Concello de Laxe

10/10/2026

🏆👏 Parabéns ao Modelo Colaxe!

Desde o Concello de Laxe felicitamos a Natali Asorey e ao equipo de Colaxe polo primeiro Premio de Excelencia á Innovación na Diversificación da Actividade Económica no Medio Rural.

💜 Un merecido recoñecemento a un proxecto nacido en Laxe que impulsa o emprendemento feminino e os coidados ás persoas maiores.

📰 Consulta a noticia en La Voz de Galicia:

El Ministerio de Agricultura le ha concedido el primer premio de excelencia a la innovación en diversificación de la actividad económica en el medio rural

10/10/2026

🚧🚜 O CONCELLO DE LAXE INICIA AS OBRAS DE MELLORA DAS VÍAS MUNICIPAIS EN MÓRDOMO E CAMPODORREIRO! 🛣️🏗️

✅ O Concello de Laxe continúa traballando na mellora das infraestruturas municipais e na conservación da nosa rede viaria. Nesta ocasión, dan comezo as obras de renovación e acondicionamento de varias vías municipais nos lugares de Mórdomo e Campodorreiro, na parroquia de Traba.

🔨 As actuacións contemplan:

🔹 Renovación do firme mediante a aplicación dunha nova capa de aglomerado asfáltico.

🔹 Limpeza e acondicionamento das cunetas para mellorar a evacuación das augas pluviais.

🔹 Limpeza e recuperación das marxes dos camiños.

🔹 Reparación das zonas deterioradas e corrección de pequenos afundimentos.

🔹 Mellora das condicións de circulación e seguridade para vehículos e persoas usuarias destas vías.

🌿🏡 Desde o Concello de Laxe seguimos apostando por atender as necesidades das nosas parroquias, mellorando as comunicacións e garantindo unhas infraestruturas máis seguras e adecuadas para o día a día da veciñanza.

🤝 Somos conscientes da importancia que teñen estes camiños tanto para os residentes como para o acceso ás explotacións agrícolas e ás propiedades da zona.

🚧 Pedimos comprensión polas posibles molestias que poidan ocasionarse durante a execución dos traballos.

💙 Seguimos traballando por un Laxe mellor, coidando cada parroquia e investindo no benestar de todos os nosos veciños e veciñas.

10/10/2026

🎶 II CONCERTO DE CORAIS EN LAXE 🎶

Hoxe 10 de outubro temos unha cita moi especial coa música coral na nosa vila. 💙🎼

📅 Sábado 10 de outubro
🕕 18:00 h
📍 Igrexa Santa María da Atalaia de Laxe

Nesta segunda edición contaremos coa participación de:

🎵 Coral Agustín González de Louro
🎵 Coral Polifónica Terramar

Unha tarde para g***r da música, das voces e da cultura nun escenario único. ✨

🙌 Agardámosvos!

🔵 Organiza: Concello de Laxe – Concellería de Comercio, Hostalería, Turismo e Cultura.

09/10/2026

Recorda, 🎬 CINE EN LAXE | “CIUDAD DE LA SELVA”

Hoxe venres 9 de outubro, temos unha nova cita co cinema no Salón de Actos Culturais de Laxe coa proxección do documental “Ciudad de la Selva. Fuxidos e guerrilleiros nos montes de Casaio”.

🗓️ Venres, 9 de outubro
🕗 20:00 h
📍 Salón de Actos Culturais de Laxe

🎥 Tras a proxección terá lugar un coloquio coa Asociación Científica Sputnik Labrego, unha oportunidade para coñecer máis de preto a historia e o traballo de investigación arredor da guerrilla antifranquista nos montes de Casaio.

🤝 Actividade do Cine Clube Portozas, coa colaboración do Concello de Laxe.

🍿 Agardámosvos!

09/10/2026

📢✅ BOAS NOVAS! O XIMNASIO MUNICIPAL DE LAXE VOLVE ABRIR AS SÚAS PORTAS 🏋️‍♀️💪

O Concello de Laxe informa a todos os veciños e veciñas de que o ximnasio municipal xa está de novo en funcionamento, despois da incidencia rexistrada nas instalacións.

⚠️ IMPORTANTE: CAMBIOS PROVISIONAIS NOS ACCESOS E ACTIVIDADES

🚶‍♂️🏟️ ACCESO AO XIMNASIO: A entrada realizarase provisionalmente a través do campo de fútbol, polo que rogamos aos usuarios e usuarias que teñan en conta este cambio.

🏀⚽ ACTIVIDADES DEPORTIVAS: O resto das actividades deportivas continuarán desenvolvéndose no pavillón do colexio, mantendo esta localización ata novo aviso.

🔧🛠️ Dende o Concello seguimos traballando para solucionar definitivamente a incidencia coa maior brevidade posible e recuperar a normalidade en todas as instalacións deportivas municipais.

🙏💙 Queremos agradecer a paciencia, comprensión e colaboración de todos os veciños, veciñas e usuarios das instalacións durante estes días.

😊 Pedimos desculpas polas molestias ocasionadas e agradecemos a vosa colaboración.

📲 Pregamos que compartades esta información para que chegue a todas as persoas usuarias das instalacións deportivas.

💙 Concello de Laxe | Traballando para recuperar a normalidade canto antes.

