xunta pola modernización das infraestruturas sanitarias.

Aposta pola atención primaria
Tal e como se recolle no convenio asinado, o Concello da Lama será o encargado de licitar, contratar, dirixir e executar as obras de reforma do centro de saúde, de titularidade municipal.
Pola súa parte, corresponderá ao departamento sanitario galego, ademais do cofinanciamento da obra, a coordinación, xunto co Concello, daquelas actuacións que resulten necesarias para garantir o mantemento e a continuidade asistencial durante o prazo de execución dos traballos.

Coa sinatura deste convenio, a Xunta reafirma a súa firme aposta pola atención primaria como queda reflectido no feito de que, nos últimos 16 anos, o Goberno galego dedicou máis de 162 millóns de euros a construír ou reformar 138 centros de saúde en todo o territorio.

29/09/2026

O ALCALDE DA LAMA E O DELEGADO DA XUNTA DESTACAN O LABOR DAS CASAS NIÑO PARA FACILITAR A CONCILIACIÓN FAMILIAR E LABORAL NO RURAL

O alcalde da Lama, David Carrera, e a concelleira de igualdade e Servizos Sociais, Trinidad Fernández, acompañaron ao delegado territorial da Xunta en Pontevedra, Pablo Fernández, e ao director xeral de Familia, Infancia e Dinamización Demográfica, Jacobo Rey, nunha visita á Casa Niño da Lama, onde puideron coñecer de primeira man o funcionamento deste recurso e o servizo que presta ás familias do municipio.

Durante a visita, puxeron en valor o papel das Casas Niño como recurso de atención á infancia, especialmente nos municipios de menor poboación, ao facilitar a conciliación da vida familiar e laboral e permitir que as familias dispoñan dun servizo próximo ao seu lugar de residencia.

As casas niño ofrecen atención e coidado a nenos e nenas de ata tres anos en pequenos grupos, nun contorno próximo e adaptado ás necesidades dos máis pequenos. Trátase dun modelo que contribúe a garantir oportunidades para as familias do rural e que, ao mesmo tempo, favorece a fixación de poboación e a dinamización social dos concellos.

23/09/2026

O VENRES 25 DE SETEMBRO VOLVE A HABER FEIRA NA ALAMEDA DA LAMA (CUARTO VENRES DE MES)

Lembra que MAÑÁ VENRES 25 DE SETEMBRO terás a oportunidade de facer as túas compras durante a celebración da Feira mensual na Lama.

Ademais dos establecementos comerciais do municipio terás a oportunidade de achegarte ata a Alameda para coñecer as ofertas e artigos que os comerciantes ambulantes teñen preparados para ti.

MERCAR NA LAMA É ACERTAR.

MERCA NO COMERCIO LOCAL.

ACHÉGATE O VENRES 25 DE SETEMBRO Á ALAMEDA DA LAMA E MERCA NA FEIRA.

22/09/2026

🔑 O HOTEL VILLA BOUTIQUE 1880 DA LAMA CONQUISTA UNHA PRESTIXIOSA CHAVE MICHELIN

A Lama entra con nome propio na prestixiosa selección internacional da Guía Michelin grazas ao Hotel Villa Boutique 1880, situado na parroquia de Gaxate, que acaba de recibir unha Chave Michelin.

Este distintivo recoñece aqueles establecementos que ofrecen unha estadía especial pola súa personalidade, calidade, singularidade e capacidade para proporcionarlles aos hóspedes unha experiencia memorable. Villa Boutique 1880 figura, ademais, entre os dezaseis hoteis españois que se incorporan este ano á categoría dunha Chave Michelin.

O establecemento ocupa unha histórica casa de pedra construída en 1880, rehabilitada respectando a súa esencia e a memoria das tres xeracións dunha mesma familia que a habitaron. Conta con só oito habitacións, todas elas diferentes e inspiradas na arquitectura e nas historias familiares vinculadas ao inmoble.

Situado nunha contorna privilexiada, entre o río Oitavén e os bosques de Gaxate, o hotel ofrece piscina climatizada exterior, tratamentos de benestar, actividades de ioga, xardíns e unha proposta gastronómica baseada nos sabores e produtos galegos.
A concesión desta Chave Michelin supón un importante recoñecemento ao traballo desenvolvido polos seus responsables e contribúe a situar A Lama no mapa do turismo de calidade. Tamén pon en valor o potencial do rural, do patrimonio arquitectónico e da natureza como motores de actividade económica e de promoción do territorio.

