Concello de Neda

24/10/2026

🙋‍♂️Lembramos que esta madrugada toca cambio de hora. Haberá que atrasar o reloxo. E así, ás 3:00 volverán ser as 2:00 h.

23/10/2026

Este luns, a partir das 12 horas, haberá sesión extraordinaria e urxente do Pleno do Concello na Casa Consistorial. Compartimos a orde do día da reunión que, como sempre, está aberta á veciñanza.

23/10/2026

📅Apuntade en axenda. O sábado 31, de 19 a 21 horas, celebra o samaín e o seu tradicional magosto. O núcleo urbano centralizará a programación festiva, cunha renovada “Senda das ánimas” 🧟‍♂️🎃, destinada ao público infantil (acompañado por adultos) e xuvenil, como principal aposta. Desta volta, o percorrido pola Rúa Real sumará ás escenas teatralizadas e sustos, probas que haberá que superar para avanzar. Cada poucos minutos, arrincará unha quenda con 20 valentes😉.

👉De luns a mércores, ábrese un prazo de inscrición na biblioteca municipal ( ☎ 981390233) exclusivo para a rapazada nedense. E o xoves e venres, poderán apuntarse visitantes ata cubrir as 480 prazas dispoñibles.

🌰De forma simultánea, haberá magosto, con animación musical, na Casa das Palmeiras. Unha cita aberta ao conxunto da cidadanía.

23/10/2026

⌛Ata fin de mes é posible apuntarse nos cursos gratuítos de prevención de riscos no fogar e primeiros auxilios para maiores de 👴👵, que o Concello ten previsto levar a cabo durante o mes de novembro co apoio da Deputación da Coruña 🤝. Impartiranse -sempre que haxa grupo- en Anca e no Roxal (luns e mércores, ás 16 e 18 h, respectivamente), e na Casilla do Puntal e no centro cívico, os martes e xoves nos mesmos horarios.

👉Inscricións na Casa do Concello ou chamando ao ☎ 981380039.

22/10/2026

📅O próximo martes, nova cita co IX Ciclo nacional de Cine y Mujeres rurales, que impulsa o Ministerio de Agricultura e no que colabora o Concello🤝. Nesta segunda entrega, proxectarase na Casa da Cultura o filme “La buena letra” 🎞. Unha película de Celia Rico, ambientada na posguerra española, e centrada nas relacións familiares e no papel das mulleres dentro dunha contorna onde muchos sacrificios quedan ocultos tras a aparente normalidade. 🕗A cita, con entrada libre, terá lugar a partir das 20 horas .

22/10/2026

🎭Neda retomará en novembro as escolas municipais de teatro. A rapazada afeccionada ao mundo da interpretación volverá ter na vila a oportunidade de formarse e de pisar por primeira vez as táboas dos escenarios😊. O Concello abre dende xa o prazo de inscrición, chamando ao ☎ 981390233, para sumarse ás súas agrupacións infantil, de 6 a 12 anos, e xuvenil, de 13 a 18 anos, que volverán contar como mestra con Marián Rei.

👉Ao estar os grupos asentados, as prazas son limitadas. O ensaio do máis pequenos terá lugar na Casa da Cultura todos os mércores, de 17:30 a 19:00 h, e o dos maiores, os venres, de 17:00 a 20:00 h. A actividade prolongarase ata xuño.

22/10/2026

🌰Lembramos que ata fin de mes, os maiores de poden apuntarse de balde nos Servizos Sociais para asistir ao Magosto da Terceira idade 👴👵, que terá lugar o venres 6 de novembro (18 h) no centro cívico. A actividade de lecer incluirá a tradicional merenda con castañas asadas, boliños preñados e proia, e animación musical en directo🎶.

21/10/2026

📣Esgotados os convites para o espectáculo “Enredadas no Camiño” co que este venres en a humorista Leti Da Taberna pecha a súa xira, iniciada en agosto, por dez localidades situadas nas rutas de peregrinación a Compostela. A proposta incluída no ciclo municipal "Tempo para o teatro", chega á vila da man do programa O teu Xacobeo, da Xunta.
-

21/10/2026

🎞 🕗Esta tarde, a partir das 20:00 horas, cita na Casa da Cultura de co “IX Ciclo nacional de cine y mujeres rurales”. Proxéctase a película “Lo que queda de ti”, escrita e dirixida por Gala Gracia. Entrada libre. Non faltedes!! 😉

ESTRENO EN CINES 16 DE MAYO DE 2025Más info: https://karmafilms.es...

16/10/2026

📣 Cumprindo o anunciado no pleno do mes de agosto, o Concello de Neda iniciaba estes días os traballos de limpeza do río Basteiro entre os lugares das Augas e Santa María 🎋🌿. A administración local, conforme ao autorizado por Augas de Galicia, está a facer unha “roza de maleza de carácter leñoso e herbácea localizada no leito do regato e nos muros da canle”, ademais de retirar a vexetación das marxes, vexetación morta e lixo.

👉A diminución do caudal e da velocidade da corrente da auga do regato, tras as obras de eliminación do azud de Pontegrande, son propicias para a colonización rápida do leito por plantas halófilas. Neste contexto, o Concello pretende levar a cabo dúas limpezas ao ano✅.