08/10/2026

🚨⚠️ AVISO IMPORTANTE | INCIDENCIA NO PAVILLÓN MUNICIPAL DE LAXE ⚠️🚨

📢 O Concello de Laxe informa a todos os veciños e veciñas de que, debido a unha incidencia detectada no Pavillón Municipal, vémonos na obriga de realizar cambios nas actividades previstas para o día de hoxe.

🔴 ACTIVIDADES SUSPENDIDAS
🏋️ Todas as actividades que se desenvolvían no ximnasio quedan suspendidas durante o día de hoxe.

📍 CAMBIO DE LOCALIZACIÓN DAS ACTIVIDADES

✅ 🏀 O resto das actividades deportivas trasladaranse ao pavillón do colexio, onde se desenvolverán con normalidade.

✅ ♟️ A actividade de xadrez celebrarase no local Valle Inclán.

🔧🛠️ Dende o Concello estamos a traballar para solucionar esta incidencia coa maior brevidade posible e recuperar canto antes o funcionamento habitual das instalacións.

🙏 Pedimos desculpas polas molestias que esta situación poida ocasionar e agradecemos a comprensión e colaboración de todos os usuarios e usuarias.

📲 Pregamos que compartades esta información para que chegue ao maior número posible de persoas afectadas.

💙 Concello de Laxe | Seguimos traballando por vós.

05/10/2026

🧺✨ CURSO DE CESTERÍA EN LAXE

O Concello de Laxe informa dun novo Curso de Cestería, unha oportunidade para aprender e perfeccionar as técnicas deste oficio artesanal e desfrutar dunha actividade creativa durante os próximos meses. 🌿🙌

📍 Local Social Valle Inclán
📅 Mércores e xoves, ata maio de 2027
▶️ Comezo: 15 de outubro
🕕 Horario: de 18:00 a 20:00 h
📞 Información e inscricións: 606 400 929

🧺 Anímate a descubrir a cestería, aprender novas técnicas e compartir unha actividade ligada á tradición e á artesanía.

05/10/2026

🏃‍♂️💙 O CD TROTALAXE, LEVANDO O NOME DE LAXE ÁS PROBAS DE RUNNING DE MAIOR NIVEL EN ESPAÑA

O que comezou como un grupo de amigos unidos pola paixón por correr converteuse hoxe nun proxecto deportivo que non deixa de medrar. 💪

O CD Trotalaxe continúa dando pasos adiante e participando nalgunhas das probas de running de maior nivel de España, levando con orgullo o nome de Laxe alá onde compite. 🏅

Desde o Concello queremos poñer en valor o esforzo, a constancia e o espírito de equipo de todos os integrantes do club, que son tamén un magnífico exemplo de como o deporte une, crea comunidade e proxecta o noso municipio máis alá das nosas fronteiras. 👏

💙 Parabéns ao CD Trotalaxe por todo o camiño percorrido e polos retos que aínda quedan por conquistar.

🏃‍♀️🏃‍♂️ Seguide sumando quilómetros, experiencias e éxitos!

«Todo o mundo é benvido, sen importar a idade nin o nivel», asegura Iván Pereira el presidente de la entidad

05/10/2026

🎶 II CONCERTO DE CORAIS EN LAXE 🎶

Este sábado 10 de outubro temos unha cita moi especial coa música coral na nosa vila. 💙🎼

📅 Sábado 10 de outubro
🕕 18:00 h
📍 Igrexa Santa María da Atalaia de Laxe

Nesta segunda edición contaremos coa participación de:

🎵 Coral Agustín González de Louro
🎵 Coral Polifónica Terramar

Unha tarde para g***r da música, das voces e da cultura nun escenario único. ✨

🙌 Agardámosvos!

🔵 Organiza: Concello de Laxe – Concellería de Comercio, Hostalería, Turismo e Cultura.

04/10/2026

🏗️ LICITAMOS A REURBANIZACIÓN DO TRAMO NORTE DA RÚA CAMIÑO DA BESUGUEIRA

O Concello de Laxe continúa avanzando na mellora dos espazos públicos e saca a licitación as obras de reurbanización do tramo norte da rúa Camiño da Besugueira, cun orzamento base de 130.000 euros, IVE incluído. As empresas interesadas poden presentar as súas ofertas ata o 26 de outubro.

🚧 Trátase dunha actuación integral que permitirá renovar unha vía que actualmente presenta signos de deterioro e modernizar tanto a pavimentación como os servizos existentes.

🔨 Que actuacións se van realizar?

✅ Creación dunha plataforma única con novo pavimento de formigón desactivado.
✅ Mellora do sistema de drenaxe e recollida de augas pluviais, con novas rigolas e sumidoiros.
✅ Conexión das baixantes dos edificios á nova rede de pluviais.
✅ Renovación de parte da rede de abastecemento de auga.
✅ Melloras na iluminación pública.
✅ Traballos de sinalización e acondicionamento do conxunto da rúa.

O proxecto conta cun investimento total de 130.000 euros e está incluído no POS+ Adicional 2/2025 da Deputación da Coruña.

📑 Coa apertura do proceso de licitación entramos xa na recta final previa ao inicio das obras, que poderán comezar unha vez rematado o procedemento de contratación.

🏘️ Seguimos investindo na renovación das nosas rúas, na mellora dos servizos municipais e nun Laxe máis accesible e cómodo para todos e todas.