BNG Monterroso

24/10/2026

Monterroso gaña voz!

Dende o BNG de Monterroso queremos trasladarlle os nosos parabéns á nosa compañeira Inma, que ocupará o terceiro posto na candidatura do BNG ao Congreso dos Deputados.

É un orgullo que unha compañeira do noso equipo dea este paso para defender os intereses de Lugo e de Galicia, os servizos públicos, a igualdade e os dereitos da maioría social.

Estamos convencidos de que o seu compromiso coa terra e a súa capacidade de traballar polo territorio serán un gran valor para esta candidatura.

Moitos parabéns, Inma! Todo o noso apoio. A seguir construíndo un país con máis voz, máis forza e máis futuro! 💙✊

Moita forza tamén a Olalla e a Iago, a buscar o noso sitio en Madrid!

“Queremos máis forza en Madrid para defender Galiza e unha vida digna para a xente deste País”, proclama Ana Pontón no Consello Nacional

20/10/2026

En febreiro de 2024, o BNG levou ao Pleno a proposta de elaborar un Plan Municipal de Igualdade. A resposta do PP foi cualificala de “demagóxica” e non aceptala.

Agora, máis de dous anos despois, o Concello decide contratar a súa elaboración. Alegrámonos de que o goberno municipal rectifique e asuma unha proposta que daquela desprezaba.

Pero agora vén o importante, o Plan non pode quedar nun documento gardado nun caixón.

Por iso é importante un diagnóstico real das necesidades das mulleres de Monterroso. Medidas concretas, con recursos e prazos. Participación veciñal e do tecido asociativo. Seguemento dos resultados e compromiso político.

A igualdade non pode depender das conveniencias de cada momento nin activarse só cando hai fondos que repartir, motivo polo que se crea agora. Dende o BNG seguiremos facendo propostas útiles, aínda que o PP tarde dous anos en recoñecer a súa importancia.

O portavoz nacionalista, Brais Vázquez, lembra que o PP cualificara daquela a iniciativa de "demagóxica" e reclama que o documento inclúa medidas concretas, recursos e participación veciñal

18/10/2026

🏥 A residencia de Monterroso, prometer, pechar e volver pagar por aquilo que xa tiñamos.

No debate plenario deixámolo claro, no grupo do BNG apostamos por recuperar a residencia que xa existía en Monterroso, fronte a outros modelos. Pero hai algo que non podemos deixar pasar, a residencia pechou hai seis anos e agora necesitamos medio millón de euros para recuperar un servizo que xa estaba en funcionamento.

E mentres tanto, o PP leva anos anunciando unha residencia como unha das súas grandes prioridades. No programa electoral de 2019 xa prometía unha «verdadeira residencia da terceira idade».

Dende o BNG apoiamos investir na recuperación da residencia municipal. Preferimos un modelo próximo, de dimensión reducida e orientado ás necesidades da veciñanza antes que entregar o futuro deste servizo á iniciativa privada.

O que non aceptamos é que se presente como un gran logro recuperar, seis anos despois, aquilo que nunca deberiamos ter perdido.

Menos propaganda e máis xestión. Monterroso merece unha residencia en funcionamento, non promesas que se repiten elección tras elección.

17/10/2026

15/10/2026

🏥 A residencia de maiores de Monterroso, tantas promesas e tan poucos feitos.

Durante anos, o Partido Popular encheu titulares e intervencións de compromisos sobre a construción dunha residencia de maiores en Monterroso.

Primeiro anunciárona, despois presentárona como unha prioridade e mesmo se falou do compromiso da Xunta para financiala. Pero a realidade é que seguimos sen unha solución.

📌 Tres anos consecutivos leva o BNG de Monterroso con enmendas aos orzamentos da Xunta reclamando unha residencia pública en Monterroso. Tres anos consecutivos de negativas.

Mentres tanto, o goberno municipal tampouco foi quen de impulsar unha proposta seria, clara e consensuada para reclamar este servizo esencial ante a Xunta.

Desde o BNG témolo claro, a atención ás persoas maiores non pode depender de anuncios electorais nin de fotografías institucionais. Monterroso necesita compromisos verificables, financiamento garantido e vontade política. Non chega con dicir que a residencia é unha prioridade. Hai que demostrar que realmente o é.

13/10/2026

🏡 MONTERROSO MERECE UN PROXECTO SOCIOSANITARIO REAL, NON PROMESAS QUE SE PERDEN NO TEMPO.

Achégase 2027 e toca facer balance. E hai preguntas que o goberno municipal segue sen responder.

❌ Primeiro, a residencia ía situarse no Lorenzo Varela.
❌ Despois, falouse dunha finca que había que adquirir.
❌ Agora, a proposta pasa por destinar fondos a arranxar o edificio da antiga residencia, que acabou pechando.

Tres escenarios diferentes e unha mesma realidade, Monterroso continúa sen un proxecto sociosanitario claro, definido e con garantía de financiamento.

Desde o BNG levamos tempo advertindo de que os orzamentos non poden sustentarse en anuncios sen unha financiación asegurada.

A veciñanza merece planificación, transparencia e compromisos que se cumpran. Porque falamos de servizos esenciais, de persoas maiores e do futuro do noso concello.

Menos promesas e máis feitos. Monterroso necesita un proxecto sociosanitario real.

10/10/2026

O temporal non pode converterse en permanente.

Se unha necesidade se mantén no tempo, o Concello debe recoñecela, planificala e incorporala correctamente á súa estrutura de persoal.

O propio informe de Intervención alerta sobre o exceso de temporalidade.

E o mesmo sucede coas bolsas de emprego, deben existir regras claras, iguais para todas as persoas e unha trazabilidade completa dos chamamentos.

Saber a quen se chama, cando, como e por que, non debería ser unha esixencia extraordinaria, senón unha garantía básica de transparencia.

09/10/2026

🚸 A seguridade do alumnado non pode seguir esperando.

Cada curso, volvemos atoparnos cos mesmos problemas de tráfico na contorna do IES. Unha circulación desordenada, dificultades nas entradas e saídas e falta de medidas que garantan a seguridade do alumnado, das propias familias e do persoal.

O máis preocupante é que o Concello xa tiña unha proposta do BNG enriba da mesa desde febreiro para elaborar un plan de tráfico e ordenar esta contorna. Pasaron os meses e seguimos igual.

Agora, ademais, contamos cun novo marco normativo que reforza a protección das persoas máis vulnerables e aposta por contornas e camiños escolares seguros.

Brais Vázquez critica os problemas de circulación nas horas de entrada e saída do IES e lembra que o Concello non atendeu a proposta presentada polo grupo nacionalista en febreiro

06/10/2026

Sen persoal non hai servizos públicos.

Un Concello non se sostén só con obras e infraestruturas, precisa persoas que as fagan funcionar.

No Pleno defendemos unha política de persoal planificada, estable e adaptada ás necesidades reais de Monterroso, deixando atrás os parches e a temporalidade permanente.

A RPT de 2018 xa non responde á realidade do 2026. Os servizos cambiaron, as necesidades tamén e a estrutura municipal debe adaptarse.

O propio informe de Intervención alerta das consecuencias dunha xestión inadecuada da temporalidade. Planificar hoxe é evitar problemas mañá, a estabilidade laboral tamén é garantir servizos públicos de calidade.