08/10/2026
🌳 A Laracha acolleu unha xornada técnica sobre silvicultura de cuberta continua organizada pola Consellería do Medio Rural.
Profesionais vinculados á xestión forestal procedentes de diferentes puntos de Galicia participaron nesta xornada divulgativa, centrada na transformación de piñeirais afectados polas enfermidades das bandas en masas mixtas con frondosas autóctonas.
A actividade desenvolveuse en dúas partes: unha primeira sesión teórica na Casa da Cultura, na que se abordaron diferentes aspectos da xestión e transformación das masas forestais, e unha parte práctica no Monte Carboeiro, onde os participantes puideron trasladar os coñecementos ao propio terreo.
Desde o Concello agradecemos á Consellería do Medio Rural que escollese A Laracha para acoller esta xornada e valoramos especialmente a oportunidade de reunir aquí profesionais de toda Galicia e de poñer en valor o noso patrimonio forestal como espazo para o coñecemento, a formación e o intercambio de experiencias
