BNG Moraña

Inicio
España
Moraña
BNG Moraña

Cómo llegar Página web

Páxina do Bloque Nacionalista Galego de Moraña

26/09/2026

🎉 Hoxe Mariña e Marcos, do grupo municipal do BNG, asistiron a celebración do XXV aniversario do Xantar da Terceira Idade.

😃 Unha oportunidade de encontro para os/as veciños/as que forman parte esencial da vida e da historia do noso concello.

💙 25 anos celebrando a convivencia e os lazos que unen á veciñanza de Moraña.

05/09/2026

🥇👏🏻 Queremos dar a noraboa ao noso veciño Roi Paz Bugallo, quen vén de proclamarse Campión de España Junior na proba nadar-surf.

🏆 É un orgullo para Moraña contar con deportistas xóvenes deste nivel!

04/09/2026

👥 Onte asistimos ao encontro veciñal para falar do futuro da sanidade pública en Moraña e da necesidade de defender uns servizos sanitarios públicos, próximos e de calidade.

🗣️ O BNG de Moraña adheriuse á Plataforma en Defensa da Sanidade Pública de Moraña, sumándonos ao traballo colectivo para reclamar os recursos e servizos que a nosa veciñanza merece.

🏥🩵A sanidade pública deféndese na rúa, nas institucións e, sobre todo, coa participación de toda a veciñanza.

30/08/2026

🐷🔥 Porquiño á brasa, tradición e festa en Amil

Este fin de semana, Amil volve reunirnos arredor dunha das súas celebracións máis queridas: o Porquiño á Brasa, que chega xa á súa ###III edición.

Unha festa que forma parte da nosa identidade, que mantén vivas as tradicións e que, ano tras ano, converte Amil nun punto de encontro para veciñanza e visitantes.
Hoxe domingo continúa a programación, con música, xogos tradicionais, artesanía, xantar popular e, por suposto, o protagonista da festa: o porquiño á brasa.

Desde o BNG de Moraña queremos aproveitar para poñer en valor e apoiar as festas e iniciativas que nacen das nosas parroquias, do traballo das asociacións e da implicación da veciñanza.

Coidemos as nosas tradicións, a nosa cultura e a vida das nosas parroquias.

🎉 Bo Porquiño á Brasa a toda a veciñanza de Amil!

27/08/2026

❌💶 A planificación orzamentaria do PP de Moraña é un despropósito.
A nova proposta que fai esta semana para un aumento orzamentario de 179.137 € demostra que o goberno do PP en Moraña actúa sen planificación, sen contención e sen axustes no gasto público.

➡️ Con esta proposta do PP, o noso concello pasará a ser un dos que máis gasto efectua en festas populares, xa que ao crédito inicial de 225000 € establecido nos orzamentos se lle sumarán 50.000 € a maiores, que supón un incremento de máis do 20% neste tipo de gasto.

💸 Á falta de transparencia súmase así un gasto público desmedido e sen unha planificación clara. Gobernar tamén significa establecer prioridades, facer un uso responsable dos recursos públicos e poñer os servizos á cidadanía por diante do gasto sen control.

📉 Desde o BNG de Moraña consideramos que esta política orzamentaria é un lastre para o concello. Moraña necesita planificación, transparencia e prioridades claras, non máis gasto sen rumbo.
Os cartos públicos deben estar ao servizo das persoas e das necesidades de Moraña.

22/08/2026

🎶 Hoxe tivemos o pracer de acompañar á Banda de música Nova Lira de Moraña na celebración do seu 40 aniversario, nunha xornada de festa e encontro nun marco incomparable como é a Carballeira da Chán.

🫂 Catro décadas de compromiso coa música, coa cultura e coa vida social do noso concello, sendo parte fundamental de tantas celebracións e momentos compartidos.

👏🏻 Parabéns á Banda de Música Nova Lira de Moraña por estes 40 anos de historia e grazas polo enorme traballo realizado para manter viva a música e a cultura en Moraña.

🎼 Que sigan soando moitos anos máis!

18/08/2026

✊🏻 Onte asistimos ao acto conmemorativo do Día da Galiza Mártir, unha xornada para manter viva a memoria de todas as persoas que sufriron a represión e deron a súa vida na defensa da liberdade, da democracia e de Galiza.

🩵 Neste día lembramos especialmente a Alexandre Bóveda, asasinado o 17 de agosto de 1936. O seu compromiso coa defensa de Galiza e cos valores democráticos converteuno nun símbolo da nosa memoria colectiva.

⭐ Lembrar é tamén reivindicar. Memoria, dignidade e compromiso con Galiza.

15/08/2026

📍📚 Onte asistimos á presentación do traballo «Toponimia do Concello de Moraña. Unha primeira aproximación», do noso veciño José Ramón Couto Fariña.

🔝 Foi unha xornada interesantísima que nos permitiu coñecer, preservar e poñer en valor os nomes dos nosos lugares e, con eles, parte da historia e da memoria de Moraña.

👏🏻 Parabéns ao autor e ao resto de persoas que interviron por este importante traballo e grazas por contribuír a manter viva a nosa toponimia.

31/07/2026

📚🌿 O vindeiro 14 de agosto terá lugar a presentación do traballo "Toponimia do Concello de Moraña", unha valiosa investigación de José Ramón Couto Fariña que contribúe a preservar e poñer en valor a memoria, a historia e o patrimonio inmaterial do noso concello.

👏🏻 Parabéns ao autor e a todas as persoas que fixeron posible esta iniciativa, fundamental para coñecer mellor as nosas raíces

Dirección

Rua 5, 14
Moraña
36660

Página web

http://www.xn--bngmoraa-j3a.org/

Notificaciones

Sea el primero en enterarse: le enviaremos un correo electrónico cuando BNG Moraña publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.