FELICITACIÓNS DO ALCALDE DAVID CARRERA

Segundo manifestou o alcalde da Lama, David Carrera, a concesión desta Chave Michelín "é unha excelente noticia para Villa Boutique 1880, para Gaxate e para todo o municipio da Lama. Parabéns a Henrique e Patricia por este recoñecemento a un traballo ben feito", indicou David Carrera.

22/09/2026

A LAMA RECIBIU OS PARTICIPANTES NO XVIII RALLIE CIDADE DE VIGO DE VEHÍCULOS CLÁSICOS E HISTÓRICOS

A Lama converteuse nunha das paradas especiais do XVIII Rallie Cidade de Vigo, organizado pola Escudería Vigo Clásicos e dedicado á memoria de Manuel Sanjurjo.

Arredor de 60 vehículos clásicos e históricos, todos eles con máis de 30 anos de antigüidade, permaneceron expostos durante varias horas no centro da vila, onde espertaron o interese da veciñanza e das persoas afeccionadas ao mundo do motor.

O alcalde da Lama, David Carrera, foi o encargado de recibir os participantes á súa chegada ao municipio e, posteriormente, de dar a saída á seguinte etapa do percorrido. Durante a súa estadía na localidade, os integrantes da proba compartiron tamén un xantar nun establecemento do centro urbano.

A iniciativa, que contou coa colaboración do Concello da Lama, permitiu contemplar de preto auténticas xoias da historia do automobilismo e contribuíu a dinamizar a vila durante unha xornada marcada pola afección ao motor e pola convivencia entre participantes e público.

21/09/2026

O REMATE DAS OBRAS DE HUMANIZACIÓN DO ENTORNO DA IGREXA DE SAN SALVADOR DA LAMA PROVOCA O PECHE AO TRÁFICO DUN TRAMO DA AVENIDA DO CONCELLO

O Concello da Lama informa de que durante uns días permanecerá pechado ao tráfico un tramo da Avenida do Concello por mor do remate das obras de humanización do entorno da Igrexa de San Salvador da Lama.

Só poderán utilizar esta vía, con coidado, os provedores e residentes na rúa que precisen achegar os seus vehículos por algún razón xustificada.

Desde o Concello da Lama préganse disculpas polos inconvintes e molestias que se poideran ocasionar.

18/09/2026

LEMBRA QUE ESTÁ ABERTO O PRAZO PARA INSCRIBIRTE NO I TORNEO ITINERANTE DE XADREZ DE GAXATE DO SÁBADO 26 DE SETEMBRO

PODES INSCRIBIRTE TAMÉN CHAMANDO OU ESCRIBINDO POR WHATSAPP NO TELÉFONO 676 90 40 07.

♟️ O CONCELLO DA LAMA COLABORA COA ASOCIACIÓN DE VECIÑOS NA POSTA EN MARCHA DO I TORNEO ITINERANTE DE XADREZ DE GAXATE

Gaxate converterase o sábado 26 de setembro nun gran taboleiro ao aire libre coa celebración do I Torneo Itinerante de Xadrez, que percorrerá os lugares da Ponte, Igrexa, Acividos, Portodanta, Mirteira e O Castro, organizado pola Asociación de Veciños San Pedro de Gaxate, en colaboración co Concello da Lama.

A competición comezará ás 10:00 horas e rematará cunha final de exhibición nun taboleiro xigante no Castro. Haberá trofeos para as cinco mellores puntuacións.

A inscrición é gratuíta e permanecerá aberta ata o 20 de setembro, cun máximo de 50 participantes.

As persoas interesadas poden anotarse na Biblioteca Municipal da Lama ou chamar ao teléfono 986 76 82 38, extensión 4.

A iniciativa está organizada pola Asociación de Veciños San Pedro de Gaxate e o Concello da Lama, coa colaboración da Deputación de Pontevedra e doutras entidades.

📅 Sábado, 26 de setembro.

🕙 A partir das 10:00 horas.

📍 Gaxate.

♟️ Inscrición gratuíta.

☎️ 986 76 82 38, extensión 4