O Colexio Fingoi fundado no ano 1950 por Antonio Fernández López, acolléndose á Lei de Centros Experimentais que permitía poñer en marcha unha serie de reformas de tipo pedagóxico. Nos Estatutos deixa deseñado un Modelo Pedagóxico centrado nos Ciclos da Natureza, científico, de coeducación, de ensino globalizado e personalizado, natural, experimental e experiencial que require dun profesorado implicado e comprometido coa reflexión sobre a práctica para ir dando resposta ás diferenzas individuais e ás novas necesidades e retos educativos de cada momento con afán innovador. O Colexio formaba parte dun proxecto cultural máis amplo, o denominado "Centro de Estudos Fingoi", onde se concedían bolsas para investigación e estudo da Cultura Galega. Para dignificar a Cultura Galega e introducila na Escola, desde os años corenta organizou Cursos de Formación para Mestres/as Rurais. Hoxe conta tamén cunha ampla oferta de Actividades para unha educación alternativa, que dentro dun ensino democrático respecta todas as culturas e manifestacións artísticas, coma a Granxa- Escola de Barreiros, coma un proxecto de educación ambiental cunha ampla experiencia e o Centro de Música Fingoi, cun proxecto alternativo, para todas as idades, que fai que os nosos alumnos aprendan, se desenvolvan a través de música, vivíndoa, disfrutándoa e participación continua en concertos, audicións, etc.
