Concello de Mondariz

21/10/2026

🥇🏆 Dous novos éxitos para o Club Alakrám Vermelho no Campionato Galego de Grappling!

O pasado 10 de outubro, o Centro Galego de Tecnificación Deportiva de Pontevedra acolleu o Campionato Galego de Grappling 2026, puntuable para o Campionato de España, no que o Club Alakrám Vermelho acadou excelentes resultados por segundo ano consecutivo. 💪

🥇 Héctor Puentes Fernández, pontareán afincado en Mondariz, proclamouse novamente campión galego e medalla de ouro na categoría Máster A de 84 kg.

🥉 Alan Portas conseguiu a medalla de bronce na categoría sénior de 62 kg.

O club, dirixido por David Pichel e Héctor Puentes, conta cunha ducia de deportistas da nosa contorna e continúa medrando grazas ao esforzo, á dedicación e ao compromiso dos seus integrantes.

🥋 Un deporte que fomenta valores como a disciplina, o respecto, o compañeirismo e a superación persoal.

💚 Dende o Concello de Mondariz queremos felicitar os medallistas e todo o equipo do Club Alakrám Vermelho polos resultados acadados. Parabéns e moitos éxitos nos próximos campionatos!

21/10/2026

20/10/2026

🎥 «Sirât» chega a Vilasobroso co Ciclo Mestre Mateo!

Este domingo, o Casino de Vilasobroso acolle a proxección de «Sirât», a película de Oliver Laxe que nos transporta ata o deserto de Marrocos nunha intensa historia de procura e supervivencia. 🏜️

🎞️ Un pai e o seu fillo percorren diferentes festas de música electrónica na procura de Mar, a súa filla e irmá, desaparecida meses atrás. Unha viaxe que os levará a adentrarse no deserto seguindo a esperanza de atopala.

📅 Domingo 25 de outubro🕗 20:00 h📍 Casino de Vilasobroso

🍿 Unha nova oportunidade para descubrir o cinema galego e compartir cultura preto da casa.

💚 Agardámosvos en Vilasobroso!

20/10/2026

🍿 O Ciclo Mestre Mateo chega a Queimadelos!

Este venres temos unha nova cita co cinema galego na Casa Cultural de Queimadelos, cunha sesión que nos convida a reflexionar sobre as nosas crenzas, as raíces e a vida no rural. 🎥

🎞️ «O corpo de Cristo»: unha curtametraxe sobre Adela, unha muller que busca respostas ao seu sufrimento entre a medicina, a relixión e as crenzas populares.

🎞️ «Deuses de pedra»: un documental que acompaña a Mariana desde a infancia ata o momento de tomar unha decisión importante: deixar a súa aldea para continuar os seus estudos.

📅 Venres 23 de outubro🕗 20:00 h📍 Casa Cultural de Queimadelos

💚 Animámosvos a achegarvos e g***r dunha nova xornada de cinema e cultura na nosa parroquia!

20/10/2026

🕊️ Homenaxe ás vítimas da ditadura en Mondariz

Este sábado 24 de outubro celebraremos un acto de lembranza e homenaxe ás vítimas da represión franquista, no espazo dedicado á súa memoria en Laredo.

Un encontro para manter viva a memoria histórica, lembrar a quen sufriu a violencia da ditadura e reafirmar o noso compromiso coa dignidade, a xustiza e a memoria democrática.

📅 Sábado 24 de outubro
🕥 10:45 h
📍 Laredo, curva do Matadoiro, estrada Mondariz–Vilasobroso.

🎙️ O acto contará coas intervencións de Mario Pereiro, arqueólogo, e Pablo Barcia, alcalde de Mondariz.

🌹 Lembrar é tamén unha forma de honrar a quen xa non está.

19/10/2026

🎬 O Ciclo Mestre Mateo continúa percorrendo as parroquias de Mondariz!

As parroquias de Mouriscados e Meirol xa g***ron das proxeccións do Ciclo Mestre Mateo, unha iniciativa que achega o cinema galego á nosa veciñanza. 🍿

📍 Esta semana, o ciclo continúa nas parroquias de Queimadelos e Vilasobroso, levando novas oportunidades para compartir cultura e cinema preto da casa.

💚 Seguimos apostando por achegar a cultura a todas as parroquias do noso concello!

19/10/2026

🌰🎶 O Magosto chega a Mondariz!

Este sábado 24 de outubro, a Praza de Abastos énchese de música, tradición e bo ambiente para celebrar unha das festas máis especiais do outono. 🍂

🎵 Programa de actuacións:

🕕 18:00 h – Grupo de saxos D'sax3
🕖 19:00 h – Grupo de Gaitas Castromao
🕗 20:00 h – Grupo Folclórico Castromao
🕘 21:00 h – Guriñas do Castromao

🌰 Castañas de balde para todas as persoas asistentes e 🍽️ comida a prezos populares para completar a celebración.

📅 Sábado 24 de outubro
📍 Praza de Abastos de Mondariz
⏰ A partir das 18:00 h

💚 Animámosvos a achegarvos e compartir unha tarde de música, gastronomía e tradición en boa compañía!

19/10/2026

🌿 Así vivimos o primeiro roteiro micolóxico da tempada en Mondariz!

O pasado sábado gozamos dunha xornada de natureza e aprendizaxe coa celebración do primeiro roteiro micolóxico deste outono, que contou coa asistencia de todas as persoas inscritas. 🥾

Comezamos cunha introdución teórica ao fascinante mundo dos fungos para, a continuación, saír ao monte e poñer en práctica o aprendido.

🍂 Aínda que as condicións desta tempada non están a favorecer a aparición habitual de cogomelos, conseguimos descubrir diferentes especies, tanto comestibles como tóxicas, de variadas formas e cores.

💚 Grazas a todas as persoas participantes polo seu interese e por compartir esta experiencia de descubrimento e respecto pola nosa contorna natural.

E isto non remata aquí! Pronto teremos unha nova oportunidade para seguir descubrindo os nosos montes. 🍄

16/10/2026

🛣️ Mellora dos viais nas parroquias de Mondariz.

O Concello de Mondariz ponse mans á obra coa capa de rodadura de viais nas parroquias do municipio, no marco do Plan Vía Depo da Deputación de Pontevedra.

Esta actuación permitirá renovar o pavimento e mellorar as condicións de circulación, facilitando os desprazamentos diarios da veciñanza.

🔵 Seguimos traballando no mantemento e na mellora das infraestruturas municipais.

16/10/2026

🤝 Un encontro para fortalecer os lazos con Vila de Sobrosa.

Formamos parte da Feira Quinhentista por convite das autoridades de Vila de Sobrosa, a freguesía portuguesa irmandada coa nosa parroquia de Vilasobroso.

🥁 Unha ocasión que aproveitamos para compartir tradicións, recoñecer o patrimonio cultural dos nosos veciños e seguir estreitando os vínculos de amizade entre ambas as comunidades.

Grazas a Vila de Sobrosa pola acollida!